بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

چىن چۋانگو اۆتونوميالى رايوندىق قازىنا - ەكونوميكا قىزمەتىنە باسشىلىق ەتۋ گرۋپپاسىنىڭ 5 - رەتكى ماجىلىسىندە باس نىسانانى جەتەكشى ەتۋگە تاباندى بولىپ، 5 ءىرى دامۋ يدەياسىن بەرىك ورناتىپ، حالىق تۇرمىسىنا تىعىز ۇشتاستىرۋدان جازباي، تۇتاس رايونىمىزدىڭ ونان سايىن جاقسى، ونان سايىن تەز دامۋىن ىلگەرىلەتۋدى باسا دارىپتەدى

شوكىرات زاكىر، نايىم ياسىن، نۇرلان ءابىلماجىن ۇلى، جۋ حايلۇن ماجىلىسكە قاتىناستى

2016.10.10 14:29     كەلۋ قاينارى : شينجياڭ گازەتى

  بۇگىن تۇستەن بۇرىن اۆتونوميالى رايوندىق پارتكومنىڭ شۋجيى، اۆتونوميالى رايوندىق قازىنا - ەكونوميكا قىزمەتىنە باسشىلىق ەتۋ گرۋپپاسىنىڭ باستىعى چىن چۋانگو اۆتونوميالى رايوندىق قازىنا - ەكونوميكا قىزمەتىنە باسشىلىق ەتۋ گرۋپپاسىنىڭ 5 - رەتكى ءماجىلىسىن باسقارىپ اشتى. ول مىنانى باسا دارىپتەدى: باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن جەتەكشى ەتۋگە تاباندى بولىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىن بەرىك ورناتىپ، ەكونوميكالىق دامۋدىڭ جاڭا قالىبىنا بەيىمدەلىپ، حالىق تۇرمىسىنا تىعىز ۇشتاستىرۋدان جازباي، اۆتونوميالى رايوننىڭ ونان سايىن جاقسى، ونان سايىن تەز دامۋىن ىلگەرىلەتۋ قاجەت.

  اۆتونوميالى رايون باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، جۋ حايلۇن، حۋاڭ ۋي، ەركىن تۇنياز، پىڭ جيارۇي ماجىلىسكە قاتىناستى.

  ماجىلىستە اۆتونوميالى رايون ەكونوميكاسىنىڭ الدىڭعى 3 توقسانداعى اينالىم جاعدايى جانە الداعى ەكونوميكالىق قىزمەتكە ورنالاستىرۋ جونىندەگى مالىمەت تىڭدالدى، اۆتونوميالى رايوننىڭ ورگان - ءىسورىنداردىڭ زەينەتكەرلىك قامسىزداندىرۋ جۇيەسىنە جاسالاتىن رەفورمانى ىلگەرىلەتۋ جونىندەگى ۇسىنىس - پىكىر، اۆتونوميالى رايوننىڭ 2016 - جىلعى ورگان - ءىسورىن زەينەتكەرلەرىنىڭ زەينەتاقى يگىلىگىن رەتتەۋ بايلانىسىمەن قوسىمشا قاراجات ورنالاستىرۋ تۋرالى ءوتىنىش، ورگان - ءىسورىن كادر - قىزمەتكەرلەرىنىڭ نەگىزگى ەڭبەكاقى ولشەمى مەن دەمالىسقا شىققانداردىڭ دەمالىس قاراجاتىن ارتتىرۋ جونىندەگى اتقارۋ جوباسى، اۆتونوميالى رايوننىڭ ورتا، شاعىن، ۇساق كاسىپورىنداردى قارجىلاندىرۋ بويىنشا ۇكىمەتتىڭ، بانكەلەردىڭ جانە كەپىلدىك قۇرىلىمداردىڭ تاۋەكەلدىك تولەم قاراجاتتارىن باسقارۋ (ۋاقىتشا اتقارىلادى) ءادىسى سياقتى حۇجاتتار قارالدى جانە ماقۇلداندى.

  چىن چۋانگو مىنالاردى اتاپ كورسەتتى: شينجياڭنىڭ ونان سايىن جاقسى، ونان سايىن تەز دامۋىن ىلگەرىلەتۋ − قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋدىڭ ماڭىزدى سۇيەنىشى، جاپپاي دوڭگەلەك داۋلەتتى قوعام قۇرۋدىڭ تابيعي تالابى، اۆتونوميالى رايونىمىزداعى ءار ۇلت حالىق بۇقاراسىنىڭ وزەكجاردى ارمانى، «ءبىر بەلدەۋ، ءبىر جول» مەملەكەتتىك ستراتەگياسىن مىقتاپ يگەرۋ مەن دايەكتىلەندىرۋدىڭ ناقتىلى ارەكەتى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدىڭ وبيەكتيۆ قاجەتى. اۆتونوميالى رايونىمىزداعى ءار دارەجەلى تاراۋلار اۆتونوميالى رايوننىڭ ونان سايىن جاقسى، ونان سايىن تەز دامۋىن ىلگەرىلەتۋدىڭ ماڭىزدىلىعىن جىعا تانىپ، ەكونوميكالىق قىزمەتتى جاقسى ىستەۋ جونىندەگى سانالىلىقتى كۇشەيتىپ، شىن يگەرىپ، تىندىرىمدى ىستەپ، قيىنشىلىقتاردى جەڭىپ، جىلدىق نىسانالار مەن مىندەتتەردىڭ ورىندالۋىنا كەپىلدىك ەتىپ، كەلەسى جىلعى ەكونوميكالىق قىزمەتتى عىلمي تۇردە جوسپارلاپ، «13 - بەسجىلدىقتىڭ» نىسانالارى مەن مىندەتتەرىن ىسكە اسىرۋعا جانە جاپپاي دوڭگەلەك داۋلەتتى قوعام قۇرۋعا بەرىك نەگىز قالاۋى كەرەك.

  چىن چۋانگو مىنالاردى باسا دارىپتەدى: دامۋ يدەياسىن جاڭالاپ، دامۋ ءتۇيىنىن يگەرىپ، دامۋ تەتىگىن باعامداپ، اۆتونوميالى رايون ەكونوميكاسىنىڭ ونان سايىن جاقسى، ونان سايىن تەز دامۋىن ىلگەرىلەتۋ قاجەت. 5 ءىرى دامۋ يدەياسىن بەرىك ورناتۋ، اتاپ ايتقاندا، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىن بەرىك ورناتۋ جانە شىنايى دايەكتىلەندىرۋ، جاڭالىق اشا دامۋعا تاباندى بولىپ، ساپا مەن تيىمدىلىكتى، قوزعاۋشى كۇش پەن ومىرشەڭدىك كۇشتى جوعارىلاتۋ؛ سايكەستى دامۋعا تاباندى بولىپ، ەكونوميكا مەن قوعامنىڭ جاپپاي العا باسۋىن جەبەۋ؛ جاسىل دامۋعا تاباندى بولىپ، تابيعاتتىڭ تازا قالپىن ساقتاۋعا كەپىلدىك ەتۋ؛ اشىق دامۋعا تاباندى بولىپ، ىشكە، سىرتقا ەسىك اشۋ دەڭگەيىن كوتەرۋ؛ بىرگە يگىلىككە كەنەلەتىن دامۋعا تاباندى بولىپ، ءار ۇلت بۇقاراسىنىڭ تابىستىلىق سەزىمىن نىعايتۋ كەرەك. جاڭا قالىپ تۋرالى يدەيانى بەكەمدەپ، باس شۋجي شي جينپيڭنىڭ ەكونوميكالىق دامۋدىڭ جاڭا قالىبى جونىندەگى ماڭىزدى بايىمداۋلارىن تەرەڭ ءتۇسىنىپ جانە يگەرىپ، جاڭا قالىپقا بەيىمدەلىپ، جاڭا قالىپتى يگەرىپ، جاڭا قالىپقا جەتەكشىلىك ەتىپ، ورنىقتىلىق بارىسىندا ىلگەرىلەۋ دەگەن نەگىزگى ۇستانىمنان جازباي، ماكرو ساياساتتار ورنىقتى، كاسىپكەرلىك ساياساتتار مۇلتىكسىز، ميكرو ساياساتتار جاندى، رەفورما ساياساتتارى سىندارلى، قوعامدىق ساياساتتار تياناقتى بولۋ دەگەن جالپى وي جۇلگەسىن اتقارىپ، ەكونوميكالىق قىزمەتتەگى ىرىقتىلىقتى بەرىك يگەرۋ كەرەك. قامداۋ جاعىنداعى رەفورمانىڭ تالاپتارىن بەرىك يگەرىپ، جالپى سۇرانىستى لايىقتى كەڭەيتۋمەن قاتار، ارتىق ءوندىرىس قۋاتىن، قامباداعى قوردى، قارجىلىق سۇيمەندى جويۋعا جانە وزىندىك قۇندى تومەندەتىپ، ولقىلىقتاردى تولىقتىرۋعا بەلسەنىپ، وندىرىستىك سالاداعى ساپالى قامداۋدى كۇشەيتىپ، ءتيىمسىز قامداۋدى ازايتىپ، ءتيىمدى قامداۋدى ۇلعايتىپ، قامداۋ قۇرىلىمىنىڭ بەيىمدەلگىشتىگى مەن يكەمدەلگىشتىگىن جوعارىلاتىپ، تولىق فاكتورلى ونىمدىلىكتى جوعارىلاتىپ، قامداۋ جۇيەسىن سۇرانىس قۇرىلىمىنداعى وزگەرىسكە ءتىپتى جاقسى بەيىمدەپ، قوعامدىق وندىرگىش كۇشتەردىڭ دەڭگەيىن ۇزبەي جوعارىلاتۋ كەرەك. «ءبىر بەلدەۋ، ءبىر جول» مەملەكەتتىك ستراتەگياسىنىڭ عانيبەت ورايىن مىقتاپ يگەرىپ، مەملەكەتتىك ستراتەگياعا بەلسەندى تۇردە بەيىمدەلىپ، وڭىرلىك ارتىقشىلىقتى، بايلىق ارتىقشىلىعىن جانە ساياسات ارتىقشىلىعىن تولىق كادەگە جاراتىپ، جىبەك جولى ەكونوميكالىق بەلدەۋىنىڭ قاقپاسى، سەركەسى جانە نەگىزگى كۇشى رەتىندەگى رولدى بارىنشا ساۋلەلەندىرىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن ويداعىداي جۇرگىزۋ كەرەك.

  چىن چۋانگو مىنالاردى تالاپ ەتتى: قوعام ورنىقتىلىعى مەن باياندى تىنىشتىقتى كوزدەۋ ءتۇيىنى مەن كۇش سالۋ ءتۇيىنى، دامۋدىڭ ساپاسى مەن تيىمدىلىگىن كوتەرۋدى وزەك، جىبەك جولى ەكونوميكالىق بەلدەۋى قۇرىلىسىن كەلەلى وراي، حالىق تۇرمىسىن جاقسارتۋ مەن جۇرت تىلەگىن جۇمىلدىرۋدى ماقسات ەتىپ، جۇڭگولىق ەرەكشەلىككە، شينجياڭدىق وزگەشەلىككە يە دامۋ جولىمەن ءجۇرۋ كەرەك. ءبىرىنشى، ەرەكشە ارتىقشىلىققا يە كاسىپ سالالارىن ۇلعايتۋ كەرەك. 1 - كاسىپتە دەڭگەيدى كوتەرۋگە تاباندى بولىپ، استىق حاۋىپسىزدىگىن قامتاماسىز ەتىپ، مال شارۋاشىلىعىنىڭ دەڭگەيىن جوعارىلاتىپ، ەگىن، مال شارۋاشىلىقتارىنىڭ كاسىپ سالالانۋىن بەلسەندى تۇردە ىلگەرىلەتۋ قاجەت؛ 2 - كاسىپتە ماڭىزدى تۇيىندەردى يگەرۋگە تاباندى بولىپ، بايلىق ارتىقشىلىعىن ساۋلەلەندىرىپ، ەنەرگەتيكا سالاسىن بار كۇشپەن دامىتىپ، ءداستۇرلى كاسىپتەردى جاڭالاپ جانە جوعارىلاتىپ، جابدىقتاۋ - جاساۋ ونەركاسىبىن ۇلعايتىپ، قۋاتتاندىرىپ جانە ساپالىلاندىرىپ، جوعارى، جاڭا تەحنيكالىق كاسىپتەردىڭ دامۋىن جەدەلدەتۋ كەرەك؛ 3 - كاسىپتە بارىنشا دامىتۋعا تاباندى بولىپ، ساياحات شارۋاشىلىعىن جەدەل دامىتىپ، ساۋدا جانە زات اينالىمى، شەكارا ساۋداسى، مادەنيەت، دەنساۋلىق ساقتاۋ جانە وسى زامانعى قىزمەت كورسەتۋ كاسىپتەرىن ۇزدىكسىز ۇلعايتۋ كەرەك. ەكىنشى، دامۋدىڭ قاتتى ورتاسىن ازىرلەۋ قاجەت. ستەرەولى قاتىناس جۇيەسى قۇرىلىسىن جەدەلدەتىپ، تاس جول، تەمىر جول، ازاماتتىق اۆياتسيا سياقتى كەشەندى قاتىناس جەلىلەرىنىڭ قۇرىلىسىن پارمەندى تۇردە ىلگەرىلەتىپ، ءبىر تۇتاس جايعاستىرىپ، ءوزارا تۇتاستىرۋ قاجەت. نەگىزدىك قۇرىلعى قۇرىلىستارىن كۇشەيتىپ، ەنەرگەتيكا، سۋ يگىلىگى، حابار - بايلانىس، قالاشىق، ت.ب سالالارداعى نەگىزدىك قۇرىلعى قۇرىلىستارىنا سەرپىن بەرىپ، ءار ۇلت جۇرتشىلىعىنىڭ ءوندىرىس، تۇرمىس جاعدايىن جاقسارتىپ، ەكونوميكانىڭ جاڭا ءوسۋ نۇكتەلەرىن قالىپتاستىرۋ قاجەت. فينانس بازارىنىڭ قۇرىلىسىن كۇشەيتىپ، فينانس سۋبيەكتىلەرىن كوبەيتىپ جانە قۋاتتاندىرىپ، فينانس ونىمدەرى مەن قىزمەتتەردىڭ جاڭالانۋىن ىلگەرىلەتىپ، فينانس سالاسىنىڭ ەكونوميكالىق، قوعامدىق دامۋدى دەمەۋ قابىلەتىن جوعارىلاتۋ كەرەك. ءۇشىنشى، دامۋدىڭ جۇمساق ورتاسىن ازىرلەۋ كەرەك. اكىمشىلىك قاراۋ - بەكىتۋ جۇيەسىنىڭ رەفورماسىن جەدەل ىلگەرىلەتىپ، قاراۋ - بەكىتۋدىڭ ءتۇرىن كەمىتىپ، ءتارتىبىن ىقشامداپ، بۋىندارىن ازايتىپ، تيىمدىلىگىن جوعارىلاتۋ كەرەك. زاڭمەن جونگە سالۋ ارقىلى قامتاماسىز ەتۋدى كۇشەيتىپ، ستيلگە شىنايى بۇرىلىس جاساپ، ادىلەتتى بازار ءتارتىبىن ورناتۋ قاجەت. ءتورتىنشى، حالىق باسقارۋىنداعى شارۋاشىلىقتى بارىنشا دامىتۋ كەرەك. قارجى سالۋ رۇقساتىن كەڭەيتىپ، سۇيەمەلدەۋ ساياساتتارىن كەمەلدەندىرىپ، شارۋاشىلىق قۇرۋ ىنتاسىنا دەم بەرىپ، ساياسيدا الاڭسىز، يدەيادا ەركىن، ساياساتتا كەڭ، دامۋدا باتىل، جۇمىستا ىرىقتى بولۋدى شىنايى ىسكە اسىرىپ، حالىق باسقارۋىنداعى شارۋاشىلىقتىڭ قاۋىرت، جەدەل دامۋىن ىلگەرىلەتۋ كەرەك. بەسىنشى، دامۋدى حالىق تۇرمىسىمەن تىعىز جاناستىرۋ كەرەك. كاسىپتەندىرۋدى ماڭداي الدى ورىنعا قويۋعا تاباندى بولىپ، كاسىپتەنۋ ارنالارىن مۇمكىندىكتىڭ بارىنشا كەڭەيتىپ، كاسىپتەنۋگە ءورىس ازىرلەپ، كاسىپتەنۋ قابىلەتىن جوعارىلاتىپ، وتباسىنىڭ بارىندە تابىس جولى بولۋدى، ادامداردىڭ بارىندە ىستەيتىن جۇمىسى بولۋدى، بارلىق ايدا تاباتىن كىرىس بولۋدى قۇلشىنا ىسكە اسىرۋ كەرەك. وقۋ - اعارتۋدى الدىمەن ەسكەرۋگە تاباندى بولىپ، اقىسىز مىندەتتى وقۋ - اعارتۋدى بار كۇشپەن اتقارىپ، «قوس ءتىل» اعارتۋىن بەلسەندىلىكپەن ىلگەرىلەتىپ، كاسىپتىك اعارتۋدى شىنايى جاقسى يگەرىپ، جوعارى اعارتۋدى بارىنشا كۇشەيتۋ كەرەك. كەدەيلەردى دالمە - ءدال سۇيەمەلدەۋگە تاباندى بولىپ، «6 دالمە - ءدال»، «5 ءبىر توپ» تالاپتارىن جاپپاي دايەكتىلەندىرىپ، كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتىپ، اۆتونوميالى رايونداعى كەدەي حالىقتىڭ كوزەۋلى ۋاقىتتا كەدەيلىكتەن قۇتىلۋىنا كەپىلدىك ەتۋ قاجەت. ەمدەۋ ارقىلى حالىققا تيىمدىلىك جاساۋعا تاباندى بولىپ، جالپى حالىقتىق دەنساۋلىق تەكسەرۋ ينجەنەرياسىن جاپپاي اتقارىپ، بەس دارەجەلى ەمدەۋ - دەنساۋلىق ساقتاۋ بويىنشا قىزمەت كورسەتۋ جۇيەسىن جەتىلدىرىپ، ەمدەۋ دارىندىلارىنىڭ شينجياڭعا «گرۋپپالىق» كومەك كورسەتۋىن بەلسەندى تۇردە ىلگەرىلەتۋ كەرەك. قوعامدىق قامتاماسىزداندىرۋ اياسىن كەڭەيتۋگە تاباندى بولىپ، قالا مەن اۋىلداردىڭ قوعامدىق قامتاماسىزداندىرۋ جۇيەسىن ءبىر تۇتاس جوسپارلاپ، قامتاماسىزداندىرۋدىڭ اياسىن كەڭەيتىپ، دەڭگەيىن جوعارىلاتىپ، ءار ۇلت جۇرتشىلىعىنىڭ تابىستىلىق سەزىمىن نىعايتۋ كەرەك. التىنشى، ەكولوگيالىق ورتانى قورعاۋدى كۇشەيتۋ كەرەك. ەكولوگيالىق ورتانى قورعاۋ − وندىرگىش كۇشتەردى قورعاۋ، جاسىل تاۋ، تۇنىق سۋ −− التىن تاۋ، كۇمىس سۋ دەگەن يدەيانى بەرىك ورناتۋ كەرەك. ەكولوگيانى قورعاۋدىڭ تومەنگى شەگىنەن جازباي، «ءۇش جوعارى» نىسانداردىڭ شينجياڭعا كىرۋىنە قاتاڭ تيىم سالىپ، ەنەرگيا جانە كەن بايلىعىن اشۋ ىستەرىن اۆتونوميالى رايوندىق ۇكىمەت تىكە قاراۋ - بەكىتۋ ءتۇزىمىن ورناتىپ، قورشاعان ورتانى قورعاۋ بويىنشا «ءبىر داۋىسپەن تەرىستەۋدى» جولعا قويىپ، ەكولوگيانى قورعاۋ قۇرىلىسىن كۇشەيتۋ كەرەك.

  چىن چۋانگو بىلاي دەپ اتاپ كورسەتتى: بۇكىل رايونىمىزدىڭ ەكونوميكالىق قىزمەتىن جاقسى ىستەۋدىڭ، شينجياڭنىڭ ونان سايىن جاقسى، ونان سايىن تەز دامۋىن ىلگەرىلەتۋدىڭ تەتىگى − ءار دارەجەلى پارتكومداردىڭ ەكونوميكالىق قىزمەتكە باسشىلىعىن كۇشەيتۋدە جانە جاقسارتۋدا. ءار دارەجەلى پارتكوم مەن ۇكىمەت ەكونوميكالىق قىزمەتتى ماڭىزدى ورىنعا قويىپ، قالىڭ پارتيالى كادرلار، وتە - موتە، باسشى كادرلار دامۋدى ىلگەرىلەتۋ قابىلەتىن، رەفورما، جاڭالىق اشۋ قابىلەتىن، حاۋىپ - قاتەردەن ساقتانۋ، مەڭگەرۋ قابىلەتىن ونان ارى ارتتىرۋى؛ ءار دارەجەلى قازىنا - ەكونوميكا قىزمەتىنە باسشىلىق ەتۋ گرۋپپاسى وزدەرى باس بولىپ يگەرۋى، ءبىر تۇتاس سايكەستىرۋى، تياناقتاندىرۋى ىلگەرىلەتۋى؛ ءار دارەجەلى تاراۋلار باسىمدىلىعىن ساۋلەلەندىرىپ، تىعىز سايكەسىپ، ەكونوميكالىق، قوعامدىق دامۋدى كۇش بىرىكتىرە جەبەۋى؛ ورنىقتىلىق پەن دامۋ سىندى 2 تەتىكتى شىن مانىندە يگەرۋدە، ءار دارەجەلى پارتكوم، ۇكىمەت ەكى باسشىلىق القانىڭ بىرەۋىنىڭ زەيىن - زەردەنى شوعىرلاندىرا دامۋدى يگەرۋىنە، بىرەۋىنىڭ ورنىقتىلىقتى كۇش سالا ساقتاۋىنا تاباندى بولۋى، سونىمەن قاتار ءوزارا سايكەسىپ، ءوزارا تولىقتاپ وتىرۋى؛ ەكونوميكالىق قىزمەتتى سايكەستىرۋ، رەتتەۋ ءتۇزىمىن ورناتىپ، ەكونوميكالىق جاعدايعا دەر كەزىندە تۇجىرىم جاساپ، كەلەلى ماسەلەلەردى زەرتتەپ شەشىپ، سايكەسىپ قىزمەت كورسەتۋدى كۇشەيتۋى؛ ءوندىرىس حاۋىپسىزدىگى بويىنشا جاۋاپكەرشىلىك ءتۇزىمىن قاتاڭ تياناقتاندىرىپ، تانىمدى، شارانى، تاربيەنى، ۇسىنىلىمدى، جاۋاپكەرشىلىكتى تياناقتاندىرىپ، ەكونوميكالىق دامۋعا جانە قوعام جاراسىمدىلىعى مەن ورنىقتىلىعىنا تاماشا ءوندىرىس حاۋىپسىزدىگى ورتاسىن ازىرلەۋى؛ ۇنەمشىلدىكپەن كۇن وتكىزۋ يدەياسىن مىقتاپ ورناتىپ، ورتالىقتىڭ «8 ءتۇرلى بەلگىلەمەسى» مەن اۆتونوميالى رايوندىق پارتكومنىڭ «10 تارماقتى بەلگىلەمەسىنىڭ» تالابىنا ساي، جاي شىعىستاردى جانە «ءۇش ۇكىمەتتىك» قاراجاتتى ونان ارى قىسقارتىپ، شەكتى قازىنالىق كۇشتى حالىق تۇرمىسىن قامتاماسىز ەتۋ مەن جاقسارتۋعا، قوعام ورنىقتىلىعى مەن باياندى تىنىشتىق باس نىساناسىنا قىزمەت كورسەتۋگە جۇمساۋ كەرەك.

  اۆتونوميالى رايوننىڭ ورىنباسار ءتوراعالارى، اۆتونوميالى رايوندىق قازىنا - ەكونوميكا قىزمەتىنە باسشىلىق ەتۋ گرۋپپاسىنا مۇشە ورىنداردىڭ جاۋاپتىلارى ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.