- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيانى جاپپاي قاتاڭ باسقارۋدىڭ داۋىرلىك جاۋابىن جازايىق
− پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ اشىلۋى قارساڭىندا
2016.10.25 10:06 كەلۋ قاينارى : شينجياڭ گازەتى
مەملەكەتتى باسقارۋ ءۇشىن، الدىمەن پارتيانى باسقارۋ، پارتيانى باسقارۋدا، ءسوز جوق، قاتاڭ بولۋ كەرەك.
بۇل − تار جول، تايعاق كەشۋدەن وتكەن 95 جىلدا، جۇڭگو كوممۋنيستىك پارتياسىنىڭ مەملەكەتتى قۇلدىراۋدان وركەندەۋگە باستاۋىنىڭ داۋىرلىك تولعاۋى.
بۇل − ۇلى گۇلدەنۋ جورىعىنا قادام تاستاعان جۇڭگو كوممۋنيستىك پارتياسىنىڭ حالىقتى باستاپ، ۇزدىكسىز العا باسقانداعى ايبىندى سەرتى.
بۇل − ماڭگى ۇزىلمەس سىناقتارعا تولى ۇلى جولدا جۇڭگو كوممۋنيستىك پارتياسىنىڭ ادال جۇرەكپەن جازعان جاڭا جاۋابى.
تاريح − كۋاگەر، حالىق ءۇمىت كۇتۋدە. 2016 - جىلى 24 - قازاننان 27 - قازانعا دەيىن پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى بەيجيڭدە اشىلادى. شي جينپيڭ جولداس باس شۋجي بولعان پارتيا ورتالىق كوميتەتى پارتيانى جاپپاي قاتاڭ باسقارۋ جونىندە جالپى بەتتىك، جۇيەلى ستراتەگيالىق ورنالاستىرۋ جاساپ، پارتيا قۇرىلىسىنىڭ شۇعىلالى تاريحىنا ءداۋىردىڭ ەن - تاڭباسىن سالىپ، جۇڭگوشا سوتسياليزم ىستەرىن ءتىپتى كەڭ جاڭا ورىسكە باستايدى.
پارتيانى جاپپاي قاتاڭ باسقارىپ، «ءتورتتى جاپپاي ورىنداۋدى» تىڭ بەلەسكە كوتەرۋ
«سوم تەمىر سوعۋعا قۇرىش بىلەك كەرەك. ءبىزدىڭ جاۋاپكەرشىلىگىمىز − بۇكىل پارتياداعى جولداستارمەن بىرگە، پارتيانى پارتيا باسقارۋ، پارتيانى قاتاڭ باسقارۋعا تاباندى بولىپ، ءوز بويىمىزدا ءومىر ءسۇرىپ وتىرعان كورنەۋ ماسەلەلەردى شىن مانىندە شەشىپ، قىزمەت ستيلىن شىن مانىندە جاقسارتىپ، بۇقارامەن بايلانىستى نىعايتىپ، پارتيامىزدىڭ قاشاندا جۇڭگوشا سوتسياليزمنىڭ پارمەندى باسشىلىق ۇيتقىسى بولا بەرۋىنە كەپىلدىك ەتۋ».
4 جىل ىلگەرى باس شۋجي شي جينپيڭ جاڭا قىزمەتكە كىرىسكەندە، جۇڭگولىق، شەتەلدىك تىلشىلەر الدىندا بەرگەن ايبىندى سەرتى جۇڭگوشا سوتسياليزم ۇلى ىستەرىنىڭ جاڭا جورىعىن باستادى.
«جاپپاي دوڭگەلەك داۋلەتتى قوعام قۇرۋ، رەفورمانى جاپپاي ىلگەرىلەتۋ، مەملەكەتتى زاڭمەن باسقارۋدى جاپپاي ىلگەرىلەتۋ، پارتيانى جاپپاي قاتاڭ باسقارۋ ىستەرىن سايكەستى ىلگەرىلەتىپ، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ تىڭ بەلەسكە كوتەرىلۋىن جەبەۋ قاجەت».
2 جىل ىلگەرى باس شۋجي شي جينپيڭ جياڭسۋدا قىزمەت تەكسەرگەندە، پارتيانى جاپپاي قاتاڭ باسقارۋ − پارتيا قۇرىلىسىنىڭ جاڭا، ۇلى ينجەنەرياسىن ىلگەرىلەتۋدىڭ قاجەتتى تالابى، − دەپ اتاپ كورسەتتى.
«پارتيانى قاتاڭ باسقارۋ» دەگەن تىركەسكە ۇستەلگەن «جاپپاي» دەگەن ءسوز قازىرگى جۇڭگو كوممۋنيستەرىنىڭ كورەگەندىگى مەن جاۋاپكەرشىلىگىن ايگىلەدى.
شي جينپيڭ جولداس باس شۋجي بولعان پارتيا ورتالىق كوميتەتى بۇكىل پارتيادا «پارتيانى جاپپاي قاتاڭ باسقارۋ» دەگەن ماڭىزدى پايىمدى العا قويدى ءارى جاپپاي دوڭگەلەك داۋلەتتى قوعام قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن باسقارۋمەن بىرگە، «ءتورتتى جاپپاي ورىنداۋ» ستراتەگيالىق ورنالاستىرۋى دەگەن ماڭىزدى يدەيانى قالىپتاستىرىپ، پارتيامىزدىڭ ەل باسقارىپ، بيلىك جۇرگىزۋدەگى جاڭا وي ءورىسىن كەڭىتىپ، جۇڭگوشا سوتسياليزمنىڭ نازاريالىق جۇيەسىنە جاڭا داۋىرلىك ءمان ۇستەدى.
پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە رەفورمانى جاپپاي تەرەڭدەتۋ زەرتتەلىپ، ورنالاستىرىلدى، ءتورتىنشى جالپى ماجىلىسىندە مەملەكەتتى جاپپاي زاڭمەن باسقارۋ زەرتتەلىپ، ورنالاستىرىلدى، بەسىنشى جالپى ماجىلىسىندە جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنىڭ اتتانىسقا كەلۋ دابىلى قاعىلدى. الدا اشىلاتىن التىنشى جالپى ماجىلىستە پارتيانى جاپپاي قاتاڭ باسقارۋ جونىندەگى ماڭىزدى ماسەلەلەر زەرتتەلىپ، «ءتورتتى جاپپاي ورىنداۋ» ستراتەگيالىق ورنالاستىرۋى ءتىپتى جۇيەلى تۇردە تىڭ بەلەسكە كوتەرىلەدى.
تاريح پارتيا مەن حالىق ىستەرى قاي ساتىعا دەيىن دامىسا، پارتيا قۇرىلىسىن سول ساتىعا دەيىن ىلگەرىلەتۋ كەرەك دەگەن تەرەڭ قاعيدانى ۇعىندىردى.
ومىرگە كەلگەن كۇننەن باستاپ، جۇڭگو كوممۋنيستىك پارتياسىنىڭ دامۋى مەن ءوسۋى مەملەكەتتىڭ بولاشاعىمەن، ۇلتتىڭ تاعدىرىمەن تىعىز بايلانىستى بولىپ وتىردى. پارتيامىزدىڭ وزىندىك قۇرىلىسى ويداعىداي يگەرىلگەندە عانا، پارتيا باسشىلىق ەتكەن ىستەردىڭ ءساتتى تۇردە العا ىلگەرىلەي الاتىندىعىن اماليات قايتا - قايتا دالەلدەدى.
جاڭا تاريحي باستامادا جۇڭگوشا سوتسياليزمگە تاباندى بولۋ، ونى دامىتۋدا، پارتيامىز ءدوپ كەلگەن بيلىك جۇرگىزۋ سىناعى، رەفورما جاساۋ، ەسىك اشۋ سىناعى، بازار ەكونوميكاسىنىڭ سىناعى، سىرتقى ورتانىڭ سىناعى ۇزاق مەرزىم جالعاسادى، كۇردەلى، اۋىر بولادى، رۋحاني سالعىرتتىقتىڭ قاتەرى، قابىلەت جەتىمسىزدىگىنىڭ قاتەرى، بۇقارادان قول ءۇزۋ قاتەرى، كەرەناۋ ءىرىپ - ءشىرۋ قاتەرى بۇكىل پارتيانىڭ الدىنا ءتىپتى وتكىر تۇردە قويىلدى. پارتيانى باسقارۋ، جونگە سالۋدىڭ كەڭ، بوساڭ، ءالسىز بولۋ ماسەلەسىن شەشۋ بۇرىنعى ءارقانداي كەزدەگىدەن دە كوكەي تەستى بولىپ وتىر.
بيىكتە تۇرىپ، الىستى بولجاعان باس شۋجي شي جينپيڭ «ءبىز، ءسوز جوق، ءتىپتى زور بەكىم مەن باتىلدىق ارقىلى پارتيانىڭ وزىندىك قۇرىلىسىن ويداعىداي يگەرىپ، پارتيانىڭ دۇنيە ءجۇزىنىڭ جاعدايى تەرەڭ وزگەرىسكە ۇشىراعان تاريحي ۇدەرىستە قاشاندا ءداۋىردىڭ الدىڭعى لەگىندە جۇرۋىنە، ىشكى، سىرتقى ءتۇرلى قاتەر مەن سىناققا توتەپ بەرۋدىڭ تاريحي ۇدەرىسىندە قاشاندا بۇكىل ەلدەگى حالىقتىڭ تىرەگى بولۋىنا، جۇڭگوشا سوتسياليزمدى دامىتۋدىڭ تاريحي ۇدەرىسىندە قاشاندا پارمەندى باسشىلىق ۇيتقى بولا بەرۋىنە كەپىلدىك ەتۋىمىز كەرەك» دەپ اتاپ كورسەتتى.
جاپپاي باسقارۋ ءتىپتى قاتاڭ بولۋدى قاجەت ەتەدى، ءتىپتى قاتاڭ بولعاندا عانا جاپپاي باسقارۋعا بولادى.
پارتيانىڭ 18 - قۇرىلتايىندا پارتيا قۇرىلىسى جونىندە 8 جاقتان ورنالاستىرۋ جاسالعاننان پارتيانىڭ بۇقارالىق لۋشيانى جونىندەگى تاربيە جانە اماليات قيمىلىن قورىتىندىلاۋ جينالىسىندا جاڭا جاعدايدا پارتيانى قاتاڭ باسقارۋعا تاباندى بولۋ جونىندە 8 تالاپ ورتاعا قويىلعانعا دەيىن، پارتيانىڭ 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە پارتيا قۇرىلىسى ءتۇزىمىن رەفورمالاۋ رەفورمانى جاپپاي تەرەڭدەتۋدىڭ جالپى ورنالاستىرۋىنا ەنگىزىلگەننەن پارتيا 18 - كەزەكتى ورتالىق كوميتەتىنىڭ ءتورتىنشى، بەسىنشى جالپى ماجىلىستەرىندە پارتيانىڭ باسشىلىعىن كۇشەيتۋ جانە جاقسارتۋ قايتالاي دارىپتەلگەنگە دەيىن... پارتيانى جاپپاي قاتاڭ باسقارۋدىڭ نەگىزگى جوباسى مەن عىلمي ءمانى بارعان سايىن كەمەلدەنە ءتۇستى.
جۇڭگو كوممۋنيستىك پارتياسىنىڭ پارتيانى جاپپاي قاتاڭ باسقارۋ جولىنداعى ىزدەنىسى مەن امالياتى جاڭا داۋىردەگى سىناقتاردان سۇرىنبەي وتۋگە پارمەندى كەپىلدىك ازىرلەدى −
جۇڭگوشا سوتسياليزم ۇلى ءىسىنىڭ ءورىسىن كەڭەيتۋدە، باعىتتى يگەرۋ، جالپى جاعدايدى جوبالاۋ، ستراتەگيا ۇسىنۋ، ساياسات بەلگىلەۋ قابىلەتىن جوعارىلاتقاندا عانا، پارتيامىز «جۇڭگو اتتى» الىپ كەمەنىڭ تولقىن جارا العا ىلگەرىلەپ، جۇڭحۋا ۇلتى ۇلى گۇلدەنۋىنىڭ جارقىن جاعالاۋىنا بەت الۋىنا باعدار سىلتەي الادى.
پارتيا قۇرىلىسىنىڭ جاڭا، ۇلى ينجەنەرياسىن ىلگەرىلەتۋدە، رۋحاني جاقتان سەرپىلىپ، قابىلەت جاعىنان ۇشتالىپ، ستيل جاعىنان ىسىلعاندا عانا، پارتيامىز العاباسارلىق پەن كىرشىكسىزدىكتى ماڭگى ساقتاپ، قاشاندا ءداۋىردىڭ الدىڭعى لەگىندە جۇرە الادى.
كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋدە، كۇش - قۋاتتى بىرىكتىرىپ، قيىنشىلىقتان تايسالماي، بەلسەندىلىكپەن ورگە ۇمتىلۋ، ءورىس اشا العا باسۋ، باتىلدىقپەن كۇرەس جۇرگىزۋ كۇيىمەن سوم «تەمىر» سوعا بىلگەندە عانا، پارتيامىز حالىقتى باستاپ، قيىن - قىستاۋ كەزەڭنەن ءوتىپ، جەڭىستەن - جەڭىسكە جەتە بەرەدى.
پارتيانى جاپپاي قاتاڭ باسقارىپ، پارتيا قۇرىلىسىنىڭ جاڭا داستانىن جازۋ
88 ميلليوننان اسا مۇشەسى، 4 ميلليون 400 مىڭنان اسا ۇيىمى بار الەمدەگى ءبىرىنشى ۇلكەن پارتيا رەتىندە، قاتەردەن تايسالماي، شىرعاعا تۇسپەي، ومىرشەڭدىك كۇشىن ماڭگى ساقتاۋ استە ءبىر كۇندىك شارۋا ەمەس، ءبىر جولدا تاپ - تۇيناقتاي ورىندالاتىن شارۋا دا ەمەس.
«پارتيانىڭ جاسامپازدىق، ۇيىمشىلدىق، جاۋىنگەرلىك قابىلەتتەرىنە اسەر ەتەتىن ماسەلە اتاۋلىنىڭ بارلىعىن بار كۇشپەن شەشۋ، پارتيانىڭ العاباسارلىعى مەن كىرشىكسىزدىگىنە زيان كەلتىرەتىن كەسەل اتاۋلىنىڭ بارلىعىن تۇبەگەيلى جويۋ، پارتيانىڭ تۇلعاسىنا ونگەن ۋلى وسپە اتاۋلىنىڭ بارلىعىن باتىل تۇردە الاستاۋ كەرەك...».
پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى بيىكتە تۇرىپ، الىستى بولجاپ، زامان اۋقىمىن بارلاپ، پارتيانى جاپپاي قاتاڭ باسقارۋعا جۇيەلى ورنالاستىرۋ جاساپ، بىرتىندەپ ءورىس الدىردى، پارتيا قۇرىلىسىندا ايقىن داۋىرلىك ەرەكشەلىك جارىققا شىقتى.
مۇرات - سەنىم ارقىلى پارتيانى جاپپاي قاتاڭ باسقارۋعا باعدار سىلتەدى −
«قانشا الىسقا ۇزاپ، قانشا نۇرلى بولاشاققا جەتسەك تە، باسىپ وتكەن جولدارىمىزدى، نە ءۇشىن جولعا شىققانىمىزدى ۇمىتۋعا استە بولمايدى».
4 جىلدان بەرى شي جينپيڭ جولداس باس شۋجي بولعان پارتيا ورتالىق كوميتەتى قاشاندا «توڭكەرىستىك مۇرات اسپاننان دا بيىك» دەگەن سەنىممەن رۋحتى سومداپ، نەگىزدى بەكەمدەۋ، بۇلاقتىڭ كوزىن اشۋ ولشەمىمەن جۇرەكتى تازارتىپ، بۇكىل پارتيانى يدەيا، ستيل، پارتيالىلىق جاقتاردان شوعىرلى جانە ۇزدىكسىز تۇردە «كالتسي تولىقتاپ»، «جانار ماي ۇستەۋگە» باستادى.
پارتيانىڭ باسشىلىق ۇيتقىلىق ورنىن بەكەمدەۋ ارقىلى پارتيانى جاپپاي قاتاڭ باسقارۋدىڭ باعىتىن ايقىندادى −
2015 - جىلى قاڭتاردان باستاپ ورتالىق كوميتەتتىڭ ساياسي بيۋروسى كوپ مارتە ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى سياقتى «5 ۇلكەن القانىڭ» قىزمەت مالىمەتىن تىڭدادى.
الىپ كەمەنىڭ ءساتتى ساپارى سارابدال، سالماقتى باستاۋشىعا مۇقتاج. پارتيانىڭ باسشىلىعىنا تاباندى بولۋ ءۇشىن، ءسوز جوق، قاي - قاشان دا پارتيانىڭ جالپى جاعدايدى مەڭگەرىپ، ءتۇرلى جاقتاردى سايكەستىرىپ وتىراتىن باسشىلىق ۇيتقى ورنىنا تاباندى بولۋ كەرەك.
پارتيانىڭ فيلوسوفيا جانە قوعامدىق عىلىمدار قىزمەتىنە باسشىلىعىن كۇشەيتۋ جانە جاقسارتۋ − ەلىمىزدىڭ فيلوسوفيا جانە قوعامدىق عىلىمدار ىستەرىن گۇلدەندىرۋ، دامىتۋدىڭ ءتۇبىرلى كەپىلى؛ پارتيانىڭ اقپارات جانە قوعامدىق پىكىر قىزمەتىنە باسشىلىعىن كۇشەيتۋ جانە كەمەلدەندىرۋ − اقپارات جانە قوعامدىق پىكىر قىزمەتىنىڭ ءساتتى، اقاۋسىز دامۋىنىڭ ءتۇبىرلى كەپىلى؛ پارتيانىڭ مەملەكەت يەلىگىندەگى كاسىپورىندارعا باسشىلىعىن كۇشەيتۋ جانە كەمەلدەندىرىپ، مەملەكەت يەلىگىندەگى كاسىپورىنداردىڭ پارتيا قۇرىلىسىن كۇشەيتۋ جانە جاقسارتۋ قاجەت... 4 جىلدان استام ۋاقىتتان بەرى باس شۋجي شي جينپيڭنىڭ ماڭىزدى بايىمداۋلارى پارتيانىڭ باسشىلىعىن كۇشەيتىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن ۇزبەي نىعايتۋدىڭ قاجەتتىلىگى مەن ماڭىزدىلىعىن تەرەڭ اشىپ كورسەتىپ، پارتيانىڭ ورتالىقتاندىرىلعان بىرلىگىن كۇشەيتىپ، پارتيا ورتالىق كوميتەتىنىڭ مارتەبەسىن سانالى تۇردە قورعاۋدى پارتيانى جاپپاي قاتاڭ باسقارۋدىڭ ماڭىزدى باعدارناماسىنا اينالدىرۋدى ايقىن اتاپ كورسەتتى.
«مەنەن باسقا كىم بار» دەيتىن باتىلدىق پەن جاۋاپكەرشىلىك ارقىلى پارتيانى جاپپاي قاتاڭ باسقارۋعا ورالعى بولعان بوگەتتەردى تاس - تالقان ەتتى − پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى اشىلۋدىڭ قارساڭىندا، تاقىرىپتىق تەلەفيلم «ماڭگى جول ۇستىندەمىز» كورسەتىلدى، پارتيانىڭ 18 - قۇرىلتايىنان بەرى «اتتان جىعىلعان» جوعارى دارەجەلى كادرلاردىڭ ەگجەي - تەگجەيلى جەمقورلىق جايتتەرى مەن ولاردىڭ تەمىر توردىڭ ار جاعىنان ايتقان تاۋبەسى جالپاق جۇرتقا باياندالدى.
«ءوز ورتاسىنداعى بىلىق - شىلىقتى» باتىلدىقپەن پاش ەتۋ − ساياسي پارتيانىڭ وراسان زور ساياسي باتىلدىعى مەن بيلىك جۇرگىزۋ سەنىمىنىڭ كورىنىسى، پارتيامىزدىڭ ۇزدىكسىز تۇردە پارتيانى جاپپاي قاتاڭ باسقارىپ، جەمقورلىققا قارسى كۇرەستى ىشكەرىلەي ورىستەتۋ جونىندەگى بەرىك بەكىمىنىڭ ايگىسى.
بىلايعى جۇرت جەمقورلىققا قارسى تۇرۋ اۋقىمىنا كۇدىكپەن قاراعان كەزدە پارتيا ورتالىق كوميتەتى باستان - اياق «تيىم سالىنعان رايون بولماۋ، جالپى بەتتىك قامتۋ، نولدىك ءتوزىم» سىندى بەرىك بەكىممەن «جولبارىستى سوعىپ»، «شىبىندى ۇرىپ»، «تۇلكىنى اۋلاپ»، جوۋ يۇڭكاڭ، بو شيلاي، شۇي سايحوۋ، گو بوشيۇڭ، ليڭ جيحۋا، سۋ رۇڭ، جوۋ بىنشۇن قاتارلى ءبىر توپ جەمقوردى زاڭنىڭ قاتاڭ جازاسىنا تارتتى.
«ارينە، سالماقتاپ كوردىك. ءبىراق ءبىز پارتيانىڭ نەگىزگى ماقساتىن، حالىقتىڭ ءۇمىتىن ايقىن تانىدىق». «جەمقورلارعا جاماناتتى بولمايمىز دەسەك، ءبىر ميلليارد 300 ميلليون حالىق جۇرتشىلىعىنا جاماناتتى بولامىز»... باس شۋجي شي جينپيڭنىڭ سوزدەرى قۇلاعىمىزدىڭ تۇبىنەن ساڭقىلداپ ەستىلگەندەي.
«اس ۇستەلىندەگى ىسىراپشىلدىق»، «ساۋىقحانالارداعى بۇرىس ستيل»، «اۆتوكولىككە بايلانىستى بەي - بەرەكەتتىك» جونگە سالىنىپ، ولشەمنەن اسقان قىزمەت ۇيلەرى، ۇكىمەت اقشاسىمەن تۇتىنۋ، «بالا - شاعاسى شەتەلدەگى ۇلىقتار»، «شاعىن قور»، «ىستەمەي تىستەۋ» اداقتالدى... پارتيانى جاپپاي قاتاڭ باسقارۋ سىندى جاۋاپكەرشىلىك رۋح جوعارى تومەنگە ۇلگى - ونەگە كورسەتۋدە، ناقتى ءىس - ارەكەتتە بەينەلەندى. ورتالىق كوميتەتتىڭ ساياسي بيۋروسى «8 ءتۇرلى بەلگىلەمەنى» باستاماشىلدىقپەن اتقاردى، ورتالىق كوميتەت ساياسي بيۋروسىنىڭ تۇراقتى مۇشەلەرى بۇقارالىق لۋشيان تاربيەسىن امالياتتا ايگىلەۋ قيمىلىنا سايكەستى بايلانىس تۇيىندەرىنە دۇركىن - دۇركىن ىشكەرىلەي بارىپ، پارتيا ىشىندەگى باقىلاۋدى، ءمانساپتىلاردى قاتاڭ مەڭگەرۋدى كۇشەيتىپ، «شەشۋشى ازشىلىقتى» مىقتى يگەرۋ باسا دارىپتەلدى. پارتيانى جاپپاي قاتاڭ باسقارۋ پارتيا ستيلىن، ۇكىمەت ستيلىن سەرپىلتىپ، پارتيا ىشىندەگى ساياسي ەكولوگيانى شىت جاڭا تۇسكە ەنگىزدى.
2014 - جىلى قىركۇيەكتە ا ق ش - تىڭ «نيۋ - يورك ۋاقىت گازەتى» «جولبارىستى سوعۋ، شي جينپيڭ بۇقاراعا دەم بەردى» اتتى ماقالاسىندا جەمقورلىققا قارسى تۇرۋ ارەكەتى قانات جايدىرىلعاننان كەيىن جۇڭگو بۇقاراسىنىڭ ەندىگارى اقشامەن «ارتقى ەسىك ىزدەپ» بالاسىن اسكەرگە، وقۋعا جىبەرۋ ءۇشىن سابىلمايتىن بولعاندىعى سىندى ناقتى حيكاياسىن باياندادى.
پارتيانى بەلگىلەمە بويىنشا باسقارۋ ارقىلى پارتيانى جاپپاي، قاتاڭ باسقارۋدىڭ نەگىزىن بەكەمدەدى −
75 جىلدىڭ الدىندا ورتالىق كوميتەتتىڭ ساياسي بيۋروسى پارتيامىز قۇرىلعاننان بەرگى پارتيالىلىقتى كۇشەيتۋدى باستى تاقىرىپ ەتكەن تۇڭعىش حۇجات «ج ك پ ورتالىق كوميتەتىنىڭ پارتيالىلىقتى كۇشەيتۋ جونىندەگى قارارىن» ماقۇلدادى. وندا: وسىنداي قۇدىرەتتى، ءبىر تۇتاس، ورتالىقتانعان پارتيا بولماسا توڭكەرىس بارىسىنداعى ۇزاق ۋاقىتتىق قيان - كەسكى، كۇردەلى كۇرەسكە توتەپ بەرۋگە، ءوزىمىز ارقالاپ وتىرعان ۇلى تاريحي مىندەتتى ورىنداۋعا بولمايدى، - دەلىنگەن.
«پارتيانى جاپپاي، قاتاڭ باسقارۋ ءۇشىن يدەيا ارقىلى پارتيا قۇرۋ مەن ءتۇزىم ارقىلى پارتيانى باسقارۋدى تىعىز ۇشتاستىرۋعا تاباندى بولۋ، ءتۇزىمنىڭ مەڭگەرۋىن جان - جاقتى كۇشەيتۋ، پارتيانى كوبىنەسە ءتۇزىم ارقىلى باسقارۋ، ۇقىقتى يگەرۋ، ءمانساپتىلاردى تىزگىندەۋ كەرەك». ۇزاق ۋاقىتتىق شىڭدالۋدان كەيىن جاڭا داۋىردە پارتيانى جاپپاي، قاتاڭ باسقارۋدىڭ اياق الىسى ءتىپتى دە پارمەندى، بەكەم بولا ءتۇستى.
باس شۋجي شي جينپيڭنىڭ نۇسقاۋىنداعى تالاپقا ساي 4 جىلدان استام ۋاقىتتان بەرى پارتيا ىشىندەگى زاڭ - بەلگىلەمە قىزمەتىن ءبىر تۇتاس جوسپارلاپ، جاپپاي يگەرۋ، سايكەستىرۋ سەرپىنى بۇرىن بولماعان دارەجەدە كۇشەيدى. اناعۇرلىم كوپ «بىرىنشىلەر» پارتيا ىشىندەگى زاڭ - بەلگىلەمە قىزمەتىن العا ىلگەرىلەتىپ، بىرتىندەپ كەمەلدى جۇيەنى قالىپتاستىردى:
ورتالىق پارتيا ىشىندەگى زاڭ - بەلگىلەمە مەن ارناعا تۇسكەن حۇجاتتاردى پارتيانىڭ تاريحىندا تۇڭعىش رەت شوعىرلى تۇردە اداقتادى، پارتيا ىشىندەگى زاڭ - بەلگىلەمە مەن ارناعا تۇسكەن حۇجاتتاردى ەستەلىككە الىپ سارالاۋ ءتۇزىمىن ورناتتى، پارتيا ىشىندەگى زاڭ - بەلگىلەمەلەرگە تۇسىنىك جاساۋ جونىندەگى تۇڭعىش بەلگىلەمەنى باسىپ تاراتتى، پارتيا ىشىندەگى زاڭ - بەلگىلەمە قىزمەتى جونىندەگى 5 جىلدىق جوبا جەلىسىن تۇڭعىش رەت جاسادى، ورتالىق كوميتەتتىڭ شۋجيچۋى پارتيا ىشىندەگى زاڭ - بەلگىلەمە قىزمەتىنىڭ جاعدايى جونىندە ءار ۋاقىت مالىمەت تىڭداپ تۇردى، ورتالىقتىڭ پارتيا ىشىندەگى زاڭ - بەلگىلەمە قىزمەتىنىڭ بىرلەسكەن ءماجىلىس ءتۇزىمى رەسمي ورناتىلدى... پارتيا ورتالىعى كىشكەنتاي ىستەردەن تارتىپ ىسكە كىرىسىپ، ناقتى ىستەرگە كۇش سالىپ، ءتۇزىمنىڭ قۇدىرەتىن بارىنشا كۇشەيتىپ، ۇقىقتىڭ «جۇگەنسىزدىگىنە» ەندىگارى مۇمكىندىك قالدىرمادى.
رەفورما جاساۋ، جاڭالىق اشۋ ارقىلى پارتيانى جاپپاي، قاتاڭ باسقارۋعا قوزعاۋشى كۇش بەردى −
«كەي باسشى كادرلاردىڭ ساياسي سەزگىرلىگى مەن ساياسي پارىقتاۋ قابىلەتى ونشالىقتى كۇشتى ەمەس»، «كەي كەلەلى، كىلتەڭ ىستەردى الدىن الا مولشەرلەۋ مەن وعان توتەپ بەرۋدى ونان ارى كۇشەيتۋ كەرەك»، «بەلگىلى دارەجەدە فورماشىلدىق پەن تورەشىلدىك ءومىر سۇرۋدە»...
17 - قازاندا ورتالىق ءتارتىپ تەكسەرۋ كوميتەتى، باقىلاۋ - تەكسەرۋ مينيسترلىگىنىڭ سايتى 5 ورىندى شارلاۋ ناتيجەسىن قۇلاق قاعىس ەتۋ جاعدايىن جاريالادى. سونىمەن پارتيا 18 - كەزەكتى ورتالىق كوميتەتىنىڭ 10 - كەزەكتى شارلاۋ ناتيجەسىن قۇلاق قاعىس ەتۋ جاعدايى قوعامعا تولىق جاريالاندى.
پارتيانى جاپپاي قاتاڭ باسقارۋدىڭ ماڭىزدى شاراسى بولعان پارتيا ىشىندەگى شارلاۋ قىزمەتى باستان - اياق رەفورمالانىپ، جاڭارتىلىپ، دامۋ بارىسىندا كەمەلدەندىرىلدى، بۇل پارتيانىڭ قۇرىلىسىنىڭ داۋىرمەن تەڭ ىلگەرىلەگەن تاماشا كۇيىن اڭعارتادى.
4 جىلدان استام ۋاقىتتان بەرى «قۇلاقتى بۇراپ، بىلەكتى سىبانۋ، بەت قىزارتىپ، تەر شىعۋدى» داعدىلى كۇيگە اينالدىرۋدان «جوعارى ورلەگەنمەن تومەن تۇسپەيتىن» جايتتى ادا - كۇدە تيىپ، «ماسەلەسى بارلاردى وسىرۋدەن» ساقتانۋعا دەيىن، ءتارتىپ تەكسەرۋشى وكىلەتتى قۇرىلىمدارمەن تەگىس قامتۋدان ورتالىقتىڭ شارلاۋ جۇمىستارى ارقىلى انىقتالعان ماسەلەنىڭ دەرەكتەرىن تاپسىرىپ بەرۋ، وتكىزىپ بەرۋ، لايىقتى كەزدە «قايىرىلا قاراۋعا» ورنالاستىرۋعا دەيىن... پارتيانىڭ قۇرىلىسى مەن ءتارتىپ تەكسەرۋ ءتۇزىمى رەفورماسى تىنباي جەدەلدەپ، پارتيا ىشىندەگى باقىلاۋ بىرتىندەپ تۋ باستان جونگە سالىپ، كۇنى بۇرىن ساقتانۋ اناعۇرلىم ىشكەرىلەي ىلگەرىلەتىلدى.
جۇڭگونىڭ ىستەرىن ويداعىداي جاقسى ىستەۋدىڭ تەتىگى − پارتيادا.
پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى جاڭا جاعدايداعى پارتيا ىشىندەگى ساياسي تۇرمىس جونىندەگى ولشەمدەردى جاساپ، «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىنە (سىناق رەتىندە اتقارىلادى)» وزگەرىس ەنگىزەدى.
بىلايعى جۇرت مۇنداي كەڭەستىك ءتارتىپ ج ك پ ورتالىق كوميتەتىنىڭ پارتيانى جاپپاي قاتاڭ جونگە سالۋدى تاباندىلىقپەن بۇلجىتپاي العا ىلگەرىلەتۋ ساياسي بەكىمىن ايگىلەپ، پارتيانىڭ ءتۇزىم قۇرىلىسىن ونان ارى كۇشەيتۋ جونىندە ايقىن سيگنال بەردى. بۇل پارتيانى باسقارۋ، پارتيانى جونگە سالۋداعى «كەڭدىك، بوستىق، جۇمساقتىق» كۇيدەن «قاتاڭ، بەرىك، قاتال» كۇيگە بەت الۋدى جەبەۋگە، ءسوز جوق، سەپتىگىن تيگىزەتىن بولادى دەپ قاراستى.
پارتيانى جاپپاي قاتاڭ باسقارىپ، ۇلى گۇلدەنۋدىڭ جاڭا جورىعىنا باستادى
«قىزىل ارميانىڭ ۇلى ەڭبەگىن ەستە ساقتاپ، ۇلى جورىق رۋحىن ساۋلەلەندىرىپ... <قوس 100جىلدىق> كۇرەس نىساناسىن جۇزەگە اسىرۋدىڭ، جۇڭحۋا ۇلتىنىڭ ۇلى گۇلدەنۋ سىندى جۇڭگو ارمانىن جۇزەگە اسىرۋدىڭ جاڭا ۇزاق جورىعىندا جۇدىرىقتاي جۇمىلىپ، قايسارلىقپەن كۇرەسىپ، ەرلىكپەن العا باسۋىمىز كەرەك». تاياۋدا باس شۋجي شي جينپيڭ ۇزاق جورىق جەڭىسىنىڭ 80 جىلدىعىنا ارنالعان كورمەنى ەكسكۋرسيالاعاندا وسىنى باسا دارىپتەدى.
80 جىلدىڭ الدىندا جۇڭگو كوممۋنيستىك پارتياسىنىڭ باسشىلىعىنداعى جۇمىسشى - شارۋا قىزىل ارمياسى ادامزات تاريحىندا سيرەك كەزدەسەتىن ستراتەگيالىق ۇلى كوشتى ورىنداپ، توڭكەرىس جەڭىسىنە كەدەرگىلىك جاسايتىن زور سىناقتى اجال اۋزىنان قايتۋداي اسقان ەرلىكپەن جەڭدى.
80 جىل ءوتتى، ءبىزدىڭ ۇزاق جورىق جەڭىسىن سالتاناتپەن ەسكە تۇسىرۋىمىزدەگى سەبەپ − وسى ءبىر ەرلىك ءىستىڭ جۇڭگو كوممۋنيستەرىنىڭ رۋحاني قاسيەتىن تۇسىندىرگەنى عانا ەمەس، اسىرەسە، ونىڭ جۇڭگو كوممۋنيستىك پارتياسىنىڭ حالىقتى باستاپ، قيىن كۇندەردى وتكەرىپ، گۇلدەنۋگە ۇمتىلعان «سىناۋ تاپسىرۋ» ساپارى بولعاندىعى. جۇڭگو كوممۋنيستىك پارتياسىنىڭ وزىندىك قۇرىلىسىنىڭ داۋىرمەن بىرگە ىلگەرىلەي الۋ - الماۋى ونىڭ جاڭا ۇزاق جورىقتا مەملەكەتتىڭ بايىپ، قۇدىرەتتەنۋى، ۇلتتىڭ گۇلدەنۋى جولىندا تالماي تالپىنىس جاساپ، تاباندىلىقپەن ىلگەرىلەي الۋ - الماۋىن بەلگىلەيدى.
ءبىلۋ وڭاي، ىستەۋ قيىن، مىندەت اۋىر، جول الىس −
«لەۋيس تۇيىنىنەن» ەكونوميكالىق دامۋدىڭ «ورتا كىرىس شىرعاسىنا»، كورىكتى جۇڭگو قۇرىپ، تابيعاتتى قالپىنا كەلتىرۋدەن سالاماتتى جۇڭگو قۇرىپ، حالىقتىڭ سالاماتتىعىن جان - جاقتى، تولىق قامتاماسىز ەتۋگە قۇلشىنۋعا، بۇقارانىڭ ءتىپتى كوپ تابىس سەزىمىنە كەنەلۋىنە مۇمكىندىك جاساۋدان حالىق بۇقاراسىنىڭ ءاربىر دەلونىڭ اشىلۋىنان قوعامدىق ادىلدىك پەن ادىلەتتىلىكتى سەزىنۋىنە مۇمكىندىك جاساۋعا دەيىن... بولاشاقتاعى 10 جىلداعى جۇڭگونى جونگە سالۋ «بۇكىل جەر شارىنداعى ەڭ ميحىناتتى قىزمەتتەردىڭ ءبىرى بولۋى مۇمكىن» دەپ ەسەپتەلدى.
«الباستى ەتىپ كورسەتۋدەن»، «قاتەر تونەدى تەورياسىنان» «ابىرويىن توگۋگە»، «كوككە كوتەرىپ وماقاستىرۋعا»، باتىستىڭ قۇن كوزقاراسىنىڭ قۇتىرىنا شابۋىلداۋىنان ءار ءتۇرلى قوعامدىق وي اعىمدارىنىڭ وركەشتەي كوتەرىلۋىنە، بيلىك جۇرگىزۋدىڭ «تاريحي اينالىم زاڭىنان» اتتاپ وتۋدەن ماركستىك ساياسي پارتيانىڭ جاڭا ءورىسىن اشقانعا دەيىن... دۇنيە ءجۇزى ساحناسىنىڭ تورىنە كۇن سايىن ۇمتىلعان جۇڭگو ءدوپ كەلگەن ور مەن قاتەر بۇرىن - سوڭدى بولماعان جاعداي.
قانشالاعان ميحىنات، حاۋىپ - قاتەر، كەدەرگىلەردى جەڭىپ، ۇلتتىڭ ۇلى گۇلدەنۋ نىساناسىنا وسىنداي جاقىن تۇيىندە تۇرعاندا، جۇڭگونىڭ دامۋى مەن العا باسۋى زەيىن - زەردەنى شوعىرلاندىرىپ، كۇش - قۋاتتى توپتايتىن، ۇزدىكسىز كۇرەس جۇرگىزەتىن تايماس تىرەككە ءتىپتى مۇقتاج.
تالايلاعان بوران - شاشىندى باستان وتكەرىپ، بارلىق ادامعا ورتاق جۇڭگو ارمانى بارعان سايىن ايقىن بولا تۇسكەن داۋىردە، ءبىر ميلليارد 300 ميلليوننان استام جۇڭگو حالقى رۋحى قۋاتتى، ەنەرگياسى مىعىم «جول باستاۋشىعا» ءتىپتى مۇقتاج.
پارتيانىڭ باسشىلىعىنا تاباندى بولۋ − پارتيا مەن مەملەكەتتىڭ ءتۇپ تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنىڭ، باقىتىنىڭ ارقاۋى. باس شۋجي شي جينپيڭ بىلاي دەپ باسا دارىپتەدى: پارتيانىڭ تاريحي بورىشىن ورىنداۋعا نازار اۋدارىپ، پارتيامىز ءدوپ كەلگەن ىشكى، سىرتقى ورتادا تەرەڭ وزگەرىستەردىڭ جارىققا شىعۋى سىندى ءىس جۇزىندىك جاعدايدى شىعار ءتۇيىن ەتىپ... پارتيانى جاپپاي قاتاڭ باسقارۋ تالابىن ونان ارى ناقتاپ تياناقتاندىرىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى ۇيتقىسىنا اينالۋىن قامتاماسىز ەتۋ كەرەك.
تاريح − اينا، اۋەلگى ماقسات − ونەگە −
ارمان بولعانمەن جول بولماۋدان جول سالىپ ارماندى ورىنداۋعا دەيىن، جۇڭگو كوممۋنيستىك پارتياسى 95 جىلدىق ءورىس اشىپ ەرلىكپەن ىلگەرىلەۋ بارىسىندا قالايشا كەدەي، ءالسىز مەملەكەتتى بۇرىن بولماعان دامۋ دەڭگەيىنە كوتەرىپ، «بورداي توزعان» حالىقتان «جاڭا ۇلى قورعانىمىزدى» سوعا الدى؟
تاريح بۇعان الدەقاشان جاۋاپ بەرگەن: حالىق اراسىندا تامىر تارتىپ، حالىقتان كۇش - قۋات العاندىعى ءۇشىن دە، جۇڭگو كوممۋنيستىك پارتياسى بارلىق قيىنشىلىقتى جەڭىپ، تاياۋ زاماننان بەرگى ءار ءتۇرلى ساياسي كۇشتەر ورىنداي الماعان جاپالى مىندەتتى ورىندادى.
«بەيجيڭگە بارىپ سىناۋ بەرۋدەن» پارتيا ءدوپ كەلگەن <سىناۋ بەرۋدىڭ> ءالى اياقتالمايتىنىنا» دەيىن، جۇڭگو كوممۋنيستىك پارتياسى 67 جىل بيلىك جۇرگىزگەن ومىرىندە قالايشا ەرەكشە انىق تاۋقىمەت تانىمىن باستان - اياق ساقتاپ، پارتيا قۇرىلىسىن رەفورما، جاڭالىق اشۋ رۋحىمەن ۇزدىكسىز ىلگەرىلەتە الدى؟ سەنىم ۋاقىت وتكەن سايىن بەكەمدەلە ءتۇستى: جۇڭگو كوممۋنيستىك پارتياسى باستان - اياق حالىقتى ەڭ جوعارى ورىنعا قويىپ، بار ىنتا - پەيىلىمەن حالىق ءۇشىن قىزمەت وتەۋدىڭ ءتۇبىرلى ماقساتىنا تاباندى بولىپ، قالىڭ حالىقتىڭ ءتۇبىرلى مۇددەسىن ويداعىداي جۇزەگە اسىرىپ، قورعاپ، دامىتىپ، حالىقتىڭ قولداعان - قولداماعانىن، القاعان - القاماعانىن، قۋانعان - قۋانباعانىن، قوسىلعان - قوسىلماعانىن بارلىق قىزمەتتىڭ تابىستى بولعان - بولماعانىن تەكسەرۋدىڭ ءتۇبىرلى ولشەمى ەتتى
تاۋ اسىپ، تاس باسىپ ناعىز كەدەيلەردى كوردى، ناعىز كەدەيلەردى سۇيەمەلدەدى، كەدەيلەردى شىنايى سۇيەمەلدەدى، قىستاق تۇرعىندارىمەن بىرگە يۋزى ءۇزىپ، بۇقارامەن بىرگە كەزەكتە تۇرىپ ءمانتى ساتىپ الدى، ءوز جانىنان اقشا شىعارىپ اۋىلداستارعا مەرەكەلىك بۇيىم الىپ بەردى، اتىز باسىنا بارىپ اۋىلداستارمەن امانداستى... پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى بۇقاراعا جاقىنداپ، بۇقارامەن ەتەنە بولىپ، حالىق بۇقاراسى اراسىنان ەلدى باسقارىپ، بيلىك جۇرگىزۋدىڭ، پارتيانى باسقارىپ، پارتيانى جونگە سالۋدىڭ پاراساتى مەن كۇش - قۋاتىن الدى.
حالىق تىلەۋى − ەڭ ۇلكەن ساياسي. بۇگىنگى تاڭداعى جۇڭگو كوممۋنيستىك پارتياسى جاۋاپكەرشىلىكتى بارىنشا سانالى تۇردە ۇستىنە الىپ، پارتيانى جاپپاي قاتاڭ باسقارۋدى ىلگەرىلەتىپ، حالىق بۇقاراسىمەن ەتەنە بايلانىستى باستان - اياق ساقتادى، ول ايتسا - ايتقانداي جۇڭگوشا سوتسياليزم ىستەرىن گۇلدەندىرۋدىڭ مىزعىماس تىرەگى.
اۋەلگى ماقساتتى ۇمىتپاي، ۇزدىكسىز العا باستى −
ءار بۋىن ادامنىڭ وزىنە ءتان بورىشى بار. قايتكەندە جۇڭگو كوممۋنيستىك پارتياسىنىڭ توڭكەرىستىك گەنىن جالعاستىرىپ، پارتيانىڭ ومىرشەڭ كۇشىن ساقتاپ قالۋعا، قايتكەندە بۇرىنعىلار تاپسىرىپ كەتكەن كۇش جالعاۋ تاياعىن تاپسىرىپ الىپ، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتۋگە بولادى؟
«تاريحي بورىش قانشا داڭقتى بولسا، كۇرەس نىساناسى دا سونشا ۇلى بولادى، بيلىك جۇرگىزۋ ورتاسى قانشا كۇردەلى بولعان سايىن، تاۋقىمەت تانىمىن سونشا كۇشەيتۋىمىز، پارتيانى سونشا قاتاڭ باسقارۋىمىز كەرەك». باس شۋجي شي جينپيڭ قازىرگى تاڭداعى جۇڭگو كوممۋنيستەرى اتىنان وسىلاي دەپ اسقاق جاۋاپ بەردى.
«ءداۋىر وزگەردى، شارت - جاعداي وزگەردى، ءبىز كوممۋنيستەردىڭ كۇرەس جۇرگىزۋ مۇراتىمىز بەن ىستەرىمىز وزگەرگەن جوق».
جۇڭگو كوممۋنيستىك پارتياسىنىڭ قۇرىلعانىنا 100 جىل تولعاندا جاپپاي دوڭگەلەك داۋلەتتى قوعام قۇرۋ نىساناسى، ءسوز جوق، ىسكە اسادى. جاڭا جۇڭگونىڭ قۇرىلعانىنا 100 جىل تولعاندا باي، قۇدىرەتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان مەملەكەت قۇرۋ نىساناسى، ءسوز جوق، ىسكە اسادى.
1921 − 2020: ىلعي دا نىسانانى ارەكەتكە اينالدىراتىن ساياسي پارتيا ارىندى دا جالىندى بولادى.
1949 − 2049: ىلعي دا مۇراتتى شىنايى بولمىسقا اينالدىراتىن ساياسي پارتيا قاشاندا جەڭىمپاز ورىندا.
(شينحۋا اگەنتتىگىنىڭ 23 - قازاندا بەيجيڭنەن بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
