بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ۇلتتار ىنتىماعىن بەكەمدەيىك جانە دامىتايىق

− شينجياڭنىڭ ءتۇرلى قىزمەتىن قوعامنىڭ ورنىقتىلىعى مەن باياندى تىنىشتىعى سىندى باس نىسانانىڭ جەتەكشىلىگىندە جاقسى ىستەۋ تۋرالى (3)

2016.10.11 11:09     كەلۋ قاينارى : شينجياڭ گازەتى

  باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە: «شينجياڭ ماسەلەسىندە ەڭ ۇزاققا جالعاساتىنى، اينالىپ كەلگەندە، ۇلتتار ىنتىماعى ماسەلەسى، ۇلتتار ىنتىماعى − ءار ۇلت حالقىنىڭ جان تامىرى» دەپ باسا دارىپتەگەن بولاتىن. باس شۋجيدىڭ ماڭىزدى بايىمداۋىندا ۇلتتار ىنتىماعىنىڭ ەرەكشە ماڭىزدىلىعى باسا دارىپتەلدى، ۇلتتار ىنتىماعىن كۇشەيتۋگە بەتالىس جانە جول كورسەتىلدى، ول جاڭا جاعدايدا شينجياڭ قىزمەتىن جاقسى ىستەۋدىڭ ماڭىزدى ولشەمى.

  تيانشان قاراعايلارى تامىرلاس، شينجياڭ حالقى تىلەكتەس. شينجياڭ ەجەلدەن بەرى كوپ ۇلت شوعىرلى قونىستانعان ءوڭىر، ۇلى وتانىمىزدىڭ ايرىلماس قۇرامداس بولەگى، ءار ۇلت ءبىر - بىرىنە قول ۇشىن بەرەتىن، تۋىسقاندىق سۇيىسپەنشىلىكتە بولاتىن داڭقتى تاريحقا جانە داستۇرگە يە. شينجياڭداعى ءار ۇلت كادر - جۇرتشىلىعى اعا - باۋىر، اپەكە - سىڭلىلەردەي ىنتىماقتاسىپ، ۇلتتار ىنتىماعى ۇلى تۋىن بيىك ۇستاپ، ۇلتتار ىنتىماعىن كوز قاراشىعىنداي قورعاپ، ۇلتتار ىنتىماعىن ءوز ءومىرىن قاستەرلەگەندەي قاستەرلەپ، ءار ۇلتتىڭ تاتۋ - ءتاتتى ءوتۋىن، ءبىر جاعادان باس، ءبىر جەڭنەن قول شىعارۋىن، جاراسىمدى دامۋىن ىلگەرىلەتىپ، ۇلتتار ىنتىماعىن بەكەمدەپ جانە دامىتىپ، ۇلتتار ىنتىماعىنداعى ۇلگىلى وڭىرلەردى قۇرىپ، قوعامنىڭ ورنىقتىلىعى مەن باياندى تىنىشتىعىنىڭ نەگىزىن نىعايتۋى كەرەك.

  شينجياڭنىڭ دامۋ تاريحىنا قايرىلا قارايتىن بولساق، قاي كەزدە ۇلتتار ىنتىماقتى جاقسى، قاي كەزدە قوعام ورنىقتى بولعاندا، ەكونوميكانىڭ اقاۋسىز دامىعاندىعىن، ءار ۇلت حالقىنىڭ تۇرمىسىنىڭ جاقسارعاندىعىن، كەرىسىنشە بولعاندا، قوعامدا بىلىقپالىق تۋىلىپ، ەكونوميكالىق قۇرىلىس پەن ءتۇرلى ىستەردىڭ ساتسىزدىككە ۇشىراعاندىعىن، ءار ۇلت حالقىنىڭ باس اماندىعى، باقىتى قامتاماسىز ەتىلمەگەندىگىن بايقاۋعا بولادى. بىلايشا ايتقاندا، ۇلتتار ىنتىماعى − شينجياڭداعى ءار ۇلتتىڭ ءتۇبىرلى مۇددەسىنە، سونداي - اق ءبىر ميلليارد 300 ميلليون جۇڭگو حالقىنىڭ ورتاق مۇراتىنا ساياتىن ءىس.

  ساياسات پەن تاكتيكا − پارتيانىڭ جانى. ۇلتتار ىنتىماعىن بەكەمدەۋ مەن دامىتۋدا، الدىمەن، پارتيانىڭ ۇلت ساياساتىن جاپپاي دايەكتىلەندىرۋ، ۇلتتىق تەرريتوريالىق اۆتونوميا تۇزىمىنە تاباندى بولۋ كەرەك. تاريح پارتيامىزدىڭ ۇلت قىزمەتى نازارياسى مەن باعىت - ساياساتىنىڭ دۇرىس ەكەندىگىن، ۇلت ماسەلەسىن جۇڭگوشا ەرەكشەلىكپەن شەشۋ جولىنىڭ دۇرىس ەكەندىگىن، ەلىمىزدىڭ ۇلت قاتىناسى جالپى تۇلعالىق جاقتان جاراسىمدى ەكەندىگىن تالاسسىز دالەلدەدى. ويتكەنى، ءبىز ۇلت ماسەلەسىن شەشۋدىڭ ەلىمىزدىڭ ءىس جۇزىندىگىنە ۇيلەسەتىن دۇرىس جولىن تاپتىق ءارى وعان تاباندى بولدىق. تۇتاس رايونىمىزدىڭ جەر - جەرى باس شۋجي شي جينپيڭنىڭ ورتالىقتىڭ ۇلت قىزمەتى جونىندەگى ماجىلىسىندە سويلەگەن ماڭىزدى ءسوزىنىڭ رۋحىن، ءسوزسىز، تىڭعىلىقتى دايەكتى تياناقتاندىرىپ، ۇلت ماسەلەسىن جۇڭگوشا ەرەكشەلىكپەن شەشۋدىڭ دۇرىس جولىنا تاباندى بولۋى، ۇلتتىق تەرريتوريالىق اۆتونوميا تۇزىمىنە تاباندى بولۋى جانە ونى كەمەلدەندىرۋى، زور حانزۋشىلدىق پەن تار ءورىستى ۇلتشىلدىققا باتىل قارسى تۇرۋى، ءار ۇلتتىڭ تەرەزەسى تەڭ بولۋىنان جازباۋى، ۇقىقتان جانە بورىشتان تەپە - تەڭ يگىلىكتەنۋى جانە ونى اتقارۋى، ۇلتتاردىڭ مادەنيەتى مەن سالت - ساناسىنا، ادەت - عۇرپىنا قۇرمەت ەتۋى كەرەك.

  ۇلتتار ىنتىماعىن بەكەمدەۋ مەن دامىتۋدا، ۇلتتار ىنتىماعى ۇگىت - تاربيەسىن ىشكەرىلەي قانات جايدىرىپ، ۇلتتار ىنتىماعى، العاباسارلىعىنداعى ۇلگىلى ورىن قۇرۋ قيمىلىن كەڭ كولەمدە ورىستەتۋ كەرەك. قالىڭ پارتيالى كادرلار، اسىرەسە، باسشى كادرلار ۇلگى كورسەتۋ رولىن تولىق ساۋلەلەندىرىپ، ۇلتتار ىنتىماعىنىڭ ونەگەسى بولىپ، ءتۇرلى تاسىلدەگى بارىس - كەلىستى، ىقپالداستىقتى باستاماشىلدىقپەن ورىستەتىپ، ۇلتتاردىڭ ءبىرىن - ءبىرى ءتۇسىنۋىن، ءبىرىن - ءبىرى قۇرمەتتەۋىن، ءوزارا سيىمدى بولۋىن، ءبىرىنىڭ ارتىقشىلىعىن ءبىرى قابىلداۋىن، ءوزارا ۇيرەنۋىن، ءوزارا كومەكتەسۋىن جەبەۋ كەرەك. تۇتاس شينجياڭدا «ۇلتتار ىنتىماعى، العاباسارلىعى جىلى» قيمىلىن ىشكەرىلەي ورىستەتىپ، ونىڭ ۇدايىلانۋىن، تۇزىمدەنۋىن جۇزەگە اسىرۋ كەرەك. ۇلتتار ىنتىماعى ۇگىت ايىن دانەكەر ەتىپ، ۇلتتار ىنتىماعى ۇگىت - تاربيەسىنىڭ ورگانداردا، مەكەمە - ورىنداردا، مەكتەپتەردە، كاسىپورىنداردا، الەۋمەتتىك اۋماقتاردا، اۋىل - قىستاقتاردا، اسكەري لاگەردە، پولك، الاڭ، روتا، اترەتتەردە، مەشىتتەردە ورىستەتىلۋىن ىلگەرىلەتىپ، ءار ۇلت كادرلارى مەن بۇقاراسىنىڭ «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتۋىنا جەتەكشىلىك ەتىپ، «5 ورتاق تانىمدى» كۇشەيتىپ، تىنىستاس، تاعدىرلاس، تىلەكتەس بولۋ كەرەك. تيپتەردى تاڭداۋعا، ورناتۋعا، وزاتتاردى ماداقتاپ - سيلاۋعا كۇش سالىپ، بارلىق ادام ۇلتتار ىنتىماعىنا ۇلەس قوساتىن تاماشا بەتالىستى قالىپتاستىرۋ كەرەك.

  ۇلتتىق بولشەكتەۋشى كۇشتەر ۇلتتار ىنتىماعىن بۇلدىرۋگە ۇرىنعان سايىن، ءبىز ۇلتتار ىنتىماعىن كۇشەيتە ءتۇسۋىمىز، ءار ۇلت حالقىنىڭ وتاننىڭ تۇتاستىعىن ورتاق قورعايتىن، ۇلتتار ىنتىماعىن قورعايتىن، قوعامدىق ورنىقتىلىقتى قورعايتىن قۇرىش قامالىن ورناتۋىمىز كەرەك. اماليات مىنانى تولىق دالەلدەدى: ۇلتتىق بولشەكتەۋ ارەكەتى − شينجياڭنىڭ قوعام ورنىقتىلىعى مەن باياندى تىنىشتىعى سىندى باس نىساناسىن جۇزەگە اسىرۋ بارىسىنداعى قاتەرلى وسپە، وعان، ءسوز جوق، باتىل دا كەسكىن تۇردە سىلەيتە سوققى بەرۋىمىز كەرەك. شينجياڭنىڭ ءار ۇلت پەرزەنتتەرى ۇلتتىق بولشەكتەۋشىلىككە تۋى ايقىن تۇردە قارسى تۇرۋى، وتاننىڭ تۇتاستىعىن قورعاۋى، ءتۇرلى فورماداعى ۇلتتىق بولشەكتەۋ ارەكەتىمەن باتىل كۇرەس جاساۋى، ۇلتتار ىنتىماعىن بۇلدىرەتىن جانە ۇلتتىق بولشەكتەۋشىلىك تۋدىراتىن زاڭعا قايشى قىلمىستىق ارەكەتتەرگە باتىل سوققى بەرۋى كەرەك.

  ۇلتتار ىنتىماعىنىڭ گۇلى ەڭ كورىكتى، ۇلتتار ىنتىماعىنىڭ جەمىسى ەڭ ءتاتتى، ۇلتتارى ىنتىماقتى حالىق ەڭ باقىتتى. شينجياڭداعى ءار ۇلت حالقى اناردىڭ دانىندەي تىعىز بىرىگىپ، بەرەكە - بىرلىك ورناتىپ، ءبىر جاعادان باس، ءبىر جەڭنەن قول شىعارىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورتاق جۇزەگە اسىرۋ جولىندا اناعۇرلىم زور ۇلەس قوسۋى كەرەك.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.