بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ءار ۇلت جۇرتشىلىعىنىڭ سالاماتتىلىعى ءۇشىن قورعان سوقتى

− رايونىمىزداعى ءار ۇلت جۇرتشىلىعى سالماقتى ناۋقاستى ەمدەۋ قامسىزداندىرۋى مەن جازاتايىم جاعداي قامسىزداندىرۋىن تەگىن جۇرگىزۋ تيىمدىلىك ساياساتىن جابال القادى

2016.10.11 11:07     كەلۋ قاينارى : شينجياڭ گازەتى

  گازەتىمىزدىڭ جيناق حابارى. اۆتونوميالى رايون سالماقتى ناۋقاستى ەمدەۋ قامسىزداندىرۋى مەن جازاتايىم جاعداي قامسىزداندىرۋىن تەگىن جۇرگىزۋ تيىمدىلىك ساياساتىن اتقارادى دەگەن حابار اقپارات قۇرالدارىندا جاريالانىسىمەن، رايونىمىزداعى ءار ۇلت جۇرتشىلىعى اراسىندا دەرەۋ كۇشتى اڭىس قوزعادى. جۇرتشىلىق جابال القاۋ ايتىسىپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ ىقىلاستى قامقورلىعىنا العىس سەزىمدەرىن جەتكىزىپ، جاقسى ساياساتتىڭ اتقارىلۋىن اسىعا كۇتتى.

  چەرچەن اۋداندىق حالىق شيپاحاناسى پارتكوم كەڭسەسىنىڭ مەڭگەرۋشىسى، تەتە اعا سەسترا جين يۋانجو بىلاي دەپ ەسەپتەدى: تيىمدىلىك ساياساتى − شي جينپيڭ جولداس باس شۋجي بولعان پارتيا ورتالىق كوميتەتىنىڭ ءار ۇلت حالقىنا دەگەن قامقورلىعى جانە ايالاۋى، اۆتونوميالى رايوندىق پارتكوم مەن ۇكىمەتتىڭ ادامدى نەگىز ەتىپ، حالىق ءۇشىن بيلىك جۇرگىزىپ، بۇقاراعا قىزمەت ەتۋىنىڭ ناقتى بەينەسى، حالىق قالاۋىن تاباتىن، ەل تىلەگىن ىسكە اسىراتىن «حالىق تىلەگى ينجەنەرياسى». حالىققا ءتيىمدى ساياساتتىڭ جاريالانۋى ءار ۇلت بۇقاراسىنىڭ ەمدەلۋ جۇگىن بارىنشا جەڭىلدەتىپ، قالا - قالاشىقتاعى ەڭ تومەنگى تۇرمىسى قامتاماسىز ەتىلەتىندەرگە، اۋرۋ سەبەبىنەن كەدەيلىك قامىتىن كيگەن قيىنشىلىعى بار بۇقاراعا قۋانىشتى حابار جەتكىزدى.

  اۆتونوميالى رايوندىق حايۋاناتتار ىندەتىن باقىلاۋ ورنىنىڭ اۋىل شارۋاشىلىعى تەحنيكالارىن جالپىلاستىرۋ بويىنشا اعا زەرتتەۋشىسى ۋاڭ ۋىن «تيىمدىلىك ساياساتى بۇكىل رايونداعى ءار ۇلت جۇرتشىلىعىنىڭ باقىتتى تۇرمىسىنا ءبىر ءتۇرلى قامتاماسىزدىق ۇستەپ، جۇرت قالاۋىنان شىقتى» دەپ ەسەپتەدى.

  ءۇرىمجى قالاسى تيانشان رايونى نانلياڭ الەۋمەتتىك اۋماعىنىڭ مەڭگەرۋشىسى تولىناي دالەلحان بىلاي دەيدى: اۆتونوميالى رايون جۇرگىزەتىن وسى تيىمدىلىك ساياساتىنىڭ ماڭىزدى رەالدىق ءمانى جانە حالىق تۇرمىسىندىق قۇنى بار، بۇل جاي وتباسىلاردىڭ اۋرۋ سەبەبىنەن كەدەيلەسۋى، كەدەيلىك قامىتىن قايتا كيۋى قۇبىلىسىنىڭ تۋىلۋىنان ساقتانۋمەن بىرگە، ناۋقاس ادامنىڭ سالاۋاتتى ءومىر سۇرۋىنە، قوعامنىڭ ءتىپتى دە جاراسىمدى بولۋىنا مۇمكىندىك جاسايدى.

  توقسۇن اۋدانى عولبويى اۋىلى قاسقىر قىستاعىنىڭ تۇرعىنى الىمگۇل اسەن: بۇرىن قىستاقتاعىلاردا اۋرۋدان ساقتانۋ ءۇشىن اقشا جيۋ يدەياسى تەرەڭ تامىر تارتقان بولاتىن، قازىرگى جاقسى ساياساتتار ولاردىڭ قولىنداعى اۋرۋدان ساقتاناتىن اقشالارىن الىپ شىعىپ، ءوندىرىس، تۇرمىسقا سالۋىنا، بۇكىل زەيىن - زەردەسىمەن جاقسى ومىرگە ۇمتىلۋىنا مۇمكىندىك بەرەدى، - دەدى.

  ۇلۇقشات اۋدانى تويۇن اۋىلى سۇيەك قىستاعىنىڭ مالشىسى الىمبي ءماديدىڭ قۋانىشى قويىنىنا سيماي: بۇرىن جاڭاشا اۋىل - قىستاق سەلبەسىپ ەمدەۋىنىڭ ەسەبىنەن تولەنسە دە، سالماقتى ناۋقاسقا شالدىققانداردىڭ جۇگى ءالى دە اۋىر بولاتىن. ەندى جاقسى بولدى، بۇل ساياسات ماتەريالدىق جۇكتى جەڭىلدەتىپ قانا قالماستان، پسيحيكالىق قىسىمدى دا جەڭىلدەتەدى. كوڭىل جايلانعان سوڭ، دەنساۋلىق تا جاقسارا تۇسەدى عوي، - دەدى.

  70 جاستاعى تۇرسىن سىمايىل بۇراتالا قالاسى چىندەل ءمالى باسقارماسى جيانگو جولى الەۋمەتتىك اۋماعىنىڭ تۇرعىنى. 2014 - جىلى قاريانىڭ جۇرەك كلاپانى اۋىر دارەجەدە ناشارلاپ، كلاپان اۋىستىرۋ كەرەك بولىپ، سول كەزدە وپەراتسيا جاساتۋعا 180 مىڭ يۋان جۇمسالادى. «ساتىنە سالعاندا، قالا، اۋىل ەمدەۋ قامسىزداندىرۋى جانە سالماقتى ناۋقاس بويىنشا كومەكتەسۋدەن 100 مىڭ يۋانعا جۋىق جاردەم اقشا بەرىلىپ، وتباسىمىزدىڭ جۇگى جەڭىلدەدى. اۆتونوميالى رايوننىڭ قازىرگى تيىمدىلىك ساياساتى ءبىز سياقتى قاراپايىم وتباسىلار ءۇشىن وتە جاقسى بولدى، بۇقارا ەندى اۋرۋ سەبەبىنەن كەدەيلەسەمىن دەپ الاڭدامايتىن بولدى»، - دەدى.

  بۇراتالا قالاسى دەنساۋلىق ساقتاۋ مەكەمەسى پارتيا باسشىلىق گرۋپپاسىنىڭ شۋجيى حان يىڭ بىلاي دەدى: جاپپاي تيىمدىلىك ساياساتى بۇقارانىڭ عانا قۋانىشى ەمەس، ول ەمدەۋ قۇرىلىمدارى ءۇشىن دە قۋانىشتى ءىس. ءار جىلى نەگىزگى ساتىدا كەيبىر وتباسىلار اۋرۋ سەبەبىنەن كەدەيلەسىپ جاتادى، ەمدەۋ قۇرىلىمدارىنىڭ ولارعا كومەكتەسەتىن ارتىق قارجىسى بولماعاندىقتان، ۇنەمى ارمان بار دا، دارمەن جوق كۇيدە قالىپ جاتادى. قازىر جاقسى ساياسات شىقتى، دەنساۋلىق ساقتاۋ سالاسى مۇنى مىندەتتى تۇردە جاقسى دايەكتىلەندىرۋى، تياناقتاندىرۋى، نەگىزگى ساتىدا بۇلجىماي، وزگەرمەي تياناقتانۋعا كەپىلدىك ەتىپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ ىقىلاستى قامقورلىعىن بۇقارانىڭ كوڭىلىنە جەتكىزۋى كەرەك.

  (تىلشىلەرىمىز لي لين، ياڭ يىڭچۇن، لي چۇنشيا، گاۋۋا، چاۋ جين، ۋاڭ دۇڭ)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.