- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭا اۋىل – قىستاقتان شىعانداعان باقىت جىرى
شيا چيڭ
2016.10.09 14:52 كەلۋ قاينارى : شينجياڭ گازەتى
«ءبىزدىڭ شينجياڭ جاقسى جەر، كەڭ جايلىم تيانشاننىڭ الابى، ءشول دالالار جاسىل اتىزعا اينالدى، قار – مۇز سۋى ەگىستىكتى سۋاردى...». «ءبىزدىڭ شينجياڭ جاقسى جەر» دەيتىن وسى كەڭ تارالعان ءان شينجياڭنىڭ شىنايى كارتيناسى ىسپەتتى، ول تالاي ادامدى شينجياڭعا باۋراپ، جۇرتشىلىقتى تيانشاننىڭ وڭتۇستىگى مەن سولتۇستىگىندە كۇن سايىن تۋىلىپ جاتقان وزگەرىستەردى كورۋگە شاقىرىپ تۇرادى.
جۋىق جىلداردان بەرى جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سياقتى 5 ۇلكەن دامۋ يدەياسىنىڭ جەتەكشىلىگىندە، رايونىمىز قىستاعى كورىكتى، قىستاق تۇرعىندارى باي، قىستاق ستيلى جاقسى بولۋدى نەگىزگى جەلى ەتىپ، دارىندى مەن قارجى جاعىندا اۋىل – قىستاققا تيىمدىلىك جاساۋ، نەگىزدىك قۇرىلعى قۇرىلىسىن اۋىل – قىستاققا دەيىن كەڭەيتۋ، الەۋمەتتىك قىزمەت وتەۋدى اۋىل – قىستاققا جالپىلاستىرۋ، وسى زامانعى وركەنيەتتى اۋىل – قىستاققا جەتكىزۋدەن بۇلجىماي، اۋىل – قىستاقتىڭ تۇرمىس ورتاسىن ۇزبەي جاقسارتىپ، شارۋالاردىڭ ساپاسىن جوعارىلاتىپ، قالا مەن اۋىلدىڭ ءبىر تۇلعالانۋ ءۇردىسىن جەدەلدەتىپ، كورىكتى اۋىل – قىستاق قۇرىلىسىن جاپپاي ىلگەرىلەتتى. شينجياڭداعى اۋىل – قىستاقتاردىڭ بەينەسىندە وراسان زور وزگەرىستەر تۋىلىپ، ءار ۇلت ەگىنشى – مالشىلاردىڭ تۇرمىسى كۇننەن – كۇنگە جاقسارىپ، باقىتتىلىق كورسەتكىشى كۇننەن – كۇنگە جوعارىلاي ءتۇستى.
قالالىقتارمەن بىردەي تۇرمىس كەشىرەتىن بولدى
التىن كۇزدىڭ قىركۇيەك ايى، چارقىلىق اۋدانىنىڭ بايتاق دالاسىنا التىن كۇن شۇلەن شۇعىلاسىن توگىپ تۇر. چارقىلىق اۋدانى ۇتام اۋىلى باتىس تاتىراڭ قىستاعىنا بارا قالساڭىز، بىرىنە – ءبىرى كورىك قوسقان قىزىل توبەلى، سارى داۋالدى ۇيلەر مەن تەپ – تەگىس ماي جولداردان باقىتتى تۇرمىس، مامىراجاي تىنىشتىق لەبىن سەزەسىز.
باتىس تاتىراڭ قىستاعىنىڭ تۇرعىنى احات تۇرسىن تىلشىگە: قازىر قىستاقتاعى ۇيلەر تۇگەلدەي ءبىر تۇتاس جوسپارلانىپ، ۇلتتىق ناقىشى ايقىن ەتىپ سالىناتىن بولدى، ۇيلەردى سالۋدان بۇرىن اۋىل – قىستاق كادرلارى قىستاق تۇرعىندارىنىڭ پىكىرىن كەڭ كولەمدە جيناپ، ابدەن ماقۇلداۋدان وتكىزگەننەن كەيىن بارىپ، قۇرىلىس باستايتىن بولدى، – دەدى قۋانىشپەن.
«قازىر ۇيلەرگە تابيعي گاز جەتكىزىلدى، سۋ قۇبىرىنداعى سۋدى دا تىكە ىشۋگە بولادى، قىستاقتاعى جولدىڭ ەكى جاعىنا كۇن نۇرىنان قۋات الاتىن شىراقتار ورناتىلدى... قالالىقتارمەن بىردەي تۇرمىس وتكىزەتىن بولدىق، وسىنىڭ بارلىعى پارتيا مەن ۇكىمەت جۇرگىزگەن كورىكتى اۋىل – قىستاق ينجەنەرياسىنىڭ ارقاسى»، – دەدى باتىس تاتىراڭ قىستاعىنىڭ تۇرعىنى رايلا اسەرلەنە تۇرىپ.
باتىس تاتىراڭ قىستاعىنىڭ جاڭا بەينەسى شينجياڭدا زور كۇشپەن جۇرگىزىلگەن كورىكتى اۋىل – قىستاق قۇرىلىسىنىڭ شاعىن كورىنىسى ەسەپتى، مۇنداي وزگەرىس تيانشاننىڭ وڭتۇستىگى مەن سولتۇستىگىندەگى كوپتەگەن قىستاقتاردا تۋىلۋدا.
رايونىمىز 2015 – جىلى جيىنى 22 ميلليارد 448 ميلليون 900 مىڭ يۋان قارجى قوسىپ، حالىقتى اۋقاتتاندىرۋ ينجەنەرياسى بويىنشا 300 مىڭنان استام بەيقۇت ءۇي سالدى. وسىعان دەيىن «12 – بەسجىلدىق» جوبا مەزگىلىندە شينجياڭدا ءبىر ميلليون 500 مىڭ ادامدى بەيقۇت ءۇي سالىپ، حالىقتى اۋقاتتاندىرۋ ينجەنەرياسىمەن قامتۋ نىساناسى تۇتاستاي اسىرا ورىندالىپ، 6 ميلليونعا تاياۋ ءار ۇلت شارۋا جاڭا تۇراققا كوشىپ كىردى. رايونىمىزدىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى ءۇرتىس 5 جىل بويى مەملەكەتىمىز بويىنشا ءبىرىنشى بولۋداي تاماشا ناتيجەنى قولعا كەلتىردى.
اۆتونوميالى رايوندىق تۇرعىن ءۇي جانە قالا – اۋىل قۇرىلىسى مەڭگەرمەسى جىل باسىندا بيىل بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا 300 مىڭ بەيقۇت ءۇي سالۋ قۇرىلىس مىندەتىن ءارقايسى ايماق، اۋداندارعا ءبولىپ بەرگەن بولاتىن. قازىرگە دەيىن 280 مىڭ ءۇيدىڭ قۇرىلىسى باستالىپ، 160 مىڭ ءۇيدىڭ قۇرىلىسى اقىرلاستى.
اۆتونوميالى رايوندىق بەيقۇت ءۇي سالىپ، حالىقتى اۋقاتتاندىرۋ ينجەنەرياسى قۇرىلىسىنا باسشىلىق ەتۋ گرۋپپاسى جاۋاپتىسىنىڭ تانىستىرۋىنشا، رايونىمىزدىڭ كورىكتى اۋىل – قىستاق قۇرىلىسى الدىمەن جوسپارلاۋ، قىستاقتىڭ جاعدايىنا قاراي ىڭعايلاۋ، كوركەم دە پايدالى، ەرەكشەلىگى ايقىن بولۋ، قۇرىلعىسى تولىق سەپتەلۋ، نەگىزدىك قۇرىلعىسى كەمەلدى بولۋ سىندى قالا مەن اۋىلدى ءبىر تۇلعالاندىرۋدىڭ نىسانالىق تالابى بويىنشا ىلگەرىلەتىلىپ، شارۋالاردىڭ اۋلاسى باقشا سياقتى بولۋ، جولدى قاقپاعا دەيىن جەتكىزۋ، تابيعي گازدى پەشكە دەيىن تۇتاستىرۋ، جول شىراقتارى كۇندىزگىدەي جارقىراپ تۇرۋدى ورىنداپ، ەگىنشى – مالشىلاردىڭ قالاعا بارماي – اق قالاداعىلارداي تۇرمىس كەشىرۋىنە مۇمكىندىك جاسادى.
بۇرىن ىبىرسىپ، بىلىعىپ جاتاتىن قىستاقتار ءدۇر سىلكىنىپ كورىكتى اۋىل – قىستاقتارعا اينالۋدا. 6 جىلعا جۋىق ۋاقىتتان بەرى رايونىمىزدا جاڭادان سالىنعان، جالعاستىرىپ سالىنعان اۋىل – قىستاق جولىنىڭ ۇزىندىعى 46 مىڭ كيلومەترگە جەتىپ، تۇتاس رايونىمىزداعى 1023 اۋىل – قالاشىقتا جول تۇتاسۋ مولشەرى %100كە، 9945 قۇرىلىمدىق قىستاقتا جول تۇتاسۋ مولشەرى %99.4كە جەتىپ، رايونىمىزداعى 6 ميلليون 680 مىڭ ءار ۇلت ەگىنشى – مالشى يگىلىككە كەنەلدى. بيىل تامىزعا دەيىن رايونىمىز اۋىل – قىستاق جولدارى قۇرىلىسىنا 3 ميلليارد 683 ميلليون يۋان قارجى قوسىپ، تۇتاس جىلدىق نىسانالى مىندەتتى %105 ەتىپ ورىنداپ، 5284 كيلومەتر جولدى جاڭادان، وزگەرتىپ، جالعاپ سالىپ، جوسپارداعى 5000 كيلومەترلىك نىسانالى مىندەتتى %106 ەتىپ ورىنداپ، 40 اۋىل – قالاشىق، 150 قۇرىلىمدىق قىستاق، 160 كۇشىنەن قالدىرىلعان، قوسىلعان قۇرىلىمدىق قىستاقتىڭ قاتىناس جاعدايىن وڭاپ، اناعۇرلىم مول ەگىنشى – مالشىلاردى كورىكتى اۋىل – قىستاق قۇرىلىسىنىڭ يگىلىگىنە كەنەلتتى.
تۇرعىن ءۇي مەن اۋىل – قىستاق جولى قۇرىلىسى عانا ارشىنداي وركەندەپ قالماستان، اۋىل – قىستاقتاردىڭ تۇرمىستىق قوقسىقتارىن ارناۋلى وڭاۋ، اۋىل – قىستاقتاردىڭ ورتاسىن ۋنيۆەرسال رەتتەۋ، دارەتحانالاردى جوندەۋ، اۋىل – قىستاق ەلەكتر تورىنىڭ دەڭگەيىن ءوسىرىپ وزگەرتۋ، سۋمەن، گازبەن قامداۋ، سۋ ىعىستىرۋ سياقتى ءبىر قىدىرۋ حالىق تۇرمىسى ينجەنەريالارى دا قاتار ىلگەرىلەپ، رايونىمىزداعى اۋىل – قىستاقتاردىڭ تىرشىلىك ورتاسىن جاقسارتا ءتۇستى. قالتا قامپايىپ، ءومىر ۇمىتكە تولا ءتۇستى
التىن كۇز شينجياڭداعى ساياحاتتىڭ قاۋىرت مەزگىلى. اقشي اۋدانى قاراچ اۋىلى قاراچ قىستاعى ساياحاتشىلاردىڭ ەڭ الدىمەن تاڭدايتىن جەرىنە اينالدى. قىستاق تۇرعىنى امانگۇلدىڭ وتباسىلىق كەستە زاۆودىندا، قىستاقتاعى ايەلدەر ۇلتتىق ەرەكشەلىگى ايقىن ەستەلىك بۇيىمدارىن كەستەلەپ قاربالاستاۋدا. «قازىر قىستاعىمىزعا كەلەتىن ساياحاتشى مولايدى، ءبىز وندىرگەن كەستە ونىمدەرىنىڭ بازارى جاقسى، كىرىسىمىز دە قوماقتى، تۇرمىسىمىز بارعان سايىن جاقسارىپ كەلەدى»، – دەيدى امانگۇل قۋانىشپەن.
كورىكتى اۋىل – قىستاق قۇرىلىسى ينجەنەرياسىنىڭ ءۇرتىس ىلگەرىلەۋىنە ىلەسە، شينجياڭنىڭ اۋىل – قىستاقتارىنا بارىپ وزگەشە سالت – سانانى قىزىقتايتىن ساياحاتشىلاردىڭ سانى بارعان سايىن مولايىپ، كوپتەگەن شارۋالار اۋىل – قىستاق ساياحاتىنان پايدالانىپ كىرىسىن ارتتىرىپ، اۋقاتتانۋ جولىنا ءتۇستى.
2015 – جىلى تامىز ايىندا اشىلعان بۇكىل مەملەكەتتىك اۋىل – قىستاق ساياحاتىن جانداندىرۋ جانە ساياحات ارقىلى كەدەيلەردى سۇيەمەلدەۋ جيىنىندا شينجياڭنىڭ 27 قىستاعى «جۇڭگونىڭ اۋىل – قىستاق ساياحاتىنداعى ۇلگىلى قىستاق» قاتارىنا كىرىپ، 330 شارۋالار ساياجايى «جۇڭگوداعى اۋىل – قىستاق ساياحاتىنىڭ التىن ماركالى ساياجايى» بولىپ باعالاندى. شينجياڭدا قازىرگە دەيىن جيىنى 6000نان استام شارۋالار ساياجايى اشىلعان، مۇنىڭ ىشىندە جۇلدىز دارەجەلى 1307 ساياجاي بار، بۇلار 50 مىڭنان استام شارۋانىڭ كاسىپتەنۋىنە مۇرىندىق بولىپ وتىر.
كورىكتى اۋىل – قىستاق قۇرىلىسى يىڭىسار اۋدانى لومپا اۋىلى تەتىرباق قىستاعىن شىت جاڭا تۇسكە ەنگىزىپ، قىستاقتاعى 380نەن استام وتباسى ءارى لاس، ءارى بىلىققان، حاۋىپسىزدىك قامتاماسىزدىعىنان اۋىز اشۋعا بولمايتىن توپىراق ۇيلەردەن قۇتىلىپ، تازا دا جارىق شارۋا ۇيلەرىنە كوشىپ كىردى.
اۋلانىڭ ورتاسىنداعى داۋال تۇرمىس رايونى مەن مال – قۇس باعىمشىلىق رايونىن ەكىگە ءبولىپ، سيىر قورا، تاۋىق قورا سياقتىلار بولەك سالىنعان، اۋلانىڭ ارت جاعى دوعا توبەلى قالتقى، وندا ءار ءتۇرلى كوكونىستەر ەگىلگەن. اۋلا شارۋاشىلىعى تەتىرباق قىستاعى تۇرعىندارىنىڭ كىرىسىن ارتتىرىپ، اۋقاتتانۋ جولىنا تۇسۋىندەگى كۇش الۋ تۇيىنىنە اينالىپ ۇلگىردى.
«اۋلا شارۋاشىلىعى نىسانىن اتقارۋدىڭ وڭتۇستىك شينجياڭنىڭ ادام كوپ، جەر از بولۋداي قايشىلىعىن شەشۋ جانە اۋىل – قىستاقتارداعى ارتىق ەڭبەككۇشتەردى كاسىپتەندىرۋ جاعىنداعى رولى كورنەكتى، كەدەيلىكتەن ارىلىپ، اۋقاتتانۋعا بەت الۋ جونىنەن ءمانى زور. باعىمشىلىق، ەگىمشىلىك، مانەرلەۋ ءوزارا بولەكتەنگەن ۇلگى ارقىلى اۋلا شارۋاشىلىعىن وڭتۇستىك شينجياڭ شارۋالارىنىڭ كىرىسىن ارتتىرۋداعى >قۇت قوبديى< ەتۋگە بولادى»، – دەيدى اۆتونوميالى رايوندىق اۋىل شارۋاشىلىق مەڭگەرمەسى پارتگرۋپپاسىنىڭ شۋجيى جۋ گاڭ.
كورىكتى اۋىل – قىستاق قۇرىلىسى نىسانىنىڭ ىشكەرىلەي جۇرگىزىلۋىنەن شينجياڭداعى اناعۇرلىم مول قىستاقتاردىڭ سالتاناتى زور دارەجە اسىپ، قىستاق تۇرعىندارىنىڭ اۋقاتتانۋ بەلسەندىلىگى دە جوعارىلاي ءتۇستى، كوكتەمگى جاۋقازىنداي قاۋلاعان اۋىل – قىستاق ساياحاتى، اۋلا شارۋاشىلىعى، شارۋالار ساياجايى، شارۋالار قوناقجايى سياقتى الۋان ءتۇرلى ساۋدا ۇلگىسى ەگىنشى – مالشىلاردىڭ كىرىسىن ارتتىرىپ، اۋقاتتانۋعا بەت الاتىن ماڭىزدى جولىنا اينالدى. قازىر كۇن ساناپ جوعارىلاعان جان باسىندىق تازا كىرىس تۇرعىنداردى باقىتتى تۇرمىسقا جەتەلەي تۇسۋدە. رۋح كوتەرىلىپ، تۇرمىس جاقساردى
چارقىلىق اۋدانى ۇتام اۋىلى عولارىق قىستاعىنىڭ 200گە تارتا تۇرعىنى ءار جۇما كۇنى كەشتە ۋادەلەسكەندەي – اق قىستاق تۇرعىندار كوميتەتىنە كەلىپ، اپتا سوڭىنداعى مادەنيەت قيمىلىنا قاتىناسادى.
قىستاق تۇرعىنى تايىر مامەت: قىستاعىمىزدا ءار جۇما كۇنى قيمىل وتكىزىلەدى، بۇل كەزدە ءار ۇلت تۇرعىندارى جينالىپ، ءان ايتىپ، ءبي بيلەپ، مادەنيەت – سپورت جارىستارىن وتكىزۋ ارقىلى ءبىر جاعىنان، ءوز ونەرىن كورسەتەدى، ەندى ءبىر جاعىنان، دوستىعىمىزدى، تۇرمىسىمىزدى ارلەندىردى، مەن قيمىلدى قاتتى ۇناتامىن، – دەدى.
«پارتيا مەن ۇكىمەت اۋىل – قىستاقتاردىڭ مادەني قيمىل الاڭىن سالۋ، ەل اراسىنداعى كوركەمونەرشىلەردى تاربيەلەۋ جاقتارىندا كوپتەگەن قامقورلىقتار جاساپ، قولداۋ كورسەتتى. قازىر قىستاق تۇرعىندار كوميتەتىندە كلۋب بار، قىستاقتا ادەبيەت – كوركەمونەر ۇيىرمەسى قۇرىلدى، كوپشىلىكتىڭ مادەني تۇرمىسى بارعان سايىن بايىپ كەلەدى»، – دەدى قىستاق كادرى احىمەت روزى.
جۋىرداعى 5 جىلدان بەرى رايونىمىزدىڭ كورىكتى اۋىل – قىستاق قۇرىلىسىنىڭ مازمۇنى كۇن ساناپ تولىعىپ، جۇيەسى دە كۇن ساناپ كەمەلدەندى. ءبىر قىدىرۋ حالىق تۇرمىسىنا ساياتىن ماڭىزدى نىساندار دا شارۋالاردىڭ تۇرمىسىن شىن مانىنەن وزگەرتتى. ۇزدىكسىز كەمەلدەنگەن وسى زامانعى الەۋمەتتىك مادەني قىزمەت وتەۋ جۇيەسى، ىشكەرىلەي ورىستەتىلگەن مادەنيەت ارقىلى حالىققا تيىمدىلىك جاساۋ قيمىلى، مادەنيەتتەن جان – جاقتى قىزمەت وتەۋ ورتالىعى سياقتىلار نەگىزگى ساتىداعى بۇقارانىڭ ونەر كورسەتۋىنە ساحنا، قيمىل وتكىزۋىنە ورىن دايىندادى. كەزەكتە تۇتاس رايونىمىزداعى اۋىل – قىستاقتاردا راديو مەن تەلەۆيزيانىڭ ۋنيۆەرسال جالپىلاسۋ مولشەرى جەكە – جەكە %96.6كە جانە %97.04كە جەتتى.
قىزىلسۋ قىرعىز اۆتونوميالى وبلىسى تازا اۋىل – قىستاق قيمىلىن قانات جايدىرۋ ارقىلى ءار قىستاققا قوقسىق تاسۋ ماشيناسىن ءبولىپ، قوقسىق ساندىعىن ورناتتى. قازىر قىستاق تۇرعىندارى تۇرمىستىق قوقسىقتاردى تۇرگە ءبولىپ توگەتىن، جەمىس – جيدەك قابىعىن بەتالدى تاستامايتىن بولدى دا، قىستاق ورتاسى تاپ – تازا تۇرادى.
«12 – بەسجىلدىق» جوبا مەزگىلىندە شينجياڭداعى اۋىل – قىستاقتاردا 128 سۋ قاينارىن قورعاۋ قۇرىلعىسى سالىندى؛ 102 لاس سۋدى شوعىرلى ءبىر جايلى ەتەتىن قۇرىلعى سالىنىپ، ولارعا ۇزىندىعى 1120 كيلومەتر كەلەتىن لاس سۋدى شوعىرلى ءبىر جايلى ەتۋ قۇبىر تورى سەپتەلدى؛ 110 مىڭ 347 قوقسىق ساندىعى مەن قوقسىق ۇراسى، 1035 قوقسىقتى شوعىرلى جيناپ تاسيتىن ماشينا، 57 قوقسىقتى اينالدىرىپ ءبىر جايلى ەتۋ پۋنكتى، 22 قوقسىقتى ءبىر جايلى ەتۋ قۇرىلعىسى ساتىپ الىندى جانە سالىندى؛ 371 مال – قۇستاردىڭ دايراعىن شوعىرلى ءبىر جايلى ەتۋ قۇرىلعىسى، 7610 جەكە وتباسىلارىنىڭ ءبىر جايلى ەتۋ قۇرىلعىسى سالىنىپ، تۇرمىستىق لاس سۋدى جىلدىق ءبىر جايلى ەتۋ قۋاتى 7 ميلليون 490 مىڭ تونناعا، تۇرمسىتىق قوقىر – قوقسىقتى جىلدىق ءبىر جايلى ەتۋ قۋاتى 750 مىڭ تونناعا جەتكىزىلدى. ۇزاق ۋاقىت بويى تۇرعىنداردىڭ باس اۋرۋى بولىپ كەلگەن «لاس سۋدىڭ بۋلانۋىن، قوقىر – قوقسىقتى جەل ۇشىرۋىن كۇتەتىن، سۋ قاينارىن قورعاۋعا شاراسىز بولاتىن» لاس، بىلىققان، ناشار ورتا ماسەلەلەرى ءونىمدى شەشىلدى.
كورىكتى اۋىل – قىستاق قۇرىلىسى اۋىل – قىستاق تۇرعىندارىنىڭ تۇرمىس ورتاسىن وڭاعاننىڭ ۇستىنە، بىرتىندەپ اۋىل – قىستاق وركەنيەتىن دە تۇزەتتى. تاماشا تۇرمىس ورتاسىنان يگىلىكتەنگەن ەگىنشى – مالشىلاردىڭ ادەپ – احىلاعى دا جاقسارىپ، جاقسى تۇرمىس وتكىزۋ جونىندەگى يدەيا ادامداردىڭ قانىنا تەرەڭ ءسىڭدى.
كورىكتى اۋىل – قىستاق قۇرىلىسى اۋىل – قىستاقتاردىڭ رۋحاني وركەنيەت قۇرىلىسىن ىشكەرىلەي تەرەڭدەتىپ، شارۋالاردىڭ وركەنيەت ساپاسى مەن مادەنيەت ساۋياسىن جوعارىلاتىپ، اۋىل – قىستاقتاردىڭ اۋىل – قىستاق سالتى، تۇرمىس ورتاسى، مادەنيەت تۇرمىسى سياقتى «ءۇش جاقتان دا كوركەيۋىن» ىسكە اسىرىپ، شىت جاڭا جەتىستىكتەرى ارقىلى كوركەم شينجياڭعا كورىك قوستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
