- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لياۋنيڭ ولكەلىك پارتيا، ۇكىمەت ۋاكىلدەر ۇيىرمەسى شينجياڭدا باعىتتامالى كومەك قىزمەتىن تەكسەردى
ۇيىرمەنى لي شي باستادى، چىن چۋانگو، شوكىرات زاكىر، نايىم ياسىن، سۇن جينلۇڭ تەكسەرۋدە بىرگە بولدى نەمەسە اڭگىمە ماجىلىسكە قاتىناستى
2016.10.11 11:12 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، لي شيڭ 10 - قازاندا ۇرىمجىدەن حابارلايدى. شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىم - ورنالاستىرۋىن ىشكەرىلەي دايەكتىلەندىرۋ جانە تياناقتاندىرۋ ءۇشىن، لياۋنيڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى لي شي باستاعان لياۋنيڭ ولكەلىك پارتيا، ۇكىمەت ۋاكىلدەر ۇيىرمەسى 9 -، 10 - قازان كۇنى شينجياڭدا تەكسەرۋ - زەرتتەۋ جۇرگىزىپ، لياۋنيڭ ولكەسىنىڭ شينجياڭعا باعىتتامالى كومەكتەسۋ قىزمەتىن ونان سايىن ىلگەرىلەتىپ، ەكى جەردىڭ بايلانىسى مەن سەلبەستىگىن تەرەڭدەتە ءتۇستى.
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، اۆتونوميالى رايوندىق پارتكومنىڭ ورىنباسار شۋجيى، شينجياڭ ءوندىرىس - قۇرىلىس بيڭتۋانىنىڭ ساياسي كوميسسارى سۇن جينلۇڭ تەكسەرۋدە بىرگە بولدى نەمەسە اڭگىمە ماجىلىسكە قاتىناستى.
9 - قىركۇيەك تۇستەن كەيىن، اۆتونوميالى رايون لياۋنيڭ ولكەلىك پارتيا، ۇكىمەت ۋاكىلدەر ۇيىرمەسىمەن ۇرىمجىدە اڭگىمە ءماجىلىس وتكىزىپ، شينجياڭعا باعىتتامالى كومەكتەسۋ كەلەلى جوسپارى جونىندە وي ءبولىستى.
چىن چۋانگو اۆتونوميالى رايوندىق پارتكوم، ۇكىمەت جانە اۆتونوميالى رايونداعى ءار ۇلت حالقى اتىنان لياۋنيڭ ولكەلىك پارتيا، ۇكىمەت ۋاكىلدەر ۇيىرمەسىنىڭ تەكسەرۋ - زەرتتەۋ بابىمەن شينجياڭعا كەلگەنىن قارسى الىپ، لياۋنيڭ ولكەسىنىڭ ۇزاق ۋاقىتتان بەرى شينجياڭعا پارمەندى قولداۋ كورسەتىپ، قالتقىسىز كومەك جاساپ كەلگەنىنە شىن جۇرەكتەن العىس ايتىپ، لياۋنيڭ ولكەسىن ەكونوميكالىق، قوعامدىق دامۋدا قول جەتكەن كورنەكتى ناتيجەلەرىمەن قۇتتىقتادى. چىن چۋانگو بىلاي دەدى: ۇزاق ۋاقىتتان بەرى لياۋنيڭ ولكەسى قاشاندا شينجياڭعا باعىتتامالى كومەكتەسۋ قىزمەتىنە باسا نازار اۋدارىپ، شينجياڭعا باعىتتامالى كومەكتەسۋ قىزمەتىن ءتيىستى ءىس رەتىندە ماڭىزدى كۇن تارتىپكە ەنگىزىپ، سۇيىسپەنشىلىكپەن جانە جاۋاپكەرشىلىكپەن جۇمىس جۇرگىزىپ، بار كۇشپەن ىلگەرىلەتىپ، بار كۇشپەن قولداۋ كورسەتىپ، شينجياڭعا باعىتتامالى كومەكتەسۋدىڭ جان - جاقتى، كوپ ساتىلى، كەڭ سالالى قىزمەت جاعدايىن قالىپتاستىرىپ، شينجياڭنىڭ لاڭكەستىكپەن كۇرەس جۇرگىزىپ، ورنىقتىلىقتى قورعاۋ، ەكونوميكانى دامىتۋ، حالىق تۇرمىسىن جاقسارتۋ جانە ۇلتتار ىنتىماعى قىزمەتتەرىنە ماڭىزدى ۇلەس قوسىپ، ءار ۇلت كادر - جۇرتشىلىعىنىڭ جاپپاي القاۋى مەن جوعارى باعالاۋىنا يە بولدى.
چىن چۋانگو مىنالاردى اتاپ كورسەتتى: پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىنە باسا نازار اۋداردى، باس شۋجي شي جينپيڭ شينجياڭدا قىزمەت تەكسەردى ءارى ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشىپ، ماڭىزدى ءسوز سويلەپ، شينجياڭنىڭ جاعدايىنا عىلمي تۇرعىدان تالداۋ جاساپ، شينجياڭ قىزمەتىندەگى ءبىر قاتار ەلەۋلى نازاريالىق جانە پراكتيكالىق ماسەلەلەردى تەرەڭ بايىمداپ، پارتيامىزدىڭ جاڭا جاعدايداعى شينجياڭدى جونگە سالۋ تاكتيكاسىن بەلگىلەپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەكەندىگىن ايقىنداپ، شينجياڭ قىزمەتىن ونان سايىن جاقسى ىستەۋگە باعىت - باعدار كورسەتىپ، ءتۇبىرلى نەگىز جانە پارمەندى قوزعاۋشى كۇش ازىرلەدى. شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، پارتيا ورتالىق كوميتەتىنىڭ شينجياڭدى جونگە سالۋ تاكتيكاسىنىڭ جەتەكشىلىگىندە، لياۋنيڭ حالقىن قامتىعان بۇكىل ەلدەگى ءار ۇلت حالقىنىڭ قالتقىسىز كومەك كورسەتۋى ارقاسىندا، شينجياڭداعى ءار ۇلت كادر - جۇرتشىلىعىنىڭ ىنتىماقتاسا كۇرەس جۇرگىزۋىمەن، شينجياڭنىڭ قوعام ورنىقتىلىعى مەن باياندى تىنىشتىق قىزمەتتەرىن، ءسوز جوق، ويداعىداي جۇرگىزە بەرەتىنىمىزگە كامىل سەنەمىز. ءبىز باس شۋجي شي جينپيڭنىڭ ماڭىزدى سوزدەرىنىڭ رۋحىن، اسىرەسە، شينجياڭ قىزمەتى جونىندەگى ماڭىزدى نۇسقاۋلارىنىڭ رۋحىن باسشىلىققا الىپ، فۋجيان مەن نيڭشيانىڭ كەدەيلەردى سۇيەمەلدەۋ بويىنشا سەلبەستىگىنىڭ قۇندى تاجىريبەلەرىن مۇقيات ۇيرەنىپ جانە ۇلگى ەتىپ، شينجياڭعا باعىتتامالى كومەكتەسۋدىڭ ارتىقشىلىعىن ونان سايىن ويداعىداي ساۋلەلەندىرىپ، قوعام ورنىقتىلىعى مەن باياندى تىنىشتىق باس نىساناسىن بەرىك ارقاۋ ەتىپ، قوعامدىق جالپى جاعدايدىڭ ورنىقتىلىعىن بار كۇشپەن ساقتاپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، ۇلتتار ىنتىماعىن بەكەمدەپ جانە دامىتىپ، ءدىننىڭ بەرەكەلىگى مەن جاراستىعىن ىلگەرىلەتىپ، ەكونوميكانىڭ ءۇرتىس، جەدەل، اقاۋسىز دامۋىن جەبەپ، ەكولوگيالىق ورتانى قورعاۋدى شىنايى كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىق ىستەرىندە ۇزبەي جاڭا جاعداي اشىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا قۇلشىنىپ، شي جينپيڭ جولداس باس شۋجي بولعان پارتيا ورتالىق كوميتەتىن الاڭسىز ەتىپ، شينجياڭداعى ءار ۇلت حالقىن يگىلىككە بولەپ، لياۋنيڭ حالقىنىڭ قالتقىسىز كومەگىن اقتايمىز.
لي شي لياۋنيڭ ولكەلىك پارتكوم، ولكەلىك حالىق قۇرىلتايى تۇراقتى كوميتەتى، ولكەلىك ۇكىمەت، ولكەلىك ساياسي كەڭەس جانە ولكەدەگى بارلىق حالىق اتىنان شينجياڭدى ەكونوميكالىق، قوعامدىق دامۋ مەن ورنىقتىلىق قىزمەتىندە قول جەتكەن تابىستارىمەن قۇتتىقتاپ، شينجياڭداعى ءار ۇلت كادر - جۇرتشىلىعى مەن بيڭتۋاننىڭ قىزمەتشىلەرىنە ايرىقشا قۇرمەت ءبىلدىردى. ول بىلاي دەدى: شينجياڭداعى «ءبىر ايماق، ەكى ديۆيزياعا» باعىتتامالى كومەك كورسەتۋ پارتيا ورتالىق كوميتەتىنىڭ لياۋنيڭعا جۇكتەگەن داڭقتى تاپسىرماسى. لياۋنيڭ ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋ قىزمەتىنە ءارقاشان باسا ءمان بەرىپ، ونى باس تارتپاس كەلەلى ساياسي مىندەت ساناپ، بورىشتىلىقپەن، جاۋاپكەرشىلىكپەن، سۇيىسپەنشىلىكپەن جۇمىس جۇرگىزىپ، ورتالىق كوميتەتتىڭ شينجياڭعا باعىتتامالى كومەكتەسۋ جونىندەگى ءتۇرلى شەشىم - ورنالاستىرۋىن ىشكەرىلەي دايەكتىلەندىرىپ جانە تياناقتاندىرىپ، شينجياڭعا باعىتتامالى كومەكتەسۋدىڭ جان - جاقتى، كوپ ساتىلى، كەڭ سالالى قىزمەت جاعدايىن ۇزدىكسىز جەتىلدىرىپ، تارباعاتاي ايماعىنىڭ، بيڭتۋان 8 - ديۆيزياسى شىحىزى قالاسىنىڭ، بيڭتۋان 9 - ديۆيزياسىنىڭ ەكونوميكالىق، قوعامدىق دامۋىن قۇلشىنا ىلگەرىلەتۋگە بەلسەندى ۇلەس قوستى. الداعى قىزمەتتەردە، لياۋنيڭ ولكەسى باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى مەن شىعىس - باتىس بولىكتەردىڭ كەدەيلەردى سۇيەمەلدەۋ سەلبەستىگى جونىندەگى اڭگىمە ماجىلىستە سويلەگەن ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، ورتالىق كوميتەتتىڭ شەشىم - ورنالاستىرۋىن جاپپاي تياناقتاندىرىپ، «ءبىر ايماق، ەكى ديۆيزيانىڭ» قوعام ورنىقتىلىعى مەن باياندى تىنىشتىعى ىستەرىن ىلگەرىلەتۋدى تىعىز ارقاۋ ەتىپ، قىزمەت شارالارىن ونان سايىن اشالاپ، جۇمىستىڭ دەڭگەيىن ۇزدىكسىز كوتەرىپ، باعىتتامالى كومەكتەسۋ قىزمەتتەرىن تىڭعىلىقتى، ويداعىداي ىستەپ، شينجياڭداعى جولداستارمەن تىزە قوسا قۇلشىنىپ، لياۋنيڭ مەن شينجياڭنىڭ بارىس - كەلىسى مەن سەلبەستىگىنىڭ تىڭ داستانىن ۇزدىكسىز جازامىز.
لي شي مىنالاردى باسا دارىپتەدى: جاڭا جاعدايدا، شينجياڭعا باعىتتامالى كومەكتەسۋ قىزمەتىن جاقسى ىستەۋ ءۇشىن، ءبىرىنشى، «ءتورت تانىمدى» بەرىك ورناتىپ، جاۋاپكەرشىلىك پەن بورىشتىلىقتى ونان سايىن نىعايتىپ، ۇيىمدىق باسشىلىقتى كۇشەيتىپ، قىزمەتتەردىڭ تياناقتانۋىن مىقتاپ يگەرىپ، شينجياڭ قىزمەتىن ۇزاق مەرزىمدىك ساياسي مىندەت رەتىندە قاجىماي - تالماي يگەرۋ قاجەت. ەكىنشى، فۋجيان مەن نيڭشيانىڭ سەلبەستىك تاجىريبەلەرىن جان - جاقتى ۇيرەنىپ جانە ۇلگى ەتىپ، ولكە - اۆتونوميالى رايون سەلبەستىگىنىڭ باياندى مەحانيزمىن ونان سايىن جەتىلدىرىپ، سەلبەستىكتىڭ ءورىسىن كەڭەيتىپ، دەڭگەيىن كوتەرىپ، ۇلگىسىن جاڭالاپ، ەكى جەردىڭ ارتىقشىلىقتارىمەن ءوزارا تولىقتاسىپ، قاتار دامۋىن جەبەۋ كەرەك. ءۇشىنشى، باعىتتامالى كومەكتىڭ دالدىگىن، ناقتى ونىمدىلىگىن كوتەرۋگە كۇش سالىپ، ءبىر تۇتاس ۇيلەستىرۋدى كۇشەيتىپ، ماڭىزدى مىندەتتەردى كورنەكتىلەندىرىپ، جان - جاقتى اسەر ەتۋىن كەڭەيتىپ، سالالىق سەلبەستىك، ەڭبەككۇش سەلبەستىگى، دارىندىلارمەن قولداۋ، قارجىلاي قولداۋ سياقتى جاقتاردا زەيىن - زەردەنى ءداپ باسىپ شوعىرلاندىرىپ، دالمە - ءدال كۇش سالۋ قاجەت. ءتورتىنشى، بارلىعىندا ناقتى جاعدايدى تياناق ەتۋدەن جازباي، باعىتتامالى كومەك جوباسىن عىلمي تۇرعىدان ازىرلەپ، كومەك - جاردەم جوباسىن حالىق تۇرمىسىنا، نەگىزگى ساتىعا، مۇقتاج جاندارعا ءتۇيىندى تۇردە بەيىمدەپ، ءتۇيىندى كومەكتەسۋ مەن تۇبەگەيلى سۇيەمەلدەۋدى شىن مانىندە ىسكە اسىرىپ، «قول ۇستاسا دوڭگەلەك داۋلەتتىلىككە قادام تاستاۋدى» كۇن ىلگەرى ورىنداۋ كەرەك. بەسىنشى، كادرلار مەن دارىندىلاردى ىرىكتەپ جىبەرۋ، اۋىستىرىپ پايدالانۋعا سەرپىن بەرىپ، نە كەم بولسا سونى تولىقتاۋ پرينسيبى بويىنشا، وقۋ - اعارتۋ، عىلىم - تەحنيكا، ەمدەۋ، مادەنيەت سياقتى جاقتارداعى دارىندىلاردىڭ ۇلەس سالماعىن ۇلعايتىپ، شينجياڭعا باعىتتامالى كومەكتەسۋشى دارىندىلاردىڭ قۇرىلىمىن ساپالىلاندىرىپ، كومەك قابىلداۋشى ورىنداردىڭ ماماندانعان تەحنيكالىق دارىندىلار مەن جوعارى بىلىكتى دارىندىلاردى دايىنداۋىنا قولعابىس ەتۋ قاجەت. التىنشى، قازىنالىق - قارجىلىق ۇسىنىلىمنىڭ كولەمىن ارتتىرىپ، تەبىندى كەمەيتپەۋگە، ولشەمدى تومەندەتپەۋگە كەپىلدىك ەتىپ، ناقتىلى ۇسىنىلىم مەن قارجىنىڭ تىڭعىلىقتى تياناقتانۋىن ىسكە اسىرۋ كەرەك. جەتىنشى، باعىتتامالى كومەكتەسۋ قىزمەتىنىڭ نىسانالىق جاۋاپكەرشىلىگىن جانە وعان باقىلاۋ - باسقارۋدى ونان سايىن كۇشەيتىپ، جاۋاپكەرشىلىكتى، نىسانانى جانە باعالاۋدى قاتايتىپ، شينجياڭعا باعىتتامالى كومەكتەسۋ قىزمەتىنىڭ تىڭعىلىقتى ناتيجەلەرگە جەتۋىن ءتۇزىم ارقىلى ىنتالاندىرۋ جانە ىلگەرىلەتۋ قاجەت.
شينجياڭداعى كەزىندە، لياۋنيڭ ولكەلىك پارتيا، ۇكىمەت ۋاكىلدەر ۇيىرمەسى 2 گرۋپپاعا ءبولىنىپ، تارباعاتاي ايماعىنىڭ شاۋەشەك قالاسى مەن باقتى وتكەلىندە، بيڭتۋان 9 - ديۆيزياسىنىڭ 163 - پولكىندە، بيڭتۋان 8 - ديۆيزياسىنىڭ شىحىزى قالاسى مەن 147 - پولكىندە جانە شىحىزى باس فەرماسىندا اۋىل - قىستاقتاردى، مەكتەپتەردى، اۋرۋحانالاردى، كاسىپورىنداردى، قارتتار ءۇيىن، شەكارالىق پولك - فەرمالاردى، ونەركاسىپ باقشالارىن ارالاپ، شينجياڭعا باعىتتامالى كومەكتەسۋ قىزمەتىن ونان سايىن جاقسى ىستەۋ جونىندە تەكسەرۋ - زەرتتەۋ جۇرگىزىپ، باعىتتامالى كومەك نىساندارىنىڭ اتقارىلۋ جاعدايىمەن ۇستىندە تانىسىپ، شينجياڭعا باعىتتامالى كومەكتەسۋ قىزمەتىندە تاپ بولعان ماسەلەلەردى شەشتى، ءار ۇلت كادر - جۇرتشىلىعىنا امانداستى جانە ولاردان حال سۇرادى.
لياۋنيڭ ولكەسىنىڭ باسشىلارىنان ۋاڭ مىڭحۇي، تان زوجۇن، ۋ حانشىڭ، اۆتونوميالى رايون مەن شينجياڭ ءوندىرىس - قۇرىلىس بيڭتۋانىنىڭ باسشىلارىنان حۋاڭ ۋي، ەركىنجان تۇراحۇن، لي شۋەجۇن، پىڭ جيارۇي، ليۋ شينچي قاتىستى قيمىلدارعا قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
