بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭعا كومەكتەسۋ سۇيىسپەنشىلىگىن جان دۇنيەسىمەن بەينەلەدى

2016.10.21 13:42     كەلۋ قاينارى : شينجياڭ گازەتى

  10 - قازان كەشتە، حىبەي ولكەسى حىڭشۇي قالاسى شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ قولباسشىسى جوۋ اي - ۋ ءبىر كۇندىك قاربالاستىعىن اياقتاتىپ، وزىمەن ءبىر شاعىن اۋماقتا تۇراتىن ماحمۇت داۋۇتتىڭ ۇيىنە اسىعىس تارتتى.

  لوپنۇر اۋدانىنىڭ 65 جاستاعى تۇرعىنى ماحمۇت جوۋ اي - ۋ شينجياڭعا كومەكتەسۋ قىزمەتىن باستاعاننان كەيىن تانىسقان تۇڭعىش ۇلتتىق باۋىرلاسى ەدى.

  «جوۋ اي - ۋ باۋىرىم ۇيعۇر ءتىلىن كەرەمەت سويلەيدى، وزىندە دە ايتار جوق، ول مەنىڭ بىرگە تۋعان باۋىرىم سياقتى، نەندەي شارۋام بولسا دا وعان ايتامىن»، - دەدى جوۋ اي - ۋدى كورگەن جەردەن ماحمۇت قۋانا.

  2014 - جىلى جوۋ اي - ۋ وزىمەن ءبىر شاعىن اۋماقتا تۇراتىن ماحمۇتتىڭ ايەلىنىڭ مۇگەدەك بولعانىنا 20 نەشە جىل بولعانىن، قاسىندا ادام بولماسا بولمايتىنىن، وتباسىنىڭ قيىنشىلىعى اۋىر ەكەنىن بىلەدى. سونىمەن جوۋ اي - ۋ ماحمۇتتىڭ ۇيىنە بارىپ، ونىمەن اڭگىمەلەسەدى. بارىس - كەلىستەرى كوبەيگەننەن كەيىن، ولار ءبىر - بىرىمەن سىرلاس جاقىن دوستارعا اينالادى.

  وتكەن كۇندەردى ەسكە العان ماحمۇت بىلاي دەدى: جوۋ اي - ۋ باۋىرىم ماعان حال سۇراۋ قارجىسىن جانە تۇرمىس بۇيىمدارىن ۇنەمى اكەلىپ بەرىپ تۇرادى، ول ءوز جانىنان ەمدەۋ قاراجاتىن شىعارىپ، حىبەيدەگى ەمدەۋ ماماندارىمەن حابارلاسىپ، تالاي جىلدان بەرگى وتكە تاس بايلانۋ اۋرۋىمدى ەمدەتىپ جازدى. بيىل ماۋسىمدا ايەلىمنىڭ دەنساۋلىعى تىم شىركىن - اي بولماي جايسىزداعاندا، جوۋ اي - ۋ باۋىرىم مامانداردى ۇيگە شاقىرتىپ، ونىڭ اۋرۋىن كورسەتتى، 700 نەشە يۋان ەمدەۋ اقىسىن دا ءوز جانىنان شىعاردى، ول وتباسىمىزدىڭ ماڭگىلىك قورمالى بولىپ كەتتى.

  جوۋ اي - ۋدىڭ جەتەكشىلىگىندە، ماحمۇت تا حانزۋ ءتىلىن ۇيرەندى ءارى ولەڭ، حات جازىپ، جوۋ اي - ۋعا دەگەن العىسىن جەتكىزدى، كوزدى اشىپ - جۇمعانشا 3 جىل وتە شىقتى، قازىر 2 وتباسىنداعىلار ءبىر ءۇيلى جانداي بەرەكەلى ءوتىپ كەلەدى.

  جوۋ اي - ۋ بىلاي دەدى: قيىنشىلىعى بار ۇيعۇر باۋىرلاستارعا كومەكتەسۋ − ىستەۋگە ءتيىستى جۇمىسىم، جاڭا داۋىردەگى شينجياڭعا كومەكتەسۋ قىزمەتى بىزدەن وسىنداعى بۇقارامەن قويان - قولتىق ارالاسۋدى، دوستاسۋدى قاجەت ەتەدى، مەنىڭشە، شينجياڭعا كومەكتەسۋدە، الدىمەن، شينجياڭدى قىزۋ ءسۇيۋ، بۇقارامەن ەتەنە بولۋ، از ۇلت جۇرتشىلىعىمەن قول ۇستاسىپ، جۇپتاسۋمەن قاتار، تىلەكتەس تۋىسقانداي دا بولۋ كەرەك، ولارمەن ەتەنە بولعاندا عانا، شينجياڭعا كومەكتەسۋ قىزمەتىن شىنايى جاقسى ىستەۋگە بولادى.

  2014 - جىلدىڭ باس شەنىندە، جوۋ اي - ۋ لوپنۇر اۋدانىنداعى ەڭ شالعاي، ۇيعۇر جۇرتشىلىعى حالىق سانىنىڭ %90ىن ۇستايتىن قارشىعا اۋىلىن ىرىقتىلىقپەن بايلانىس ءتۇيىنى ەتىپ تاڭدادى. جوۋ اي - ۋ ءار اپتادا اۋىل - قىستاققا بارىپ، شارۋا وتباسىلارىن ارالاپ، 2 دە 3 كۇن قونىپ، ءار ۇلت جۇرتشىلىعىمەن بىرگە تاماقتانىپ، بىرگە تۇرىپ، بىرگە ەڭبەك ىستەيدى، قارشىعا اۋىلىنداعى قىستاقتاردىڭ بار الابىندا جوۋ اي - ۋدىڭ ءىزى قالدى.

  11 - قازان تۇستە، قارشىعا اۋىلىنداعى زوھرام تىگىنشىلىك دۇكەنىنەن قاريدارلاردىڭ اياعى ۇزىلمەدى، دۇكەن قوجايىنى زوھرام ءيۇنۇس ىقىلاسپەن تانىستىرىپ، دەن قويا ولشەپ، مۇقيات ەستەلىككە الىپ ابىگەر... مۇنى كورگەندە، 3 جىلدىڭ الدىندا زوھرامنىڭ قىستاقتاعى قيىنشىلىعى بار وتباسى ەكەنىن مۇلدە ويلامايسىز.

  دۇكەن اشۋدان بۇرىن، زوھرامنىڭ وتباسى جەر ەگۋمەن شۇعىلداناتىن، ءۇپى - ءتاپى عانا كۇن كورەتىن. جوۋ اي - ۋ وتباسىلارىن ارالاپ جاعداي ۇعىسقاندا، زوھرامنىڭ ادەتتە كيىم - كەشەك تىگەتىن ەرەكشەلىگى بارىنان، ۇيىندەگىلەرى مەن تۋىس - تۋعاندارىنىڭ كيىم - كەشەگىن ءوز قولىمەن تىگەتىنىنەن حابار تاپتى. جوۋ اي - ۋ زوھرامدى وتباسىنان شىعىپ، دەربەس شارۋاشىلىق قۇرىپ، قوس قولىنا سۇيەنىپ قاجىرلىلىقپەن بايۋعا شابىتتاندىردى.

  قاجىرلى دا قاراپايىم، ىسكەر زوھرام ءوزىنىڭ كىشكەنتاي دۇكەنىن دەن قويا باسقارىپ كەلەدى، تىگىنشىلىك دۇكەنىنە كەلىپ كيىم تىكتىرەتىن قاريدارلار دا بارعان سايىن كوبەيدى. «قازىر دۇكەنىمىزدىڭ جىلدىق كىرىسى 40 مىڭ يۋاننان اسادى، بىلتىر دۇكەننىڭ 6000 يۋاندىق ماياقىسىن ءبىر جولدا تاپسىردىق. بيىل كوشەگە قاراعان وسى دۇكەندى 70 مىڭ يۋانعا ساتىپ الدىق. قازىر وتباسىمىزدىڭ تۇرمىسى بارعان سايىن جاقساردى، وسىنىڭ بارىنە جوۋ شۋجيدىڭ ارقاسىندا قول جەتكىزىپ وتىرمىز»، - دەدى زوھرامنىڭ كۇيەۋى راحمان ابدىرەيىم قۋانا.

  اۋقاتتانعان زوھرام ءالى دە اۋقاتتانباعان اۋىلداستارىن ەستەن شىعارمادى، 3 جىلدان بەرى ول ىلگەرىندى - كەيىندى 20 نەشە شاكىرت تاربيەلەدى، ولاردىڭ كەيبىرەۋى زوھرامنىڭ دۇكەنىندە ىستەيدى، كەيبىرەۋى ءوز الدىنا دۇكەن اشىپ الدى. ونىڭ شاكىرتى زۇلحۇمار مامەت سەنىممەن بىلاي دەدى: بۇل ارادا ىستەگەنىمە ءبىر جىلدان استى، كيىم - كەشەك ءپىشۋدى، تىگۋدى ۇيرەندىم، ايىنا تۇراقتى كىرىسىم بار، كەيىن مەن دە وسىنداي ءبىر دۇكەن اشامىن.

  حىبەي ولكەسى حىڭشۇي قالاسى شينجياڭعا باعىتتامالى كومەكتەسۋ قولباسشىلىق شتابىنداعى كادرلار 2014 - جىلدان بەرى جوۋ اي - ۋدىڭ جەتەكشىلىگىندە جەرگىلىكتى ورىنداعى 55 ۇيعۇر جۇرتشىلىقپەن سۇيەمەلدەۋ ماقساتىندا جۇپ بولىپ تابىسىپ، ولاردىڭ ءوندىرىس، تۇرمىس بارىسىندا ءىس جۇزىندىك قيىنشىلىقتارىن شەشۋىنە كومەكتەستى، ولارمەن ارالاسىپ، دوستىقتارىن كۇشەيتتى، شينجياڭعا كومەككە كەلگەن كادرلاردىڭ ءبارى وزدەرى جۇپتاسقان وتباسىمەن ۇلتتار ىنتىماعىن ۇگىتتەۋدىڭ ەلشىسى بولدى.

  شيڭپيڭ اۋىلىنداعى قىستاقتى كوتەرەگە العان كادر ي حۇڭبيڭ قۋانا بىلاي دەدى: جوۋ شۋجيدىڭ زور كۇشپەن دەمەۋىندە، بيىل شينجياڭعا كومەكتەسۋ قارجىسىنان پايدالانىپ، قىستاق تۇرعىندارىنىڭ مادەنيەت قيىملدارى ورتالىعى، قىستاق تۇرعىندارىنىڭ مادەنيەت دەمالىس الاڭى جانە قىستاقتاعى كوشەلەردى وزگەرتۋ سياقتى نىسانداردى شوعىرلى تۇردە اتقارىپ، قىستاقتىڭ قونىستانۋ ورتاسىن جاقسارتىپ، كورىكتى اۋىل - قىستاق دەڭگەيىن جوعارىلاتتىق، سونىمەن قاتار، ءار ۇلت جۇرتشىلىعىنىڭ جۇمىستان سىرتقى مادەنيەت تۇرمىسىن دا بايىتتىق.

  لوپنۇر اۋداندىق بۇقارالىق مادەنيەت، دەنە تاربيە، عىلىم - تەحنيكا قيمىل ورتالىعى؛ تۇتاس اۋدانداعى 1992 بەيقۇت ءۇي؛ جاڭادان سالىنعان قىستاق دارەجەلى 10 بازا مەن ءبىر الەۋمەتتىك اۋماق بازاسى؛ قىستاق ەمحاناسى؛ كورىكتى اۋىل - قىستاق قۇرىلىسى؛ نەگىزگى تۇلعالىق قۇرىلىسى اياقتاعان حىبەي «قوس ءتىل» تاجىريبە بالا باقشاسى... شينجياڭعا كومەككە كەلگەن كادرلار جەرگىلىكتى ورىنداعى ءار ۇلت جۇرتشىلىعىنىڭ ءوندىرىس، تۇرمىس بارىسىنداعى قيىنشىلىقتارىن جان دۇنيەلەرى ارقىلى شەشىپ، ءىس جۇزىندىك ارەكەتتەرىمەن ءوز بورىشتارىن وتەۋدە.

  بەرتىنگى جىلداردا، شينجياڭعا كومەككە كەلگەن شيپاگەرلەر شەت - شالعاي ەگىن، مال شارۋاشىلىق رايوندارىنا ءدارى - دارمەك اپارىپ بەردى جانە تەگىن اۋرۋ كوردى؛ لوپنۇر اۋدانى مەن حىڭشۇي ونەركاسىپ نىسانى، مادەنيەت - ساياحات كاسىبى جاقتارىندا سەلبەستىك جاساستى؛ ىشكى ولكەلەردەگى ساۋداگەرلەر لوپنۇر اۋدانىنا جاپا - تارماعاي كەلىپ تەكسەردى... وسىلاردىڭ بارلىعى حىڭشۇي مەن لوپنۇردى بايلانىستىرىپ تۇر، وسى كومەكتەر ءار ۇلت كادرلارى مەن جۇرتشىلىعىن جۇرەكتەس، تىنىستاس ەتتى.

  جوۋ اي - ۋ جانە ونىڭ شينجياڭعا كومەككە كەلگەن سەرىكتەرى تاماشا ۇيعۇر تىلىمەن ۇلتتار ىنتىماعىنىڭ كوپىرىن سالدى، تياناقتاندىرىلعان حالىق تۇرمىسى نىساندارى كومەككە يە بولعان ورىننىڭ ەكونوميكاسىن، قوعامىن دامىتۋدى ءار ۇلت جۇرتشىلىعىنىڭ مۇددەسىمەن جاقسى ۇشتاستىردى، شينجياڭعا كومەككە كەلگەن كادرلار مەن ءار ۇلت جۇرتشىلىعى شولدەگى توراڭعى سياقتى تامىرلاس، تىنىستاس بولىپ، شينجياڭنىڭ كەڭ بايتاق توپىراعىندا ۇلتتار ىنتىماعىنىڭ تىڭ داستانىن جازۋدا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.