- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اقپارات مينيسترلەرىنىڭ تالقى مىنبەرى ۇرىمجىدە وتكىزىلدى
2016.09.22 13:29 كەلۋ قاينارى : شينجياڭ گازەتى
شينحۋا اگەنتتىگىنىڭ 19 - قىركۇيەكتە ۇرىمجىدەن بەرگەن حابارى. «بايلانىس جاساۋ، حابارلاسۋ: اقپارات قۇرالدارى سەلبەستىگىنىڭ تىڭ ورايى» تاقىرىبىنداعى 5 - كەزەكتى جۇڭگو − ازيا - ەۆروپا كورمەسى اقپارات مينيسترلەرىنىڭ تالقى مىنبەرى 19 - قىركۇيەكتە ۇرىمجىدە وتكىزىلدى. جۇڭگو جانە اۋعانستان، اۆستريا، بەلورۋسسيا، كامبودجا، ەگيپەت، قىرعىزستان، موڭعۇليا، بيرما، جاڭا زەلانديا، پاكيستان، شۆەتساريا، تاجىكستان سياقتى ەلدەردىڭ اقپارات مينيسترلەرى، ۇكىمەت ۋاكىلدەرى، اقپارات قۇرالدارىنىڭ جاۋاپتىلارى، سونداي - اق ءىسلام سەلبەستىك ۇيىمىنىڭ ۋاكىلدەرىنەن 40قا تاياۋ ادام تالقى مىنبەرىنە قاتىناستى.
ورتالىق كوميتەت ۇگىت ءبولىمىنىڭ ورىنباسار باستىعى، مەملەكەتتىك كەڭەس اقپارات كەڭسەسىنىڭ ورىنباسار مەڭگەرۋشىسى سۇي يۇييىڭ تالقى مىنبەرىنىڭ باستالۋ سالتىندا ارقاۋ ءسوز سويلەپ بىلاي دەدى: ءتوراعا شي جينپيڭ العا قويعان «ءبىر بەلدەۋ، ءبىر جول» كەلەلى دارىپتەمەسى ەرتەدەگى مەن بۇگىنگىنى توعىستىرىپ، جۇڭگو مەن شەتەلدى ۇلاستىرىپ، قاتىستى ەلدەردىڭ دامۋ، گۇلدەنىپ - كوركەيۋدەي كوكەي تەستى ارمانىن ايگىلەدى، تۇرلىشە وركەنيەتتىڭ تىلدەسۋدى، اۋىس - كۇيىستى، ءوزارا ۇلگى الۋدى كۇشەيتۋ تالابىنا ۇيلەسەدى، ادامزاتتىڭ ساياسيدا سەنىمدى، ەكونوميكاسى توعىسقان، مادەنيەتى قامتىمدى تاعدىرلاس ورتاق تۇلعاسىن تىزە قوسا تۇلعالاۋعا تىڭ قوزعاۋشى كۇش قوستى. اقپارات قۇرالدارى ينفورماتسيا تاراتۋ، بەيبىتشىلىكتى قورعاۋ، دوستىقتى نىعايتۋ، دامۋدى جەبەۋ سياقتى جاقتاردا باسقالار ورنىن باسا المايتىن رول اتقارادى، تالقى مىنبەرىنە قاتىسقان ءار ەل اقپارات قۇرالدارىنىڭ «ءبىر بەلدەۋ، ءبىر جولدى» بىرگە قۇرۋدىڭ اقپارات قۇرالدارىنىڭ اۋىس - كۇيىسىنە، سەلبەستىگىنە اكەلگەن تاپتىرماس تاريحي ورايىن مىقتى يگەرىپ، اشىق، قامتىمدى بولۋعا، بىرگە قۇرىپ تەڭ يگىلىكتەنۋگە، جاسامپازدىقپەن سايكەسۋگە، بارىس - كەلىس جاساسۋعا، اۋىس - كۇيىس ورناتۋعا تاباندى بولىپ، جۇرت تىلەگى، ينفورماتسيا، تەحنيكا، قىزمەتكەرلەر جاعىنداعى بايلانىستى جەبەپ، اقپارات قۇرالدارى سەلبەستىگىنىڭ «ينفورماتسيا جىبەك جولىن» تىڭعىلىقتى قۇرىپ شىعۋىن ءۇمىت ەتەمىن.
بەلورۋسسيانىڭ اقپارات مينيسترى انانيچي لليا ستانيسلاۆاۆنا بىلاي دەدى: بەلورۋسسيا «ءبىر بەلدەۋ، ءبىر جول» ستراتەگياسىن ەڭ العاش قولداعان مەملەكەت جانە ورنىقتى، سەنىمدى سەرىك، قازىر بەلورۋسسيا مەن جۇڭگو مينسكىدەگى سەلبەسىپ قۇرعان جۇيشى ونەركاسىپ باقشاسى جىبەك جولى ەكونوميكالىق بەلدەۋىندەگى جارقىراعان جاقۇتقا اينالدى. بەلورۋسسيا مەن جۇڭگو قازىر سەلبەستىك مازمۇندارىن كەڭەيتۋ ۇستىندە، بۇلار ساياسي، ەكونوميكا - ساۋدا، مادەنيەت، سونداي - اق راديو - تەلەۆيزيا، باسپا ءسوز، باسپا جانە اقپارات قۇرالدارىنىڭ سەلبەستىگى، اۋىس - كۇيىسى قاتارلىلاردى قامتيدى.
تالقى مىنبەرىنە قاتىسقان ۋاكىلدەر: بەيبىت دامۋعا تالپىنۋ ءار ەلدىڭ ورتاق جاۋاپكەرشىلىگى، «ءبىر بەلدەۋ، ءبىر جولدى» بىرگە قۇرۋ قاتىستى ەلدەرگە بىرگە دامۋدىڭ ماڭىزدى ورايىن ازىرلەپ بەردى، اقپارات قۇرالدارىنىڭ اۋىس - كۇيىسىن، سەلبەستىگىن كۇشەيتۋ ءار ەلدىڭ ءوزارا تۇسىنىستىگى مەن دوستىعىن نىعايتۋعا پايدالى، جۇرت تىلەگىنىڭ توعىسۋىن جەبەيدى، ءار ەلدىڭ دوستىق سەلبەستىك قاتىناستى دامىتۋىن ىلگەرىلەتىپ، اناعۇرلىم شۇعىلالى بولاشاقتى بىرگە جاراتادى، - دەپ قارادى.
5 - كەزەكتى جۇڭگو − ازيا - ەۆروپا كورمەسى اقپارات مينيسترلەرىنىڭ تالقى مىنبەرىن مەملەكەتتىك كەڭەستىڭ اقپارات كەڭسەسى ۇيىمداستىرىپ، جۇڭگو شەتەل تىلدەرىندە باسۋ، تاراتۋ ىستەرى مەكەمەسى مەن شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى وتكىزدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
