- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيا قۇرىلتايىن تىڭ تابىستارمەن قارسى الايىق
قالاۋلى حالىق ساقشىسى گو ي - لي
2016.10.09 14:48 كەلۋ قاينارى : شينجياڭ گازەتى
حوشۇت اۋداندىق قوعام حاۋىپسىزدىگى مەكەمەسىنىڭ الەۋمەتتىك اۋماق ساقشىسى گو ي - ليدىڭ جارالى اياعىن سۇيرەتىپ، اسا تاياعىن تايانىپ قاربالاستىققا تۇسكەنىنە ءبىر ايدىڭ ءجۇزى بولدى، ول تۇرعىندارعا ىستىق ىقىلاسپەن قىزمەت وتەپ، قاراستى رايوننىڭ اماندىعىن قالت جىبەرمەي قاداعالادى. ءجۇرىپ - تۇرۋى قولايسىز بولعانىمەن، قىزمەت ورنىنان تاپجىلمايتىن وعان تۇرعىنداردىڭ دا بويى ءۇيىر بولىپ كەتكەندەي، وعان جانى اشىپ، اسەرلەنگەن جۇرت ونى «اسا تاياقتى ساقشى» دەپ اتاسىپ كەتتى.
اسا تاياعىن تايانىپ شيپاحانادان «قاشىپ» شىعىپ، جۇمىس ورنىنا ورالدى
اسا تاياعىنا سۇيەنىپ جەر سىپىرىپ جۇرگەن گو ي - ليدى 27 - قىركۇيەك تاڭەرتەڭ حوشۇت اۋداندىق قوعام حاۋىپسىزدىگى مەكەمەسى تەۋىلعا ساقشى بولىمشەسىنىڭ مادەنيەت الەۋمەتتىك اۋماعىنداعى ساقشىحاناسىنان كەزىكتىردىم. ءبىر ايدىڭ الدىندا 29 جاستاعى گو ي - لي جۇمىس ۇستىندە جارالانىپ، سول اياعىنىڭ وكشە سۇيەگى سىنىپتى.
ول جارالانعان كۇنى - اق شيپاحاناعا كىرىپ ەمدەلگەن ەكەن. شيپاگەر جانىنا باتقان سىرقاتتان قارا تەر مونشاقتاعان گو ي - ليگە «شيپاحاناعا جارىم اي جاتىپ ەمدەلەسىڭ، شيپاحانادان شىققاننان كەيىن 3 اي تاپجىلماي جاتىپ تىنىعۋىڭ قاجەت» دەپتى. ءبىراق شيپاحاناعا جاتىپ 4 كۇننەن كەيىن شيپاگەردىڭ جوقتىعىنان پايدالانىپ، كەرەك - جاراقتارىن جيناستىرىپ، قىزمەتتەستەرىنىڭ كومەگىندە اسا تاياعىنا تايانىپ شيپاحانادان «قاشىپ» شىعىپتى.
گو ي - لي: الاڭداپ جاتا المادىم، - دەدى. ۇعىسۋىمىزشا، ءبىر جايلى ەتۋدى كۇتىپ تۇراتىن ەرەكشە، شۇعىل ماسەلەلەر بولماعانىمەن، گو ي - لي كومەكشى ساقشىلاردى باستاپ، مادەنيەت الەۋمەتتىك اۋماعى ساقشىحاناسىنىڭ جۇمىستارىن شاشاۋ شىعارماي ىستەيدى ەكەن. ول: ادامدار شوعىرلى ورىننىڭ اماندىعىن ءار ۋاق قاداعالاپ تۇرۋ كەرەك. ونىڭ ۇستىنە سىرتتان كەلىپ - كەتەتىندەردىڭ قاراسى ۇزىلمەيتىندىكتەن، ءار كۇنى دەرلىك تىڭ جاعدايلاردى يگەرىپ وتىرۋعا تۋرا كەلەدى، - دەيدى.
سونىمەن پارتيالى ساقشى گو ي - لي وسىلايشا اسا تاياعىنا سۇيەنىپ قىزمەتىن جالعاستىرىپ كەتىپتى. ۋاقىت وتە كەلە سىلتىپ باساتىن وعان كوپشىلىك تە ۇيرەنىپ كەتەدى. گو ي - لي: كىمنىڭ «اسا تاياقتى ساقشى» دەپ ايتىپ قالعانىن ەسىمدە قالماپتى، كەيىن كوپشىلىك وسىلاي اتاسىپ كەتتى، - دەيدى باسىن سيپاپ.
بىرنەشە كۇننىڭ الدىندا گو ي - لي كومەكشى ساقشىمەن بىرگە شيپاحاناعا بارادى. ارينە، قايتالاي تەكسەرىلۋ ءۇشىن ەمەس، قايتا ادام تىعىز وسى ورىننىڭ جاعدايىن يگەرۋ ءۇشىن بارىپتى. ءسويتىپ، جۇرگەندە جاۋاپتى شيپاگەرىنە كەزدەسىپ قالادى. ونى كورگەن شيپاگەر ازداپ اشۋلانسا كەرەك. سوندا گو ي - لي كۇلىمسىرەپ تۇرىپ: اۋەلى مەنىڭ قىزمەتىمە كەلەيىك، ءسىزدىڭ قىزمەتىڭىزگە سونان كەيىن ورالساق تا جەتەر، - دەيدى. جۇمىسى بىتىسىمەن شيپاگەردىڭ كوزىنە كورىنبەي، جۇمىس ورنىنا قايتىپ كەتەدى.
مەكەمە باستىعى كەلتە حات جولداپ، جاۋىنگەر سەرىگىنەن حال سۇرادى
گو ي - لي: الەۋمەتتىك اۋماعىمىزدا بازار دا، تۇرعىندار رايونى دا بار، قالا مەن اۋىلدىڭ توعىسقان جەرى، 6336 تۇراقتى تۇرعىن بار، ءار جىلعى جىلجىمالى حالىق 4000نىڭ اينالاسىندا، - دەيدى. ول قىزمەتتى شوگەلدىكپەن ىستەسە الەۋمەتتىك اۋماقتى ويداعىداي باسقارۋعا ابدەن بولادى دەپ قارايدى ەكەن.
قىزمەتتى شوگەلدىكپەن ىستەۋ ءۇشىن، ءار كۇنى قاراستى رايونداعى وتباسىلارىن ارالاپ، تۇرعىندارمەن سىرلاسۋ كەرەك. قوعام حاۋىپسىزدىگى قىزمەتى بۇقارانى قورعاۋدى كوزدە ۇستايدى، سونىمەن بىرگە، بۇقارانى جۇمىلدىرادى ءارى ولارعا سۇيەنەدى. اماندىققا قاتىستى كوپتەگەن كومەسكى قاتەرلەر بۇقارانىڭ كومەگىمەن بايقالادى.
ۇزاق ۋاقىتتان بەرى گو ي - ليدىڭ قىزمەت ريتىمى مىناداي ەدى: تۇندە ساقشىحانادا كەزەكشىلىك ىستەپ، تاڭەرتەڭگى اسىن ءىشىپ بولعان سوڭ، ساعات 10نان باستاپ باسقارۋ اۋماعىن ارالاپ، بۇقارانىڭ ءمان - جايىن ۇعىسسا، تۇستەن كەيىن جىلجىمالى حالىقتىڭ تىزىمدەلۋ احۋالىن ۇعىسىپ، ادامدار تىعىز ورىنداردى تەكسەرەدى، قاس قارايا قاراستى اۋماقتى اۆتوكولىكپەن شارلاپ، ونان سوڭ ساقشىحاناعا بارىپ كەزەكشىلىك وتەيدى. جارالانىپ قالعاننان كەيىن دە ول وسى قالپىنان جازباي، ءبىر ءىسىن دە اقساتىپ كورمەدى.
گو ي - لي تاباندىلىعىمەن تۇرعىنداردىڭ القاۋىنا بولەنىپ قانا قويماي، جاۋىنگەر سەرىكتەرىنىڭ قۇرمەتىنە دە بولەندى. 11 - قىركۇيەك كۇنى تۇستەن كەيىن بايىنعولين موڭعۇل اۆتونوميالى وبلىستىق پارتكومىنىڭ تۇراقتى مۇشەسى، وبلىستىق قوعام حاۋىپسىزدىگى مەكەمەسىنىڭ باستىعى حى چۇنچاۋ كەلتە حات جولداپ بىلاي دەدى: «اسا تاياقتى ساقشى» دەيتىن اتاق وڭاي - وسپاق كەلمەگەن، بايىنعولين وبلىستىق قوعام حاۋىپسىزدىگى تاراۋىنا ابىروي - مارتە اپەرگەنىڭە العىس ايتامىن، بايىنعولين وبلىستىق قوعام حاۋىپسىزدىگى مەكەمەسىنىڭ ءبىر مۇشەسى جانە جەتەكشىسى رەتىندە قاتتى اسەرلەندىم ءارى توتەنشە ماقتانىش سەزىنەمىن. ەرتەرەك ساۋىعۋىڭدى، وتباسىڭنىڭ باقىتتى بولۋىن تىلەيمىن!
وسى كەلتە حاتتى تاپسىرىپ العاندا گو ي - لي تىم توسىن سەزىندى ءارى قاتتى اسەرلەندى، اسەرلەنگەنىنەن ايەلىنە تەلەفون شالىپ، وسىنى ايتقان ساتتە ايەلى وعان: وندا باستىعىڭنان رۇقسات الىپ، دەم ال، - دەيدى، اق كوڭىل ول: نەگە رۇقسات الامىن، وقاسى جوق، - دەپ جاۋاپ بەرەدى.
ايەلى قىزىن ساقشىحاناداعى اكەسىن كورۋگە ەرتىپ كەلىپ تۇردى
ءبىر ايدان بەرى اۋرۋ جانىنا باتقان گو ي - لي تالاي ءتۇندى كوز ىلمەي اتىردى، ساعات 2، 3تەردە كوزى ىلىنگەنىمەن، 5، 6لاردا سىرقاتى سىزداتىپ ۇيقىسىنان وياتىپ جىبەرەدى ەكەن. ول قانتالاپ، ءىسىپ كەتكەن كوزدەرىن ۇيقالاپ بىلاي دەدى: جاۋىنگەر سەرىكتەرىمنىڭ حالى دە مەنىمەن بىردەي، ساقشىحانانىڭ جۇمىسى ماشاقاتتى بولعاندىقتان ولاردىڭ دا ۇيقىلارى قانبايدى.
ول تاعى دا قاربالاستىقتى ۇناتادى ەكەن، ويتكەنى كۇندىز كوپ جۇمىسقا ويى بولىنەتىندىكتەن، جانىنا باتقان اۋرۋمەن ساناسۋعا مۇرساسى كەلمەيتىن. 27 - قىركۇيەك تۇستەن بۇرىن گو ي - لي سۇيەمەلدەۋگە العان الەۋمەتتىك اۋماق تۇرعىنى ءادىل كەرىمنىڭ حال - جايىن بىلۋگە بارماقشى بولدى، ونىڭ ماقۇلداۋىمەن ءبىز بىرگە باردىق.
ءادىل ميىنا قان قۇيىلىپ، سالدانىپ جاتىپ قالعانىنا 10 جىلدان اسقان ايەلىنەن بەزبەي، بار پەيىلىمەن قاراپ، ۇيرەنگەن تەحنيكاسى بويىنشا ايەلىنىڭ دەنەسىن كۇن سايىن ۋقالاپ وتىرعان، 3 جىلدىڭ الدىندا ايەلى حيكىمەتتىلىكپەن ەسىن جيعان، قازىر ول اسا تاياققا سۇيەنىپ، اقىرىن تۇرا الاتىن بولىپتى.
«ول مەنىڭ ەڭ قۇرمەت تۇتاتىن اعام»، - دەيدى گو ي - لي. ول قيىنشىلىقتا قالعان وسى ءبىر وتباسىنا كومەگىن اياماي، ادىلمەن تەرەڭ دوستىق ورناتقان. ەكەۋى كەزدەسە سالىپ، قۇشاقتاسىپ امانداستى. گو ي - لي ادىلگە كىرىستى ارتتىرۋ جولىن قاراستىرىپ، ونىمەن اقىل قوستى. ءادىل دە ونىڭ يىعىنان قاعىپ: باۋىرىم، تەزىرەك ساۋىعىپ كەت، قولىڭ بوساي قالعاندا، ۇيىڭە قايتىپ تۇر، - دەدى.
ءۇيى ساقشىحانادان الىس بولماعانىمەن، ونىڭ ۇيىنە قايتۋى مۇڭ ەدى. گو ي - لي بيىل دەمالىستا ۇيىنە قايتقان كۇندەرىن ساناپ كورگەن ەدى، 7 كۇننەن اسپادى.
گو ي - ليدىڭ ايەلى ونىڭ قىزمەتىن ەرەكشە قولداپ كەلگەن. قىزى تۋىلا سالىسىمەن قىزمەتىنەن شەگىنىپ، ۇيىندە بالاسىن باققان. قازىر قىزى 2 جاس 5 ايعا كەلدى. اكەسى مەن قىزى اراسىنداعى سۇيىسپەنشىلىكتى تەرەڭدەتۋ ءۇشىن، كەشكى اس ۋاقىتىندا قىزىن ساقشىحاناعا اكەسىن كورۋگە ەرتىپ كەلىپ، اكەسىمەن اسىعىس - ۇسىگىس كەزدەستىرەتىن، قىزى دا اكەسىن كەڭسەدە كورۋگە داعدىلانىپ، ۇيىنە قايتقاندا بايبالام سالمايتىن بولعان.
27 - قىركۇيەكتە گو ي - لي (سولدا) سۇيەمەلدەۋگە العان الەۋمەتتىك اۋماق تۇرعىنى ءادىلدىڭ (وڭدا) ۇيىنە بارىپ جاعدايىن ۇعىستى.
سۋرەتتى ءتىلشىمىز سۇي يۇنيان تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
