بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

قوعامدىق جالپى جاعدايدىڭ ورنىقتىلىعىن بار كۇشپەن قورعايىق

− شينجياڭنىڭ ءتۇرلى قىزمەتىن قوعامنىڭ ورنىقتىلىعى مەن باياندى تىنىشتىعى سىندى باس نىسانانىڭ جەتەكشىلىگىندە جاقسى ىستەۋ تۋرالى

2016.10.09 14:49     كەلۋ قاينارى : شينجياڭ گازەتى

  شينجياڭدا ورنىقتىلىق بولماسا، بارلىعى جوققا ءتان. قوعامنىڭ ورنىقتىلىعى مەن باياندى تىنىشتىعى − شي جينپيڭ جولداس باس شۋجي بولعان ورتالىق كوميتەتىنىڭ شينجياڭدى جونگە سالۋ جالپى جوباسىنىڭ وزەكتى مازمۇنى، سونداي - اق تۇتاس شينجياڭداعى ءار ۇلت حالقىنىڭ شىنايى تىلەگى. شي جينپيڭ جولداس باس شۋجي بولعان پارتيا ورتالىق كوميتەتى ايقىنداعان قوعامنىڭ ورنىقتىلىعى مەن باياندى تىنىشتىعى سىندى وسى باس نىسانانى دايەكتى تياناقتاندىرۋدا سوتسياليستىك زاڭمەن جونگە سالۋ تۋىن، نەگىزگى زاڭ مەن زاڭدار تۋىن بيىك ۇستاپ، ورنىقتىلىق ءبارىن باسىپ تۇسەدى دەگەنگە تاباندى بولىپ، ورنىقتىلىقتى قورعاۋدى ءتۇرلى قىزمەتتەردە ماڭداي الدى ورىنعا قويىپ، العاشقى قادامدى جاقسى تاستاپ، ىرىقتىلىقپەن شايقاس جاساپ، بولشەكتەۋشىلىككە قارسى تۇرۋ كۇرەسىنىڭ ىرىقتىلىق ۇقىعىن مىقتى يگەرۋ كەرەك.

  قوعامدىق جالپى جاعدايدىڭ ورنىقتىلىعىن بار كۇشپەن قورعاۋ − شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتى تياناقتاندىرۋدىڭ، قوعامنىڭ ورنىقتىلىعى مەن باياندى تىنىشتىعى سىندى باس نىسانانى دايەكتى تياناقتاندىرۋدىڭ ماڭىزدى شاراسى، شينجياڭنىڭ ەرەكشە وڭىرلىك جاعدايىن تياناق ەتىپ، لاڭكەستىككە قارسى تۇرۋدىڭ، ورنىقتىلىقتى قورعاۋدىڭ قاتاڭ جاعدايىنا توتەپ بەرۋدىڭ تابيعي تالعامى، تۇتاس رايونىمىزداعى ءار ۇلت بۇقاراسىنىڭ تىلەگىنە سايكەسۋدىڭ، ءار ۇلت بۇقاراسىنىڭ باق - ىرىسىن ارتتىرۋدىڭ رەال قاجەتى.

  قوعامدىق جالپى جاعدايدىڭ ورنىقتىلىعىن قورعاۋدا، ءسوز جوق، قاتاڭ سوققى بەرۋدىڭ تەگەۋرىندى كۇيىن ساقتاۋ كەرەك. كەزەكتە شينجياڭنىڭ قوعامدىق جالپى جاعدايى جالپى جاقتان ورنىقتى، الايدا «ءۇش كەزەڭ قاباتتاسقان» جاعدايدا تۇبىرىنەن وزگەرىس بولماعاندىعىن، شينجياڭنىڭ «ءۇش ءتۇرلى كۇشپەن» كۇرەسى ۇزاق ۋاقىت، كۇردەلى، قاتاڭ، كەي كەزدەرى، ءتىپتى، ەرەكشە شيەلەنىستى بولاتىندىعىن سەرگەكتىكپەن كورە ءبىلۋ كەرەك. ءبىز، ءسوز جوق، ىرىقتىلىقپەن سوققى بەرۋگە، استە جۇمساقتىق ىستەمەۋگە تاباندى بولۋىمىز، زاڭسىز ۇيىمدارعا، قىلمىستىق توپتارعا جانە زورلىقتى كۇش لاڭكەستەرگە زاڭ بويىنشا باتىل سوققى بەرۋدەن جازباۋىمىز، «ءۇش ءتۇرلى كۇشتى» باتىل اۋىزدىقتاۋىمىز كەرەك. وتاندى بولشەكتەۋ ارەكەتتەرىمەن شۇعىلدانىپ، وتاننىڭ تۇتاستىعىنىڭ، مەملەكەتتىڭ حاۋىپسىزدىگىنىڭ، ۇلتتاردىڭ ىنتىماعىنىڭ تومەنگى شەگىنە سايىس جاريالاعان از ساندى زورلىقتى كۇش لاڭكەستەرىنە، زاڭسىز ۇيىمدارعا جانە قىلمىستىق توپتارعا سىلەيتە، اياۋسىز، دالمە - ءدال سوققى بەرىپ، تيتتەي دە قالتارىس قالدىرماۋىمىز، تامىرىنا بالتا شابىپ، جاماندىقتى قۇلان تازا قۇرتىپ، بولشەكتەۋشى كۇشتەر مەن زورلىقتى كۇش لاڭكەستەردىڭ اپتىعىن باسىپ، زورلىقتى كۇش لاڭكەستەرى مەن زاڭسىز ۇيىمداردى كوشەدەن وتكەن تىشقاندى ۇر - ۇردىڭ استىنان العانداي حالگە ءتۇسىرىپ، ولارعا جان ساۋعالايتىن جەر قالدىرماۋىمىز كەرەك.

  قوعامدىق جالپى جاعدايدىڭ ورنىقتىلىعىن قورعاۋدا، ءسوز جوق، تۇبىرىنەن وڭاۋ مەن ۇستىنەن وڭاۋدى ۇشتاستىرىپ، نەگىزگى ساتىنى مىقتى يگەرۋ، نەگىزدى كۇشەيتۋگە، جۇرت تىلەگىن توعىستىرۋعا بارىنشا كۇش سالىپ، قوعامنىڭ ورنىقتىلىعى مەن باياندى تىنىشتىعىنىڭ نەگىزىن اناعۇرلىم بەكەمدەۋ كەرەك. لاڭكەستىككە قارسى تۇرۋدىڭ، ورنىقتىلىقتى قورعاۋدىڭ كۇش - قۋاتى حالىقتان كەلەدى. اماليات «ۇعىسۋ، تيىمدىلىك جاساۋ، توعىستىرۋ» قيمىلىنىڭ نەگىزگى ساتىنى مىقتى يگەرۋدەگى، نەگىز قالاۋداعى، بۇقاراعا قىزمەت ەتۋدەگى، ورنىقتىلىقتى قورعاۋداعى تۇبىرىنەن وڭاۋ شاراسى، پارتيا مەن بۇقارانىڭ، كادرلار مەن بۇقارانىڭ قارىم - قاتىناسىن نىعايتاتىن، كادرلاردىڭ ستيلىن شىڭايتىن شەشۋشى شارا ەكەندىگىن دالەلدەدى. باياندى مەحانيزم قالىپتاستىرىپ، قىزمەتتى تاباندىلىقپەن ورىستەتىپ، اترەت مۇشەلەرى ۋاكىل بولۋدان، مەكەمە - ورىن قالقان بولۋدان، ءبىرىنشى باسشى جالپى جاۋاپتى بولۋدان جازباي، قوعامنىڭ ورنىقتىلىعىن قورعاۋ، نەگىزگى ساتى ۇيىمىن كۇشەيتۋ، اۋقاتتانۋ جولىن كەڭەيتۋ، يدەيالىق تاربيەنى ورىستەتۋ، ناقتى ءىس، يگى ءىس ىستەۋ، كەدەيلىكتەن قۇتىلدىرۋدان قامال الۋدى ىلگەرىلەتۋ جاقتارىندا كورنەكتى ونىمدىلىككە قول جەتكىزۋگە كۇش سالىپ، نەگىزگى ساتىنىڭ نەگىزىن شىنايى بەكەمدەۋ كەرەك.

  قوعامدىق جالپى جاعدايدىڭ ورنىقتىلىعىن قورعاۋدا، ءسوز جوق، مەشىتكە باعىتتالعان تاربيەنى، باسقارۋدى، قىزمەت كورسەتۋدى كۇشەيتۋ جانە وعان جاڭالىق ەنگىزۋ كەرەك. شينجياڭ كوپ ۇلت قونىستانعان، كوپ ءدىن قاتار ءومىر سۇرگەن ءوڭىر، دىنگە سەنەتىن قاۋىم، ءدىني قىزمەتكەرلەر، ءدىني قيمىل ورىندارى كوپ، شينجياڭدا ءدىن قىزمەتىن جاقسى ىستەۋ ەرەكشە ماڭىزعا يە. ءبىز مەشىتتى نەگىزگى قوعامدىق ۇيىم ساناۋدان جازباي، جەرگىلىكتى جاعدايعا قاراي ىستەپ، مەشىت جاعدايىنا قاراي ءادىس - امال قولدانىپ، مەشىتكە باعىتتالعان تاربيەنى، باسقارۋدى، قىزمەت كورسەتۋدى كۇشەيتۋىمىز جانە وعان جاڭالىق ەنگىزۋىمىز كەرەك. اسىرەسە، پارتيانىڭ ءدىن ساياساتىن جاپپاي تياناقتاندىرىپ، وتانشىل ءدىني قايراتكەرلەردى جاقىن - جان اشىرىمىزداي، دوسىمىزداي كورىپ، ءدىن قىزمەتىن ماڭىزدى بۇقارالىق قىزمەت ساناۋىمىز؛ الەۋمەتتىك قىزمەت كورسەتۋدى كەمەلدەندىرىپ، مەشىت قىزمەتكەرلەرىنە كوڭىل ءبولىپ، قوعامدىق باسقارۋ مەن الەۋمەتتىك قىزمەت كورسەتۋدى مەشىتتەرگە دەيىن جالپىلاستىرۋىمىز؛ ءدىني قايراتكەرلەرگە تاربيە جۇرگىزىپ، جەتەكشىلىك ەتۋدى كۇشەيتىپ، قالىڭ ءدىني قايراتكەرلەر مەن دىنگە سەنەتىن قاۋىمنىڭ ءتىپتى سانالى تۇردە وتاندى، ءدىندى ءسۇيىپ، زاڭ - ەرەجەگە بويسۇنىپ، ءدىندى سوتسياليستىك قوعامعا سايكەسۋگە بەلسەنە جەتەكتەۋىنە مۇمكىندىك جاساۋىمىز كەرەك.

  قوعامدىق جالپى جاعدايدىڭ ورنىقتىلىعىن قورعاۋدا، ءسوز جوق، جالپىلىق شارا قولدانىپ، جان - جاقتى قورعانۋ كەرەك. قالا - قالاشىقتاردى توراپتاندىرىپ باسقارۋدى ونان ارى تەرەڭدەتىپ، اۋىل - قىستاقتاردا ورنىقتىلىقتى قورعاۋدىڭ «3 ءبىر تۇلعالاندىرىلعان»، «4 ءبىر تۇلعالاندىرىلعان» مەحانيزمىن كەمەلدەندىرىپ، قالا، اۋىلداردىڭ ورنىقتىلىقتى قورعاۋ، قورعانۋ تورابىن كەمەلدەندىرۋمەن بىرگە، ءتۇيىندى رايونداردى، ءتۇيىندى تاراۋلاردى، ءتۇيىندى ادامداردى، ءتۇيىندى فاكتورلاردى كورنەكتىلەندىرىپ، ءتۇيىندى وڭىرلەردە ساقتىقتى كۇشەيتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ تورىن كەڭ جايۋ كەرەك. شەكارانى باسقارۋدى، مەڭگەرۋدى كۇشەيتىپ، ارميا مەن حالىق بىرلەسىپ قورعانۋ، ساقشى مەن حالىق بىرلەسىپ قورعانۋ، شەكارا وڭىردەگى حالىق بىرلەسىپ قورعانۋ قىزمەتىن ورىستەتىپ، بەرىك شەكارا قورعانىس شەبىن ورناتۋمەن بىرگە، دۇرىس جاماعات پىكىرى ارقىلى جەتەكشىلىك ەتۋدەن جازباي، نەگىزگى جاماعات پىكىرى ىقپالىن قالىپتاستىرىپ، يدەولوگيا سالاسىنىڭ مۇلتىكسىز حاۋىپسىزدىگىن قامتاماسىز ەتۋ كەرەك. مالىمەت توپتاۋ، ينفورماتسيا قىزمەتىن نىعايتىپ، سۇڭعىلا، قىراعى بولىپ، جاۋ كۇشتەردىڭ جاعدايىن قالت جىبەرمەي يەلەپ وتىرۋمەن بىرگە، قوعامدىق قورعانۋ - مەڭگەرۋ جۇيەسىن ۇزدىكسىز اقاۋسىزداندىرىپ، بۇقاراعا مىقتاپ ارقا سۇيەپ، بۇقارامەن بايلانىس ورناتىپ، بۇقاراعا قىزمەت كورسەتىپ، بۇقارامەن تىعىز ىنتىماقتاسىپ، بۇقارانى كەڭ كولەمدە اتتانىسقا كەلتىرىپ، قوعام ورنىقتىلىعى مەن باياندى تىنىشتىقتى قورعاۋدىڭ الىنباس قۇرىش قورعانىن سوعۋ كەرەك.

  قوعام ورنىقتىلىعىن قورعاۋ قىزمەتى ءار تاراپقا سايادى، ونى، ءسوز جوق، جوعارى دەڭگەيدە جوبالاۋدى، ءبىر تۇتاس جوبالاپ ىلگەرىلەتۋدى كۇشەيتۋ كەرەك. «كەمەلدى مەحانيزمنەن» ويداعىداي پايدالانىپ، اۆتونوميالى رايوننىڭ ورنىقتىلىقتى قورعاۋ قىزمەتىنە باسشىلىق ەتۋ گرۋپپاسىنىڭ باسشىلىعىندا، پارتيا، ۇكىمەت، ارميا، ساقشى، بيڭتۋان، حالىق سايكەسىپ، بىرلەسىپ قيمىلداۋ مەحانيزمىن اقاۋسىزداندىرىپ، ءار جاقتىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، قوعام ورنىقتىلىعى مەن باياندى تىنىشتىقتى قورعاۋدىڭ قۇدىرەتتى بىرىككەن كۇشىن قالىپتاستىرۋ كەرەك. سيلاۋ - جازالاۋ ءتۇزىمى مەن جاۋاپكەرشىلىكتى قۋزاستىرۋ ءتۇزىمىن ورناتىپ، تاماشا قىزمەت بەتالىسىن ورناتىپ، ورنىقتىلىقتى قورعاۋ شارالارىنىڭ ناقتاپ تياناقتاندىرىلۋىنا تەمىردەي ءتارتىپ ارقىلى كەپىلدىك ەتۋ كەرەك.

  قوعام ورنىقتىلىعى مەن باياندى تىنىشتىقتى قورعاۋ − شي جينپيڭ جولداس باس شۋجي بولعان پارتيا ورتالىق كوميتەتىنىڭ بىزگە جۇكتەگەن كەلەلى مىندەتى، بۇل توتەنشە ماڭىزدى ساياسي جاۋاپكەرشىلىك. تۇتاس رايونىمىزداعى ءار ۇلت كادرلارى مەن بۇقارا قوعام ورنىقتىلىعىن قورعاۋدان بىردە - ءبىر ءوڭىردىڭ، بىردە - ءبىر ورىننىڭ، بىردە - ءبىر ادامنىڭ قالىس قالۋىنا بولمايدى دەيتىن يدەيانى مىقتاپ ورناتىپ، قوعام ورنىقتىلىعىن قورعاۋعا قاي - قاشان دا ساقاداي ساي تۇرۋى، شي جينپيڭ جولداس باس شۋجي بولعان پارتيا ورتالىق كوميتەتىنىڭ قوعام ورنىقتىلىعى مەن باياندى تىنىشتىقتى قورعاۋ جونىندەگى باس نىساناسىن مىقتاپ ارقاۋ ەتىپ، مىزعىماس سەنىممەن، پارمەندى تەبىنمەن اۆتونوميالى رايوندىق پارتكومنىڭ تۇراقتاندىرعان ورنىقتىلىقتى قورعاۋ شارالارىن ويداعىداي تياناقتاندىرىپ، ءاربىر قىزمەتتى، ءاربىر بۋىندى يگەرەتىن، باسقاراتىن، جاۋاپتى بولاتىن ادام بولۋعا شىنايى كەپىلدىك ەتىپ، ودان ناتيجە شىعارمايىنشا بۇلجىتپاي يگەرىپ، شينجياڭدى شىن مانىندە قورعاۋ، ورنىقتىرۋ، دامىتۋ كەرەك.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.