- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك كەڭەس نەگىزگى زاڭعا سەرت بەرۋ سالتىن تۇڭعىش رەت وتكىزدى
2016.09.20 16:35 كەلۋ قاينارى : شينجياڭ گازەتى
شينحۋا اگەنتتىگىنىڭ 18 - قىركۇيەكتە بەيجيڭنەن بەرگەن حابارى. مەملەكەتتىك كەڭەس 18 - قىركۇيەك تۇستەن بۇرىن جۇڭنانحايدا نەگىزگى زاڭعا سەرت بەرۋ سالتىن تۇڭعىش رەت وتكىزدى. مەملەكەتتىك كەڭەستىڭ زۇڭليى لي كىچياڭ سەرت بەرۋدى باقىلادى.
«مەملەكەتتىك حالىق قۇرىلتايى تۇراقتى كوميتەتىنىڭ نەگىزگى زاڭعا سەرت بەرۋ ءتۇزىمىن اتقارۋ جونىندەگى ۇيعارىمىنا» جانە «مەملەكەتتىك كەڭەس جانە ونىڭ تاراۋلارى تاعايىنداعان مەملەكەت قىزمەتكەرلەرىن نەگىزگى زاڭعا سەرت بەرۋگە ۇيىمداستىرۋ زاڭىنا» ساي، بيىل جىل باسىنان بەرى مەملەكەتتىك كەڭەس تاعايىنداعان 38 قۇرامداس تاراۋدىڭ، تىكە قاراستىلىعىنداعى ەرەكشە ورگانداردىڭ، تىكە قاراستى ورگانداردىڭ، ءىس باسقارۋشى ورگانداردىڭ، تىكە قاراستى ءىسورىندارىنىڭ 55 جاۋاپتىسى نەگىزگى زاڭعا زاڭ بويىنشا سەرت بەردى.
مەملەكەتتىك كەڭەس زالىنا ايبىندى مەملەكەت گەربى ءىلىنىپ، سالتاناتتى كۇيگە ەندى. سەرت بەرۋ تەكشەسىنە «جۇڭحۋا حالىق رەسپۋبليكاسىنىڭ نەگىزگى زاڭى» قويىلدى.
مەملەكەت ىستەرى جوراسى، مەملەكەتتىك كەڭەستىڭ باس حاتشىسى ياڭ جيڭ نەگىزگى زاڭعا سەرت بەرۋ سالتىنىڭ باستالعاندىعىن جاريالادى. بارلىق ادام ورنىنان تۇرىپ، مەملەكەت تۋىنا قاراپ، جۇڭحۋا حالىق رەسپۋبليكاسىنىڭ گيمنىن بىرگە شىرقادى. سەرت بەرۋشىلەردىڭ باستاماشىسى سول قولىن نەگىزگى زاڭنىڭ ۇستىنە قويىپ، وڭ قول جۇدىرىعىن كوتەرىپ، سەرت بەرۋ ءسوزىن وقىدى.
باسقا دا سەرت بەرۋشىلەر قاتار ءتىزىلىپ، وڭ جۇدىرىعىن كوتەرىپ، وعان ىلەسىپ وقىدى.
«مەن جۇڭحۋا حالىق رەسپۋبليكاسىنىڭ نەگىزگى زاڭىنا ادال بولامىن، نەگىزگى زاڭنىڭ بەت - بەدەلىن قورعايمىن، زاڭدا بەلگىلەنگەن قىزمەت جاۋاپكەرشىلىگىن اتقارىپ، وتانعا، حالىققا ادال بولىپ، ءوز قىزمەتىمدى ءمىنسىز اتقارىپ، پاك ءارى قالتقىسىز بولىپ، حالىقتىڭ باقىلاۋىن قابىلداپ، باي - قۇدىرەتتى، دەموكراتيالى، وركەنيەتتى، جاراسىمدى سوتسياليستىك مەملەكەت قۇرۋ جولىندا قۇلشىنا كۇرەس جاسايمىن!» دەپ سەرت بەردى.
سەرت بەرۋ اياقتاعاننان كەيىن، لي كىچياڭ كوپشىلىكتى ۋادەسىن ادا ەتىپ، ءوز قىزمەتىن ءمىنسىز اتقارىپ، تالىقپاي قۇلشىنۋعا ىنتالاندىردى.
مەملەكەتتىك كەڭەستىڭ ورىنباسار زۇڭليى جاڭ گاۋلي، ۋاڭ ياڭ، ما كاي، مەملەكەت ىستەرى جورالارى چاڭ ۋانچۋان، ياڭ جيەچى، گۋو شىڭكۇن، سونداي - اق مەملەكەتتىك كەڭەستىڭ قاتىستى تاراۋلارىنداعى نەگىزگى جاۋاپتى جولداستار سالتقا قاتىناستى.
نەگىزگى زاڭ − مەملەكەتتىڭ ءتۇبىرلى زاڭى. 2015 - شىلدە ايىندا مەملەكەتتىك 12 - كەزەكتى حالىق قۇرىلتايىنىڭ تۇراقتى كوميتەتى نەگىزگى زاڭعا سەرت بەرۋ ءتۇزىمىن اتقارۋ جونىندەگى ۇيعارىمدى ماقۇلدادى. ۇكىمەتتى زاڭمەن جونگە سالۋ قۇرىلىسىن ىلگەرىلەتىپ، ۇكىمەت قىزمەتكەرلەرىن نەگىزگى زاڭ رۋحىن ساۋلەلەندىرۋگە جانە اسقاقتاتۋعا، نەگىزگى زاڭعا ادال بولۋعا، نەگىزگى زاڭعا بويسۇنۋعا، نەگىزگى زاڭدى قورعاۋعا، قىزمەت مىندەتىن زاڭ بويىنشا اتقارۋعا ىنتالاندىرۋ جانە تاربيەلەۋ ءۇشىن، 2016 - جىلى 20 - شىلدە كۇنى مەملەكەتتىك كەڭەستىڭ ۇنەمىلىك ىستەر ءماجىلىسى «مەملەكەتتىك كەڭەس جانە ونىڭ تاراۋلارى تاعايىنداعان مەملەكەت قىزمەتكەرلەرىن نەگىزگى زاڭعا سەرت بەرۋگە ۇيىمداستىرۋ زاڭىن» ماقۇلداپ، سەرت بەرۋگە قاتىناسۋ كولەمى، سەرت بەرۋ فورماسى جانە ءتارتىبى سياقتىلاردى ايقىن بەلگىلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
