بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ىرىس الدى ىنتىماق

   چىن چىن، مىرزات حالمۇرات، لۋ يىڭ

2016.09.18 14:03     كەلۋ قاينارى : شينجياڭ گازەتى

  كۇنلۇن تاۋى قويناۋىنا ىرگە كومگەن بيڭتۋان 14 - ديۆيزياسىنىڭ 1 - مال فەرماسىنىڭ جەرى ءۇستىرت، اۋاسى سالقىن بولعانىمەن، ونداعى جۇرت جىلى مەيىردەن كەندە ەمەس.

  تەڭىز دەڭگەيىنەن 2300 - 4500 مەتر بيىك وسى القاپتا بيڭتۋاننىڭ 2700دەن اسا ءار ۇلت قىزمەتشىسى جەرگىلىكتى مالشىلارمەن اۋىلى ارالاس، قويى قورالاس تىرشىلىك ەتىپ كەلەدى. ولاردىڭ بەرەكە - بىرلىگى قۇپ جاراسىپ، قاتار اۋقاتتاندى، از ۇلتتار شوعىرلى قونىستانعان وڭىردە ايرىقشا وزگەشەلىككە يە «توعىسپالى» دامۋدىڭ سارا جولىن اشتى.

  ۇلتتار ىنتىماعىنىڭ ىرگە تاسى بولا ءبىلدى

  9 - تامىزدا جاڭ يۇڭجين 1 - روتانىڭ تولدەۋلىگىندە جەر داۋى بولعانىنان حابارلى بولىپ، تىزگىن ۇشىمەن سولاي جونەلدى.

  تۇستەن بۇرىن شەريا اۋدانى نۇر اۋىلى بۇزاڭ قىستاعىنىڭ تۇرعىنى نازاربەك يمىننياز قورالى قويىن ايداپ، كۇزەۋگە قاراي كوشكەندە، مالى 1 - مال فەرماسى 1 - روتاسىنىڭ قىزمەتشىسى مامەتوللا باديدىڭ جايلىمىن تاپتاپ كەتەدى.

  جاڭ يۇڭجين جاعدايدى بىلگەننەن كەيىن، دەرەۋ مامەتوللا مەن نازاربەكتى جاراستىرادى.

  بيىل 62 جاستاعى جاڭ يۇڭجين ۇيعۇر ءتىلىن جەتىك بىلەدى، ونىڭ ۇستىنە ۇزاقتان بەرى جەرگىلىكتى بۇقارامەن قويان - قولتىق ارالاسىپ كەلگەندىكتەن، مالشىلاردىڭ اراسىندا بەدەلدى، جۇرت ونى بالا كۇنگى لاقامى بويىنشا «روتا كومانديرى شيشي» دەپ جاقىن تارتا، قۇرمەتپەن اۋىزعا الادى، جەرگىلىكتى جۇرتتىڭ كوڭىلىندە ول قارا قىلدى قاق جاراتىن «تۋرا بيدەن» كەم ەمەس.

  «ول تالاس - تارتىستى، داۋ - دامايدى جاراستىرۋعا ءجۇرىپ تۇر، ەشكىمگە جان باسپايدى، وتە ءادىل»، - دەدى نازاربەك.

  جاڭ يۇڭجين 1990 - جىلدان بەرى 1 - مال فەرماسىندا قىزمەت اتقارىپ كەلەدى، جىلدار بويى جەرگىلىكتى جۇرتپەن دامدەس - تۇزداس بولىپ كەلگەندىكتەن، كىمنىڭ ۇيىندە قانشا جەر، قانشا مال بار ەكەنى وعان بەس ساۋساعىنداي انىق. 26 جىلدان بەرى جاڭ يۇڭجين جەر داۋىنا بايلانىستى 700 اسا تالاس - تارتىستى شەشىپ، ازاماتتىق ىستەر جونىندەگى 400دەن اسا داۋ - دامايدى جاراستىردى. مەيلى قانداي داۋ بولسىن جاڭ يۇڭجين پرينسيپتەن بۇلجىمايدى، قازىرگە دەيىن ول جاراستىرعان داۋ - دامايدىڭ بىردە - ءبىرى قايتا قوزداعان ەمەس.

  «ماسەلەنى شەشكەندە، بىرەۋىنە بۇيرەگىڭ بۇرىلسا، ول دۇرىس شەشىم تاپپايدى، ءسوز جوق، ادىلدىك پەن تۋراشىلدىق پرينسيبىنەن اۋىتقىماۋ كەرەك، سوندا عانا ەل - جۇرت الدىندا بەتىڭ جارىق بولادى، ويتكەنى پالەنىڭ بارلىعى ۇساق داۋدان باستالادى، ماسەلەنى ۋشىقتىرماي، تۇيمەدەي كەزىندە شەشە بىلسەك، تۇيەدەي ماسەلەدەن ساقتانۋعا بولادى»، - دەدى جاڭ يۇڭجين.

  مال فەرماسىنىڭ جاعدايى وتە جاپالى، كەزىندە 1 - مال فەرماسىنان اۋىسىپ كەتۋگە 7 رەت وراي تۋسا دا، جاڭ يۇڭجين جىلى ورنىن سۋىتقان جوق. بىلتىر قاڭتار ايىندا زەينەت جاسىنا جەتكەندە، ۇيعۇر باۋىرلاستار كوز جاسىن كولدەتىپ، جاڭ يۇڭجيننىڭ ورنىندا قالۋىن سۇرانادى، سونىمەن 1 - مال فەرماسىنىڭ پارتكومى ونى ساياسي - زاڭ كوميتەتى شۋجيىنىڭ كومەكشىسى قىزمەتىنە قايتا شاقىرادى.

  مال فەرماسىنا تامىر تارتىپ، ىرگە تاس بولا بىلگەن ءورشىل رۋحىمەن «مەملەكەتتىك تاڭداۋلى حالىق جاساعى»، «ۇلتتار ىنتىماعى، العاباسارلىعىنىڭ مەملەكەتتىك وزاتى» سياقتى ماراپاتتارعا يە بولىپ، بيڭتۋاننىڭ «1 - مامىر» ەڭبەك وردەنىن تاقتى. بىلتىر ول «مەملەكەتتىك 5 - كەزەكتى ءمورال ۇلگىسىنە» ۇمىتكەر رەتىندە ۇسىنىلدى.

  تاي - قۇلىنداي تەبىسىپ بىرگە ءوستى

  1 - مال فەرماسىنىڭ ورتا مەكتەبى كوپ جىلدان بەرى جەرگىلىكتى از ۇلت مالشىلارىنىڭ پەرزەنتتەرىن وقۋعا قابىلداۋعا ەرەكشە ءمان بەرىپ، مەكتەپ الدى دايىندىق كلاستارىنان ورتالاۋ مەكتەپكە دەيىن «ءبىر ءىزدى» تاربيەلەۋ - وقىتۋ ۇلگىسىن قولدانىپ، بالالاردىڭ بىرگە ءجۇرىپ، بىرگە تۇرۋىنا، بىرگە ءبىلىم الىپ، بىرگە ەسەيىپ - ەرجەتۋىنە مۇمكىندىك جاساپ، ءار ۇلتتىڭ ارالاسۋىن، ىشتەسۋىن، توعىسۋىن جەبەدى.

  «بىزنەشە بۋىننىڭ قۇلشىنىسىمەن»... «مۇنداعى قۇلشىنىس» دەگەن ءسوز حانزۋشا قالاي جازىلادى؟ بيىل 6 - جىلدىقتىڭ 1 - كلاسىنان وقۋ تاۋىسقان تۇرسۇنجان ءماتروزى پارتالاسىنان بىلمەگەنىن سۇراپ وتىر. ما جىيە وعان تاپتىشتەپ ءتۇسىندىردى. قازىر جازعى دەمالىس بولعانىمەن، تۇرسۇنجان سوڭعى كۇندەرى تىنىم العان جوق، ورايى كەلسە بولدى پارتالاسى ما جىيەنىڭ ۇيىنە بارىپ، حانزۋ ءتىلىن ۇيرەنىپ ءجۇر.

  بيىل مامىر ايىندا تۇرسۇنجان قاتارلاس جىلدىقتاعى 7 ساباقتاسىمەن بىرگە ىشكى ولكە ورتا مەكتەبىندەگى شينجياڭ كلاسىنا وقۋعا قابىلداندى. «مەكتەبىمىز ورىستەتكەن از ۇلت جانە حانزۋ ساباقتاستاردىڭ ءبىر - بىرىنەن ءتىل ۇيرەنۋ قيمىلى مەنىڭ جوعارى ءنومىر الۋىما سەبەپ بولدى، مەنىڭ ىشكى ولكە ورتا مەكتەبىندەگى شينجياڭ كلاسىنا قابىلدانۋىمدا ما جىيەنىڭ ۇلەسى بار»، - دەدى ول.

  1 - مال فەرماسىنىڭ ورتا مەكتەبى مەكتەپكە دەيىنگى تاربيە جانە ورتا، باستاۋىش مەكتەپ وقىتۋى ءبىر تۇلعالانعان تولىق كۇندىك «قوس ءتىلدى» جاتاقتى مەكتەپ، مەكتەپتەگى 632 وقۋشىنىڭ 518ى از ۇلت بالالارى. مەكتەپ بالا باقشادان باستاپ از ۇلت جانە حانزۋ بالالارىن ارالاس تاربيەلەۋ، ارالاس جاتقىزۋ ءتاسىلىن قولدانىپ، ۇلتتار ىنتىماعىن جەبەپ كەلەدى. ءبىر ءۇيلى جانداي ەتەنە

  تالاي جىلدان بەرى 1 - مال فەرماسى ۇلتتاردىڭ بەرەكە - بىرلىگىن ساقتاپ كەلدى. قازىر تۇتاس فەرماداعى قىزمەتكەرلەر ءوزارا ەتەنە، سەن - مەن دەسپەيدى، كۇنلۇن تاۋىنىڭ باۋرايىندا ۇلتتار ىنتىماعىنىڭ شوق - شوق گۇلى جايقالا ءوستى.

  1 - مال فەرماسى بيىل جاڭادان جوبالاعان 10 مىڭ مۋلىق ۇلگى اتىزىندا، شەريا اۋدانى نۇري اۋىلى اچما قىستاعىنان 1 - مال فەرماسىنا كەلىپ قونىستانعان ديقان روزى توقتى اتىز باسىندا بولادى، ونىڭ كوكتەمدە ەككەن بۇرشاق، ءبيداي جانە اسقاباعىنان مول ءونىم الۋىنان ءۇمىت زور.

  1 - مال فەرماسىنا بيىل ناۋرىزدا كوشىپ كەلگەن روزى، مۇنداعى جاعدايدى كورگەندە قاتتى وكىنگەن بولاتىن. روزى سونداعى جاعدايدى ەسكە الىپ بىلاي دەدى: جاڭعاق ەگەتىن جەر تاستاق ەكەن، بۇل اراعا بىردەڭە ەگۋگە بولاتىنىنا كوزىم جەتپەدى.

  گانسۋداعى مەكەنىنەن كوشىپ كەلىپ، 1 - مال فەرماسىنا قونىستانعان جۋ لۇڭجۇڭ اتىزدا جۇمىس ىستەپ جۇرگەندە روزىمەن تانىستى. ول روزىنى كەتپەۋگە ءناسيحاتتاپ: بۇرشاق، ءبيداي سياقتىلاردىڭ تۇقىمدارىن روتا تەگىن بەرەدى، ونىڭ ۇستىنە روتادا تەحنيكالىق جەتەكشى دە بار، تامشىلاتىپ سۋارۋ تەحنيكاسى دا جالپىلاستىرىلادى، زيان تارتپايتىنىڭ انىق، - دەدى.

  جۋ لۇڭجۇڭ جۇمىس بارىسىندا روزىنىڭ اتىزدى باسقارۋعا تىم شەبەر ەمەستىگىن بايقاپ، ىرىقتىلىقپەن وعان ۇستاز بولدى. «مىنا شوپتەردى وتاپ تاستاۋ كەرەك، بۇرشاق وسپەگەن جەرلەرگە ارام ءشوپ قۇرتقىش ءدارى شاشساڭ بولادى». روزى: جۋ لۇڭجۇڭ ۇستازىمنىڭ بۇل سوزدەرى قۇلاق تۇبىمدە قايتا - قايتا جاڭعىرىپ تۇرادى، - دەدى.

  قازىر روزى مەن جۋ لۇڭجۇڭ ارالارىنان قىل وتپەستەي دوسقا اينالدى، ەكەۋى بىرلەسىپ روتادان 100 مۋ جەردى كوتەرمەگە الىپ، بىرگە اۋقاتتاندى.

  1 - مال فەرماسى شەريا اۋدانىنداعى 4 اۋىل - قالاشىقپەن ىرگەلەس. «بيڭتۋان مەن جەرگىلىكتى ورىندى ءبىر تۇلعا ساناۋ يدەياسى» بويىنشا، بىلتىر 1 - مال فەرماسى شەريا اۋدانى نۇري اۋىلىمەن «بيڭتۋان مەن جەرگىلىكتى ورىننىڭ توعىسپالى دامۋ ستراتەگياسىنىڭ ەسكەرتپە حاتىنا» جانە «بيڭتۋان مەن جەرگىلىكتى ورىننىڭ توعىسپالى دامۋىنداعى وسى زامانعى اۋىل شارۋاشىلىعىنىڭ ۇلگى رايونىنداعى سەلبەستىك جۇلگەسى كەلىسىمىنە» قول قويدى ءارى جەرگىلىكتى ورىننان ارتىق ەڭبەككۇشتەردى كاسىپتەندىرىپ، قونىستاندىردى، جەرگىلىكتى ورىنداعى حانزۋ قىزمەتكەرلەرمەن بىرگە 1 - مال فەرماسىنىڭ 7 - روتاسىن قۇردى. قازىر ءبىرىنشى مەرزىمدىك 10 مىڭ مۋ جەردى اشۋ نىسانى ورىندالدى.

  1 - مال فەرماسى 7 - روتاسى پارتيا ياچەيكاسىنىڭ شۋجيى ياڭ بين بىلاي دەدى: 1 - مال فەرماسى ولار ءۇشىن ءتيىمدى ساياسات ازىرلەپ، ءار وتباسىنا 90 دا 104 شارشى مەتر ءۇي بەردى، العاشقى 3 جىلدا ولار مۇندا تەگىن تۇردى، سوڭعى 3 جىلدا ءوندىرىستىڭ، ەڭبەك، جەردى كوتەرمەگە الۋ ارقىلى ءۇيدىڭ ماياقىسىن تولەدى. كىرىسى مولايعاننان كەيىن، ولار اقشاسىن مەرزىمگە ءبولىپ تولەپ، تۇرعىن ۇيلەرىن بىرتىندەپ ساتىپ الدى. كاسىپتەنۋگە كەلگەن جەرگىلىكتى ديقاندارعا 1 - مال فەرماسى ايىنا 2400 يۋان ەڭبەكاقى بەردى، سونىمەن قاتار تۇقىم اقىسىن، سۋ اقىسىن كەشىرىم ەتتى. بۇل ءتيىمدى ساياساتتاردىڭ العا قويىلۋى جەرگىلىكتى ديقانداردىڭ وسىندا كەلىپ قونىستانىپ، بيڭتۋان كوللەكتيۆىنىڭ ءبىر مۇشەسى بولۋىنا سەبەپ بولدى.

  1 - مال فەرماسى پارتكومىنىڭ ورىنباسار شۋجيى، ورىنباسار ساياسي كوميسسارى ۋ دان بىلاي دەدى: شەريا اۋدانىنداعى 4 اۋىل - قالاشىق بيڭتۋان مەن جەرگىلىكتى ورىندى بىرگە قۇرۋ جاعىندا دامۋ مەن تەڭ يگىلىكتەنۋدەن جازباي، وزىق مادەنيەتتى جەتەكشى ەتۋگە، ۇلتتار ىنتىماعىنا، «قوس ءتىل» اعارتۋىنا، حالىق تۇرمىسىن جاقسارتۋعا تاباندى بولدى. ۇلتتار ءبىر ءۇيلى جانداي بەرەكەلى بولۋ، بيڭتۋان مەن جەرگىلىكتى ورىن بىرگە دامۋ يدەياسى جۇرت جۇرەگىنە تەرەڭ ۇيالادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.