- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەكپىندى شينجياڭنىڭ ەرشىمدى تابىستارى
لي چۇنشيا
2016.10.14 15:10 كەلۋ قاينارى : شينجياڭ گازەتى
شينجياڭ جيحۋا 7555 فورما كيىم – كەشەك شەكتى سەرىكتەستىگىنىڭ قىزمەتكەرى احىمەت ابىلەز بىرنەشە كۇننەن بەرى قاتتى كوڭىلدى. كەلەر ايدا ول مەكەمەنىڭ قارجى توپتاپ سالعان ءۇيىنىڭ كىلتىن الاتىن بولدى.
2011 – جىلى ول ايەلى ەكەۋى قاشقاردان سانجىعا كەلىپ، شينجياڭ جيحۋا سەرىكتەستىگىنىڭ سەحىندا 5 جىل ىستەيدى، وسى 5 جىلدا ول ەڭ تومەنگى تۇرمىسى قامتاماسىزداندىرىلاتىن وتباسىنان ءبىر جۇمىسشىعا اينالدى، كىرىسى تۇراقتى، جاڭا ءۇي دە ساتىپ الدى، ءبىر ءۇيلى جاننىڭ تۇرمىسىندا كەرەمەت وزگەرىستەر بولدى.
كاسىپتەنۋ حالىق تۇرمىسىنىڭ نەگىزى، قوعامنىڭ ورنىقتىلىعىمەن، ءاربىر وتباسىنىڭ باقىتىمەن قاتىستى. ج ك پ اۆتونوميالى رايوندىق 8 – قۇرىلتايىنان بەرى، اۆتونوميالى رايوندىق پارتكوم مەن حالىق ۇكىمەتى كاسىپتەندىرۋدى ەڭ ماڭىزدى حالىق تۇرمىسى ينجەنەرياسى رەتىندە مىقتى يگەرىپ، كاسىپتەندىرۋ قىزمەتىنە شينجياڭدى ورنىقتىرۋ، تىنىش شينجياڭ قۇرۋ ستراتەگيالىق تۇرعىسىنان ءمان بەرىپ جانە ونى ىلگەرىلەتىپ، كاسىپتەندىرۋدى كەڭەيتۋدەي دامۋ ستراتەگياسى مەن اناعۇرلىم بەلسەندى كاسىپتەندىرۋ ساياساتىن اتقارىپ، كاسىپتەندىرۋدە بىركەلكىلىكتى ساقتاپ، كاسىپتەنۋ قىسىمىن ەكونوميكانىڭ دامۋىن ىلگەرىلەتەتىن، حالىق تۇرمىسىن جاقسارتاتىن قوزعاۋشى كۇشكە اينالدىرىپ، قالا مەن اۋىلدا كاسىپتەنۋدىڭ ورنىقتى ارتۋىن ساقتاپ، ءار ۇلت حالقىن ەڭبەك ارقىلى باقىتتى تۇرمىس كەشىرۋگە جەتەلەدى.
كاسىپتەندىرۋدى ماڭداي الدى ورىنعا قويۋ ستراتەگياسىن اتقاردى
ءساليا قوباي قىزى ۇلتتىق قولونەر كەستەسىن تىگۋگە، كيىم – كەشەك جوبالاۋعا اۋەس، كيىم – كەشەك كاسىبى سالاسىندا وزىندىك ءورىس اشتى. ونىڭ سەرىكتەستىگىنىڭ جىلدىق ساتىلىم سوماسى 10 نەشە ميلليون يۋانعا جەتتى. شينجياڭ شاليجين كيىم – كەشەك شەكتى سەرىكتەستىگىنىڭ باسالقاسى ءساليا: ەگەر مەملەكەت پەن اۆتونوميالى رايوننىڭ كاسىپتەنۋدى جەبەۋ ساياساتى بولماسا، شارۋاشىلىعىم بۇگىنگىدەي شالقىماس ەدى، بۇگىنگى ناتيجەم دە بولماس ەدى، – دەيدى تەبىرەنگەن سەزىممەن.
ءساليانىڭ كەشىرمەلەرى مەن جۇرەك ءۇنى اۆتونوميالى رايونىمىزدىڭ سوڭعى جىلداردان بەرگى كاسىپتەندىرۋ، شارۋاشىلىق قۇرۋ ورتاسىنىڭ شىنايى بەينەسى. اۆتونوميالى رايونىمىزدىڭ وتكەن بىرنەشە جىلداعى كاسىپتەندىرۋ قىزمەتىنىڭ دامۋ بارىسى، مۇنى اۆتونوميالى رايوندىق پارتكوم مەن حالىق ۇكىمەتىنىڭ جوعارى دەڭگەيدە جوبالاۋى مەن جەبەۋىنەن بولە قاراۋعا بولمايدى.
حالىق تۇرمىسىن الدىمەن ەسكەرىپ، كاسىپتەندىرۋدى ءبىرىنشى ورىنعا قويدى. ج ك پ اۆتونوميالى رايوندىق 8 – قۇرىلتايىنىڭ بايانداماسىندا كاسىپتەنۋدى جەبەۋ حالىق تۇرمىسىن جاقسارتۋداعى ەڭ كورنەكتى ورىنعا قويىلدى. ج ك پ اۆتونوميالى رايوندىق 8 – قۇرىلتايى كاسىپتەنۋدى بەلسەنە جەبەۋدى، ءتۇرلى ارنالارمەن كاسىپتەنۋ ورنىن مولايتۋدى، «ەڭبەكشىنىڭ ءوز ەركىمەن كاسىپ تاڭداۋ، كاسىپتەنۋدى بازار ارقىلى رەتتەۋ، ۇكىمەت كاسىپتەنۋدى جەبەۋ» سىندى جاڭا ارنانى تەز ارادا قالىپتاستىرۋدى ورتاعا قويدى.
ج ك پ اۆتونوميالى رايوندىق 8 – قۇرىلتايى «12 – بەسجىلدىق» كەزىندە قالا – قالاشىقتان 2 ميلليون ادامدى كاسىپتەندىرۋدى جانە قايتالاي كاسىپتەندىرۋدى، اۋىل – قىستاقتارداعى 11 ميلليون ادام – رەتتەن ارتىق ەڭبەككۇشتى باسقا كاسىپ سالالارىنا ويىستىرىپ كاسىپتەندىرۋدى، ادەتتەگى جوعارى مەكتەپتەردەن وقۋ تاۋىسقان تۇلەكتەردىڭ كاسىپتەنۋ مولشەرىن %85تەن اسىرىپ، قالا – قالاشىقتارداعى تىزىمگە تىركەلگەن جۇمىسسىزدىق مولشەرىن %4 ىشىندە تىزگىندەۋدى جۇزەگە اسىرۋدى ورتاعا قويدى.
كاسىپتەندىرۋ اۆتونوميالى رايوندىق پارتكوم مەن حالىق ۇكىمەتى قىزمەتىندەگى ماڭداي الدى قىزمەت، اۆتونوميالى رايوندىق پارتكوم كاسىپتەندىرۋ شينجياڭداعى ەڭ ۇلكەن حالىق تۇرمىسى ينجەنەرياسى، حالىق تىلەگى ينجەنەرياسى، ءتۇبىرلى ينجەنەريا، ماڭداي الدى تالاپ، ماڭداي الدى جاۋاپكەرشىلىك، ماڭداي الدى نىسانا ەسەپتەلەتىندىگىن تالاي رەت دارىپتەدى.
2012 – جىلى «اۆتونوميالى رايوننىڭ ‹جۇڭحۋا حالىق رەسپۋبليكاسىنىڭ كاسىپتەنۋدى جەبەۋ زاڭىن›اتقارۋ شاراسى» جاريالانىپ، اۆتونوميالى رايونىمىز ۇتىمدى كاسىپتەندىرۋ ساياساتى جانە كاسىپتەنۋدى جەبەۋدەگى جاقسى تاجىريبەلەردى، ادىستەردى جەرگىلىكتى زاڭ – ەرەجەلەر دەڭگەيىنە كوتەرىپ، كاسىپتەنۋدى جەبەۋ ساياساتىنىڭ ۇلاسپالىلىعىن، ورنىقتىلىعىن قامتاماسىز ەتىپ، كاسىپتەنۋدى جەبەۋدىڭ ۇزاق ۋاقىتتىق ءونىمدى مەحانيزمىن قالىپتاستىرىپ، كاسىپتەنۋدى زاڭ بويىنشا جەبەدى.
2014 – جىلى اۆتونوميالى رايوننىڭ توقىماشىلىق، كيىم – كەشەك كاسىبى سالاسىندا ميلليونداعان ادامدى كاسىپتەندىرۋ سىندى «ءبىر تۇتاس» قولداۋ ساياساتى شىعارىلىپ، وڭتۇستىك شينجياڭداعى 3 ايماق، ءبىر وبلىستىڭ اۋىل شارۋاشىلىق ونىمدەرىن مانەرلەۋدە، تەز ءونىم بەرەتىن نىسانداردى سۇيەمەلدەۋدە شوعىرلى جۇمىس باستاپ، 41 مىڭ ادامنىڭ كاسىپتەنۋىن جەبەدى، مۇنىڭ ءونىمى دە ايتا قالسىن كورنەكتى بولدى.
2015 – جىلى اۆتونوميالى رايوندىق پارتكوم تالاي رەت تەكسەرۋ – زەرتتەۋ، ۇسىنىس – پىكىر جيناۋ، قايتا – قايتا دالەلدەۋ نەگىزىندە «كاسىپتەنۋ، شارۋاشىلىق قۇرۋ قىزمەتىن اناعۇرلىم ىلگەرىلەتۋ جونىندەگى پىكىردى» ورتاعا قويدى، بۇل 8 جاقتاعى 25 ءتۇرلى ساياساتتى قامتىپ، بۇكىل رايونداعى ءتۇرلى كاسىپ كۇتكەندەردى تۇگەلدەي قامتۋداي كاسىپتەندىرۋ ساياساتى جۇيەسىن نەگىزىنەن قالىپتاستىردى.
2016 – جىلى تامىزدا اۆتونوميالى رايون «جاڭا جاعدايداعى كاسىپتەنۋ، شارۋاشىلىق قۇرۋ قىزمەتىن اناعۇرلىم جەبەۋ جونىندەگى پىكىردى» ورتاعا قويدى، ساياساتتىڭ قامتۋ كولەمى اناعۇرلىم كەڭ، مازمۇنى ءتىپتى دە ارنايى، ولشەمى ءتىپتى دە جوعارى، ساياسات ءتىپتى دە ناقتى بولىپ، اناعۇرلىم بەلسەندى كاسىپتەندىرۋ ساياساتى ارقىلى كوپ بولىپ شارۋاشىلىق قۇرۋ، كوپ بولىپ جاڭالىق اشۋدى كۇش سالا ىلگەرىلەتىپ، اناعۇرلىم تولىق، اناعۇرلىم ساپالى، اناعۇرلىم ءادىل كاسىپتەنۋدى جۇزەگە اسىرۋعا قۇلشىنىس جاسالدى. 3 ۇلكەن ءتۇيىندى توپتىڭ كاسىپتەنۋىنە كەپىلدىك ەتىلدى
ءۇشتۇرپان اۋدانىنىڭ اقيا قالاشىعىنداعى تايىر تۇرسىن 2013 – جىلى وقۋ تاۋىسقان ستۋدەنت. بىلتىر قازان ايىندا ادەتتەگى جوعارى مەكتەپتەردەن وقۋ تاۋىسىپ ءالى كاسىپتەنبەگەن تۇلەكتەردىڭ قاتارىندا شينجياڭعا باعىتتامالى كومەكتەسەتىن ولكە، قالالارعا بارىپ تاربيەلەنەتىن كۋرسانتتاردىڭ ءبىرى بولعان ول شارۋاشىلىق قۇرۋعا تاربيەلەۋ كۋرسىنا قاتىناستى ءارى جىجياڭ سياقتى ولكە، قالالارعا بارىپ ەلەكتروندىق ساۋدا، وسى زامانعى زات اينالىم كاسىبى سياقتىلاردى ەكسكۋرسيالادى، ۇيرەندى. شينجياڭعا قايتىپ كەلگەننەن كەيىن ول ءۇشتۇرپان كوكۋلام جەمىس ورمان شارۋاشىلىعى كووپەراتيۆىن قۇردى. «شارۋاشىلىق قۇرۋعا تاربيەلەۋ كۋرسى ماعان كوپ جاڭا ءبىلىم ۇيرەتتى، كوز ايامدى كەڭەيتتى. ۇكىمەتتىڭ قولداۋىندا شارۋاشىلىق جولىم بارعان سايىن كەڭەيە تۇسەدى»، – دەدى ول بولاشاعىنا تولىق سەنىممەن قاراپ.
شينجياڭدا تايىر تۇرسىن سياقتى كەشىرمەسى بار ادامدار ءالى كوپ. ادەتتەگى جوعارى مەكتەپتەردەن وقۋ تاۋىسقان تۇلەكتەر، قالا – قالاشىقتارداعى كاسىپتەنۋى قيىنعا سوققاندار، اۋىل – قىستاقتارداعى ارتىق ەڭبەككۇشتەر سياقتى 3 ۇلكەن ءتۇيىندى توپ مەملەكەت پەن اۆتونوميالى رايوننىڭ كاسىپتەنۋدى، شارۋاشىلىق قۇرۋدى سۇيەمەلدەۋ ساياساتىنان يگىلىكتەندى، تۇرمىستارىندا وراسان زور وزگەرىستەر جارىققا شىقتى.
2011 – جىلى اۆتونوميالى رايونىمىز «ادەتتەگى جوعارى مەكتەپ تاۋىسقان وقۋشىلاردى شينجياڭعا باعىتتامالى كومەكتەسەتىن ولكە، قالالارعا جىبەرىپ تاربيەلەۋ جوسپارىن» باستاپ، ادەتتەگى جوعارى مەكتەپ تاۋىسىپ كاسىپتەنبەگەن 23 مىڭ وقۋشىنى شينجياڭعا باعىتتامالى كومەكتەسەتىن 19 ولكە، قالا مەن مەملەكەتتىڭ مينيسترلىك، كوميتەتتەرىنىڭ قاراستىلىعىنداعى 188 مەكتەپكە جىبەرىپ، ءبىر جارىم جىل دا 2 جىل ۋاقىتپەن تاربيەلەپ شىنىقتىرىپ، كوزقاراسقا بۇرىلىس جاساپ، تەحنيكالىق شەبەرلىكتەرىن جوعارىلاتىپ، ورنىقتى كاسىپتەنۋىن جەبەدى. 2015 – جىلى قاڭتارعا دەيىن تاربيەلەنۋگە جىبەرىلگەن 23 مىڭ وقۋشى تاربيەلەنۋ مەرزىمى تولىپ بارلىعى شينجياڭعا قايتتى، ەمتيحان ارقىلى تولىمدى بولعاندارى قىزمەتكە ورنالاستىرىلدى، مۇنىڭ ىشىندە از ۇلت كۋرسانتتارى %83.31تى يەلەيدى. 2015 – جىلى شينجياڭ جوعارى مەكتەپ تاۋىسقان 5400 ستۋدەنتتى تاڭداپ شينجياڭعا باعىتتامالى كومەكتەسەتىن ولكە، قالالارعا تاربيەلەنۋگە جىبەردى، قازىرگە دەيىن 3000 نەشە ادام كەلىسىم جاساسقان مەكەمە – ورىندارعا بارىپ كاسىپتەندى.
بىردە – ءبىر ادامى كاسىپتەنبەگەن وتباسىلار كاسىپتەنۋ قيىنشىلىعى ەڭ اۋىر قاۋىم. سوڭعى جىلدارى رايونىمىز كاسىپتەنۋ جاعىنداعى قيىنشىلىعى بار ادامداردى تەحنيكالىق جاقتان تاربيەلەۋ مەن قولداۋ سەرپىنىن ۇزدىكسىز كۇشەيتىپ، كاسىپتەنۋگە كومەكتەسۋ ايى قيمىلىن ورىستەتىپ، بارلىق ادامنىڭ كاسىپتەنۋىن جۇزەگە اسىرۋعا قۇلشىندى.
بيىل قىرىقتىڭ قىرقاسىنا شىققان ءمايزىلايم مامەت ءۇرىمجى قالاسى پيديڭشان اۋماعى باسقارۋ كوميتەتىنىڭ پيڭديڭشان الەۋمەتتىك اۋماعىنىڭ تۇرعىنى، 2014 – جىلى ول الەۋمەتتىك اۋماق وتكىزگەن تەگىن تاربيەلەۋ كۋرسىنا قاتىناستى، اسپازدىق كلاسىندا ءبىر ايعا جۋىق تەگىن تاربيەلەنۋ ارقىلى قاتىستى ەمتيحاننان ءساتتى ءوتىپ، الەۋمەتتىك اۋماقتىڭ كومەگىندە الەۋمەتتىك يگىلىك سيپاتىنداعى ورىنعا جۇمىسقا تۇردى. بۇگىندەرى ول ايىنا 2000 يۋانعا جۋىق ەڭبەكاقى الادى. قىزمەتكە شىققاننان كەيىن ونىڭ رۋحى كوتەرىلىپ، وزىنە دەگەن سەنىمى دە كۇشەيدى.
ەكونوميكانىڭ دامۋى مەن كاسىپتەنۋ جاعدايىنداعى وزگەرىستەرگە ىلەسە، اۋىل – قىستاقتارداعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋ رايونىمىزدىڭ كاسىپتەندىرۋ قىزمەتىندەگى ماڭداي الدى مىندەتكە اينالدى، اسىرەسە، وڭتۇستىك شينجياڭدا اۋىل – قىستاقتارداعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋ جەرگىلىكتى ورىننىڭ اۋىل – قىستاقتارداعى ارتىق ەڭبەككۇشتەردىڭ اسىپ قالۋىن شەشۋىندەگى، ەكونوميكانىڭ دامۋىن جەبەۋىندەگى، كەدەيلىكتەن قۇتىلدىرىپ اۋقاتتاندىرۋىنداعى ماڭىزدى جولىنا اينالدى.
سوڭعى جىلدارى رايونىمىز الدىمەن تاربيەلەپ، ونان سوڭ كاسىپتەندىرۋدى، جاقىن جەردە كاسىپتەندىرۋدى، باسقا سالالارعا ويىستىرىپ كاسىپتەندىرۋدى نەگىز، ءوز ەركىمەن كاسىپتەنۋدى پرينسيپ ەتۋدەن جازباي، ارتىق ەڭبەككۇشتەردى ۇيىمدى، ءتارتىپتى تۇردە باسقا سالالارعا ويىستىردى. كاسىپتىك تاربيەلەۋدى كۇشەيتۋ، كاسىپتەنۋگە قىزمەت وتەۋ، ۇلگى كورسەتىپ باستاۋ، ۇقىق – مۇددەسىن قامتاماسىز ەتۋ جانە سيلىقتىڭ ورنىنا قوسىمشا قاراجات بەرۋ ساياساتى سياقتى شارالار ارقىلى اۋىل – قىستاقتارداعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋدى ورنىقتى ىلگەرىلەتىپ، شارۋالاردىڭ كىرىستەرىن مولايتىپ، اۋقاتتانۋىن جەبەدى.
وڭتۇستىك – سولتۇستىك شينجياڭنىڭ باعىتتامالى سۇيەمەلدەۋ ارقىلى كەدەيلىكتەن قۇتىلدىرۋدان قامال الۋ قىزمەتىن جاقسى ىستەۋ ءۇشىن، بيىل جىل باسىندا سانجى حۇيزۋ اۆتونوميالى وبلىسى مەن قىزىلسۋ قىرعىز اۆتونوميالى وبلىسى بەلسەنە سايكەسىپ، قىزىلسۋ قىرعىز اۆتونوميالى وبلىسىنداعى قيىنشىلىعى بار وتباسىلارداعى ارتىق ەڭبەككۇشتەردى دالمە – ءدال سۇيەمەلدەپ باسقا سالالارعا ويىستىرىپ كاسىپتەندىردى. كوپ رەت تەكسەرىپ – زەرتتەۋ جانە سايكەسىپ كەڭەسۋ ارقىلى 16 – مامىردا قيىنشىلىعى بار وتباسىلارداعى ارتىق ەڭبەككۇشتەردەن تۇڭعىش توپتا 100 ادام سانجىعا كەلىپ سول جەردەگى كيىم – كەشەك، ماقتا – توقىما، ازىق – تۇلىك مانەرلەۋ جانە كومىر حيميا ونەركاسىبى سياقتى قاتىستى كاسىپورىنداردا كاسىپتەندى.
جاتاقتى، تاماقتى كوتەرەدى، ايىنا 2000 يۋان ەڭبەكاقى الامىن، 3 ايعا تولسا، ەڭبەكاقىمىز 2500 يۋاننان اسادى. بۇعان وتە رازىمىن، – دەيدى فۋكاڭ يمايشياڭچىڭ ازىق – تۇلىك شەكتى سەرىكتەستىگىندە ىستەيتىن قىرعىز جىگىت تالاپبەك ابدۋ قۋانىشپەن. ول تەحنيكانى ۇيرەنىپ بولعاننان سوڭ اۋىلعا قايتىپ بالكۇلشە دۇكەنىن اشپاق ەكەن.ءتۇرلى شارالارمەن كاسىپتەنۋدى ورنىقتىردى
باي اۋدانىنداعى احات اكىم بۇرىن جوعارىلاپ وقي الماعان ەدى، 3 جىلدىق قۇرىلىس تەحنيكاسىنا تاربيەلەنۋ ارقىلى بۇگىندەرى ول ءبىر كاسىپورىننىڭ رەسمي قىزمەتكەرى بولدى، ايلىق كىرىسى 4000 نەشە يۋاننان اسادى. «تەحنيكانى يگەرگەن سوڭ تۇرمىسىم باسقاشا بولدى»، – دەيدى ول تەبىرەنىسپەن.
قىزمەت تابۋ قيىن ەمەس، ورنىقتى كاسىپتەنۋ قيىن. سوڭعى جىلدارى رايونىمىز كاسىپتەندىرۋدىڭ جالپى مولشەرىن ارتتىرۋ نەگىزىندە، قالا، اۋىلدى قامتىعان ءتۇرلى ەڭبەكشىلەردىڭ كاسىپتەنۋىندەگى ساياسات جۇيەسىن قۇرىپ، بەلگىلەنگەن كاسىپ سالاسى، فينانس، قازىنا، باجى سياقتىلاردىڭ ءبىر تۇتاس قولداۋ ساياساتىن بەلگىلەۋ ارقىلى قوعامدىق ومىرشەڭدىك كۇشتى بىرگە جانداندىرىپ، كاسىپتەنۋ ساپاسىن جوعارىلاتىپ، كوپ ارنالارمەن، ءتۇرلى فورمالارمەن ەڭبەكشىلەردىڭ ورنىقتى كاسىپتەنۋىن جەبەدى.
رايونىمىز تاعى قالا، اۋىلداردا كاسىپتەنۋ ارمانى بار جانە تاربيەلەنۋ قاجەت بولعان ەڭبەكشىلەردىڭ بارلىعىن تاربيەلەۋ كولەمىنە ەنگىزىپ، تيىمدىلىك جاساۋ ءتۇزىمىن اتقارىپ، تاربيەلەۋ قوسىمشا قاراجاتىن بەردى. ءالى كاسىپتەنبەگەن جوعارى مەكتەپ تۇلەكتەرىن، ورتالاۋ، ورتا مەكتەپتەردەن وقۋ تاۋىسىپ، جوعارىلاپ وقي الماعان، وتباسىندا قيىنشىلىعى بار جاستاردى جانە اۋىل – قىستاقتارداعى ارتىق ەڭبەككۇشتەردى ءتۇيىندى توپ رەتىندە ءتۇيىندى تاربيەلەپ، ورتا، ورتالاۋ مەكتەپ ءبىتىرىپ جوعارىلاپ وقي الماعان وتباسىندا قيىنشىلىعى بار از ۇلت جاستارىن مەملەكەتتىك ورتاق ءتىل مەن كاسىپتىك جاقتان تولىق تاربيەلەدى.
ەكونوميكانىڭ دامۋى باسەڭدەۋ قىسىمىنىڭ ىقپالىنا توتەپ بەرۋ ءۇشىن، رايونىمىز ءبىر قىدىرۋ قولداۋ كورسەتۋ ساياساتتارىن شىعاردى: شينجياڭدىق ەڭبەكشىلەردى جاڭادان جۇمىسقا قابىلداعان كاسىپورىندار جۇمىسكەرلەردى جۇمىس ورنىنا شىعۋدان بۇرىن تاربيەلەگەندە، كاسىپتىك تاربيەلەۋ قوسىمشا قاراجاتىنان تولىق يگىلىكتەنەدى؛ شارۋاشىلىق جۇرگىزۋدە قيىنشىلىققا ۇشىراعانىمەن، قىزمەتكەر قىسقارتپاعان نەمەسە از قىزمەتكەر قىسقارتقان كاسىپورىنداردىڭ كاسىپسىزدىكتى قامسىزداندىرۋ قاراجاتىن كەشەۋىلدەتۋ ساياساتىن اتقارىپ، كاسىپورىنداردىڭ قيىن وتكەلدەن وتۋىنە كومەكتەسىپ، جۇمىس ورنىنىڭ زايا بولۋىن ازايتادى؛ قوعامدىق قامسىزداندىرۋ قوسىمشا قاراجاتى ءادىسىن اتقارىپ، 5 تۇردەگى كاسىپورىن مەن جەكەلەردىڭ قوعامدىق قامسىزداندىرۋ قوسىمشا قاراجاتىنان يگىلىكتەنۋىن بەلگىلەدى؛ قوعامدىق قامسىزداندىرۋ قاراجاتى مولشەرىن ساتىلىق سيپاتتى تومەندەتىپ، تۇلعالىق ەكونوميكانىڭ دامۋىن قولدايدى... ءبىر قىدىرۋ تيىمدىلىك ساياساتتارى ورنىقتى كاسىپتەندىرۋدە ماڭىزدى رول اتقاردى.
ساناققا قاراعاندا، «12 – بەسجىلدىق» مەزگىلىندە رايونىمىزدا قالا – قالاشىقتاردا 2 ميلليون 440 مىڭ ادام جاڭادان كاسىپتەنىپ، نىسانالى مىندەت %122.2 ورىندالعان. اۋىل – قىستاقتارداعى ارتىق ەڭبەككۇشتەردەن 13 ميلليون 602 مىڭ 500 ادامدى باسقا سالالارعا ويىستىرىپ كاسىپتەندىرىپ، نىسانالى مىندەت %123.7 ورىندالعان. ادەتتەگى جوعارى مەكتەپتەردەن وقۋ تاۋىسقان تۇلەكتەردىڭ جىلدىق ورتاشا كاسىپتەنۋ مولشەرى %88.23 بولعان. قالا – قالاشىقتارداعى كاسىپتەنۋدە قيىنشىلىعى بار ادامداردان 310 مىڭ 100 ادام كاسىپتەنىپ، بىردە – ءبىر ادامى كاسىپتەنبەگەن وتباسىلاردى بولعىزباۋدىڭ ۇزاق ءونىمدى مەحانيزمى قالىپتاستى. قالا، اۋىلداردىڭ كاسىپتەندىرۋ، شارۋاشىلىق قۇرۋ جۇيەسىن بىرتىندەپ كەمەلدەندىرۋدى ءبىر تۇتاس جوسپارلاپ، ەكونوميكانىڭ دامۋى مەن كاسىپتەنۋدى كەڭەيتۋدىڭ ءوزارا سايكەسۋ مەحانيزمىن العاشقى ادىمدا قۇرۋ ارقىلى شينجياڭ ەرەكشەلىگىندەگى كاسىپتەندىرۋدى ارتتىرۋ ۇلگىسى قالىپتاسا باستادى.
كاسىپتەندىرۋ حالىق تۇرمىسىنىڭ ءتۇبىرلى تياناعى ءارى ءار ۇلت حالقىنىڭ باقىتتى تۇرمىسىنىڭ قاينارى. يگىلىككە كەنەلگەن ءار ۇلت جۇرتشىلىعى قاراپايىم تىلدەرىمەن كاسىپتەنۋگە بولعان سەنىمدەرىن جەتكىزدى: مەن ۇنەمى بالالارىما استانا پەداگوگيكا ۋنيۆەرسيتەتىندە وقىپ جۇرگەندەگى ۇيرەنۋ كەشىرمەلەرىم مەن كورگەن – بىلگەندەرىمدى ايتىپ، الىسقا قانات قاعۋ ارمانىن بالالارىمنىڭ قۇلاعىنا قۇيىپ وتىرامىن، – دەيدى قاراقاش اۋدانى زاۋا قالاشىعى ءتۇيىندى باستاۋىش مەكتەبىنىڭ وقىتۋشىسى ادالات ابدىراحمان.
بۇرىن وت باسى، وشاق قاسىنان ۇزاپ شىعا المايتىن زورام زار بۇگىنگى كۇنى ءۇرىمجى قالاسى تيانشان رايونىنداعى ءبىر كيىم – كەشەك دۇكەنىنىڭ قوجايىنى، جىلدىق كىرىسى 100 نەشە مىڭ يۋاننان اسادى. بيىل ول تيانشان رايونى ورىستەتكەن «ۇشقارىلىقتى الاستاۋ» جونىندە مىڭداعان وتباسىنا بارىپ ۇگىت جۇرگىزۋ قيمىلىنا بەلسەنە قاتىناستى، «ميىم تۇنىق، قالتام قالىڭ. مەن اناعۇرلىم كوپ اپەكە – سىڭلىلەردى مەن سياقتى وت باسى، وشاق قاسىنان ۇزاپ شىعۋعا جۇمىلدىرامىن»، – دەيدى ول سەنىممەن.
بەلسەندى كاسىپتەندىرۋ، شارۋاشىلىق قۇرۋ ساياساتى قالا، اۋىلداعى ءار ۇلت ەڭبەكشىلەرىنە تاماشا كاسىپتەنۋ ورتاسى مەن اناعۇرلىم كوپ كاسىپتەنۋ ورايىن جاراتتى، ولاردىڭ وزىنە دەگەن سەنىمىن كۇشەيتىپ، نىق قاداممەن العا باستىردى، ولار ءتىپتى دە باقىتتى، تاماشا تۇرمىسقا قارقىندى قادام تاستادى!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
