- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الدىڭعى 9 ايدا اۆتونوميالى رايونىمىزدىڭ مەملەكەتتىك سالىق كىرىسىنىڭ ارتۋ مولشەرى باتىس سولتۇستىكتەگى 5 ولكە، اۆتونوميالى رايون بويىنشا اعالاپ العا شىقتى
2016.10.25 15:53 كەلۋ قاينارى : شينجياڭ گازەتى
جالپى سالىق كىرىسى 72 ميلليارد 430 ميلليون يۋانعا جەتىپ، سول تۇستاعىدان %16.3 ارتتى
ءتىلشىنىڭ اۆتونوميالى رايوندىق مەملەكەتتىك سالىق مەكەمەسىنەن ۇعىسۋىنشا، قاڭتاردان قىركۇيەككە دەيىن بۇكىل رايونىمىزدىڭ مەملەكەتتىك سالىق كىرىسى 72 ميلليارد 430 ميلليون يۋانعا جەتىپ، بىلتىرعى سول تۇستاعىدان %16.3 ارتىپ، ارتۋ مولشەرى باتىس سولتۇستىكتەگى 5 ولكە، اۆتونوميالى رايون بويىنشا اعالاپ العا شىققان.
اۆتونوميالى رايوندىق مەملەكەتتىك سالىق مەكەمەسىنىڭ كىرىس جوباسى ەسەپ - قيساپ ءبولىمىنىڭ باستىعى لي بو بىلاي دەدى: اۆتونوميالى رايونىمىزدىڭ مەملەكەتتىك سالىق كىرىسىنىڭ ارتۋى، ەڭ الدىمەن، اۆتونوميالى رايون ەكونوميكاسىنىڭ تۇلعالىق جاقتان ورنىقتى بولۋىنىڭ، ورنىقتىلىق بارىسىندا جاقسارۋعا بەت الۋىنىڭ ارقاسى. قازىرگە دەيىن ءتۇستى مەتال، حيميا ونەركاسىبى، ەلەكتر قۋاتى، توقىماشىلىق، قۇرىلىس ماتەريالدارى، جابدىق جاساۋ، بولات - تەمىر سياقتى اۆتونوميالى رايون ءتۇيىندى قاداعالايتىن كاسىپ سالالارىنداعى سالىق كىرىسى تۇرلىشە دارەجەدە ارتتى. سونىمەن بىرگە تيجارات سالىعىنىڭ ورنىنا ارتقان قۇن سالىعىن الۋ سىناق تۇيىندەرى كەڭەيتىلگەننەن كەيىن، بۇرىنعى سالىق كىرىس كولەمى سايكەستى كەڭەيدى. قاڭتاردان قىركۇيەككە دەيىن بۇكىل اۆتونوميالى رايونىمىزداعى تيجارات سالىعىنىڭ ورنىنا ارتقان قۇن سالىعىن الۋ بويىنشا جينالعان ارتقان قۇن سالىعى 9 ميلليارد 750 ميلليون يۋانعا جەتىپ، ەل ىشىندەگى ارتقان قۇن سالىعىنىڭ 20.6 پايىز ارتۋىنا جەبەۋشىلىك ەتتى. مۇنان سىرت، كاسىپورىنداردىڭ ءونىم قۇرىلىمىن رەتكە سالۋى، ءونىم مولشەرىن ارتتىرۋى، ساياساتتاردى رەتتەۋى سياقتى فاكتورلاردىڭ اسەرىندە، ەل ىشىندەگى تۇتىنۋ سالىعىن %7.2 ارتتىردى، مۇنىڭ ىشىندە وڭدەلگەن مايدى تۇتىنۋ سالىعى 3.4 پايىز، وراۋلى تەمەكى سالىعى 3.6 پايىز جەبەدى.
سالىق كىرىسىنىڭ ورنىقتى ارتۋىنا شىنايى كەپىلدىك ەتۋ ءۇشىن، اۆتونوميالى رايوننىڭ مەملەكەتتىك سالىق جۇيەسى ەكونوميكالىق جاعدايدى، سالىق كىرىسى جاعدايىن سارالاۋدى، الدىن الا مولشەرلەۋدى، تۇجىرىمداۋدى كۇشەيتىپ، وسى نەگىزدە دالمە - ءدال كۇش جۇمساپ، جيناۋعا ءتيىستى سالىقتى مۇمكىندىگىنشە تولىق جيناۋعا قۇلشىندى. قاڭتاردان قىركۇيەككە دەيىن ءتۇرلى حاۋىپ - قاتەرلەردى مەڭگەرۋ، مولشەرلەۋ، تەكسەرۋ ارقىلى، ءبىر ميلليارد 90 ميلليون يۋان سالىقتى تولىقتاپ جيناپ، %13.5 ارتتىردى؛ تالون ارقىلى زاڭعا قايشىلىق جاساۋ قىلمىستىق ارەكەتىنە سوققى بەرۋ، ءتۇيىندى سالىق قاينارىن تەكسەرۋ، كاسىپ سالاسى مەن وڭىرلىك سالىق كىرىسىن ارناۋلى رەتكە سالۋ ارقىلى 610 ميلليون يۋان سالىقتى اداقتاپ جيناپ، %11 ارتتىردى؛ شەكارا ارالىق قايتا ۇيىمداستىرۋ مەن جارنا ۇقىعىن وتكەرمەلەۋ ايىرباسىنداعى سالىققا بايلانىستى ىستەردى باسقارۋ سەرپىنىن ارتتىرىپ، تۇرعىنعا جاتپايتىن كاسىپورىندارعا 330 ميلليون يۋان سالىقتى تولەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
