- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىزمەت گرۋپپاسى الەۋمەتتىك اۋماق نەگىزىنىڭ بەكەمدەلۋىنە كومەكتەستى
2016.10.09 14:45 كەلۋ قاينارى : شينجياڭ گازەتى
قىركۇيەكتىڭ باس شەنىندە قۇلجا قالاسىنىڭ داۋلەتباق كوشەسىندەگى داۋلەتباق الەۋمەتتىك اۋماعىنا باردىق، قارسى الدىمىزدان ۆەلوسيپەد جەتەلەگەن ءبىر اقساقال كەلە جاتىر ەكەن، اقساقال «ۇعىسۋ، تيىمدىلىك جاساۋ، توعىستىرۋ» قىزمەت گرۋپپاسىنداعى كادرلارمەن بۇرىننان تانىس ادامدارداي ىستىق ىقىلاسپەن قول الىسىپ امانداستى.
الەۋمەتتىك اۋماقتاعى تۇرعىندار مەن كادرلاردىڭ ءبىر وتباسىنىڭ ادامدارىنداي بولىپ كەتكەندىگى وسىدان - اق بەلگىلى. ىلە قازاق اۆتونوميالى وبلىستىق پارتكومنىڭ شتات كەڭسەسى، قۇلجا قالالىق پارتكومنىڭ ۇگىت ءبولىمى، ارحيۆ مەكەمەسى سياقتى ورىنداردان ۇيىمداسقان «ۇعىسۋ، تيىمدىلىك جاساۋ، توعىستىرۋ» قىزمەت گرۋپپاسىنىڭ كومەگىندە، كەزىندە كەنجە قالعان وسى الەۋمەتتىك اۋماقتىڭ بەينەسى جاڭارىپ، جالىندى ومىرشەڭدىك كۇشىن بايقاتتى.
باعالاۋ مەحانيزمىن ورناتىپ، قوسىنعا ويداعىداي جەتەكشىلىك ەتتى
داۋلەتباق الەۋمەتتىك اۋماعىندا ءتۇيىندى تۇردە قاداعالاناتىندار، جىلجىمالى حالىق، جۇمىسسىز بوس جۇرگەندەر كوپ. وسىنداي الەۋمەتتىك اۋماقتى قالاي باسقارۋ كەرەك؟ سول ءۇشىن ەڭ اۋەلى قۋاتتى كادرلار قوسىنىن جەتىلدىرۋ كەرەك.
كادرلاردى باعالاۋ، باسقارۋدىڭ عىلمي مەحانيزمىن ورناتۋ جونىندە ىزدەنىس جاساۋ، قۋاتتى كادرلار قوسىنىن جەتىلدىرۋ − الەۋمەتتىك اۋماققا بارعان قىزمەت گرۋپپاسىنىڭ الدىمەن ويلاستىراتىن ماسەلەسىنە اينالدى. ولار الەۋمەتتىك اۋماقتىڭ امالياتىمەن ۇشتاستىرىپ، «131 قىزمەت مەحانيزمىن» اتقارۋ جونىندە ىزدەنىس جاساپ، «قوسىنعا ويداعىداي جەتەكشىلىك ەتۋگە، 3 تىرەكتى ءتۇيىندى ءداپ باسىپ تابۋعا، ءبىر جاقسى تەكشە قۇرۋعا كۇش سالدى».
قوسىنعا قايتكەندە ويداعىداي جەتەكشىلىك ەتۋگە بولادى؟ الەۋمەتتىك اۋماققا بارعان قىزمەت گرۋپپاسى كەنجە قالعان كادرلار مەن زاپاس كادرلاردى قاتار يگەرۋ ءادىسىن قولداندى. الەۋمەتتىك اۋماققا بارعان قىزمەت گرۋپپاسىنىڭ بىرنەشە اي قۇلشىنىسىنىڭ ارقاسىندا، الەۋمەتتىك اۋماقتاعى كادرلاردى باسقارۋعا باتىنا الماۋ، باسقارعىسى كەلمەۋ، باسقارامىن دەپ اۋرە بولماۋ جاعدايىندا وزگەرىس بولدى. الەۋمەتتىك اۋماققا بارعان قىزمەت گرۋپپاسىنىڭ باستىعى لياڭ بو تىلشىگە: كەنجە قالعان كادرلاردىڭ جالپىلىق ورەسىن جوعارىلاتۋ ءۇشىن، ولاردى 3 اي جۇمىستان قول ءۇزدىرىپ باۋلىپ، ونان كەيىن ءبىر اي جۇمىس ىستەتتىك، ودان قايتادان ءبىر اي باۋلىدىق. ناقتى بەينەلەرىنە قاراي قىزمەت ورىندارىن رەتتەپ، العا باسقانعا دەيىن تاربيەلەدىك، - دەدى.
پارتيالى كادرلاردىڭ تۇلعالىق ورەسىن قايتكەندە كورنەكتى جوعارىلاتۋعا بولادى؟ قىزمەت گرۋپپاسى مەن الەۋمەتتىك اۋماق پارتيا ياچەيكاسى «ەكىنى ۇيرەنۋ، ءبىر بولۋ» جانە 3 ءتۇرلى جونگە سالۋ تاربيەسى قيمىلىمەن ۇشتاستىرىپ، الەۋمەتتىك اۋماقتاعى پارتيالى كادرلاردى جۇلدىز دارەجەلى باعالاۋ ءتاسىلىن بەلگىلەپ، كادرلاردىڭ كۇندەلىكتى قىزمەتىن قىزمەت پوزيتسياسى، قىزمەت قابىلەتى سياقتى 46 مازمۇنعا جيناقتاپ، ءاربىر مازمۇنعا قاراي، ءار ايدىڭ سوڭىندا الەۋمەتتىك اۋماق پارتيا ياچەيكاسى قىزمەت ناتيجەسىن باعالاۋ قۇلاقتاندىرۋىن شىعارىپ وتىردى. الەۋمەتتىك اۋماقتاعى جۇلدىز دارەجەلى وركەنيەتتى ورىن قۇرۋ مەن الەۋمەتتىك اۋماقتاعى كادرلاردىڭ قىزمەت ناتيجەسىن جۇلدىز دارەجەلى باعالاۋ تاسىلىنەن قۇرالعان «جۇلدىزدى» باعالاۋ مەحانيزمى اتقارىلعان 2 ايدا الەۋمەتتىك اۋماقتاعى پارتيالى كادرلاردىڭ ۇيىمدىق تارتىپشەڭدىگى كورنەكتى جاقسارىپ، قىزمەت جاۋاپكەرشىلىكتەرى كورنەكتى كۇشەيىپ، بۇقاراعا قىزمەت وتەۋ تانىمدارى كورنەكتى ارتىپ، الەۋمەتتىك اۋماقتىڭ قىزمەتى تۇلعالىق جاقتان كورنەكتى جوعارىلادى.
الەۋمەتتىك اۋماقتاعى وزگەرىستەر جونىندە الەۋمەتتىك اۋماق پارتيا ياچەيكاسىنىڭ شۋجيى لياڭ تيانجىن بىلاي دەدى: قىزمەت گرۋپپاسى الەۋمەتتىك اۋماقتاعى كادرلار قوسىنىنا جەتەكشىلىك ەتۋ، سونداي - اق باسقارۋدى، باۋلۋدى كۇشەيتۋ ارقىلى الەۋمەتتىك اۋماقتاعى كادرلاردىڭ ساپاسىن تۇلعالىق جاقتان جوعارىلاتتى. سونىمەن قاتار قىزمەت گرۋپپاسى كەنجە قالعان كادرلارمەن سەلبەسىپ، ولارعا قىزمەت تاجىريبەلەرىن ۇيرەتىپ، كورنەكتى ناتيجەگە قول جەتكىزدى.
تىلشىلىك ىستەي بارعانىمىزدا، قىزمەت گرۋپپاسىنداعىلار مەن الەۋمەتتىك اۋماق كادرلارىنان ۇيىمداسقان 20 نەشە ادام لاس سۋ ارىعىن جاڭا عانا تازالاپ بولىپتى. قىزمەت گرۋپپاسى الەۋمەتتىك اۋماققا جاڭادان بارعاندا باتپاق، قوقىر - قوقسىقتاردى تازالاپتى، قازىر كۇن جىلى، ءبىر كيلومەترگە تايايتىن لاس سۋ ارىعىنا اعاش جاپىراعى، ءشوپ، قوقىر - قوقسىق جينالىپ قالعاندىقتان ساسىق ءيىس قولقانى قاۋىپ، بۇعان تۇرعىنداردىڭ اڭىسى كۇشتى بولىپتى. قىزمەت گرۋپپاسى الەۋمەتتىك اۋماق كادرلارىمەن بىرگە لاس سۋ ارىعىن تازالاۋعا تۇپ - تۋرا ءبىر كۇن ۋاقىت جۇمساپتى. قىزمەت گرۋپپاسىنىڭ مۇشەسى شىن جيمەي: مەن مۇنداي جۇمىستى ىستەپ كورمەپپىن، لاس ءارى ساسىق، جۇمىسىمىز بىتكەندە تۇلا بويىمىزدى ساسىق ءيىس قاۋىپ كەتتى، بۇل مەن جونىنەن ءبىر رەتكى شىنىعۋ بولدى. قازىر لاس سۋ ارىعى تازاردى، ءبىز دە قۋانىپ قالدىق، - دەدى.
الەۋمەتتىك اۋماق قىزمەتىنىڭ وتكەنگى سىلبىرلىق جاعدايىندا باسقارۋ مەحانيزمىنىڭ كەمەلدەنۋىمەن تۇبەگەيلى وزگەرىس بولدى، الەۋمەتتىك اۋماق كادرلارى قىزمەت مىندەتتەرىن ويداعىداي ادا ەتىپ، نىسانانى ايقىنداعاندىقتان الەۋمەتتىك اۋماقتىڭ قىزمەتتەرى دە ءساتتى ءجۇرىلدى.
شىن پەيىلدەرىمەن ناقتى ءىس ىستەدى، بۇقارا ريزا بولدى
كادرلار تۇرعىندارعا ناقتى ءىس ىستەپ بەرىپ، ولارمەن ەتەنە قارىم - قاتىناس ورناتتى، بۇل بۇقارانىڭ كادرلارعا بولعان سەنىمدىلىگىن دە ارتتىردى.
«قىم - قۋىت الەۋمەتتىك اۋماق قىزمەتىن قايتكەندە جاقسى ىستەۋگە بولادى دەگەن ماسەلە جونىندە ءبىز كوپ باس قاتىردىق، كوپتەگەن امال قاراستىردىق»، - دەيدى الەۋمەتتىك اۋماقتا تۇراتىن قىزمەت گرۋپپاسىنىڭ باستىعى لياڭ بو.
حالىق تۇرمىسىن ونان ارى جاقسارتۋ ءۇشىن، قىزمەت گرۋپپاسى الەۋمەتتىك اۋماق پارتيا ياچەيكاسىمەن بىرگە «الەۋمەتتىك اۋماق قىزمەتكەرلەرىنىڭ الەۋمەتتىك يگىلىكتى قىزمەت وتەۋ پۋنكتىن» قۇرۋدى جوسپارعا الىپ، كومەك اقشا جيدى، كومەك شاراسىن ارناعا ءتۇسىردى، الەۋمەتتىك اۋماق پارتيا ۇيىمىنىڭ باقىلاۋى مەن جەتەكشىلىگىندە قارتتاردى كۇتىمدەۋ، ولارعا كومەكتەسۋ، وقۋشىلاردىڭ وقۋىنا جاردەمدەسۋ، مۇگەدەكتەرگە كومەكتەسۋ سياقتى الەۋمەتتىك يگىلىك قىزمەتتەرىن ورىستەتتى.
داۋلەتباق الەۋمەتتىك اۋماعىنىڭ مەڭگەرۋشىسى مۇھاببات ميرزا: بيىل قىزمەت گرۋپپاسى الەۋمەتتىك اۋماقپەن بىرگە كەدەيلەردى دالمە - ءدال سۇيەمەلدەۋ قىزمەتىن ورىستەتىپ، الەۋمەتتىك اۋماقتاعى 12 كەدەي وتباسىن كوتەرەگە الىپ سۇيەمەلدەدى. سونىمەن بىرگە ورتالاۋ، ورتا مەكتەپ ساتىسىنداعى جانە جوعارى مەكتەپتەردە وقىپ جاتقان وتباسىندا قيىنشىلىعى بار 101 وقۋشىعا وقۋ كومەك قاراجاتىن بەردى، - دەدى.
كوشە باستىعى مىندەتىن اتقاراتىن تۇرعىناي تۇرسىننىڭ وسى ارادا مەكەندەپ تۇرعانىنا 30 جىل بولىپتى، الەۋمەتتىك اۋماقتىڭ وزگەرىسىن ءوز كوزىمەن كورگەن ول: بۇرىن كوشەدە شام جوق، جول ويلى - شۇڭقىر ەدى، قىزمەت گرۋپپاسى كەلگەننەن كەيىن شام ورناتىپ، جول سالدى، ساسىق ءيىس شىعىپ جاتاتىن كوشەنىڭ لاس سۋ قۇبىرىن قىزمەت گرۋپپاسىنداعىلار تازالادى. قىزمەت گرۋپپاسى الەۋمەتتىك اۋماق تۇرعىندارىنا ناقتى ءىس ىستەپ كەلەدى، قىزمەت گرۋپپاسىنا العىس ايتامىن، - دەدى.
78 جاستاعى وسمانجاننىڭ حال - كۇيى تومەن، ۇنەمى سىرقاتتاناتىن، قاسىندا قارايلاساتىن بالالارى دا جوق ەدى. قىزمەت گرۋپپاسى وتباسىلارىن ارالاپ احۋال ۇعىسۋ بارىسىندا قاريانىڭ اۋلاسىندا قوقىر - قوقسىقتىڭ ءۇيىلىپ، ساسىپ كەتكەندىگىن كورگەننەن كەيىن، الەۋمەتتىك اۋماقتىڭ پارتيا مۇشەلەرى قيمىلىن ونىڭ ۇيىندە ورىستەتەدى. قىزمەت گرۋپپاسى مەن الەۋمەتتىك اۋماقتىڭ كادرلارى قول سالا كىرسىپ، اۋلانى مونتازداي ەتىپ تازالادى، سونداي - اق اۋلاداعى ويلى - شۇڭقىر جەرلەردى تەگىستەپ، بۇزىلعان داۋالدى جاساپ بەردى. شىت جاڭا تۇسكە ەنگەن اۋلاسىن كورگەندە قاتتى تەبىرەنگەن وسمانجان كوزىنە ىستىق جاس الدى.
قىزمەت گرۋپپاسى تاعى «تۇرعىنداردىڭ ۇلتتىق سالت - سانا مادەنيەت ويىنىن قويۋ زالى»، «مادەنيەت اۋلاسى» سياقتىلاردان پايدالانىپ، بۇقارا قۋانا قارسى الاتىن مادەنيەت، دەنە تاربيە قيمىلدارىن بەلسەنە ۇيىمداستىرىپ، ىلگەرىندى - كەيىندى «ايەلدەردىڭ قولونەر بۇيىمدارىن باعالاۋ»، «ۇلتتار ىنتىماعى بويىنشا قول ۇستاسىپ جۇپ قۇراۋ»، «كوڭىلدەردى توعىستىراتىن تاعامنان بىرگە اۋىز ءتيۋ» سىندى قيمىلداردى ورىستەتتى؛ سونىمەن بىرگە الەۋمەتتىك اۋماق قاراستىلىعىنداعى ورىندار مەن مادەنيەت اۋلالارىنا سۇيەنىپ، قاراستى رايونداردا «انالاردى باستاۋ ينجەنەرياسى»، «زاڭمەن جونگە سالۋ ساباقحاناسى» سىندى ۇگىت - لەكسيا تاربيەسى قيمىلدارىن ۇيىمداستىردى، الەۋمەتتىك اۋماق قاراستىلىعىنداعى ورىندار، ۇيىمدار «الەۋمەتتىك اۋماق قىزمەتكەرلەرىنىڭ ويىن قويۋ اترەتىن» قۇرىپ، الەۋمەتتىك اۋماق تۇرعىندارىنىڭ كاسىپتەن سىرتقى مادەنيەت تۇرمىسىن بايىتىپ، الەۋمەتتىك اۋماق پارتيا ياچەيكاسىنىڭ ۇيىسقىشىتىعى مەن باۋرامدىلىعىن كۇشەيتتى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
