- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون مەن مەملەكەتتىك كەڭەستىڭ 19 - قۋزاۋ - تەكسەرۋ گرۋپپاسى كەزدەسۋ ءماجىلىسىن وتكىزدى
2016.09.26 13:17 كەلۋ قاينارى : شينجياڭ گازەتى
25 - قىركۇيەك كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى، قوسىمشا ساناق مەكەمەسىنىڭ باستىعى نيڭ جيجى گرۋپپا باستىعى بولعان مەملەكەتتىك كەڭەستىڭ 19 - قۋزاۋ - تەكسەرۋ گرۋپپاسىمەن كەزدەسۋ ءماجىلىسىن وتكىزدى. شوكىرات زاكىر مىنالاردى ءبىلدىردى: اۆتونوميالى رايون مەملەكەتتىك كەڭەستىڭ كولەمدى قۋزاۋ - تەكسەرۋىن قىزمەتتەردى ىلگەرىلەتۋدىڭ ماڭىزدى ورايى دەپ ءبىلىپ، قۋزاۋ - تەكسەرۋ گرۋپپاسىنىڭ قىزمەتتەرىنە بار كۇشپەن سايكەسىپ، پارتيا ورتالىق كوميتەتى مەن مەملەكەتتىك كەڭەستىڭ شارالارى مەن ورنالاستىرۋلارىنىڭ شينجياڭدا باتىل، پارمەندى تۇردە، بۇلجىماستان دايەكتىلەنۋى مەن تياناقتانۋىنا كەپىلدىك ەتەدى.
جۋىقتا مەملەكەتتىك كەڭەس 3 - رەتكى كولەمدى قۋزاۋ - تەكسەرۋ قىزمەتىن باستادى، قۋزاۋ - تەكسەرۋدىڭ كولەمى بۇكىل ەلدەگى31 ولكەنى (اۆتونوميالى رايون، توتە قاراستى قالا)، شينجياڭ ءوندىرىس - قۇرىلىس بيڭتۋانىن جانە مەملەكەتتىك كەڭەستىڭ قاتىستى تاراۋلارىن قامتيدى، قۋزاۋ - تەكسەرۋدىڭ ءتۇينى ەكونوميكانىڭ ورنىقتى دامۋىن ساقتاۋ، قامداۋ جاعىنداعى قۇرىلىمدىق رەفورمانى ىلگەرىلەتۋ، جاڭالىق اشا دامۋدى جەبەۋ، حالىق تۇرمىسىن قامتاماسىز ەتۋ مەن جاقسارتۋ سياقتى 4 جاقتاعى 23ءتۇيىندى مازمۇنعا سايادى.
اۆتونوميالى رايون مەملەكەتتىڭ كەڭەستىڭ كولەمدى قۋزاۋ - تەكسەرۋىنە ايرىقشا ءمان بەرىپ، مەملەكەتتىك كەڭەستىڭ 3 - رەتكى كولەمدى قۋزاۋ - تەكسەرۋىنە ويداعىداي دايىندالۋ جونىندە ارناۋلى قىزمەت ءماجىلىسىن اشىپ، شينجياڭنىڭ ءوزىن - ءوزى تەكسەرۋىنە جاپپاي ورنالاستىرۋ جاسادى. 30 - تامىزدان 10 - قىركۇيەككە دەيىن، اۆتونوميالى رايون مەملەكەتتىك كەڭەستىڭ قۋزاۋ - تەكسەرۋ گرۋپپاسى ءتۇيىندى تۇردە تەكسەرەتىن 4 جاقتاعى 23 ءتۇيىندى مازمۇن جونىندە جاپپاي ءوزىن تەكسەردى ءارى 6 قۋزاۋ - تەكسەرۋ گرۋپپاسىن شىعارىپ، اۆتونوميالى رايونداعى 13 ايماق، وبلىس، قالادا (قۇمىل قالاسى تەكسەرىلمەيدى) قۋزاۋ - تەكسەرۋ جۇرگىزدى.
شوكىرات زاكىر بىلاي دەدى: 2014 - جىلدان بەرى، مەملەكەتتىك كەڭەس ءۇرتىس 2 رەت كولەمدى قۋزاۋ - تەكسەرۋ قىزمەتىن ورىستەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شارالارى مەن ورنالاستىرۋلارىنىڭ دايەكتىلەنۋى مەن تياناقتانۋىن پارمەندى تۇردە ىلگەرىلەتتى. اسىرەسە، اۆتونوميالى رايونىمىز مەملەكەتتىك كەڭەستىڭ قۋزاۋ - تەكسەرۋىنەن كوپ پايدا الىپ، ماسەلەلەردى بايقاپ، ولقىلىقتاردى تولىقتاپ، قىزمەتتەردى ىلگەرىلەتىپ، ستيلگە بۇرىلىس جاسادى. ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭ قىزمەتى جونىندەگى ماڭىزدى شەشىم - ورنالاستىرۋلارىن باتىل، تاباندى تۇردە، بۇلجىماستان ويداعىداي تياناقتاندىرعاندا عانا شينجياڭنىڭ ەكونوميكالىق دامۋىن، ۇلتتار ىنتىماعىن جانە قوعام ورنىقتىلىعىن ىلگەرىلەتۋگە بولاتىندىعىنا انىق كوز جەتكىزدىك. اۆتونوميالى رايوندىق پارتكوم پارتيا ورتالىق كوميتەتىنىڭ، مەملەكەتتىك كەڭەستىڭ ءتۇرلى ماڭىزدى ساياساتتارىنىڭ دايەكتىلەنۋى مەن تياناقتانۋىنا ايرىقشا ءمان بەرىپ، ەكونوميكانىڭ جاقسى ءارى تەز دامۋىن ىلگەرىلەتۋ جانە حالىق تۇرمىسىن جاقسارتۋ سياقتى قىزمەتتەر جونىندە كوپ رەت ايقىن تالاپتاردى ورتاعا قويىپ، ءار دارەجەلى باسشى كادرلاردان پارتيا ورتالىق كوميتەتىنىڭ، مەملەكەتتىك كەڭەستىڭ تالاپتارىن قاتاڭ، تىڭعىلىقتى تياناقتاندىرىپ، ءتۇرلى قىزمەتتى جاقسى ىستەۋدى تالاپ ەتتى.
شوكىرات زاكىر مىنالاردى ءبىلدىردى: شينجياڭ پارتيا ورتالىق كوميتەتى مەن مەملەكەتتىك كەڭەستىڭ ورنالاستىرۋ - تالاپتارى بويىنشا، كەزەكتەگى ەكونوميكالىق اينالىم جانە رەفورما، دامۋداعى كورنەكتى ماسەلەلەرگە نازار اۋدارىپ، قۋزاۋ - تەكسەرۋ گرۋپپاسى ورتاعا قويعان پىكىرلەر مەن اڭىس ەتكەن ماسەلەلەر نەگىزىندە، ارنايى ەسەپ جاساپ، ۋاقىت شەگىن انىقتاپ، مۇقيات تۇزەتىپ، قۋزاپ تياناقتاندىرادى؛ ماسەلەنى باعدار ەتۋدەن جازباي، ناقتىلى، يكەمدى تۇزەتۋ شارالارىن شىعارىپ، قامداۋ جاعىنداعى قۇرىلىمدىق رەفورمانى پارمەندى تۇردە ىلگەرىلەتىپ، جاڭالىق اشۋدى جەتەكشى ەتكەن دامۋ ستراتەگياسىن بار كۇشپەن اتقارىپ، ماڭىزدى ساياسات - شارالاردىڭ، ءتۇيىندى قارجى سالۋ نىساندارىنىڭ، كەلەلى حالىق تۇرمىسى ينجەنەريالارىنىڭ جەدەل تياناقتانۋىن جەبەپ، اۆتونوميالى رايوننىڭ ەكونوميكالىق دامۋىنىڭ ساپاسى كوتەرىلىپ، تيىمدىلىگى ارتۋىنا، ورنىقتىلىق بارىسىندا جاقسارۋىنا، نىسانا - مىندەتتەردىڭ جاپپاي ورىندالۋىنا، «13 - بەسجىلدىقتىڭ» ويداعىداي باستالۋىنا كەپىلدىك ەتەدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي كەزدەسۋ ماجىلىسىنە قاتىناستى. كەزدەسۋ ماجىلىسىنەن بۇرىن، قۋزاۋ - تەكسەرۋ گرۋپپاسىنداعىلار مەملەكەتتىك حالىق قۇرىلتايىنىڭ اۆتونوميالى رايونىمىزداعى ۋاكىلدەرىمەن، مەملەكەتتىك ساياسي كەڭەستىڭ شينجياڭدا تۇراتىن مۇشەلەرىمەن اڭگىمە ءماجىلىس وتكىزىپ، حالىق قۇرىلتايى ۋاكىلدەرى مەن ساياسي كەڭەس مۇشەلەرىنىڭ ەكونوميكالىق دامۋ، «قوس ءتىل» اعارتۋى، حالىق تۇرمىسىن جاقسارتۋ سياقتى جاقتارداعى ۇسىنىس - پىكىرلەرىن تىڭدادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
