- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك كەڭەس كەڭسەسى «اۋىل - قىستاقتاعى ەڭ تومەنگى تۇرمىستى قامتاماسىز ەتۋ ءتۇزىمىن كەدەيلەردى سۇيەمەلدەۋ، وركەندەتۋ ساياساتىمەن ءونىمدى توعىستىرۋدى ويداعىداي ىستەۋ جونىندەگى جەتەكشى پىكىردى» تاراتتى
2016.10.10 14:28 كەلۋ قاينارى : شينجياڭ گازەتى
شينحۋا اگەنتتىگىنىڭ 28 – قىركۇيەكتە چۇڭچيڭنەن بەرگەن حابارى. «.2016 جۇڭگو – ەۆروپا ادامدىق ۇقىق تالقى ءماجىلىسى» 28 – قىركۇيەكتە چۇڭچيڭدە اشىلدى، بۇل رەتكى ءماجىلىس نازاردى از ۇلتتاردىڭ ۇقىق – مۇددەسىن قامتاماسىز ەتۋگە شوعىرلاندىردى. ماجىلىسكە قاتىناسقان جۇڭگولىق جانە شەتەلدىك ماماندار بىلاي دەدى: بىرلىككە كەلگەن كوپ ۇلتتى مەملەكەت ساناتىندا، جۇڭگو ادامدىق ۇقىقتى دامىتۋعا ايرىقشا ءمان بەردى، اسىرەسە، از ۇلتتاردىڭ ادامدىق ۇقىعىن قامتاماسىز ەتۋ جاعىندا كورنەكتى ىلگەرىلەۋشىلىككە قول جەتكىزدى.
فرانسيانىڭ جاڭا ادامدىق ۇقىق قوعامىنىڭ ءتوراعاسى پيەر بەرسيس بىلاي دەدى: جۇڭگوعا ەرەكشە تەرەڭ سۇيىسپەنشىلىگىم بار. فرانسيادا ازيالىق دوستارىمنىڭ ءوز مادەنيەتتەرىن ساقتاۋى ءۇشىن قۇلشىنىپ كەلەمىن، ولاردىڭ فرانسيادا، اۋەلى، تۇتاس ەۆروپادا وزدەرىنە تانىس حانزۋ تىلىندە قىزمەت ىستەۋىن ءۇمىت ەتەمىن. جۇڭگو بىرلىككە كەلگەن كوپ ۇلتتى مەملەكەت، كوپ ۇلتتىڭ مادەنيەتى وسى ارادا ءوزارا توعىسقان، سوندىقتان تۇتاس قوعامنىڭ اناعۇرلىم كوبىرەك ارالاسۋىن جانە ءتۇسىنىسۋىن قاجەت ەتەدى. بۇل جاعىندا جۇڭگو ءبىرتالاي قۇلشىنىس جاسادى.
ۇعىسۋعا قاراعاندا، جۇڭگو 1954 – جىلى ۇلتتىق تەرريتوريالىق اۆتونوميا ءتۇزىمىن نەگىزگى زاڭعا ەنگىزگەن. تالاي جىلدان بەرى جۇڭگو ۇكىمەتى نەگىزگى زاڭ جانە زاڭ – ءتۇزىم سياقتى كوپتەگەن جاقتاردا ۇلتتاردىڭ تەپە – تەڭدىگى، مەملەكەت ىستەرىن بىرگە باسقارۋ پرينسيبىن تۇراقتاندىرعان. سونىمەن قاتار ۇلتتىق وڭىرلەر مەن جان سانى ەداۋىر از ۇلتتاردىڭ دامۋىن 20 ءتۇيىندى ارناۋلى جوبانىڭ بىرىنە ەنگىزىپ، از ۇلتتاردى جانە از ۇلت وڭىرلەرىن ارناۋلى سۇيەمەلدەۋ سەرپىنىن ۇزدىكسىز كۇشەيتكەن. 2015 – جىلى جۇڭگونىڭ ىشكى موڭعۇل، گۋاڭشي، شيزاڭ، نيڭشيا، شينجياڭ سياقتى 5 اۆتونوميالى رايونى مەن گۇيجوۋ، يۇننان، چيڭحاي سياقتى 3 ولكەسىندەگى كەدەيلەردىڭ سانى 2012 – جىلعى 31 ميلليون 210 مىڭنان 18 ميلليون 130 مىڭعا ازايعان.
تيانجين نانكاي ۋنيۆەرسيتەتىنىڭ ادامدىق ۇقىق ورتالىعىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى چاڭ جيان شينحۋا اگەنتتىگىنىڭ تىلشىسىمەن ارناۋلى سۇحبات وتكىزگەندە بىلاي دەدى: ەۆروپا ەلدەرى از ۇلتتاردىڭ ۇقىق – مۇددەسىن قامتاماسىز ەتۋدە ازاماتتىق ۇقىق – مۇددە، ساياسي ۇقىق – مۇددە تەپە – تەڭدىگىن دارىپتەيدى، جۇڭگو از ۇلتتاردىڭ ادامدىق ۇقىعىن قامتاماسىز ەتۋدە، وسىلاردان سىرت از ۇلت وڭىرلەرى ەكونوميكاسىنىڭ دامۋىن قولدايتىن مازمۇنداردى دا قوستى.
بۇدان سىرت، باتىس قوعامىندا جاپپاي ورىن تەپكەن از ۇلتتاردىڭ مادەنيەتىن، ءتىلىن قورعاۋ مەن وقۋ – اعارتۋ ماسەلەسىندە دە جۇڭگو حالىقارالىق قوعامنىڭ الدىڭعى لەگىندە كەلەدى.
ۇلى بريتانيا بەلفاست ايەل پاتشا ۋنيۆەرسيتەتىنىڭ پروفەسسورى ەليزابەد ماري كرايگ بىلاي دەدى: ەۆروپانىڭ ادامدىق ۇقىق شارتىنىڭ مادەنيەت ۇقىعى، اسىرەسە، ءتىل ۇقىعى جاقتارىندا ءالى دە كوپتەگەن كەمىستىگى بار. ەۆروپادا كوپتەگەن ءتىل جويىلىپ بارادى، كوپتەگەن ادام ءوزىنىڭ ءتىلىن قولدانبايتىن بولدى.
گەرمانيا گامبۋرگ ۋنيۆەرسيتەتىنىڭ پروفەسسورى گودفريەد سباستيان شەر سيگانداردىڭ گەرمانياداعى جاعدايىنان سيتات كەلتىرىپ بىلاي دەدى: گەرمانيا سيگانداردىڭ تۇرمىسىن قولداۋ جاعىندا ەداۋىر جاقسى ناتيجەگە قول جەتكىزگەنىمەن، ولاردىڭ ءتىلىن قورعاۋ جاعىندا ۇلكەن جەتەرسىزدىگى بار.
جۇڭگو ادامدىق ۇقىق زەرتتەۋ قوعامىنىڭ اقىلشىسى ليۋ حاينان بىلاي دەدى: بۇل جاعىندا جۇڭگو، شىنىمەن، جاقسى ىستەدى. جۇڭگو «قوس ءتىل» وقۋ – اعارتۋىن ۇكىمەت تاراپىنان ىلگەرىلەتىپ كەلەدى، ماسەلەن، از ۇلتتار شوعىرلى قونىستانعان كەيبىر جەرلەردە «قوس ءتىل» ساباعىن اشىپ، از ۇلت وقۋشىلارىنىڭ مەملەكەتىمىزدە ورتاق قولدانىلاتىن ءتىل مەن جازۋدى نەگىزىنەن يگەرۋىنە جانە پايدالانۋىنا كەپىلدىك ەتىپ، از ۇلتتاردىڭ ءوز ءتىلى مەن حانزۋ تىلىنە بىردەي جەتىك بولۋىن نەگىزگى نىسانا ەتتى. بۇل ۇلتتاردىڭ ءوزارا ارالاسۋىنا ءتيىمدى بولۋمەن قاتار، ءوز ۇلتىنىڭ ءتىل مادەنيەتىن قورعاۋىنا جانە وعان مۇراگەرلىك ەتۋىنە دە ءتيىمدى.
جۇڭگو قوعامدىق عىلىمدار اكادەمياسىنىڭ ەتيمولوگيا جانە انتروپولوگيا زەرتتەۋ ورنىنىڭ باستىعى ۋاڭ يانجۇڭ بىلاي دەدى: 2010 – جىلى جۇڭگوداعى از ۇلتتاردىڭ جان سانى جالپى جان سانىنىڭ %8.49ىن ۇستادى، بۇل سالىستىرما 1953 – جىلى نە بارى %6.06عانا بولاتىن. از ۇلت جان سانىنىڭ سالىستىرماسى جەدەل جوعارىلادى، ارتۋ قارقىنى بەلگىلى دارەجەدەن العاندا، حانزۋلاردان استى، بۇل جۇڭگونىڭ از ۇلت ساياساتىندا از ۇلتتاردىڭ ءوز سالاۋاتتارىن مويىنداۋى كۇشەيگەنىن، از ۇلتتاردىڭ ۇقىق – مۇددەسىن قامتاماسىز ەتۋدىڭ مويىندالعانىن بەينەلەيدى.
نيدەرلاندتىڭ ادامدىق ۇقىق زەرتتەۋ ورنىنىڭ باستىعى توم زۋارت بىلاي دەدى: «دۇنيە جۇزىلىك ادامدىق ۇقىق جارناماسىن» دايىنداۋشىلاردىڭ ءبىرى جاڭ پىڭچۇن جۇڭگولىق، جۇڭگو قازىر ادامدىق ۇقىق نازارياسى مەن امالياتىنا ماڭىزدى ۇلەس قوسۋشىلاردىڭ ءبىرى دەۋگە بولادى. جۇڭگونىڭ ادامدىق ۇقىق ماماندارى كوزقاراستارىن دۇنيەدەگى وزگە ەلدەرگە كوبىرەك تانىستىرۋى، باتىس ەلدەرىمەن كوبىرەك ارالاسۋى كەرەك.
جۇڭگونىڭ از ۇلتتاردىڭ ادامدىق ۇقىعىن قامتاماسىز ەتۋ قىزمەتى بىرتە – بىرتە دۇنيە ءجۇزىنىڭ مويىنداۋىنا يە بولدى
شينحۋا اگەنتتىگىنىڭ 27 – قىركۇيەكتە بەيجيڭنەن بەرگەن حابارى. تاياۋدا مەملەكەتتىك كەڭەس كەڭسەسى حالىق ىستەرى مينيسترلىگى، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى، ورتالىقتىڭ اۋىل – قىستاق قىزمەتى كەڭسەسى، قازىنا مينيسترلىگى، مەملەكەتتىك ساناق مەكەمەسى، جۇڭگو مۇگەدەكتەر بىرلەستىگىنىڭ «اۋىل – قىستاقتاعى ەڭ تومەنگى تۇرمىستى قامتاماسىز ەتۋ ءتۇزىمىن كەدەيلەردى سۇيەمەلدەۋ، وركەندەتۋ ساياساتىمەن ءونىمدى توعىستىرۋدى ويداعىداي ىستەۋ جونىندەگى جەتەكشى پىكىرىن» تاراتىپ، اۋىل – قىستاقتاعى ەڭ تومەنگى تۇرمىستى قامتاماسىز ەتۋ ءتۇزىمى مەن كەدەيلەردى سۇيەمەلدەۋ، وركەندەتۋ ساياساتىن ءونىمدى توعىستىرۋ قىزمەتىن ويداعىداي ىستەۋدى ورنالاستىردى.
«پىكىردە» مىنالار اتاپ كورسەتىلدى: كەدەيلەردى دالمە – ءدال سۇيەمەلدەۋ، كەدەيلىكتەن دالمە – ءدال قۇتىلدىرۋ نەگىزگى تاكتيكاسىنان جازباي، سۇيەمەلدەۋگە تيىستىلەرىن مۇمكىندىگىنشە سۇيەمەلدەۋ، قامتاماسىز ەتۋگە تيىستىلەرىن مۇمكىندىگىنشە قامتاماسىز ەتۋ، يكەمدى باسقارۋ، بايلىقتى ءبىر تۇتاس ويلاستىرۋ سياقتى پرينسيپتەردەن جازباي، اۋىل – قىستاقتاعى ەڭ تومەنگى تۇرمىستى قامتاماسىز ەتۋ ءتۇزىمىن كەدەيلەردى سۇيەمەلدەۋ، وركەندەتۋ ساياساتىمەن ءونىمدى توعىستىرىپ، كەدەيلىكتەن قۇتىلدىرۋدان قامال الۋداعى بىرىككەن كۇشتى قالىپتاستىرىپ، اۋىل – قىستاقتاعى ەڭ تومەنگى تۇرمىستى قامتاماسىز ەتۋ ولشەمىنە ۇيلەسەتىن كەدەيلەرگە ساياساتتىق قامتاماسىز ەتۋدىڭ تومەنگى شەگىن ساقتاپ، 2020 – جىلعا جەتكەندە قازىرگى كەدەيلەردى سۇيەمەلدەۋ ولشەمى نەگىزىندە اۋىل – قىستاقتاعى كەدەيلەردى تۇگەلدەي كەدەيلىكتەن قۇتىلدىرۋعا كەپىلدىك ەتۋ كەرەك.
«پىكىردە» اۋىل – قىستاقتاعى ەڭ تومەنگى تۇرمىستى قامتاماسىز ەتۋ ءتۇزىمىن كەدەيلەردى سۇيەمەلدەۋ ساياساتىمەن توعىستىرۋدى كۇشەيتۋدىڭ ءتۇيىندى مىندەتتەرى اناعۇرلىم ايقىندالدى. ساياساتپەن توعىستىرۋ جاعىندا، اۋىل – قىستاقتاعى ەڭ تومەنگى تۇرمىستى قامتاماسىز ەتۋ شارتىنا ۇيلەسەتىن، ارحيۆى تۇرعىزىلىپ، كارتچكا بەرىلگەن كەدەي وتباسىلارىن بەلگىلەنگەن ءتارتىپ بويىنشا ەڭ تومەنگى تۇرمىستى قامتاماسىز ەتۋ كولەمىنە ەنگىزۋ؛ اۋىل – قىستاقتاعى كەدەيلەردى سۇيەمەلدەۋ شارتىنا ۇيلەسەتىن ەڭ تومەنگى تۇرمىسى قامتاماسىز ەتىلەتىن وتباسىلارىن بەلگىلەنگەن ءتارتىپ بويىنشا ارحيۆىن تۇرعىزىپ، كارتچكا بەرۋ كولەمىنە ەنگىزۋ، اۋىل – قىستاقتاعى ەڭ تومەنگى تۇرمىسى قامتاماسىز ەتىلەتىن ارحيۆ تۇرعىزىپ، كارتچكا بەرۋ كولەمىندەگى وتباسىلارىنا، ەرەكشە قيىنشىلىعى بارلارعا قاتىستى كەدەيلەردى سۇيەمەلدەۋ، وركەندەتۋ ساياساتىن ءبىر تۇتاس ويلاستىرىپ پايدالانۋ قاجەت. وبيەكتىلەردى توعىستىرۋ جاعىندا، اۋىل – قىستاقتاعى ەڭ تومەنگى تۇرمىسى قامتاماسىز ەتىلەتىن وتباسىلارىنىڭ كەدەيلىك جاعدايىن باعالاۋ كورسەتكىشى جۇيەسىن كەمەلدەندىرىپ، وتباسىنىڭ كىرىسىن، مال – مۇلكىن باستى كورسەتكىش ەتىپ، جەرگىلىكتى ورىننىڭ ءىس جۇزىندىك جاعدايىنا ۇشتاستىرىپ، وتباسى مۇشەلەرىنىڭ مۇگەدەكتىگى، سالماقتى ناۋقاسقا شالدىعۋى سەبەپتى شىعارماسا بولمايتىن شىعىن فاكتورىن ۇيلەسىمدى ويلاستىرىپ، وتباسىنىڭ كەدەيلىك دارەجەسىن جالپىلىق باعالاۋ كەرەك. ولشەمدى توعىستىرۋ جاعىندا، اۋىل – قىستاقتاعى ەڭ تومەنگى تۇرمىستى قامتاماسىز ەتۋ ولشەمى مەملەكەتتىڭ كەدەيلەردى سۇيەمەلدەۋ ولشەمىنەن تومەن ەتىپ بەلگىلەنگەن جەرلەر اۋىل – قىستاقتاعى ەڭ تومەنگى تۇرمىسى قامتاماسىز ەتىلەتىندەردىڭ ەڭ تومەنگى جەتەكشى ولشەمىن مەملەكەتتىڭ كەدەيلەردى سۇيەمەلدەۋ ولشەمى بويىنشا جالپىلىق تۇراقتاندىرسا بولادى؛ اۋىل – قىستاقتاعى ەڭ تومەنگى تۇرمىستى قامتاماسىز ەتۋ ولشەمى مەملەكەتتىڭ كەدەيلەردى سۇيەمەلدەۋ ولشەمىنە جەتكەن جەرلەر يكەمدى رەتتەۋ مەحانيزمى بويىنشا عىلمي رەتتەۋ جۇرگىزسە بولادى. باسقارۋدى توعىستىرۋ جاعىندا، اۋدان دارەجەلى حالىق ىستەرى تاراۋلارىنان، كەدەيلەردى سۇيەمەلدەۋ تاراۋلارىنان ارالاسۋدى كۇشەيتىپ، اۋىل – قىستاقتاعى ەڭ تومەنگى تۇرمىسى قامتاماسىز ەتىلەتىن وبيەكتىلەر، ەرەكشە قيىنشىلىعى بارلاردىڭ تىزىمدىگىن جانە ارحيۆى تۇرعىزىلىپ، كارتچكا بەرىلگەن كەدەيلەر، اۋىل – قىستاقتاعى ەڭ تومەنگى تۇرمىسى قامتاماسىز ەتىلەتىن وبيەكتىلەردىڭ اراسىنداعى كەدەيلىكتەن قۇتىلدىرىلعانداردىڭ تىزىمدىگى سياقتى قاتىستى ينفورماتسيالاردان تەڭ يگىلىكتەنۋ تالاپ ەتىلەدى.
«پىكىردە» مىنالار تالاپ ەتىلدى: 2016 – جىلى قاراشانىڭ سوڭىنان بۇرىن، ولكەلىك (رايون، قالا) حالىق ىستەرى تاراۋلارى، كەدەيلەردى سۇيەمەلدەۋ تاراۋلارى اتقارۋ جوباسىن حالىق ىستەرى مينيسترلىگىنە، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنە مالىمدەپ ەستەلىككە الدىرۋ كەرەك. 2016 – جىلى جەلتوقساننىڭ سوڭىنان بۇرىن، اۋدان دارەجەلى حالىق ىستەرى تاراۋلارى، كەدەيلەردى سۇيەمەلدەۋ تاراۋلارى جانە مۇگەدەكتەر بىرلەستىگى اۋىل – قالاشىق حالىق ۇكىمەتتەرىنىڭ (ءمالى باسقارماسىنىڭ) اۋىل – قىستاقتاعى ەڭ تومەنگى تۇرمىسى قامتاماسىز ەتىلەتىن وبيەكتىلەردىڭ جانە ارحيۆى تۇرعىزىلىپ، كارتچكا بەرىلگەن كەدەيلەردىڭ ەسەبىن سالىستىرۋىنا جەتەكشىلىك ەتۋ كەرەك. 2016 – جىلدان باستاپ قاتىستى تاراۋلار ەسەپ ساندى مالىمەتتەرىن جىلىنا كەمىندە ءبىر رەت سالىستىرۋ قاجەت.
«پىكىردە» مىنالار اتاپ كورسەتىلدى: ورتالىق قازىناسىنان ورنالاستىرىلعان قوعامدىق كومەك قوسىمشا قاراجاتىن قامتاماسىز ەتۋ مىندەتى اۋىر، جەرگىلىكتى قازىنانىڭ قيىنشىلىعى بار، قىزمەت ونىمدىلىگى كورنەكتى رايوندارعا بەيىمدەۋ كەرەك. قىستاق دارەجەلى قوعامدىق كومەككە جاردەمدەسۋشى قىزمەتكەر ءتۇزىمىن ورناتۋ جولىن قاراستىرىپ، قوعامدىق كومەك وبيەكتىلەرىنىڭ سانى سياقتى فاكتورلارعا نەگىزدەلە وتىرىپ، سايكەستى قىزمەتكەرلەردى ورنالاستىرۋ قاجەت. ۇكىمەت ساتىپ الىپ، قىزمەت كورسەتۋ سياقتى تاسىلدەردەن پايدالانىپ، قوعامدىق كۇشتەردى اۋىل – قىستاقتاعى ەڭ تومەنگى تۇرمىستى قامتاماسىز ەتۋگە قىزمەت كورسەتۋگە قاتىستىرۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
