- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەركىن يمىرباقى تاجىكستاندىق جانە پاكيستاندىق قوناقتارمەن جەكە - جەكە كەزدەستى
چىن چۋانگو، شوكىرات زاكىر جەكە - جەكە كەزدەسۋدە سەرىك بولدى
2016.09.22 10:41 كەلۋ قاينارى : شينجياڭ گازەتى
تىلشىلەرىمىز سۇي يۇنيان، لي شيڭ 20 - قىركۇيەكتە ۇرىمجىدەن حابارلايدى. مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى 20 - قىركۇيەكتە ۇرىمجىدە تاجىكستاننىڭ زۇڭليى كوحير راسۇلزودامەن جانە پاكيستان حالىقتىق پارلامەنتىنىڭ باستىعى ساردار اياز سادىقپەن جەكە - جەكە كەزدەستى.
اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر كەزدەسۋدە بىرگە بولدى.
ەركىن يمىرباقى كوحير راسۇلزودانىڭ جانە ونىڭ سەرىكتەرىنىڭ 5 - كەزەكتى جۇڭگو − ازيا - ەۆروپا كورمەسىنە قاتىناسقانىن قارسى الدى. ەركىن يمىرباقى بىلاي دەدى: ەكى ەل ديپلوماتيالىق قاتىناس ورناتقاننان بەرى، جۇڭگو مەن تاجىكستاننىڭ ءتۇرلى سالاداعى دوستىق سەلبەستىگى باياندى دامىدى، جۇڭگونىڭ شينجياڭىنىڭ تاجىكستانمەن دوستىق اۋىس - كۇيىسى، سەلبەستىگى دە قارىشتاي دامىدى، اسىرەسە، بەرتىنگى بىرنەشە جىلدا، ەكى جاقتىڭ ءتۇرلى جاقتارداعى بارىس - كەلىسى كۇننەن - كۇنگە جيىلەدى. جۇڭگو − ازيا - ەۆروپا كورمەسى جۇڭگو مەن تاجىكستاننىڭ تىلدەسۋدى، ارالاسۋدى جانە ەكونوميكا - ساۋدا سەلبەستىگىن كۇشەيتۋىنىڭ ەرەكشە ماڭىزدى تۇعىرى بولدى، 5 - كەزەكتى جۇڭگو − ازيا - ەۆروپا كورمەسى شينجياڭ جىبەك جولى ەكونوميكالىق بەلدەۋىندەگى وزەكتى رايون ەتىپ تۇراقتاندىرىلعاننان كەيىن وتكىزىلدى، مۇنىڭ كولەمى، ورەسى وتكەن كەزەكتى كورمەلەردەن اسىپ ءتۇستى. ەكى جاقتىڭ بىرگە قۇلشىنىپ، وسى تۇعىردان تاماشا سەلبەستىك ساۋدا ورايىن تاۋىپ، جىبەك جولى ەكونوميكالىق بەلدەۋىن بىرگە قۇرۋ ورايىن قولدان جىبەرمەي، تەڭ يگىلىككە كەنەلەتىنىنە سەنەمىن.
كوحير راسۇلزودا بىلاي دەدى: جۇڭگونىڭ ۋاكىلدەر ۇيىرمەمىزدى ىستىق ىقىلاسپەن، دوستىقپەن قارسى العانىنا العىس ايتامىن. تاجىكستان ساياسي، ەكونوميكا، گۋمانيتارلىق سياقتى كوپتەگەن جاقتاردا جۇڭگونىڭ كومەگىنە تالاي رەت يە بولدى، ەكى ەلدىڭ سەلبەستىكتى ۇزدىكسىز كۇشەيتىپ، جىبەك جولىنىڭ گۇلدەنىپ - كوركەيۋىنە ۇلەس قوسۋىن ءۇمىت ەتەمىن.
ساردار اياز سادىقپەن كەزدەسكەندە، ەركىن يمىرباقى جۇڭگو اتىنان قوناقتاردى قارسى الدى. ول بىلاي دەدى: جۇڭگو مەن پاكيستاننىڭ دوستىق قاتىناسىنىڭ تامىرى تەرەڭدە، جۇڭگو حالقى پاكيستاندى ەجەلدەن تاتۋ كورشىسىنە، جاقسى سەرىگىنە، جاقىن باۋىرلاسىنا بالاپ كەلەدى، ەكى ەل باسشىلارىنىڭ زور كۇشپەن قامقورلىق جاساۋىندا جانە ىلگەرىلەتۋىندە، جۇڭگو مەن پاكيستاننىڭ قاتىناسى باياندى دامۋشىلىقتارعا قول جەتكىزدى. بىلتىر ساۋىردە، ءتوراعا شي جينپيڭ پاكيستاننىڭ باسشىسىمەن بىرگە جۇڭگو مەن پاكيستاننىڭ قاتىناسىن مىزعىماس ستراتەگيالىق سەلبەستىك سەرىكتەستىك قاتىناسىنا كوتەرۋدى بەلگىلەپ، ەكى ەل قاتىناسىنىڭ دامۋىنا مىعىم قوزعاۋشى كۇش سيلادى. «ءبىر بەلدەۋ، ءبىر جول» قۇرىلىسىنداعى نەگىزگى نىسان جانە نىشان سيپاتتى ينجەنەريا رەتىندە، جۇڭگو - پاكيستان ەكونوميكالىق ءدالىزى جەتەكشىلىك ەتۋ، ونەگە بولۋ رولىن اتقارۋدا. جۇڭگونىڭ شينجياڭى جۇڭگو - پاكيستان ەكونوميكالىق ءدالىزى قۇرىلىسىندا ەرەكشە ماڭىزدى ورىنعا يە، پاكيستان مەن جۇڭگونىڭ شينجياڭىنىڭ ەكونوميكالىق، قوعامدىق دامۋىن ايرىقشا جەبەپ، ەكى ەلگە يگىلىك اكەلەدى. ەكى جاقتىڭ ساياساتتى بايلانىستىرۋدى جانە نىسانداردى توعىستىرۋدى كۇشەيتىپ، قيىنشىلىقتاردى بىرگە جەڭىپ، ءدالىزدى تەزىرەك قۇرۋىن ءۇمىت ەتەمىن، جۇڭگو −− ازيا - ەۆروپا كورمەسى جۇڭگو مەن پاكيستاننىڭ تىلدەسۋدى، ارالاسۋدى كۇشەيتۋىنىڭ ەرەكشە ماڭىزدى تۇعىرى، پاكيستاننىڭ كورمەگە قاتىساتىن ساۋداگەرلەرىنىڭ ورايدى قولدان جىبەرمەي، تابىسقا قول جەتكىزۋىن ءۇمىت ەتەمىن.
ساردار اياز سادىق بىلاي دەدى: كورمەنى باسقارۋشىلاردىڭ وسى وڭىردەگى ەلدەر ءۇشىن تاماشا سەلبەستىك تۇعىرىن ازىرلەگەنىنە ەرەكشە العىس ايتامىن، جۇڭگو −− ازيا - ەۆروپا كورمەسى تۇعىرىنان پايدالانىپ، ەكى جاقتىڭ سەلبەستىك نەگىزىن اناعۇرلىم بەكەمدەپ، ءوڭىردىڭ گۇلدەنىپ - كوركەيۋىنە، دامۋىنا ۇلەس قوسۋىن ءۇمىت ەتەمىن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
