- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شوكىرات زاكىر تۇركيالىق جانە شەتەل ۋاكىلدەر ۇيىرمەسىندەگى قوناقتارمەن جەكە - جەكە كەزدەستى
كورمەگە قاتىناسقان تاراپتاردىڭ كورمەنىڭ سۇبەلى تابىستارىنان تەڭ يگىلىكتەنۋىن ءۇمىت ەتەمىن
2016.09.21 11:04 كەلۋ قاينارى : شينجياڭ گازەتى
ءتىلشىمىز لي شيڭ 19 - قىركۇيەكتە ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 19 - قىركۇيەكتە تۇركيانىڭ ورىنباسار ەكونوميكا مينيسترى فاتي مەتينمەن كەزدەستى.
شوكىرات زاكىر قوناقتاردىڭ كەلگەنىن قارسى الاتىنىن بىلدىرە كەلىپ بىلاي دەدى: جۇڭگو مەن تۇركيا دوستىعىنىڭ تاريحى ۇزاق، بايىرعى جىبەك جولى ەكى ەل حالقىن تىعىز بايلانىستىرعان؛ جۇڭگونىڭ شينجياڭى كوپتەگەن جاقتاردا تۇركيامەن ۇقساستىققا يە، وسىنىڭ بارلىعى ەكى جاقتىڭ دوستىعى مەن سەلبەستىگىنىڭ بەرىك نەگىزى. بەرتىنگى جىلدارى، جۇڭگونىڭ شينجياڭى مەن تۇركيانىڭ ەكى جاقتى ساۋدا اۋىس - كۇيىسى بارعان سايىن جيىلەپ، قارىشتاي دامىپ، سۇبەلى تابىستارعا قول جەتكىزىپ، ەكى جاق سەلبەستىگىنىڭ جارقىن بولاشاعى مەن وراسان زور كومەسكى كۇشىن ايگىلەدى. جۇڭگونىڭ مەملەكەت ءتوراعاسى شي جينپيڭ «ءبىر جول، ءبىر بەلدەۋدى» بىرگە قۇرۋ دارىپتەمەسىن العا قويدى. بۇل جىبەك جولى بويىنداعى تۇركيانى قامتىعان ەلدەردىڭ قولداۋىنا يە بولدى، جۇڭگونىڭ شينجياڭى جىبەك جولى ەكونوميكالىق بەلدەۋىندەگى ماڭىزدى بۋىن رەتىندە، جىبەك جولى بويىنداعى ەلدەرمەن كۇش سالا سەلبەستىك جاساسىپ، جىبەك جولى ەكونوميكالىق بەلدەۋىن بىرگە قۇرۋعا، كوركەيۋ، دامۋ جەتىستىكتەرىنەن تەڭ يگىلىكتەنۋگە پەيىل. وسى رەتكى جۇڭگو − ازيا - ەۆروپا كورمەسى ارقىلى جۇڭگو مەن تۇركيانىڭ اناعۇرلىم كوپ كاسىپورىندارىنا تاماشا مىنبەر ازىرلەپ، ەكونوميكا − ساۋدا، عىلىم - تەحنيكا، گۋمانيتارلىق اۋىس - كۇيىس جاقتارىندا سەلبەستىكتى كۇشەيتىپ، جۇڭگو مەن تۇركيا حالقىنىڭ دوستىعىن ۇرپاقتان - ۇرپاققا جالعاپ، وڭىرلىك ەكونوميكانىڭ، قوعامنىڭ دامۋىنا ماڭىزدى ۇلەس قوسۋدى ءۇمىت ەتەمىن.
فاتي مەتين بىلاي دەدى: جۇڭگو − ازيا - ەۆروپا كورمەسى جۇڭگونىڭ باتىسقا ەسىك اشۋداعى ماڭىزدى تەرەزەسى، بۇعان قاتىناسقانىما ەرەكشە قۋانىشتامىن. بەرتىنگى جىلداردا تۇركيا مەن جۇڭگونىڭ جوعارى دارەجەلى باسشىلارى ءجيى ساپاردا بولىپ، ەكى ەل قاتىناسىنىڭ اناعۇرلىم دامۋىن جەبەدى. جىبەك جولى ەكونوميكالىق بەلدەۋىن بىرگە قۇرۋ ۇلى جوباسىندا ەكى جاق سەلبەستىگىنىڭ وراسان زور كومەسكى كۇشى بار، الدا سەلبەستىك سالالارىن اناعۇرلىم كەڭەيتىپ، جىبەك جولى ەكونوميكالىق بەلدەۋىنىڭ گۇلدەنىپ - كوركەيۋىنە ۇلەس قوسۋدى ءۇمىت ەتەمىن.
اۆتونوميالى رايون باسشىلارىنان شى داگاڭ كەزدەسۋدە بىرگە بولدى.
ءتىلشىمىز لي شيڭ 19 - قىركۇيەكتە ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 19 - قىركۇيەك كەشتە وسى كەزەكتى جۇڭگو − ازيا - ەۆروپا كورمەسىنە قاتىناسۋعا كەلگەن شەتەل ۋاكىلدەر ۇيىرمەسىندەگى قوناقتارمەن كەزدەستى.
شوكىرات زاكىر قوناقتاردىڭ كەلگەنىن قارسى الدى. ول بىلاي دەدى: جۇڭگونىڭ مەملەكەت ءتوراعاسى شي جينپيڭ «ءبىر جول، ءبىر بەلدەۋدى» بىرگە قۇرۋ دارىپتەمەسىن العا قويدى، بۇل جىبەك جولى بويىنداعى ەلدەردىڭ قولداۋىنا يە بولدى. جۇڭگو − ازيا - ەۆروپا كورمەسى جۇڭگونىڭ شينجياڭىندا 5 كەزەك وتكىزىلدى. وتكەن 4 كەزەكتە جۇڭگو − ازيا - ەۆروپا كورمەسى ەلىمىزدەگى جانە شەتەلدەگى ءار سالا دوستاردىڭ زور كۇشپەن قولداۋىندا، جىلدان − جىلعا جاقسى وتكىزىلىپ، جىلدان − جىلعا ءونىمدى بولىپ، سۇبەلى تابىستارعا قول جەتكىزدى. وسى كەزەكتى كورمە جۇڭگولىق، شەتەلدىك قوناقتار مەن ساۋداگەرلەر ەڭ كوپ، حالىقارالىق سەلبەستىك كولەمى ەڭ كەڭ، مازمۇنى اناعۇرلىم ناقتى ءبىر كەزەك سالتاناتتى جينالىس، بۇل ءار ەلدىڭ سەلبەستىك جاساسۋ تىلەگى مەن سۇرانىسى بارىن تولىق بەينەلەدى. بيىل «ورتاق اقىلداسۋ، بىرگە قۇرۋ، تەڭ يگىلىكتەنۋ، جىبەك جولىنداعى وراي مەن بولاشاق» دەگەن تاقىرىپتا ازيا مەن ەۆروپاداعى ەلدەردىڭ «ءبىر بەلدەۋ، ءبىر جولدى» بىرگە قۇرۋى ءۇشىن الدەقايدا كەڭ مىنبەر ازىرلەپ، كورمەگە قاتىناسقان مەملەكەتتەر مەن كاسىپورىندارعا ءتىپتى دە جاقسى تابىستار سيلايمىز.
شەتەل ۋاكىلدەر ۇيىرمەسىنىڭ ۋاكىلى، ۇلى بريتانيا - جۇڭگو ساۋدا بىرلەستىگىنىڭ جۇڭحۋا رايونىنىڭ ءتوراعاسى ۋي كى بىلاي دەدى: وسى رەت شينجياڭعا كەلگەندە، شينجياڭداعى دامۋشىلىقتار مەن وزگەرىستەردىڭ مول ەكەنىن سەزىندىك. وسى كەزەكتى جۇڭگو − ازيا - ەۆروپا كورمەسىنىڭ ءساتتى جينالىس بولاتىنىنا سەنەمىن، وسى رەت ءار ەلدەن، تۇرلىشە قۇرىلىمنان كورمەگە قاتىسۋعا كەلگەن ساۋداگەرلەردىڭ تابىسقا قول جەتكىزىپ، «ءبىر بەلدەۋ، ءبىر جولدى» بىرگە قۇرۋعا ۇلەس قوسۋىن ءۇمىت ەتەمىن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
