- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ باس شۋجي شي جينپيڭنىڭ شينجياڭ قىزمەتىنىڭ باس نىساناسى تۋرالى بايىمداۋلارىن ىشكەرىلەي دايەكتىلەندىرۋ، تياناقتاندىرۋ جونىندەگى قايتالاي اتتانىسقا كەلتىرۋ ماجىلىسىندە
شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭدى باسقارۋ ستراتەگياسىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءتۇرلى قىزمەتتى ىلگەرىلەتۋ باسا دارىپتەلدى
چىن چۋانگو ماجىلىسكە قاتىناستى ءارى ءسوز سويلەدى،
2016.09.19 10:54 كەلۋ قاينارى : شينجياڭ گازەتى
ءتىلشىمىز ياۋ تۇڭ 17 - قىركۇيەكتە ۇرىمجىدەن حابارلايدى. اۆتونوميالى رايون بۇگىن تۇستەن بۇرىن باس شۋجي شي جينپيڭنىڭ شينجياڭ قىزمەتىنىڭ باس نىساناسى تۋرالى بايىمداۋلارىن ىشكەرىلەي دايەكتىلەندىرۋ، تياناقتاندىرۋ جونىندە قايتالاي اتتانىسقا كەلتىرۋ ءماجىلىسىن اشتى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ماجىلىسكە قاتىناستى ءارى ءسوز سويلەدى. ول مىنانى باسا دارىپتەدى: پارتيا 18 - قۇرىلتايىنىڭ جانە 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن، باس شۋجي شي جينپيڭنىڭ ماڭىزدى سوزدەرىنىڭ، اسىرەسە، شينجياڭ قىزمەتى جونىندەگى ماڭىزدى نۇسقاۋلارىنىڭ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭدى زاڭمەن جونگە سالۋعا، شينجياڭدى ىنتىماقتاستىرۋعا جانە ورنىقتىرۋعا، شينجياڭدى ۇزاق ۋاقىت گۇلدەندىرۋگە تاباندى بولىپ، ءبىر جاعادان باس، ءبىر جەڭنەن قول شىعارىپ، ىنتىماقتاسا كۇرەس جۇرگىزىپ، جۇدىرىقتاي جۇمىلىپ، تىڭعىلىقتى جۇمىس جۇرگىزىپ، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا تىنباي كۇرەس جۇرگىزۋ كەرەك.
ءماجىلىستى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باسقاردى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ ماجىلىسكە قاتىناستى، اۆتونوميالى رايوندىق پارتكومنىڭ ورىنباسار شۋجيى جۋ حايلۇن 20 ەل توبىنا مۇشە ەلدەر باسشىلارىنىڭ باس قوسۋى كەزىندەگى اۆتونوميالى رايوننىڭ ورنىقتىلىقتى قورعاۋ قىزمەتىنەن قورىتىندى جاساپ، 5 - كەزەكتى جۇڭگو − ازيا - ەۆروپا كورمەسى كەزىندە اماندىقتى ساقتاۋ جانە ورنىقتىلىقتى قورعاۋ جۇمىستارىنا ورنالاستىرۋ جاسادى.
چىن چۋانگو مىنالاردى باسا دارىپتەدى: پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىنە باسا نازار اۋداردى، باس شۋجي شي جينپيڭ شينجياڭدا قىزمەت تەكسەردى ءارى ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشىپ جانە ماڭىزدى ءسوز سويلەپ، شينجياڭنىڭ جاعدايىنا عىلمي تالداۋ جاساپ، شينجياڭ قىزمەتىندەگى ءبىرقاتار ماڭىزدى نازاريالىق جانە امالياتتىق ماسەلەلەردى تەرەڭ بايىمداپ، پارتيامىزدىڭ جاڭا جاعدايداعى شينجياڭدى باسقارۋ ستراتەگياسىن تۇراقتاندىرىپ، شينجياڭ قىزمەتىنىڭ باس نىساناسى − قوعام ورنىقتىلىعى مەن باياندى تىنىشتىق ەكەندىگىن ايقىنداپ، شينجياڭ قىزمەتىن ونان سايىن جاقسى ىستەۋگە انىق باعدار كورسەتىپ، ءتۇبىرلى نەگىزدەمە مەن قۋاتتى قوزعاۋشى كۇش ازىرلەدى. ءبىز ۇزدىكسىز تۇردە تەرەڭدەي ۇيرەنىپ جانە جەتە ءتۇسىنىپ، تياناقتاندىرۋدى بۇلجىتپاستان، باتىل يگەرىپ، بۇكىل اۆتونوميالى رايون اۋماعىندا قوعام ورنىقتىلىعى مەن باياندى تىنىشتىق باس نىساناسىنىڭ تۋىن جەلبىرەتىپ، يدەيانى، تانىمدى، ادىمدى، ارەكەتتى باس نىسانانىڭ جەتەكشىلىگىمەن بىرلىككە كەلتىرۋىمىز قاجەت.
چىن چۋانگو مىنالاردى اتاپ كورسەتتى: قوعام ورنىقتىلىعى مەن باياندى تىنىشتىقتى قورعاۋ − شي جينپيڭ جولداس باس شۋجي بولعان پارتيا ورتالىق كوميتەتىنىڭ زامان تىنىسىن بولجاپ، كەمەلدى جوبا جاساپ، پارتيا مەن مەملەكەت ىستەرى دامۋىنىڭ جالپى جاعدايىن نازارعا الىپ، ىشكى جانە حالىقارالىق جالپى جاعدايدى ءبىر تۇتاس جوسپارلاۋ ارقىلى شىعارعان ماڭىزدى ستراتەگيالىق شەشىمى، ول بۇرىنعىنىڭ مۇراگەرى، كەيىنگىنىڭ بۇيداگەرى، زامانالىق، سيمۆولدىق، كەزەڭدىك مانگە يە. وسى باس نىسانا پارتيا ورتالىق كوميتەتىنىڭ حالىقارالىق جانە ىشكى جاعدايعا سايكەس شىعارعان ماڭىزدى ستراتەگيالىق تۇجىرىمى، پارتيا ورتالىق كوميتەتىنىڭ شينجياڭ قىزمەتى جونىندەگى عىلمي انىقتاماسى، پارتيا ورتالىق كوميتەتىنىڭ شينجياڭدى باسقارۋ ستراتەگياسىنىڭ وزەكتى مازمۇنى، پارتيا ورتالىق كوميتەتىنىڭ شينجياڭداعى ءار ۇلت حالقىنا جاساعان شىنايى قامقورلىعى، شينجياڭنىڭ ءىس جۇزىندىك جاعدايىنا قاپىسىز ۇيلەسەتىن دانىشپان، تۋرا شەشىم ەكەندىگىن تەرەڭدەي ءتۇسىنۋ قاجەت.
چىن چۋانگو مىنالاردى باسا دارىپتەدى: قوعام ورنىقتىلىعى مەن باياندى تىنىشتىق باس نىساناسى − شينجياڭ قىزمەتىن العا جەتەكتەيتىن تۋ جانە باعدار، شينجياڭنىڭ بارلىق قىزمەتى قوعام ورنىقتىلىعى مەن باياندى تىنىشتىقتى بەرىك ارقاۋ ەتە وتىرىپ جوسپارلانۋى، ىلگەرىلەتىلۋى كەرەك. ءبىرىنشى، «باس نىسانانى» بەرىك ورناتۋ كەرەك.اتاپ ايتقاندا، باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە جانە شينجياڭدا قىزمەت تەكسەرگەندە سويلەگەن ماڭىزدى سوزدەرىندە ايقىن اتاپ كورسەتىلگەندەي، شينجياڭنىڭ قوعام ورنىقتىلىعى مەن باياندى تىنىشتىعىنا كەپىلدىك ەتۋ باس نىساناسى. شينجياڭنىڭ بارلىق قىزمەتى وسى باس نىسانانى بەرىك ارقاۋ ەتۋى، وسى باس نىساناعا باعىنۋى، قىزمەت ەتۋى كەرەك. ەكىنشى، «جان تامىردى» ساباقتاستىرۋ كەرەك. ۇلتتار ىنتىماعىنىڭ تۋىن بيىك ۇستاپ، پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعىن ءار ۇلت حالقىنىڭ جان تامىرى ەتىپ، ۇلتتار ىنتىماعىن كوز قاراشىعىمىزداي قورعاپ جانە جانىمىزداي ايالاپ، ۇلتتاردىڭ تاتۋ - ءتاتتى سيلاسىپ، ءبىر نيەتپەن كۇش بىرىكتىرىپ، جاراسىمدى دامۋىن جەلەپ - جەبەۋ كەرەك. ءۇشىنشى، «ەكى شەشۋشى ءتۇيىندى» يگەرۋ كەرەك. قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنى، دامۋ − باياندى تىنىشتىقتى ىسكە اسىرۋدىڭ نەگىزى. ورنىقتىلىق پەن دامۋدىڭ قاتىناسىن دۇرىس شەشىپ، ورنىقتىلىق پەن دامۋ دەگەن ەكى شەشۋشى ءتۇيىندى شىنايى ويداعىداي يگەرىپ، ورنىقتىلىقتىڭ بارلىعىن باسىپ تۇسەتىنىنە قاشاندا تاباندى بولىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىن ساقتاپ، اۆتونوميالى رايوننىڭ ەكونوميكاسى مەن قوعامىنىڭ جاقسى ءارى تەز دامۋىنا تاماشا ورتا ازىرلەۋ كەرەك. ءتورتىنشى، «ءبىرىڭعاي جاقسى مەحانيزمدى» كەمەلدەندىرۋ كەرەك. اۆتونوميالى رايوندىق پارتكوم مەن ۇكىمەت قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋدا سۋبيەكتتىك جاۋاپكەرشىلىك ارقالاپ، پارتيا، ۇكىمەت، ارميا، ساقشى، اسكەر، حالىق سايكەستى تۇردە ارەكەتتەنۋ مەحانيزمىن جەتىلدىرىپ، پارتيا، ۇكىمەت ورىندارىنداعى نەگىزگى جاۋاپتى جولداستار باس بولىپ، 2 قىزمەت القاسىن ۇيىمداستىرىپ، ءبىر القا ورنىقتىلىققا بار كۇشپەن كەپىلدىك ەتىپ، ەندى ءبىر القا بار نازارمەن دامۋدى يگەرىپ، ورتالىقتاندىرۋ مەن بىرىكتىرۋگە، جۇمىس ءبولىسىن ايقىنداۋعا، ىڭعايلى، ءونىمدى بولۋعا، اكىمشىلىك جارلىقتاردىڭ ىركىلىسسىز اتقارىلۋىنا كەپىلدىك ەتۋ كەرەك. ايماقتار (وبلىس، قالا)، اۋداندار (قالا، رايون) دا ورنىقتىلىقتى قورعاۋ قىزمەتىنە باسشىلىق ەتۋ گرۋپپاسى مەن قازىنا قىزمەتىنە باسشىلىق ەتۋ گرۋپپاسىن كەمەلدەندىرىپ، دارەجە بويىنشا يگەرىلىپ، ساتىلار بويىنشا تياناقتاندىرىلاتىن جاۋاپكەرشىلىك جۇيەسىن ورناتۋ قاجەت. بەسىنشى، «ءتورتتى قۇلشىنا ىسكە اسىرۋ» كەرەك. اتاپ ايتقاندا، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋ، 2020 - جىلى بۇكىل ەلمەن قادامداس جاپپاي دوڭگەلەك داۋلەتتى قوعام قۇرۋدى ىسكە اسىرۋ، بۇكىل اۆتونوميالى رايونداعى كەدەي حالىقتى كوزەۋلى مەزگىلدە كەدەيلىكتەن قۇتىلدىرۋدى ىسكە اسىرۋ، شينجياڭنىڭ ەكولوگيالىق ورتاسىنىڭ جاقسارۋىن قۇلشىنا ىسكە اسىرۋ كەرەك. التىنشى، «تاماشا جاعداي» قالىپتاستىرۋ كەرەك. شينجياڭنىڭ قوعام ورنىقتىلىعى مەن باياندى تىنىشتىعىنىڭ جاقسى جاعدايىن ۇزدىكسىز كەڭەيتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا قۇلشىنۋ كەرەك.
چىن چۋانگو مىنالاردى اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىنىڭ ءبىر تۇتاس باسشىلىعىندا، سوتسياليستىك زاڭمەن جونگە سالۋ تۋىن جانە نەگىزگى زاڭ مەن زاڭ تۋىن بيىك ۇستاپ، شينجياڭدى زاڭمەن جونگە سالۋعا، شينجياڭدى ىنتىماقتاستىرۋعا جانە ورنىقتىرۋعا، شينجياڭدى ۇزاق ۋاقىت گۇلدەندىرۋگە تاباندى بولىپ، 6 جاقتاعى قىزمەتتى ءتۇيىندى تۇردە مىقتى يگەرۋ كەرەك.
ءبىرىنشى، كوپ ءتۇرلى شارانى قاتار قولدانۋدان، جالپىلىق شارا قولدانۋدان جازباي، قوعامدىق جالپى جاعدايدىڭ ورنىقتىلىعىن كۇش سالا قورعاۋ. ورنىقتىلىق بارلىعىن باسىپ تۇسەدى دەگەننەن جازباي، ورنىقتىلىقتى قورعاۋدى سان سالالى قىزمەتتە ماڭداي الدى ورىنعا قويىپ، قىراعىلىقتى ارتتىرىپ، ساقتىق سيگنالىن ۇزبەي بەرىپ، ەرتە باستان، ەلەۋسىز ىستەردەن باستاپ، تەز، مىقتى يگەرىپ، باستامانى جاقسى باستاپ، ىرىقتىلىق شايقاسىن ويداعىداي جۇرگىزىپ، ورنىقتىلىقتى قورعاۋ جاعىنداعى 9 ءتۇرلى شارانى تىڭعىلىقتى تياناقتاندىرۋ، تۇتاس رايونىمىزدا قاتاڭ سوققى بەرۋدىڭ تەگەۋرىندى كۇيىن ۇزدىكسىز ساقتاپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ۇزدىكسىز ورىستەتۋ، مەشىتتەرگە تاربيە جۇرگىزۋدى، باسقارۋدى، قىزمەت وتەۋدى ۇزدىكسىز كۇشەيتىپ جانە جاقسارتىپ، قالا - قالاشىقتاردى توراپتاندىرىپ باسقارۋ، ءتۇيىندى وڭىرلەردە الدىن الۋ مەن مەڭگەرۋدى ۇزدىكسىز كۇشەيتۋ، شەكارانى باسقارۋدى، مەڭگەرۋدى ۇزدىكسىز نىعايتىپ، يدەولوگيا سالاسىنىڭ مۇلدە حاۋىپسىزدىگىنە ۇزدىكسىز شىن مانىندە كەپىلدىك ەتۋ، حابار - وشار، ينفورماتسيا قىزمەتىن ۇزدىكسىز نىعايتۋ، قوعامدىق الدىن الۋ جانە مەڭگەرۋ جۇيەسىن ۇزدىكسىز اقاۋسىزداندىرۋ، بولشەكتەۋشىلىككە قارسى تۇرۋ كۇرەسىنىڭ ىرىقتىلىق ۇقىعىن يگەرۋ كەرەك.ەكىنشى، ءار ۇلت بۇقاراسىنىڭ الاڭسىز تىرشىلىك ەتۋىن ارقاۋ ەتىپ، حالىق تۇرمىسىن شىن مانىندە قامتاماسىزداندىرۋ جانە جاقسارتۋ. حالىق تۇرمىسىن ماڭداي الدى ورىنعا قويۋدان، حالىق تۇرمىسىن الدىمەن اتقارۋدان جازباي، ءار ۇلت بۇقاراسىنىڭ حال - جايىن كوكەيدە بەرىك ساقتاپ، ءوز دارەجەسىندەگى قازىنالىق شىعىس پەن شينجياڭعا كومەك قارجىسىنىڭ %70تەن استامىن حالىق تۇرمىسىنىڭ جاقسارۋىن قامتاماسىزداندىرۋعا جۇمساپ، حالىق تۇرمىسى قۇرىلىسى جىلىن ۇزدىكسىز ورىستەتىپ، حالىق تۇرمىسىنا تيىمدىلىك جاساۋ بويىنشا ءار جىلى 9 قۇرىلىس جۇرگىزۋ، كاسىپتەندىرۋ ارقىلى حالىق تۇرمىسىنا تيىمدىلىك جاساۋدان، وقۋ - اعارتۋ ارقىلى حالىق تۇرمىسىنا تيىمدىلىك جاساۋدان، ەمدەلۋ بويىنشا حالىق تۇرمىسىنا تيىمدىلىك جاساۋدان، قوعامدىق قامسىزداندىرۋ بويىنشا حالىق تۇرمىسىنا تيىمدىلىك جاساۋدان، كەدەيلەردى سۇيەمەلدەۋ بويىنشا حالىق تۇرمىسىنا تيىمدىلىك جاساۋدان، بەيقۇت ءۇي سالۋ بويىنشا حالىق تۇرمىسىنا تيىمدىلىك جاساۋدان، مەيىر باعىشتاۋ ارقىلى حالىق تۇرمىسىنا تيىمدىلىك جاساۋدان، شەكارا ءوڭىردى گۇلدەندىرۋ ارقىلى حالىق تۇرمىسىنا تيىمدىلىك جاساۋدان، حاۋىپسىزدىك بويىنشا حالىق تۇرمىسىنا تيىمدىلىك جاساۋدان جازباي، ءار ۇلت بۇقاراسىنىڭ يگىلىككە كەنەلۋ سەزىمىن ارتتىرىپ، حالىق بۇقاراسىنا شي جينپيڭ جولداس باس شۋجي بولعان پارتيا ورتالىق كوميتەتىنىڭ قامقورلىعى مەن مەيىرىن شىنايى سەزىندىرۋ كەرەك.
ءۇشىنشى، ۇلتتار ىنتىماعىن بەكەمدەپ جانە دامىتىپ، ۇلتتار ىنتىماعىنداعى ۇلگىلى رايون قۇرۋ. ۇلتتاردىڭ ۇلى ىنتىماعى تۋىن بيىك ۇستاپ، پارتيانىڭ ۇلت ساياساتىن جاپپاي دايەكتىلەندىرىپ، از ۇلت كادرلارىن باتىلدىقپەن باۋلىپ جانە ىستەتىپ، ۇلتتار ىنتىماعى جاعىنداعى ۇگىت - تاربيەنى ىشكەرىلەي ورىستەتۋ، ۇلتتار ىنتىماعى العاباسارلىعى جاعىنداعى ۇلگىلى ورىن قۇرۋ قيمىلىن كەڭ كولەمدە ورىستەتىپ، ۇلتتاردىڭ قارىم - قاتىناسىن، اۋىس - كۇيىسىن، توعىسۋىن جەبەپ، ۇلتتىق بولشەكتەۋشىلىك ارەكەتتەرىنە قاتاڭ سوققى بەرىپ، ۇلتتاردىڭ تاتۋ - ءتاتتى ءوتۋىن، تىزە قوسا سەلبەسۋىن، جاراسىمدى دامۋىن جەبەپ، قوعام ورنىقتىلىعى مەن باياندى تىنىشتىقتىڭ نەگىزىن بەكەمدەۋ كەرەك.
ءتورتىنشى، ءدىننىڭ بەرەكەلى، جاراستىعىن جەبەپ، ءدىننىڭ سوتسياليستىك قوعامعا سايكەسۋىن ىلگەرىلەتۋ. زاڭدىلارىن قورعاۋ، زاڭسىزدارىن تەجەۋ، ۇشقارىلىقتى الاستاۋ، كەۋلەپ كىرۋگە قارسى تۇرۋ، قىلمىستىق ارەكەتتەرگە سوققى بەرۋ نەگىزگى پرينسيبىنەن جازباي، پارتيانىڭ ءدىن ساياساتىن جاپپاي دايەكتىلەندىرىپ، قالىپتى، زاڭدى ءدىني قيمىلداردى قورعاۋ، بەرەكەلى مەشىت جانە العاباسار وتانشىل ءدىني قايراتكەردى باعالاۋ قيمىلىن كەڭ كولەمدە ورىستەتىپ، وتانشىل ءدىني قايراتكەرلەردى باۋلۋ، قورعاۋ، ايالاۋ، مەشىتتەر مەن ءدىني قيمىلدارعا قىزمەت وتەۋدى كۇشەيتىپ، زاڭسىز ءدىني ارەكەتتەرگە زاڭ بويىنشا سوققى بەرىپ، ءدىني قايراتكەرلەر مەن دىنگە سەنەتىن قاۋىمنىڭ قوعامنىڭ ورنىقتىلىعى مەن باياندى تىنىشتىعىن جەبەۋ جاعىنداعى بەلسەندى رولىن جاقسى ساۋلەلەندىرىپ، ءدىننىڭ سوتسياليستىك قوعامعا سايكەسۋىنە جەتەكشىلىك ەتۋ كەرەك.
بەسىنشى، دامۋدى بوساڭسىتپاي مىقتى يگەرىپ، ەكونوميكانىڭ باياندى، تەز، اقاۋسىز دامۋىنا شىنايى كەپىلدىك ەتۋ. قوعام ورنىقتىلىعى مەن باياندى تىنىشتىقتى مىقتاپ ارقاۋ ەتە وتىرىپ، دامۋ جونىندە جوبا جاساپ، دامۋ ارقىلى قوعام ورنىقتىلىعى مەن باياندى تىنىشتىقتى جەبەۋ. «5 ءىرى دامۋ يدەياسىن» مىقتاپ ورناتىپ، ەكونوميكانىڭ دامۋ جاڭا قالىبىنا ىرىقتىلىقپەن ۇيلەسىپ، حالىق تۇرمىسىمەن جاناستىرا وتىرىپ شينجياڭنىڭ قارىشتاپ دامۋىن ىلگەرىلەتۋ، مەملەكەتتىڭ «ءبىر بەلدەۋ، ءبىر جول» ستراتەگياسىمەن بەلسەنە توعىستىرىپ، 1 - كاسىپ سالاسىنىڭ دەڭگەيىن جوعارىلاتۋدان، 2 - كاسىپ سالاسىندا ءتۇيىندى مىقتى يگەرۋدەن، 3 - كاسىپ سالاسىن بارىنشا دامىتۋدان جازباۋ كەرەك. نەگىزدىك قۇرىلعى قۇرىلىسىن كۇشەيتىپ، وزىندىك ەرەكشەلىكتەگى كاسىپ سالالارىن دامىتىپ، كولەمدەندىرىپ، بايلىقتى تارتىپپەن، جوعارى ونىمدىلىكپەن اشىپ جانە ودان پايدالانىپ، جىبەك جولى ەكونوميكالىق بەلدەۋى وزەكتى رايون قۇرىلىسىن نىعايتىپ، جاڭاشا قالا - قالاشىقتاندىرۋ مەن جاڭاشا اۋىل - قىستاق قۇرىلىسىن ىلگەرىلەتىپ، كەدەيلەردى قونىس جاڭالاپ سۇيەمەلدەۋ تەبىنىن ارتتىرۋ كەرەك.قامداۋ جاعىنداعى قۇرىلىمدىق رەفورمانى ىلگەرىلەتۋ دانەكەرىنەن، ءىش پەن سىرتقا جان - جاقتى ەسىك اشۋ دانەكەرىنەن، فينانستىق قولداۋ دانەكەرىنەن، عىلىم - تەحنيكادا جاڭالىق اشۋعا دەم بەرۋ دانەكەرىنەن، جالپىلىق مەنشىككە جاتپايتىن شارۋاشىلىق دانەكەرىنەن، ەرەكشە ساياسات دانەكەرىنەن ۇتىمدى پايدالانىپ، قاتىناس تورابى ابزالدىلىعىن، شەكارا ساۋدا ابزالدىلىعىن، زات اينالىم ابزالدىلىعىن، ساياحات ابزالدىلىعىن، بايلىق ابزالدىلىعىن جانە شينجياڭعا باعىتتامالى كومەكتەسۋ ابزالدىلىعىن ويداعىداي ساۋلەلەندىرىپ، اناعۇرلىم جاقسى، اناعۇرلىم تەز دامۋدى جۇزەگە اسىرىپ، دامۋدى حالىق تۇرمىسىن جاقسارتۋ، جەرگىلىكتى ورىندارعا تيىمدىلىك جاساۋ، ىنتىماقتىلىقتى جەبەۋ جاعىندا ناقتاپ تياناقتاندىرۋ كەرەك.
التىنشى، ەكولوگيالىق ورتانى قورعاۋدى كۇشەيتىپ، كۇش سالا كوركەم شينجياڭ قۇرۋ. ەكولوگيالىق ورتانى قورعاۋدى ماڭداي الدى ورىنعا قويۋدان جازباي، ەكولوگيالىق ورتانى قورعاۋ يدەياسىن كۇشەيتىپ، ەكولوگيالىق ورتانى قورعاۋدىڭ ءوزى وندىرگىش كۇشتى قورعاعاندىق، تازا تاماشا تابيعات باعالى بايلىق دەيتىن يدەيانى مىقتاپ ورناتۋ كەرەك. ەكولوگيالىق ورتانى قورعاۋدىڭ ەڭ تومەنگى شەگىن قاتاڭ ساقتاپ، سالالىق رۇقسات بويىنشا ۇنامسىز تىزىمدىك شىعارىپ، «3 جوعارى» نىسانداردىڭ شينجياڭعا كىرۋىنە قاتاڭ تيىم سالىپ، ەنەرگيا، كەن ونىمدەرى بايلىعىن اشۋدى اۆتونوميالى رايوندىق حالىق ۇكىمەتى تەكسەرىپ بەكىتۋ ءتۇزىمىن ورناتىپ، قورشاعان ورتانى قورعاۋدا «ءبىر داۋىسپەن تەرىسكە شىعارۋ» ءتۇزىمىن اتقارۋ كەرەك. ەكولوگيانى قورعاۋ قۇرىلىسىن كۇشەيتىپ، لاستانۋدىڭ الدىن الۋدى شىن مانىندە كۇشەيتىپ، سۋ بايلىعىن باسقارۋدى قاتايتىپ، ەكولوگيالىق ورتانى قورعاۋ جاۋاپكەرشىلىگىن تياناقتاندىرىپ، شينجياڭنىڭ تاماشا ەكولوگيالىق ورتاسىن ساقتاۋعا شىنايى كەپىلدىك ەتۋ كەرەك.
چىن چۋانگو مىنالاردى تالاپ ەتتى: پارتيا قۇرىلىسىن كۇشەيتىپ، قوعامنىڭ ورنىقتىلىعى مەن باياندى تىنىشتىق باس نىساناسىن تياناقتاندىرۋدى پارمەندى كەپىلدىكپەن قامداۋ كەرەك. ءبىرىنشى، ساياسي ءتارتىپ پەن ساياسي ەرەجەنى كۇشەيتىپ، شي جينپيڭ جولداس باس شۋجي بولعان پارتيا ورتالىق كوميتەتىنە بۇكپەسىز ادال بولۋ كەرەك. ساياسي ءتارتىپ پەن ساياسي ەرەجەگە بويسۇنۋدى ءومىر ارقاۋىنا بالاۋعا، ماڭداي الدى ورىنعا قويۋعا تاباندى بولىپ، ساياسي سانانى، جالپى جاعداي ساناسىن، ۇيتقىلىق سانانى، ساپ تۇزەۋ ساناسىن بەرىك ورناتىپ، شينجياڭ استانا بەيجيڭنەن الىس بولسا دا، اۆتونومالى رايوندىق پارتكومنىڭ، بۇكىل رايونىمىزداعى ءار دارەجەلى پارتيا ۇيىمدارىنىڭ، قالىڭ پارتيالى كادرلاردىڭ جانە ءار ۇلت بۇقاراسىنىڭ تىلەگىنىڭ قاي - قاشان دا شي جينپيڭ جولداس باس شۋجي بولعان پارتيا ورتالىق كوميتەتىمەن بەرىك توعىسۋىن، بەرىك بىردەيلىگىن ساقتاپ، يدەيادا، ساياسيدا، ارەكەتتە شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ بىردەيلىكتى ساقتاۋى، شي جينپيڭ جولداس باس شۋجي بولعان پارتيا ورتالىق كوميتەتىنە بۇكپەسىز ادال بولۋى كەرەك. ەكىنشى، بولشەكتەۋشىلىككە قارسى تۇرۋ كۇرەسى ءتارتىبىن قاتايتىپ، پارتيالى كادرلار اراسىنداعى «ەكى بەتكەي ادامداردى» باتىل تەكسەرىپ ءبىر جاقتى ەتۋ كەرەك. بولشەكتەۋشىلىككە قارسى تۇرۋ كۇرەسىن ورىستەتۋ سىندى كەلەلى پرينسيپ ماسەلەسىندە قاي - قاشان دا تۋى ايقىن، تۇعىرى بەرىك، تانىمى بىردەي، ءىشى - سىرتى بىردەي، پوزيتسياسى قاتاڭ، اياق الىسى بىركەلكى بولۋ كەرەك. ءۇشىنشى، باسشىلىق القاسى مەن كادرلار قوسىنى قۇرىلىسىن كۇشەيتىپ، ادامدى دۇرىس ىستەتۋ بەتالىسىن ورناتۋ كەرەك. ولشەمدى قاتايتىپ، قۇرىلىمدى ساپالىلاندىرىپ، ناقتى ءىس ىستەۋگە ءمان بەرىپ، بەتالىستى ويداعىداي ورناتىپ، ساياسيدا تاباندى، قابىلەتى كۇشتى، ستيلى جاقسى جوعارى ساپالى كادرلار قوسىنىن قۇرۋعا قۇلشىنۋ. ءتورتىنشى، نەگىزگى ساتى پارتيا ۇيىمدارى مەن نەگىزگى ساتى اكىمشىلىك قۇرىلىسىن كۇشەيتىپ، پارتيانىڭ بيلىك جۇرگىزۋ نەگىزىن بەكەمدەۋ كەرەك. شتاتتى قىزمەتكەرلەردى اۋىل - قىستاقتارعا بەيىمدەۋگە تاباندى بولىپ، اۋىل - قالاشىق پارتيا، ۇكىمەت القاسى مەن قىستاق دارەجەلى ۇيىمداردىڭ كوش باسىلارىن ويداعىداي سارالاپ، ولارعا مىقتىلاردى سەپتەپ، نەگىزگى ساتى ۇيىمىنىڭ قامتۋ اياسىن كەڭەيتىپ، پارتيا مۇشەلەرى قوسىنىن دامىتىپ، زورايتىپ، نەگىزگى ساتىنىڭ پارتيا ۇيىمىن پارمەندى جاۋىنگەرلىك قامال ەتىپ قۇرۋ كەرەك. بەسىنشى، جوعارى مەكتەپتەر مەن تۇرلىشە مەكتەپتەردىڭ پارتيا قۇرىلىسىن كۇشەيتىپ، ادام تاربيەلەۋ شەبىن مىزعىماي يگەرۋ كەرەك. پارتيانىڭ باسشىلىعىن كۇشەيتۋگە تاباندى بولىپ، يدەيالىق، ساياسي قىزمەتتى كۇشەيتىپ، «ءۇش بارۋ، ەكى بايلانىس، ءبىر دوستاسۋ» (كلاسقا بارۋ، جاتاققا بارۋ، اسحاناعا بارۋ، وقۋشىلارمەن بايلانىس جاساۋ، وتاعاسىلارمەن بايلانىس جاساۋ، وقۋشىلارمەن دوستاسۋ) قيمىلىن كەڭ كولەمدە ورىستەتىپ، تۇرلىشە مەكتەپتەردى وتاننىڭ تۇتاستىعىن قورعايتىن، پارتيانى سۇيەتىن، وتاندى سۇيەتىن، سوتسياليزمدى سۇيەتىن تولىمدى ىزباسارلاردى تاربيەلەيتىن شەپ ەتىپ شىنايى قۇرىپ شىعۋ كەرەك.شوكىرات زاكىر بىلاي دەدى: اۆتونوميالى رايوننىڭ باس شۋجي شي جينپيڭنىڭ شينجياڭ قىزمەتىنىڭ باس نىساناسى تۋرالى بايىمداۋلارىن ىشكەرىلەي دايەكتىلەندىرۋ، تياناقتاندىرۋ جونىندەگى قايتالاي اتتانىسقا كەلتىرۋ ءماجىلىسى كەزەكتەگى جانە بۇدان بىلايعى ءبىر مەزگىلدەگى بۇكىل رايونىمىزدىڭ قىزمەتى جونىندە جالپى بەتتىك ورنالاستىرۋ جاساپ، ايقىن تالاپ قويدى، بۇل وتە دەر كەزىندەگى ماڭىزدى، شينجياڭنىڭ ناقتى جاعدايىنا ۇيلەسەتىن، شىنايى ناقتى شارالار. تۇتاس رايونىمىزدا جوعارىدان تومەنگە دەيىن ءماجىلىس رۋحىن دايەكتى تياناقتاندىرۋدى مىقتى يگەرىپ، تانىمدى وسكەلەڭ بىرلىككە كەلتىرىپ، يدەيا مەن ارەكەتتى شي جينپيڭ جولداس باس شۋجي بولعان پارتيا ورتالىق كوميتەتى بەلگىلەگەن قوعام ورنىقتىلىعى مەن باياندى تىنىشتىق باس نىساناسىمەن بىرلىككە كەلتىرىپ، اۆتونوميالى رايوندىق پارتكومنىڭ ورنالاستىرۋلارى بويىنشا، باس نىسانانىڭ جەتەكشىلىگىندە يدەيانى، تانىمدى، قادامدى، ارەكەتتى بىرلىككە كەلتىرۋ؛ باس نىسانانى تەرەڭ ءتۇسىنۋ نەگىزىندە «باس نىسانانى» مىقتاپ ورناتۋ، «جان تامىردى» ساباقتاستىرىپ، «ەكى شەشۋشى ءتۇيىندى» يگەرىپ، «ءبىرىڭعاي جاقسى مەحانيزمدى» كەمەلدەندىرىپ، «ءتورتتى قۇلشىنا ىسكە اسىرۋدى» ورىنداپ، «تاماشا جاعداي» قالىپتاستىرۋ كەرەك. قوعام ورنىقتىلىعى مەن باياندى تىنىشتىق باس نىساناسىن مىقتى يگەرۋ، ورنىقتىلىق قىزمەتىن ارقاۋ ەتىپ، حالىق تۇرمىسىن قامتاماسىزداندىرۋ جانە جاقسارتۋ، ۇلتتار ىنتىماعى جانە ءدىن جاراسىمدىلىعى، ەكونوميكانىڭ دامۋى جانە ەكولوگيالىق ورتانى قورعاۋ سياقتى جاقتاردا اۆتونوميالى رايوندىق پارتكوم تۇراقتاندىرعان جالپى تالاپ، شەشۋشى شارا جانە ءتۇيىندى قىزمەتتەردى باتىل دايەكتى تياناقتاندىرۋ كەرەك. پارتيانىڭ باسشىلىعىنان جازباي، قىزمەت ستيلىن جاقسارتىپ، قاتىستى قىزمەتتەردى سۇيىسپەنشىلىكپەن، جاۋاپكەرشىلىكپەن مىقتى يگەرۋ، قوعام ورنىقتىلىعى مەن باياندى تىنىشتىقتىڭ نەگىزىن باتىل بەكەمدەۋ كەرەك. ءار دارەجەلى تاراۋلار كەزەكتەگى ورنىقتىلىقتى قورعاۋ قىزمەتىنىڭ ماڭىزدىلىعىن، كوكەي تەستىلىگىن جىعا تانىپ، سالعىرتتىق، تاۋەكەلشىلدىك كوڭىل كۇيىن باتىل الاستاۋ، ەرەكشە قىراعى بولۋ، كەمەلدى دايىندالۋ، شارالاردى كۇشەيتۋ، جاۋاپكەرشىلىكتى تياناقتاندىرۋ ارقىلى 5 - كەزەكتى جۇڭگو − ازيا - ەۆروپا كورمەسىنىڭ تابىستى وتكىزىلۋىنە، شينجياڭنىڭ قوعام جاعدايىنىڭ باياندى، ورنىقتى بولۋىنا كەپىلدىك ەتۋ كەرەك.
اۆتونوميالى رايون باسشىلارىنان حۋاڭ ۋي، شاۋكەت يمىن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي جانە اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋان باسشىلىق القاسىنىڭ مۇشەلەرى؛ اۆتونوميالى رايوندىق جوعارى حالىق سوتىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى باسشىلارى؛ اۆتونوميالى رايوندىق پارتكومنىڭ ءارقايسى ءبولىم، كوميتەتتەرىنىڭ، اۆتونوميالى رايوننىڭ ءبولىم، كوميتەتتەرىنىڭ كەڭسە، مەڭگەرمە، مەكەمەلەرىنىڭ، حالىقتىق توپتاردىڭ، جوعارى مەكتەپتەردىڭ، ءىرى، ورتا كاسىپورىنداردىڭ، ورتالىقتىڭ شينجياڭدا تۇراتىن ورىندارىنىڭ نەگىزگى جاۋاپتى جولداستارى نەگىزگى ءماجىلىس زالىنداعى ماجىلىسكە قاتىناستى. ءارقايسى ايماق، وبلىس، قالالارداعى، اۋدان، قالا، رايوندارداعى، سونداي - اق اۋىل − قالاشىقتارداعى قاتىستى جولداستار جەر − جەردەگى بولىمشە ءماجىلىس ورىندارىندا ماجىلىسكە قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
