5 - كەزەكتى جۇڭگو − ازيا - ەۆروپا كورمەسى اشىلدى

جۇڭگو − ازيا - ەۆروپا ەكونوميكانى دامىتۋ سەلبەستىك تالقى مىنبەرى باستالدىەركىن يمىرباقى ارقاۋ ءسوز سويلەدى، ۋاڭ چينمين جينالىسقا قاتىستى، چىن چۋانگو ارناۋ ءسوز سويلەدى

2016.09.22 10:38   كەلۋ قاينارى : شينجياڭ گازەتى

　　تىلشىلەرىمىز ياۋ تۇڭ، لي شيڭ 20 - قىركۇيەكتە ۇرىمجىدەن حابارلايدى. 5 - كەزەكتى جۇڭگو − ازيا - ەۆروپا كورمەسى 20 - قىركۇيەك تۇستەن بۇرىن ۇرىمجىدە اشىلدى.

　　مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى اشىلۋ سالتىنا جانە جۇڭگو − ازيا - ەۆروپا ەكونوميكانى دامىتۋ سەلبەستىك تالقى مىنبەرىنە قاتىستى ءارى ارقاۋ ءسوز سويلەدى. مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى ۋاڭ چينمين اشىلۋ سالتىنا جانە نەگىزگى تالقى مىنبەرىنە قاتىستى.

　　تاجىكستاننىڭ زۇڭليى كوحير راسۇلزودا، پاكيستان حالىقتىق پارلامەنتىنىڭ باستىعى ساردار اياز سادىق، ارمەنيا پارلامەنتىنىڭ ورىنباسار باستىعى حەرمينە ناگداليان، بەلورۋسسيا زۇڭتۇڭ كەڭسەسىنىڭ ورىنباسار مەڭگەرۋشىسى سنوپكوۆ نيكولاي گەننادەۆيچ، قازاقستان رەسپۋبليكاسى شىعىس قازاقستان وبلىسىنىڭ اكىمى دانيال احمەتوۆ، جىبەك جولى قورى شەكتى جاۋاپكەرشىلىك سەرىكتەستىگىنىڭ باس جوراسى جين چيلار اشىلۋ سالتىنا جانە نەگىزگى تالقى مىنبەرىنە قاتىستى ءارى ءسوز سويلەدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو، ساۋدا مينيسترىنىڭ ورىنباسارى ۋاڭ شوۋۋىن اشىلۋ سالتىنا جانە نەگىزگى تالقى مىنبەرىنە قاتىستى ءارى ارناۋ ءسوز سويلەدى. 5 - كەزەكتى جۇڭگو − ازيا - ەۆروپا كورمەسىن ۇيىمداستىرۋ كوميسسياسىنىڭ مەڭگەرۋشىسى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اشىلۋ سالتىن جانە نەگىزگى تالقى مىنبەرىن باسقاردى.

　　وسى كەزەكتى كورمەنىڭ باستى تاقىرىبى − «ورتاق اقىلداسۋ، بىرگە قۇرۋ، تەڭ يگىلىكتەنۋ، جىبەك جولىنداعى وراي جانە بولاشاق». ساعات 10 جارىمدا 5 - كەزەكتى جۇڭگو − ازيا - ەۆروپا كورمەسى جانە جۇڭگو − ازيا - ەۆروپا ەكونوميكانى دامىتۋ سەلبەستىك تالقى مىنبەرى رەسمي باستالدى. شينجياڭ حالىقارالىق كورمە ورتالىعىنىڭ كوپ فۋنكتسيالدى زالى قوناقتارعا لىق تولدى، ەل ءىشى - سىرتىنان كەلگەن ساياسي قايراتكەرلەر، سيلى قوناقتار وسى ارادا قاقپانى اشىق ۇستاۋ، سەلبەستىك جاساسۋ، دامۋ اياسىنداعى كەلەلى جوسپارلاردى بىرگە اقىلداستى.

　　شاتىرلاعان شاپالاق ءۇنى ىشىندە، ەركىن يمىرباقى ارقاۋ ءسوز سويلەدى. ول ەلىمىز ۇكىمەتى اتىنان كورمەنىڭ اشىلعانىن قىزۋ قۇتتىقتاپ، الىس - جاقىننان كەلگەن سيلى قوناقتاردى ىستىق مەرەيمەن قارسى الاتىنىن ءبىلدىردى. ەركىن يمىرباقى بىلاي دەدى: 2013 - جىلى ءتوراعا شي جينپيڭ جىبەك جولى ەكونوميكالىق بەلدەۋىن جانە 21 - عاسىرداعى تەڭىز جىبەك جولىن بىرگە قۇرۋ جونىندەگى كەلەلى سەلبەستىك دارىپتەمەنى العا قويعاننان بەرى، ءبىز جەلى بويىنداعى مەملەكەتتەرمەن ساياساتتاردى بايلانىستىرۋدى كۇشەيتۋگە، «ءبىر بەلدەۋ، ءبىر جول» اياسىنداعى ماڭىزدى نىسان قۇرىلىستارىن ىلگەرىلەتۋگە، جەلى بويىنداعى مەملەكەتتەرمەن ساۋدا بارىس - كەلىستەرىن كەڭەيتۋگە، فينانستىق سەلبەستىكتى تەرەڭدەتۋگە، گۋمانيتارلىق اۋىس - كۇيىس سەلبەستىگىن ورىستەتۋگە كۇش سالىپ كەلەمىز. «ءبىر بەلدەۋ، ءبىر جول» قۇرىلىسى تياناقتاپ تامىر تارتۋ، ىشكەرىلەي، ەگجەي - تەگجەيلى ءجۇرىلۋ، باياندى دامۋ كەزەڭىنە قادام تاستاپ، ساياساتتى بايلانىستىراتىن، قۇرىلعىلاردى ۇلاستىراتىن، ساۋدانى ىركىلىسسىزدەندىرەتىن، اقشانى اينالىمعا سالاتىن، جۇرت تىلەگىن توعىستىراتىن وراسان زور مۇمكىندىك پەن كەڭ بولاشاقتى ايگىلەدى.

　　ەركىن يمىرباقى جىبەك جولىنىڭ كەلەشەكتەگى سەلبەسە دامۋ ماسەلەسى جونىندە جينالىسقا قاتىسقان سيلى قوناقتارمەن مىناداي 3 كوزقاراستى ءبولىستى: ءبىرىنشى، جىبەك جولى ەكونوميكالىق بەلدەۋىن قۇرۋدا اشىق، قامتىمدى بولۋ، بىرگە اقىلداسىپ، بىرگە قۇرۋ، ءوزارا پايدا جەتكىزىپ، تەڭ ۇتۋ تانىمىن ۇستانۋ. ەكىنشى، «ءبىر بەلدەۋ، ءبىر جول» سەلبەستىك دارىپتەمەسىنىڭ جەتەكشىلىك رولىن تولىق ساۋلەلەندىرىپ، حالىقارالىق سەلبەستىكتىڭ جاڭا ءورىسىن جانە تىڭ سالالارىن اشۋ. ءۇشىنشى، ساياساتتىق جانە وڭىرلىك ارتىقشىلىقتاردان پايدالانىپ، جىبەك جولى ەكونوميكالىق بەلدەۋى اياسىنداعى كاسىپ سالالار سەلبەستىگىن بىرگە ىلگەرىلەتۋ.

　　ەركىن يمىرباقى مىنالاردى اتاپ كورسەتتى: «13 - بەسجىلدىق» كەزىندە، ءبىز «ءبىر بەلدەۋ، ءبىر جول» قۇرىلىسىن نەگىزگە الىپ، سىرتقا ەسىك اشۋدىڭ ءمان - مازمۇنىن بايىتىپ، دەڭگەيىن جوعارىلاتىپ، ستراتەگيالىق ءوزارا سەنىمدىلىكتى، ەكونوميكا - ساۋدا سەلبەستىگىن، گۋمانيتارلىق اۋىس - كۇيىستى سايكەستىرە جەبەپ، تەرەڭ توعىسۋدىڭ ءوزارا پايدا جەتكىزەتىن سەلبەستىك جۇلگەسىن قالىپتاستىرىپ، سىرتقا ەسىك اشۋدىڭ جاڭا جاعدايىن قالىپتاستىرۋعا قۇلشىنامىز.

　　ءبىرىنشى، جاقىن، ادال، ءتيىمدى، قامتىمدى بولۋ ۇستانىمىن تۋ ەتىپ، ورتاق اقىلداسۋ، بىرگە قۇرۋ، تەڭ يگىلىكتەنۋ پرينسيبىنەن جازباي، «ءبىر بەلدەۋ، ءبىر جول» سەلبەستىگى مەحانيزمىن كەمەلدەندىرۋ؛ ەكىنشى، «ءبىر بەلدەۋ، ءبىر جول» ەكونوميكالىق ءدالىزىن ىركىلىسسىزدەندىرىپ، 6 ۇلكەن ەكونوميكالىق ءدالىز بەن تەڭىز جىبەك جولى ستراتەگيالىق تياناق قۇرىلىسىن بىرگە ىلگەرىلەتۋ؛ ءۇشىنشى، ەكونوميكا - ساۋدا سەلبەستىگىن ۇزدىكسىز تەرەڭدەتىپ، حالىقارالىق زات اينالىم ۇلكەن ارناسىن قۇرۋ؛ ءتورتىنشى، ازيا نەگىزدىك قۇرىلعىلارعا قارجى قوسۋ بانكەسى مەن جىبەك جولى قورىنىڭ رولىن ونان ارى جاقسى ساۋلەلەندىرىپ، «ءبىر بەلدەۋ، ءبىر جول» قۇرىلىسىنىڭ فينانستىق سەلبەستىك تۇعىرىن بىرگە قۇرۋ؛ بەسىنشى، ەكونوميكالىق سەلبەستىك پەن گۋمانيتارلىق اۋىس - كۇيىستى بىرگە ىلگەرىلەتۋ پرينسيبىنەن جازباي، جەلى بويىنداعى ءار ەل حالىقتارى ءبىر - بىرىنەن ءلاززات الىپ، ءوزارا تۇسىنىسەتىن، ءبىرىن - ءبىرى قۇرمەتتەيتىن گۋمانيتارلىق جۇلگە قالىپتاستىرۋ كەرەك. قازىر شينجياڭ «ءبىر بەلدەۋ، ءبىر جول» قۇرىلىسىنىڭ تاريحي ورايىن مىقتى يگەرىپ، سىرتقا ەسىكتى ايقارا اشىپ، شىعىسپەن بايلانىس ورناتىپ، باتىسقا شىعارۋدىڭ حالىقارالىق ساۋدا - ساتتىق ءىرى ارناسىن اشىپ، جىبەك جولى ەكونوميكالىق بەلدەۋىندەگى وزەكتى رايونىن قۇرۋدا. مەن سىزدەردىڭ نازارلارىڭىزدى جۇڭگونىڭ شينجياڭىنا شوعىرلاندىرىپ، جۇڭگو − ازيا - ەۆروپا كورمەسى سىندى تۇعىردان تولىق پايدالانىپ، سەلبەسىپ تەڭ ۇتۋ، قاتار دامۋدى جۇزەگە اسىرۋلارىڭىزدى شىن جۇرەكتەن ءۇمىت ەتەمىن.

　　چىن چۋانگو سوزىندە شينجياڭ ۇيعۇر اۆتونوميالى رايونى مەن بۇكىل شينجياڭداعى ءار ۇلت حالقى اتىنان كورمەگە كەلگەن سيلى قوناقتاردى قىزۋ قارسى الاتىندىعىن ءبىلدىردى. ول بىلاي دەدى: ءتوراعا شي جينپيڭ العا قويعان «ءبىر بەلدەۋ، ءبىر جولدى» بىرگە قۇرۋ دارىپتەمەسى وڭىرلىك جانە الەمدىك سەلبەستىك اۋقىمىنا، سونداي - اق جىبەك جولى بويىنداعى مەملەكەتتەر مەن رايونداردىڭ دامۋ قاجەتىنە ۇيلەستى، مۇددەلەس ورتاق تۇلعانى، تاعدىرلاس ورتاق تۇلعا مەن جاۋاپكەرشىلىك ورتاق تۇلعاسىن تۇلعالاۋ سىندى كەلەلى ستراتەگيالىق ويى حالىقارالىق قوعامنىڭ بەلسەندى باعاسىنا يە بولىپ، سونىمەن بىرگە ولار بۇعان كەڭ كولەمدى ات سالىسىپ، سۇبەلى تابىستارعا قول جەتكىزدى. جىبەك جولى اشىق جول، سەلبەستىك جولى، تەڭ يگىلىككە كەنەلۋ جولى. 2000 نەشە جىلدىڭ الدىندا ءدال وسى جىبەك جولى جۇڭگونى ورتا ازياداعى ەلدەرمەن جانە شالعايداعى ەۆروپامەن بايلانىستىرعان؛ 2000 نەشە جىلدان كەيىنگى بۇگىنگى كۇندە، جىبەك جولى ەكونوميكالىق بەلدەۋى قۇرىلىسى جۇڭگو مەن ازيا - ەۆروپا جەلىسى بويىنداعى ەلدەردىڭ بىرگە دامۋىنا وراسان زور وراي ازىرلەپ بەردى.

　　چىن چۋانگو بىلاي دەپ اتاپ كورسەتتى: شينجياڭ ازيا - ەۆروپا ۇلى قۇرلىعىنىڭ ورتا بولەگىنە ورنالاسقان، جەرى كەڭ، بايلىعى مول، تابيعاتى كوركەم، مادەنيەتى شۇعىلالى ءوڭىر، جىبەك جولى ەكونوميكالىق بەلدەۋىندەگى ماڭىزدى ءتۇيىن، «ازيا - ەۆروپا قۇرلىق كوپىرى»، ءسوز جوق، باسىپ وتەتىن ءوڭىر، شىعىس پەن باتىستىڭ ەكونوميكا، مادەنيەت اۋىس - كۇيىسىنىڭ ماڭىزدى ارناسى، باتىس پەن شىعىستىڭ وركەنيەتىن ۇلاستىرۋعا، ازيا - ەۆروپا ەلدەرىنىڭ اۋىس - كۇيىسىن، سەلبەستىگىن جەبەۋگە ەلەۋلى ۇلەس قوسقان. قازىر شينجياڭداعى ءار ۇلت حالقى شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭدى جونگە سالۋ تاكتيكاسىنا ساي، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، وڭىرلىك باسىمدىقتى، بايلىق باسىمدىعىن، گۋمانيتارلىق باسىمدىقتى تولىق ساۋلەلەندىرىپ، ەكونوميكانىڭ اناعۇرلىم جاقسى، اناعۇرلىم تەز دامۋىن جەبەپ، شىعىسپەن بايلانىس ورناتىپ، باتىسقا شىعاراتىن حالىقارالىق، ەل ءىشى ۇلكەن ارناسىن قۇرىپ، جۇڭگونىڭ باتىسقا ەسىك اشۋداعى الدىڭعى قامالىن ورناتۋدا، جىبەك جولى ەكونوميكالىق بەلدەۋى وزەكتى رايونىن قۇرۋدىڭ دامۋ كومەسكى كۇشى زور، دامۋ بولاشاعى نۇرلى. جۇڭگونىڭ شينجياڭى ءار ەلمەن بىرگە قۇلشىنىپ، بىرگە دامۋ بارىسىندا ءوز رولىن ساۋلەلەندىرىپ، جۇڭگو − ازيا - ەۆروپا كورمەسى سىندى دانەكەر مەن تۇعىردان ويداعىداي پايدالانىپ، سەلبەستىكتىڭ ۇلى جوباسىن بىرگە اقىلداسىپ، جىبەك جولىن بىرگە كوركەيتىپ، گۇلدەنىپ - كوركەيۋ ورايىنان بىرگە يگىلىكتەنىپ، شۇعىلالى بولاشاقتى بىرگە اشىپ، جىبەك جولى ەكونوميكالىق بەلدەۋىندە جاراسىمدى دامۋدىڭ، سەلبەسىپ تەڭ يگىلىككە كەنەلۋدىڭ تىڭ داستانىن بىرگە جازۋدى قالايدى.

　　ساۋدا مينيسترىنىڭ ورىنباسارى ۋاڭ شوۋۋىن سوزىندە جۇڭگو ساۋدا مينيسترلىگى اتىنان سيلى قوناقتاردى قىزۋ قارسى الاتىندىعىن ءبىلدىردى.ول بىلاي دەدى: جۇڭگو − ازيا - ەۆروپا كورمەسى جۇڭگو ۇكىمەتى اتقارعان بەلسەنە ەسىك اشۋ ستراتەگياسىنىڭ ماڭىزدى شاراسى، 2011 - جىلى تۇڭعىش رەت تابىستى وتكەن، 2013 - جىلى ءتوراعا شي جينپيڭ «ءبىر بەلدەۋ، ءبىر جول» كەلەلى دارىپتەمەسىن العا قويعاننان بەرى، جۇڭگونىڭ، سونداي - اق ازيا - ەۆروپاداعى ءار ەلدىڭ اۋىس - كۇيىسى مەن سەلبەستىگىن جەبەۋدىڭ ماڭىزدى تۇعىرىنا اينالدى. وسى كەزەكتى تالقى مىنبەرى «ورتاق اقىلداسۋ، بىرگە قۇرۋ، تەڭ يگىلىكتەنۋ، جىبەك جولىنداعى وراي جانە بولاشاق» دەگەندى باستى تاقىرىپ ەتكەن، بۇل بيىل شىلدەدە اشىلعان ازيا - ەۆروپا ەلدەرى باسشىلارىنىڭ 11 - رەتكى باس قوسۋىنىڭ رۋحىن تياناقتاندىرۋدىڭ تىكە بەينەسى. ءبىز وسى كەزەكتى كورمەنىڭ ازيا - ەۆروپاداعى ءار ەل حالقىنىڭ دوستىعىن ونان ارى نىعايتىپ، ءوزارا پايدا جەتكىزىپ، تەڭ يگىلىككە كەنەلۋ باسىمدىعىن شوعىرلاندىرىپ، بىرگە دامۋدىڭ تىڭ ورايىن اشاتىندىعىنا سەنەمىز.

　　كوحير راسۇلزودا سوزىندە بىلاي دەدى: جۇڭگو − ازيا - ەۆروپا كورمەسىنىڭ ىقپالى جىلدان - جىلعا ارتىپ، ۇسىنىسپەن قاتىناسقان ەلدەردىڭ سانى ۇزبەي ارتىپ كەلەدى. كورمە كەڭ بايتاق ازياداعى، ەۆروپاداعى مەملەكەتتەردىڭ ەكونوميكا - ساۋدا سەلبەستىگىنىڭ ۇزدىكسىز تەرەڭدەۋىن جەبەيدى. «جىبەك جولى ەكونوميكالىق بەلدەۋىن» بىرگە قۇرۋ 21 - عاسىرداعى ماڭىزدى، وزەكتى نىسان، جەلى بويىنداعى ەلدەر مەن بارلىق ات سالىسۋشىلاردىڭ مۇددەسىنە ۇيلەسەدى، ازيا - ەۆروپاداعى ەلدەردىڭ ەكونوميكا - ساۋدا سەلبەستىگى مەن دۇنيە ءجۇزىنىڭ ورنىقتىلىعىن، ءسوز جوق، پارمەندى جەبەيدى.

　　ساردار اياز سادىق سوزىندە بىلاي دەدى: شينجياڭ پاكيستان مەن جۇڭگو سىندى ەكى باۋىرلاس ەلدىڭ بارىس - كەلىسىندە بەلسەندى رول اتقارىپ كەلەدى. ءبىز جۇڭگو - پاكيستان ەكونوميكالىق ءدالىزى قۇرىلىسىن ىلگەرىلەتۋگە كۇش سالىپ، ازيا مەن ەۆروپانىڭ ساۋدا، قارجى قوسۋ جانە ونەركاسىپ جاعىنداعى توعىسۋىن جەبەپ، ماكرولىق ەكونوميكا مەن فينانس سەلبەستىگىن ىشكەرىلەتەمىز. «ءبىر بەلدەۋ، ءبىر جول» قۇرىلىسىنان ءبىز كەدەيلىكتەن، اۋىرتپالىقتان ارىلۋدىڭ جولىن، شىت جاڭا ازيانى كوردىك.

　　حەرمينە ناگداليان سوزىندە بىلاي دەدى: جۇڭگو − ازيا - ەۆروپا كورمەسى وتكىزىلگەننەن قازىرگە دەيىن الەمدىك سەلبەستىكتى كۇشەيتۋدىڭ ماڭىزدى تۇعىرىنا اينالدى. جىبەك جولى ءار ەل حالقىنىڭ ورتاق بايلىعى، جىبەك جولى ەكونوميكالىق بەلدەۋىن بىرگە قۇرۋ ازيا - ەۆروپاداعى ءار ەل حالقىنىڭ ءتۇبىرلى مۇددەسىنە ۇيلەسەدى. ءبىز ءوزارا پايدا جەتكىزىپ سەلبەسەتىن شۇعىلالى بولاشاقتى بىرگە اشۋعا ۇزدىكسىز تاباندى بولىپ، ءوزارا پايدا جەتكىزىپ سەلبەسۋدىڭ تىڭ جولىن بىرگە اقىلداسىپ، جىبەك جولى بويىنداعى ءار ەل حالقىن يگىلىككە كەنەلتەمىز.

　　ازيا - ەۆروپا ەلدەرى مەن حالىقارالىق ۇيىمداردان كەلگەن سيلى قوناقتار، اۆتونوميالى رايون باسشىلارىنان نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، حۋاڭ ۋي، شاۋكەت يمىن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي، ليۋ شينچي، سونداي - اق اۆتونوميالى رايوندىق حالىق قۇرىلتايىنىڭ، اۆتونوميالى رايوندىق حالىق ۇكىمەتىنىڭ، اۆتونوميالى رايوندىق ساياسي كەڭەستىڭ، بيڭتۋاننىڭ باسشىلارى، تۋىسقان ولكە، قالالاردىڭ باسشىلارى، ءار سالا قايراتكەرلەرىنىڭ ۋاكىلى اشىلۋ سالتى مەن نەگىزگى تالقى مىنبەرىنە قاتىناستى.

　　اشىلۋ سالتىنان بۇرىن ەركىن يمىرباقى، ۋاڭ چينمين قاتارلىلار كورمەنى تاماشالادى.

　　مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى ۋاڭ چينمين 20 - قىركۇيەك تۇستەن بۇرىن اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگونىڭ سەرىك بولۋىندا 5 - كەزەكتى جۇڭگو − ازيا - ەۆروپا كورمەسىنىڭ كورمە ورىندارىن ەكسكۋرسيالاۋدا. سۋرەتتى ءتىلشىمىز لۋ مين - ي تۇسىرگەن

　　5 - كەزەكتى جۇڭگو − ازيا - ەۆروپا كورمەسى جانە جۇڭگو − ازيا - ەۆروپا ەكونوميكانى دامىتۋ سەلبەستىك تالقى مىنبەرى 20 - قىركۇيەك تۇستەن بۇرىن شينجياڭ حالىقارالىق كورمە ورتالىعىندا اشىلدى.

　　aسۋرەتتى ءتىلشىمىز لۋ مين - ي تۇسىرگەن

　　كەلۋ قاينارى: شينجياڭ گازەتى