- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۋاڭ ياڭ اۆتونوميالى رايونىمىزدا كەدەيلەردى سۇيەمەلدەۋ قىزمەتىنە تەكسەرۋ - زەرتتەۋ جۇرگىزدى
2016.09.22 13:24 كەلۋ قاينارى : شينجياڭ گازەتى
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، مەملەكەتتىك كەڭەستىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ باستىعى ۋاڭ ياڭ 18 - قىركۇيەكتەن 21 - قىركۇيەككە دەيىن اۆتونوميالى رايونىمىزدا كەدەيلەردى سۇيەمەلدەۋ قىزمەتىنە تەكسەرىپ - زەرتتەۋ جۇرگىزدى. ول بىلاي دەپ باسا دارىپتەدى: شينجياڭنىڭ كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ شينجياڭنىڭ قوعام ورنىقتىلىعى مەن باياندى تىنىشتىعى جونىنەن كەلەلى مانگە يە. ورتالىقتىڭ كەدەيلەردى سۇيەمەلدەۋ، وركەندەتۋ قىزمەتى ءماجىلىسى مەن يىنچۋاندا اشىلعان شىعىس، باتىس بولىكتەردىڭ كەدەيلەردى سۇيەمەلدەۋ بويىنشا سەلبەسۋى جونىندەگى اڭگىمە ءماجىلىستىڭ رۋحىن ىشكەرىلەي دايەكتى تياناقتاندىرىپ، جاۋاپكەرشىلىك سەزىم مەن كوكەي تەستىلىك سەزىمدى ونان ارى كۇشەيتىپ، قىزمەت شارالارىن جاڭارتىپ، كەدەيلەردى سۇيەمەلدەۋ بايلىعىن سايكەستىرىپ، دالمە - ءدال كومەكتەسۋدى كەمەلدەندىرىپ، كەدەيلەردى سۇيەمەلدەۋ ونىمدىلىگىن جوعارىلاتىپ، شينجياڭداعى ءار ۇلت جۇرتشىلىعىنىڭ دوڭگەلەك داۋلەتتى قوعام قۇرۋدى دەر كەزىندە جۇزەگە اسىرۋىنا شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو تەكسەرىپ - زەرتتەۋدە بىرگە بولدى.
وڭتۇستىك شينجياڭ − از ۇلت ءوڭىرى، شەكارا ءوڭىر، ءۇستىرت ءشولدى ءوڭىر، شوعىرلى، اۋماقتى ەرەكشە كەدەي ءوڭىر، ونىڭ جاراتىلىستىق شارت - جاعدايى ناشار، كەدەيلەسۋ مولشەرى جوعارى، كەدەيلىكتەن قۇتىلدىرۋدىڭ قيىندىعى زور. ۋاڭ ياڭ جانە ونىڭ ساپارلاستارى 6 گرۋپپاعا ءبولىنىپ، قىزىلسۋ قىرعىز اۆتونوميالى وبلىسىنىڭ اتۇش قالاسىندا، ۇلۇقشات اۋدانىندا جانە قاشقار ايماعىنىڭ قاشقار قالاسىندا، قاشقار كونەشار اۋدانىندا، قاشقار جاڭاشار اۋدانىندا، يەڭەسار اۋدانىندا، يوپۇرعا اۋدانىندا، ءپايزاۋات اۋدانىندا قىستاقتارعا بارىپ، وتباسىلارىن ارالاپ، اۋدان، اۋىل، قىستاق كادرلارىمەن، قىستاقتاردا تۇراتىن كادرلارمەن، شينجياڭعا باعىتتامالى كومەكتەسۋ بايلانىسىمەن ۋاقىتتىق مىندەت جۇكتەلگەن كادرلارمەن، ەگىنشى - مالشىلارمەن اڭگىمەلەسىپ، كەدەي جۇرتشىلىقتىڭ ءوندىرىس، تۇرمىس احۋالىن، كەدەيلەردى سۇيەمەلدەۋ قىزمەت جاعدايىن ەگجەي - تەگجەيلى ۇعىسىپ، نەگىزگى ساتىداعى كادر - جۇرتشىلىقتىڭ كەدەيلىكتەن قۇتىلدىرۋدان قامال الۋ جاعىنداعى پىكىر - ۇسىنىستارىن تىڭدادى.
ۋاڭ ياڭ باستاعان 1 - تەكسەرىپ - زەرتتەۋ گرۋپپاسى قاشقار كونەشار اۋدانى وعۇساق قالاشىعىنىڭ حوجىلا قىستاعىنا، اتۇش قالاسى تۇگۇرمىتى اۋىلىنىڭ مايدان قىستاعىنا بارىپ، كەدەيلىكتەن قۇتىلدىرۋدان قامال الۋ قىزمەتىنە تەكسەرىپ - زەرتتەۋ جۇرگىزدى. حوجىلا قىستاعىندا ۋاڭ ياڭ كەدەي وتباسى ايىلقان اسەننىڭ ۇيىنە بارىپ، ولاردىڭ ءوندىرىس، تۇرمىس جاعدايىن، كەدەيلەسۋ سەبەبى مەن كەدەيلەردى سۇيەمەلدەۋ ساياساتىنىڭ قانداي يگىلىگىنە كەنەلىپ وتىرعانىن ەگجەي - تەگجەيلى ۇعىستى. 66 جاستاعى ايىلقان اسەننىڭ اۋرۋ سەبەبىنەن كەدەيلەسكەنىن، پارتيا مەن ۇكىمەتتىڭ قامقورلىعىندا ەڭ تومەنگى تۇرمىستى قامتاماسىزداندىرۋ قارجىسىن، زەينەتكەرلىك قارجىسىن الاتىنىن، اۋىل - قىستاق جاڭاشا سەلبەسىپ ەمدەۋدىڭ اۋرۋىن كورسەتۋ قاجەتىن نەگىزىنەن قاناعاتتاندىرعانىن، سونىمەن وتباسى اۋىرتپالىعىنىڭ جەڭىلدەپ، تۇرمىسىنىڭ كۇننەن - كۇنگە وڭالىپ كەلە جاتقانىن بىلگەن ۋاڭ ياڭ قاباعات قۋاندى. ول بىلاي دەدى: شي جينپيڭ جولداس باس شۋجي بولعان پارتيا ورتالىق كوميتەتى كەدەي جۇرتشىلىققا، وتە - موتە، از ۇلت كەدەي جۇرتشىلىعىنا ايرىقشا كوڭىل بولەدى، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋگە بەلدى بەكەم بۋىپ، ءبىرسىپىرا ساياسات، شارالاردى العا قويىپ، كوپشىلىكتىڭ جاقسى تۇرمىس كەشىرۋىنە قولداۋ كورسەتىپ كەلەدى. ءار دارەجەلى پارتكوم مەن حالىق ۇكىمەتىنىڭ تىزە قوسا قۇلشىنۋىندا، ءار ۇلت جۇرتشىلىعى ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جاسايتىن بولسا، بۇل نىسانانىڭ، ءسوز جوق، جۇزەگە اساتىندىعىنا كامىل سەنەمىن.
مايدان قىستاعى شەكاراعا جاقىن، قىستاقتاعى 1900دەن استام ادامنىڭ تەڭ جارتىسى كەدەي، كەدەيلىكتەن قۇتىلدىرۋدان قامال الۋ مىندەتى اسا اۋىر. ۋاڭ ياڭ مالشىلاردىڭ ۇيىنە، قىستاق تۇرعىندار كوميتەتىنە، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت گرۋپپاسىنا، كىلەم جانە كەستەشىلىك سەلبەستىك كووپەراتيۆىنە بارىپ تەكسەرۋ جۇرگىزدى. بۇل قىستاقتىڭ كەدەيلىكتەن قۇتىلدىرۋدان قامال الۋدى حالىقتى اۋقاتتاندىرىپ، شەكارانى بەكەمدەۋمەن ۇشتاستىرۋعا تاباندى بولىپ، ءتۇرلى شارانى تەڭ قولدانىپ، شەكاراداعى حالىقتىڭ الاڭسىز بولۋىنا، تاپجىلماۋىنا، اۋقاتتانۋىنا شىنايى كەپىلدىك ەتكەنىن بىلگەن ۋاڭ ياڭ بۇل قىزمەتتەردى تولىق تۇراقتاندىردى. ۋاڭ ياڭ بىلاي دەدى: شەكارا وڭىردەگى كەدەيلەردى سۇيەمەلدەۋ مەملەكەتتىڭ شەكارا قورعانىسى حاۋىپسىزدىگى مەن جۇرتشىلىقتىڭ الاڭسىز تىرشىلىك ەتۋىنە سايادى، شەكاراداعى ءار ۇلت جۇرتشىلىعىن كەدەيلىكتەن قۇتىلدىرۋ قىزمەتىن، ءسوز جوق، ايرىقشا جاۋاپكەرشىلىكپەن تىڭعىلىقتى ىستەپ، كەدەيلىكتەن قۇتىلدىرۋدان قامال الۋ مەن حالىقتى اۋقاتتاندىرىپ، شەكارانى بەكەمدەۋدى تەڭ ىلگەرىلەتۋگە شىنايى كەپىلدىك ەتۋ كەرەك.
21 - قىركۇيەك تۇستەن بۇرىن ۋاڭ ياڭ قاشقاردا اڭگىمە ءماجىلىسىن باسقارىپ اشىپ، اۆتونوميالى رايوننىڭ كەدەيلىكتەن قۇتىلدىرۋدان قامال الۋ جاعدايى جونىندەگى مالىمەتىن تىڭدادى. ۋاڭ ياڭ شينجياڭنىڭ جۋىق جىلداردان بەرگى كەدەيلىكتەن قۇتىلدىرۋدان قامال الۋدا قول جەتكىزگەن تابىستارىن تولىق تۇراقتاندىردى. ول بىلاي دەپ باسا دارىپتەدى: شينجياڭدا، اسىرەسە، وڭتۇستىك شينجياڭنىڭ ەگىن، مال شارۋاشىلىق رايوندارىندا كەدەيلىك جان - جاقتىلى بولۋ، كۇردەلىلەسۋ ەرەكشەلىگىن العان. كەشەندى شارا قولدانىپ، ۇستىنەن وڭاۋ مەن تۇبىرىنەن وڭاۋدى بىردەي يگەرىپ، كەدەيلىكتەن قۇتىلدىرۋدان قامال الۋدىڭ ءتۇيىندى وڭىرلەرى مەن قاۋىمدى دالمە - ءدال كوزدەپ، شوعىرلى قامال الىپ، كەدەيلىكتەن قۇتىلدىرۋ مىندەتىن ورىنداۋعا شىنايى كەپىلدىك ەتۋ كەرەك. ەگىس اتىزى سۋ يگىلىگى سياقتى نەگىزدىك قۇرىلعى قۇرىلىسىن كۇشەيتىپ، سۋدى ۇنەمدەيتىن اۋىل شارۋاشىلىعىن زور كۇشپەن دامىتىپ، ەرەكشە ەگىن، مال شارۋاشىلىعىن زورايتىپ، ەگىنشى - مالشىلاردىڭ كەدەيلىكتەن قۇتىلىپ، اۋقاتتانۋ جولىنا تۇسۋىنە جەتەكشىلىك ەتۋ كەرەك. «قوس ءتىل» وقۋ - اعارتۋىنا، كاسىپتىك وقۋ - اعارتۋعا ءمان بەرۋ، ءتىل جانە ونەر تاربيەسىن كۇشەيتۋ، كەدەيلەردىڭ كاسىپتەنىپ كىرىسىن ارتتىرۋ قۋاتىن كۇشەيتۋ، جۇرتشىلىقتىڭ كەدەيلىكتەن قۇتىلۋ بەلسەندىلىگىن جۇمىلدىرۋ، كەدەي وڭىرلەردىڭ دامۋىنداعى ىشكى قوزعاۋشى كۇشىن نىعايتۋ كەرەك. كەدەيلىكتەن قۇتىلدىرۋدان قامال الۋدىڭ ونىمدىلىگىن تەكسەرۋ، سارالاۋ، قۋزاۋ، شارلاۋدى كۇشەيتۋ، كەدەيلىك تىزىمىنەن شىعارۋدىڭ قاتاڭ، جۇيەلى، اشىق مەحانيزمىن ورناتۋ، كەدەيلىكتەن قۇتىلدىرۋ ساپاسىنا دەن قويۋ، كەدەيلىكتەن قۇتىلدىرۋدا جالعانشىلىق ىستەۋدەن ساقتانۋ كەرەك. «ەكىدەن قام جەگىزبەۋ، ءۇشتى قامتاماسىزداندىرۋدان» قامال الۋ نىساناسىن قۇلشىنا جۇزەگە اسىرۋمەن بىرگە، كەدەيلىكتەن باياندى قۇتىلدىرۋعا تۇساۋ بولاتىن ۇزاق ۋاقىتتىق ماسەلەنى ساتىعا، قادامعا ءبولىپ تىڭعىلىقتى ءبىر جايلى ەتۋ كەرەك.
چىن چۋانگو اڭگىمە ماجىلىستە بىلاي دەدى: ورىنباسار زۇڭلي ۋاڭ ياڭ تەكسەرىپ - زەرتتەۋ ۇيىرمەسىن باستاپ شينجياڭدا كەدەيلەردى سۇيەمەلدەۋ، وركەندەتۋ قىزمەتىنە تەكسەرىپ - زەرتتەۋ جۇرگىزىپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ ىقىلاستى قامقورلىعىن، ورىنباسار زۇڭلي ۋاڭ ياڭنىڭ شينجياڭداعى ءار ۇلت حالقىنا دەگەن شىنايى سۇيىسپەنشىلىگىن الا كەلدى. ءبىز باس شۋجي شي جينپيڭنىڭ كەدەيلەردى سۇيەمەلدەۋ، وركەندەتۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتى تياناقتاندىرىپ، ورىنباسار زۇڭلي ۋاڭ ياڭنىڭ ورنالاستىرۋىنا، تالابىنا ساي، اناعۇرلىم بەرىك بەكىممەن، اناعۇرلىم پارمەندى شارامەن كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى ىشكەرىلەي اتقارىپ، كەدەيلىكتەن قۇتىلدىرۋدان قامال الۋ شايقاسىندا، ءسوزسىز، جەڭىسكە جەتىپ، قوعام ورنىقتىلىعى مەن باياندى تىنىشتىقتى جەبەپ، شي جينپيڭ جولداس باس شۋجي بولعان پارتيا ورتالىق كوميتەتىن الاڭسىز ەتىپ، بۇكىل اۆتونوميالى رايونىمىزداعى ءار ۇلت جۇرتشىلىعىن يگىلىككە كەنەلتۋىمىز كەرەك.
مەملەكەتتىك ساياسي كەڭەستىڭ تۇراقتى مۇشەسى، حالىق سانى، بايلىق، قورشاعان ورتا كوميتەتىنىڭ ورىنباسار مەڭگەرۋشىسى ۋ شۋاڭجان، مەملەكەتتىك كەڭەستىڭ ورىنباسار باس حاتشىسى جياڭ زىلين، مەملەكەتتىك دامۋ - رەفورما كوميتەتىنىڭ ورىنباسار مەڭگەرۋشىسى حۋ زۋساي، مەملەكەتتىك ۇلت ىستەرى كوميتەتىنىڭ ورىنباسار مەڭگەرۋشىسى لو ليميڭ، مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ مەڭگەرۋشىسى ليۋ يۇڭفۋ تەكسەرىپ - زەرتتەۋگە قاتىناستى. اۆتونوميالى رايوننىڭ ورىنباسار ءتوراعاسى چيان جى تەكسەرىپ - زەرتتەۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
