- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىز دارىندىلاردى جەتىلدىرۋ ءتۇزىلىس مەحانيزم رەفورماسىن تەرەڭدەتۋ جونىندە 3 ءتۇرلى شارانى العا قويدى
2016.10.11 11:11 كەلۋ قاينارى : شينجياڭ گازەتى
ءتىلشىمىز يۋە يانيۇن 9 - قازاندا ۇرىمجىدەن حابارلايدى. عىلىم - تەحنيكا جەتىستىكتەرىن يگىلىككە جاراتقاندارعا بەرىلەتىن سيلىق اقشانىڭ سوماسىن پايدانىڭ %70ىنەن كەم تۇسىرمەۋ، جىلىنا 100 جاس دوكتور ەنگىزۋ، قولداۋ كورسەتۋ سيپاتىنداعى 8 ءتۇرلى ساياساتتى العا قويىپ، دارىندى باسقارۋ ءتۇزىلىس رەفورماسىن تۇيىندەردە سىناق ەتۋ قۇرىلىسىن جەدەلدەتۋ ... جاقىندا، اۆتونوميالى رايون «عىلمي زەرتتەۋ قۇرىلىمدارى مەن عىلمي زەرتتەۋشىلەردىڭ جاسامپازدىق قۋاتىن جانداندىرىپ، عىلىم - تەحنيكا جەتىستىكتەرىن يگىلىككە جاراتۋدى جەبەۋگە قاتىستى ساياساتتار»، «100 جاس دوكتور ەنگىزۋ جوسپارىنىڭ اتقارۋ ءادىسى»، «اۆتونوميالى رايوننىڭ دارىندى باسقارۋ ءتۇزىلىسى رەفورماسىن تۇيىندەردە سىناق ەتۋ قۇرىلىسىن جەدەلدەتۋدىڭ جەتەكشى پىكىرى» سىندى 3 حۇجاتتى باسىپ تاراتىپ، رايونىمىز بويىنشا ورتالىقتىڭ «دارىندىلاردى جەتىلدىرۋ ءتۇزىلىس مەحانيزم رەفورماسىن تەرەڭدەتۋ جونىندەگى پىكىرى» تۋرالى اشىلعان اڭگىمە ءماجىلىستىڭ رۋحىن دايەكتى تياناقتاندىرۋدىڭ دابىلىن قاقتى.
«عىلمي زەرتتەۋ قۇرىلىمدارى مەن عىلمي زەرتتەۋشىلەردىڭ جاسامپازدىق قۋاتىن جانداندىرىپ، عىلىم - تەحنيكا جەتىستىكتەرىن يگىلىككە جاراتۋدى جەبەۋگە قاتىستى ساياساتتار» جيىنى 9 تارماقتان قۇرالعان (قىسقاشا «عىلىم - تەحنيكاعا قاتىستى 9 تارماق» دەلىنەدى)، «عىلىم - تەحنيكاعا قاتىستى 9 تارماقتا» «مىندەت كولەمىندەگى عىلىم - تەحنيكا تابىسىن پايدالانۋ ۇقىعىن، ءبىر جايلى ەتۋ ۇقىعىن جانە ودان يگىلىكتەنۋ ۇقىعىن تۇگەلدەي عىلىم - تەحنيكا تابىسىن جاراتقان ورىنعا بەرۋ، عىلىم - تەحنيكا تابىسىن يگىلىككە جاراتۋدان تۇسكەن پايدانىڭ %70ىن عىلىم - تەحنيكا تابىسىن جاراتۋشىعا سيلىق سوما رەتىندە بەرۋ كەرەك» دەپ بەلگىلەندى، سونىمەن بىرگە «عىلىم - تەحنيكاعا قاتىستى 9 تارماقتا» عىلىم - تەحنيكا تابىسىن يگىلىككە جاراتۋ بارىسىندا جارنا ۇقىعىمەن شابىتتاندىرۋ، قوسىمشا قىزمەت وتەۋ نەمەسە قىزمەت ورنىنان شىعىپ شارۋاشىلىق قۇرۋ، كاسىپتىك اتاق باعالاۋ، يگىلىككە جاراتۋ تەكشەسى قۇرىلىسى سياقتىلار جونىندە ءبىر قىدىرۋ قولداۋ كورسەتۋ ساياساتتارى بەلگىلەندى. «عىلىم - تەحنيكاعا قاتىستى 9 تارماق» ادام ىستەتۋشى سۋبيەكتتەرگە ۇقىق بەرىپ، دارىندىلارعا ەركىن ءورىس ازىرلەدى، ول الداعى جەردە، ءسوز جوق، تەحنيكۋمدار مەن جوعارى مەكتەپتەردى، عىلمي زەرتتەۋ قۇرىلىمدارى مەن عىلمي زەرتتەۋمەن شۇعىلداناتىن دارىندىلاردى ەكونوميكا مايدانىنا كىرۋگە شابىتتاندىرادى، سونداي - اق وعان ءجون كورسەتەدى، ءسويتىپ، رايونىمىزدىڭ دارىندى باۋراۋ، دارىندىلاردى ىستەتۋ قىزمەتىن پارمەندى ىلگەرىلەتەتىن بولادى.
شينجياڭنىڭ رەفورماسى، دامۋى، ورنىقتىلىعى − جوعارى ساپالى، جاڭاشىل دارىندىلارعا مۇقتاج. «100 جاس دوكتور ەنگىزۋ جوسپارىنىڭ اتقارۋ ءادىسى» بويىنشا رايونىمىز عىلىم - تەحنيكا جاقتا جەتەكشى رول اتقاراتىن بەتكە ۇستار دارىندىلاردى جەتىلدىرۋدى كوزدەي وتىرىپ، 2016 - جىلدان باستاپ ءار جىلى جوعارى مەكتەپتەردەن، عىلمي زەرتتەۋ قۇرىلىمدارىنان، ەمدەۋ قۇرىلىمدارىنان جانە كاسىپورىنداردان جوعارى دەڭگەيدە، تولىق كۇندىك قىزمەت ىستەيتىن 35 جاستان تومەن 100دەي دوكتور ەنگىزەدى. ەنگىزۋ كولەمى رايونىمىزدان تىسقارى جەرلەردەن ەنگىزىلەتىن دوكتورلاردى، شينجياڭداعى جوعارى مەكتەپتەر مەن عىلمي زەرتتەۋ ورىندارىنان سول جىلى دوكتور اتاعىن العان ستۋدەنتتەردى، شينجياڭ پوست دوكتور قىزمەت پۋنكتىندەگى قىزمەتكەرلەردى قامتيدى. اۆتونوميالى رايوندىق دارىندىلاردى دامىتۋ ارناۋلى قورى ەنگىزىلگەن دوكتورلاردىڭ ءارقايسىسىنا 100 مىڭ يۋان بەرىپ قولداۋ كورسەتەدى، ادام ىستەتۋشى ورىن ولاردى 150 مىڭ يۋاننان كەم تۇسپەيتىن سايكەستى قۇرىلعىمەن جابدىقتايدى. قولداۋ كورسەتۋ قارجىسى عىلمي زەرتتەۋ نىسانىن باستاۋعا، تۇرعىن ءۇي جانە تۇرمىستىق قاجەتكە ىستەتىلەدى.
ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى، قاشقار ەكونوميكالىق اشۋ رايونى مەن قورعاس ەكونوميكالىق اشۋ رايونى اۆتونوميالى رايونىمىز بەلگىلەگەن دارىندى باسقارۋ رەفورماسىن سىناق رەتىندە اتقاراتىن رايوندار. «اۆتونوميالى رايوننىڭ دارىندى باسقارۋ رەفورماسىن تۇيىندەردە سىناق ەتۋ قۇرىلىسىن جەدەلدەتۋدىڭ جەتەكشى پىكىرى» سىناق رەتىندە اتقاراتىن رايونداردىڭ دامۋ قاجەتىنە ساي، دارىندى باۋلۋ، ەنگىزۋ، دارىندى توپتاۋ تەكشەسى قۇرىلىسى، دارىندىلاردىڭ ومىرشەڭدىك قۋاتىن جانداندىرۋ، قازىنا، باجى جاقتا قولداۋ كورسەتۋ تەبىنىن ارتتىرۋ، قىزمەت وتەۋدى، قامتاماسىزداندىرۋدى كەمەلدەندىرۋ سياقتى 5 جاقتى نەگىز ەتىپ مىندەت بەلگىلەدى، سونداي - اق سىناق رەتىندە اتقاراتىن رايوندارعا باعىتتاي وتىرىپ دارىندىلارعا پايدالاناتىن قارجى، دارىندى باۋلۋ جانە دارىندى ەنگىزۋ، كاسىپتىك اتاق پەن شتات سياقتى 8 جاقتى نەگىز ەتكەن قولداۋ كورسەتۋ ساياساتىن بەلگىلەدى. جۇمىلا كۇش شىعارۋ ارقىلى، سىناق رايوندارىن دارىندىلار بيىگى ەتىپ قۇرىپ شىعىپ، رايونىمىزدىڭ دارىندىلاردى جەتىلدىرۋ ءتۇزىلىس مەحانيزم رەفورماسىن تەرەڭدەتۋ ءۇشىن كوشىرىپ پايدالانۋعا، جالپىلاستىرۋعا بولاتىن ءونىمدى تاجىريبە ىزدەۋ كەرەك. سونىمەن بىرگە ءۇرىمجى ەكونوميكالىق - تەحنيكالىق اشۋ رايونىن (توۋتۇنحى رايونى) سىناق ءتۇيىنى كولەمىنە ەنگىزۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
