- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
نايىم ياسىن ونسۋ اۋدانىندا جۇپ قۇراپ، تۋىس بولعان وتباسىنا امانداسا باردى
«ۇلتتار ىنتىماعىنىڭ بەرەكەلى شاڭىراعى» قيمىلىن ويداعىداي ورىستەتەيىك
2016.11.11 09:59 كەلۋ قاينارى : شينجياڭ گازەتى
ەرىكتى ءتىلشىمىز ديڭ مي 9 - قاراشادا ونسۋدان حابارلايدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن ونسۋ اۋدانى تۇقۇرا اۋىلى تومەنگى سۋبۇلاق قىستاعىنا كەلىپ، ءوزى جۇپ قۇراپ، تۋىس بولعان تاڭ حۇڭنىڭ وتباسىنا امانداسا بارىپ، ونىڭ وتباسىنداعىلارمەن كۇندەلىكتى تۇرمىس جانە بولاشاق جوسپارلارى جونىندە اڭگىمە دۇكەنىن قۇردى.
نايىم ياسىن تاڭ حۇڭنىڭ ۇيىنە جەتكەن سوڭ: تاڭ ىنىشەك، مەن جۇپ قۇراعان تۋىسىڭمىن، ساعان امانداسا كەلدىم، - دەدى. تاڭ حۇڭ ۇيىنەن دەرەۋ شىعىپ، نايىم ياسىننىڭ قولىن قاتتى قىسىپ امانداستى.
نايىم ياسىن تاڭ حۇڭنىڭ وتباسىنداعىلارمەن ءبىر شەتىنەن امانداسىپ شىقتى، سونداي - اق الا كەلگەن سالەم - ساۋقىتىن بەردى. نايىم ياسىن مەن تاڭ حۇڭ قول ۇستاسقان كۇيى قوناق ۇيدەگى كرەسلوعا كەلىپ وتىرىپ، ۇزاق جىل كورىسپەگەن كونە دوستارداي ءبىر - بىرىنەن حال - جاي سۇراستى.
نايىم ياسىن تاڭ حۇڭنىڭ وتباسى جاعدايىن دەن قويا ۇعىستى. تاڭ حۇڭ: ايەلىم بيىل قىركۇيەكتە كۇرىشىمىزدى جيىپ العاننان كەيىن، سىچۋانعا ناۋقاستانىپ جاتقان اكەسىن كورگەلى كەتتى، ۇلىم شەكارا قورعانىس بولىمشەسىندە، كۇيەۋ بالام اقسۋ قالاسىندا قىزمەت ىستەيدى، ۇيدە قازىر قىزىم، جيەنىم ۇشەۋىمىز عانا قالدىق، - دەدى.
«ماڭايداعى كورشىلەرمەن قارىم - قاتىناستارىڭ قانداي؟ كىرىس جاعدايلارىڭ شى؟ بۇگىننەن باستاپ ءبىز ءبىر ءۇيلى جان بولدىق، شەشىپ بەرسەڭىز دەپ وتىنەتىن قيىنشىلىعىڭ بار ما»، - دەدى نايىم ياسىن.
«قيىنشىلىعىم جوق، پارتيانىڭ ابزال ساياساتىنىڭ ارقاسىندا، تۇرمىسىمىز كۇننەن - كۇنگە جاقسارىپ كەلەدى. بيىل 100 مۋ جەرگە كۇرىش ەگىپ، ونىڭ سىرتىندا 200 مۋ جەردى كوتەرمەگە العان ەدىم، 100 مىڭ يۋاننان استام كىرىس كىرگىزدىم. كورشى - قولاڭدارمەن بايلانىسىمىز وتە جاقسى، قىستاقتا 5 حانزۋ وتباسى بارمىز، قالعانداردىڭ ءبارى از ۇلتتار، ءبىراق توتەنشە جاراسىمدى وتەمىز، ۇنەمى بىرگە ءوزارا ەگىمشىلىك، باعىمشىلىق تەحنيكاسىن ۇيرەنەمىز، مەرەكە - مەيرامداردا ءبىر - ءبىرىمىزدىڭ ۇيىمىزگە قوناققا بارامىز»، - دەدى تاڭ حۇڭ رازى كوڭىلمەن.
نايىم ياسىن مۇنى ەستىگىننەن كەيىن ءدان ريزا بولىپ: ۇلتتار ىنتىماعى − ءار ۇلت بۇقاراسىنىڭ جان تامىرى، ءبىز اۆتونوميالى رايوندىق پارتكومنىڭ ورنالاستىرۋلارى مەن تالابىن ويداعىداي تياناقتاندىرىپ، «ۇلتتار ىنتىماعىنىڭ بەرەكەلى شاڭىراعى» قيمىلىن جاقسى ورىستەتىپ، ۇلتتار ىنتىماعىن كوزقاراشىعىمىزداي قورعاۋىمىز كەرەك. بۇگىن سول ءۇشىن ارنايى كەلىپ وتىرمىن، ءبىر - ءبىرىمىزدىڭ تەلەفون ءنومىرىمىزدى ءبىلىپ الايىق، مۇنان بىلاي ۇنەمى حابارلاسىپ تۇرامىز، - دەدى.
ونان سوڭ نايىم ياسىن تاڭ حۇڭنىڭ جەمىس باعىنا كەلىپ، المانىڭ بيىلعى باعاسىن ۇعىستى.
«مۇنىڭ ءبارى ءوزىمىزدىڭ باقتا وسكەن الما، ەشقانداي قوسپا جوق جاسىل ءونىم»، تاڭ حۇڭ ءوزى ەككەن الما مەن كۇرىشتەن نايىم ياسىنعا سالەمدەمە بەردى. نايىم ياسىن تاڭ حۇڭعا: ايەلىڭ قايتىپ كەلگەن سوڭ، ءسوز جوق، ۇرىمجىگە ەرتىپ بارىپ بىزدىكىنە قوناق بولىپ قايتىڭدار، - دەپ قايتالاي تاپسىردى.
اتتانار الدىندا نايىم ياسىن تاڭ حۇڭنىڭ وتباسىنداعىلارمەن ەسىكتىڭ الدىندا سۋرەتكە ءتۇسىپ ەستەلىك قالدىرادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
