بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

كۇشارداعى كەستەشى اپەكەلى - سىڭلىلەر: پارتيانىڭ ەرەكشە قامقورلىعى كوڭىلىمىزگە نۇر سيلادى

2016.10.21 13:42     كەلۋ قاينارى : شينجياڭ گازەتى

  تازا ءارى جارىق سەح ىشىندەگى ءبىرىڭعاي كيىنگەن كووپەراتيۆ جۇمىسشىلارى سەسترالارعا ارنالعان اق حالاتتى ۇلاسپالى جەلى بويىنشا تىگۋمەن قاربالاستادى؛ تۇتاستاي اۆتوماتتاسقان كەستە ماشيناسىنداعى جۇمىسشىلار تاعى ءبىر توپ كيىمدەرگە كاسىپورىننىڭ ادەمى ورنەگىن سالا باستادى... كۇشار اۋدانى ۇزىن اۋىلى ۇشقارا 2 - قىستاعىنداعى 4 مۋ جەرى، 200 نەشە كووپەراتيۆ جۇمىسشىسى بار كۇشار كەستەشى اپەكەلى - سىڭلىلەر كاسىپتىك كووپەراتيۆى مەملەكەت مەرەكەسى قارساڭىندا اشىلدى.

  «شي جينپيڭ جولداس باس شۋجي بولعان پارتيا ورتالىق كوميتەتىنىڭ ەرەكشە قامقورلىعى بولماعاندا، ءبىزدىڭ ءوزىمىزدىڭ كەستەشىلەر كووپەراتيۆىمىز بولۋى مۇمكىن ەمەس ەدى، كووپەراتيۆتى قۇرۋ بارىسىندا كوپتەگەن ماسەلەلەرگە جولىقتىق، ءار دارەجەلى پارتكوم، ۇكىمەت بىزگە كوپ كوڭىل ءبولدى ءارى كومەكتەستى، پارتيانىڭ قامقورلىعى كوڭىلىمىزگە نۇر سيلادى»، - دەيدى 16 - قازاندا كۇشار كەستەشى اپەكەلى - سىڭلىلەر كاسىپتىك كووپەراتيۆىنىڭ جاۋاپتىسى حانايشام ءانۋار.

  حانايشام ۇشقارا 2 - قىستاعىنىڭ تۇرعىنى، وتباسىنىڭ جىلدىق كىرىسى 40 مىڭ يۋاندى قۇرايدى. ءسىڭلىسى ميھىرگۇل ءانۋار 2013 - جىلى جارىق ءارى تازا بەيقۇت ۇيگە كوشىپ كىردى، سول جىلى تاعى ءبىر جاڭا ۇيگە كوشىپ كىرگەن اتا - اناسىنىڭ قولىندا 30 مۋ جەرى، 70 نەشە قويى، 11 سيىرى بار. «بۇرىندارى تەك جۇگەرى ۇنىنان پىسىرىلگەن نان جەيتىن ەدىك، قازىر ەتسىز تاماق جەمەيمىز، تۇرمىسىمىز تۇلەجىدى»، - دەيدى ميھىرگۇل.

  وزدەرىنىڭ پارتياعا دەگەن العىسىن ءبىلدىرۋ ءۇشىن، حانايشام اپەكەلى - ءسىڭلى 2 اي ۋاقىت جۇمساپ، «جۇڭگو ارمانىنا قاتار قانات قاعايىق» اتىنداعى كانۋا كەستە تىككەن. 2015 - جىلى تامىزدا ولار 700 − 800 كيلومەتر جول باسىپ ءۇرىمجى قالاسىنا كەلىپ، اۆتونوميالى رايوندىق پارتكومعا بۇل كەستەنى باس شۋجي شي جينپيڭگە بەرۋدى اماناتتادى. حانايشام اپەكەلى - ءسىڭلى باس شۋجي شي جينپيڭگە جازعان حاتىندا بىلاي دەگەن: «سۋ ىشكەندە قۇدىق قازۋشىنى ۇمىتپا دەگەن اتالى ءسوز بار. بۇگىنگىدەي باقىتتى كۇندەرىمىزدىڭ بولۋى ءبارى دە پارتيا مەن ۇكىمەتتىڭ ابزال ساياساتىنان، ءسىزدىڭ بىزدەرگە قامقورلىعىڭىزدان كەلىپ وتىر، ءوز قولىمىزبەن تىگىلگەن مىنا كەستە ارقىلى ۇلى جۇڭگو ارمانىن ىسكە اسىرۋ تىلەگىمىزدى جانە سىزگە دەگەن العىسىمىزدى ءبىلدىرۋدى ءۇمىت ەتەمىز».

  كوپ وتپەي ءدال وسى كانۋا كەستە بەيجيڭدە اشىلعان «وتاننىڭ قۇشاعىندا − شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىق تابىستار كورمەسىنە» قويىلدى. سول جىلى 30- قىركۇيەكتە، باس شۋجي شي جينپيڭ ىشكى موڭعۇل، گۋاڭشي، شيزاڭ، نيڭشيا، شينجياڭ سياقتى 5 اۆتونوميالى رايوننىڭ نەگىزگى ساتىسىنان كەلگەن ۇلتتار ىنتىماعىنىڭ 13 تاڭداۋلى ۋاكىلىن بەيجيڭدەگى مەملەكەت مەرەكەسى قيمىلىنا قاتىناسۋعا شاقىردى ءارى ولارمەن شىن ىقىلاسپەن كەزدەستى.

  «باس شۋجي ءبىزدى قابىلداعاندا: جاپپاي دوڭگەلەك داۋلەتتى قوعام قۇرۋدا، بىردە - ءبىر ۇلت قاعىس قالمايدى؛ ۇلتتار ىنتىماعى − ءار ۇلت حالقىنىڭ جان تامىرى؛ كەمەنىڭ كۇشى جەلكەنىندە، ادامنىڭ كۇشى نيەتىندە... دەدى. ول كىسىنىڭ بارلىق ءسوزى جۇرەك تۇكپىرىمىزدەن ورىن الدى. <ءار ۇلت باۋىرلاستار، ءسوزسىز، تىعىز ىنتىماقتاسىپ، باۋىرلاستىق نيەتپەن ارماندى بىرگە ىسكە اسىرىپ، ۇلتتار ىنتىماعىنىڭ ونەگەسى، ەڭبەكپەن اۋقاتتانۋدىڭ ۇلگىسى بولۋعا قۇلشىنۋى كەرەك> دەگەندى اۋىلداستارىمىزعا ۇنەمى دارىپتەپ كەلەمىز»، - دەيدى حانايشام.

  «ءبىز ءوزىمىزدىڭ كەستەشىلەر كووپەراتيۆىمىزدى قۇرىپ، ءوزىمىز كووپەراتيۆ باستىعى بولىپ، اپەكە - سىڭلىلەرىمىزدى اۋقاتتانۋعا باستاۋدى ارمانداپ كەلگەنبىز. باس شۋجي شي جينپيڭنىڭ قابىلداۋى ءبىزدىڭ كووپەراتيۆ قۇرۋ ويىمىزدى ءتىپتى دە بەكەمدەدى»، - دەيدى حانايشام.

  كەستەشىلەردىڭ ارمانىن ىسكە اسىرۋىنا جان - جاقتان كومەك بەرىلدى. اۆتونوميالى رايوندىق ەكونوميكا جانە ينفورماتسيا كوميتەتى، حالىق ىستەرى مەڭگەرمەسى، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، ونەركاسىپ - ساۋدا مەكەمەسى، جەڭىل ونەركاسىپ كاسىبى كەڭسەسى سياقتى قاتىستى مەڭگەرمە، مەكەمە جانە كۇشار اۋدانى اۋدان، قالاشىق، قىستاق 3 دارەجە بويىنشا قارجى، تاربيەلەۋ، تەحنيكا، بازار سياقتى جاقتاردا قولداۋ كورسەتتى، نيڭبو قالاسىنىڭ شينجياڭعا كومەكتەسۋدەگى قولباسشىلىق ورنى ءبىر ميلليون 500 مىڭ يۋان قارجىمەن كومەكتەستى.

  حانايشام بىلاي دەدى: ارمانىمىزدىڭ ىسكە اسقانىن پارتيانىڭ ەرەكشە قامقورلىعىنان بولە قارامايمىز. باقىتتى كۇندەرىمىزدىڭ قالاي كەلگەنىن ۇرپاقتار بويى ەستە بەرىك ساقتاتۋ ءۇشىن، الداعى جەردە ءوز اڭگىمەمدى بالالارىما ۇنەمى ايتىپ وتىرامىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.