- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شوكىرات زاكىر قاشقاردا تۋىس بولعان وتباسىنا باردى
2016.11.14 11:19 كەلۋ قاينارى : شينجياڭ گازەتى
ءبىز − تاتۋ - ءتاتتى ءبىر وتباسى ادامدارىمىز
11 - قاراشادا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاشقار ايماعىنا بارىپ، وزىمەن جۇپ قۇراپ، تۋىس بولعان ابدۇعۇپۇر ءوماردىڭ جانە لۇڭ جيجۇننىڭ وتباسىلارىنا باردى ءارى ءوزىنىڭ ەڭبەكاقىسىنا العان حال سۇراۋ بۇيىمدارىن بەرىپ، حال سۇراۋ قاراجاتىن ۇسىندى.
قاشقار كونەشار اۋدانىنىڭ توققۇزاق قالاشىعىندا رۋحى كوتەرىڭكى، قىزىل شىرايلى 84 جاستاعى ابدۇعۇپۇر ءومار قاريانىڭ جۇزىنەن قۋانىش لەبى ەسەدى. بۇگىن ءتوراعا شوكىرات زاكىر تۋىسىن ىزدەي كەلدى. تەبىرەنىسىن باسا الماعان قاريا ەرتەمەن ەسىك الدىنا شىعىپ تۋىسىن كۇتىپ وتىردى. «اقساقال، سالەمەتسىز بە؟» بۇرىن بەت كورىسپەگەن تۋىستار ءتوس سوعىستىرىپ امانداستى.
1991 - جىلى دەمالىسقا شىققان ابدۇعۇپۇر ونداعان جىلدىق ستاجعا يە ساقا پارتيا مۇشەسى. شوكىرات زاكىر: دەنساۋلىعىڭىز قانداي؟ - دەپ سۇرادى. ابدۇعۇپۇر دەنساۋلىعىنىڭ مىقتى، تاماعىنىڭ جاقسى ەكەنىن ايتتى. شوكىرات زاكىر: مىنا دەنساۋلىعىڭىزبەن 100 جاس جاسايسىز، - دەدى قۋانا.
ابدۇعۇپۇر شوكىرات زاكىرگە ءوزىنىڭ الدىڭعى عاسىردىڭ 50- جىلدارىندا ءتوراعا ماۋ زىدۇڭعا حات جازعانىن ايتتى: «سول كەزدە ديقاندارعا جەر بەرىلدى، ءبىز تەبىرەنىستى كوڭىل كۇيىمىزدى باسا الماي ءتوراعا ماۋ زىدۇڭعا حات جازدىق»، «ءتوراعا ماۋ زىدۇڭ بىزگە جاۋاپ حات جازدى، از ۇلتتاردىڭ تۇرمىسىنا كوڭىل ءبولدى»، بۇل بارلىعىمىزدى ەرەكشە تەبىرەنتىپ، قۋانىشقا بولەدى.
ونداعان جىلدار ابدۇعۇپۇر ءتوراعا ماۋ زىدۇڭنىڭ حاتىندا جازعان سوزدەرىن ەسىنەن شىعارماي، قۇلشىنا قىزمەت ىستەپ، ۇلتتار ىنتىماعىن قورعاپ، قوعامنىڭ دامۋى مەن ورنىقتىلىعىنا ۇلەس قوستى. شوكىرات زاكىر قارياعا بىلاي دەدى: «پارتيا ورتالىق كوميتەتى شەكارا رايونداعى از ۇلت بۇقاراسىنىڭ تۇرمىسىنا ەرەكشە كوڭىل ءبولىپ كەلەدى، ونداعان جىلدان بەرى ءسىز ءتوراعا ماۋ زىدۇڭ مەن پارتيا ورتالىق كوميتەتىنىڭ شاپاعاتىن ۇمىتپاي، شوگەلدىلىكپەن قىزمەت ىستەپ، ەڭبەك ەتىپ، تۋعان جەرىڭىزدىڭ دامۋىنا ۇلەس قوستىڭىز. باس شۋجي شي جينپيڭ ۇلتتار ىنتىماعىنىڭ شينجياڭداعى ءار ۇلت حالقىنىڭ ارقاۋى ەكەنىن ايتتى، ءسىزدىڭ بۇدان بىلاي دا ۇلتتار ىنتىماعىنىڭ ۇلگىسى بولىپ، ماڭگى باقي پارتياعا العىس ايتىپ، پارتياعا ىلەسىپ، تۋعان جەرىڭىزدىڭ قوعام ورنىقتىلىعى مەن باياندى تىنىشتىعىنا ۇلەس قوسا بەرۋىڭىزدى ءۇمىت ەتەمىن».
كەتەر كەزدە شوكىرات زاكىر مەن ابدۇعۇپۇر تاعى دا ءبىرىن - ءبىرى قاپسىرا قۇشاقتادى، شوكىرات زاكىر: ءبىز تاتۋ - ءتاتتى ءبىر وتباسىنىڭ ادامدارىمىز، دەنساۋلىعىڭىزدىڭ مىقتى، تۇرمىسىڭىزدىڭ باقىتتى بولۋىن تىلەيمىن! - دەدى.
تۇستەن كەيىن شوكىرات زاكىر قاشقار قالاسى داۋلەتباق اۋىلىنىڭ ىنتىماق الەۋمەتتىك اۋماعىنا بارىپ، تاعى ءبىر تۋىسى، 31 جاستاعى لۇڭ جيجۇننىڭ ۇيىنە كەلدى. لۇڭ جيجۇن شىنجىننان شينجياڭعا باعىتتامالى كومەكتەسۋگە كەلگەن كادر، 2015 - جىلى شينجياڭعا باعىتتامالى كومەكتەسۋ بويىنشا قىزمەت وتەۋ مەرزىمى تولعاننان كەيىن قاشقار ايماعىنداعى قوعامدىق قىزمەت كورسەتەتىن تۇڭعىش جەرگىلىكتى قۇرىلىمدى قۇردى. ول باستاعان ۇجىم ۇلتتاردىڭ ىنتىماعى مەن قوعام ورنىقتىلىعىن ارقاۋ ەتىپ، ۇلتتار ىنتىماعى تاقىرىبىنداعى «جاقسى كورشى» نىسانىن اتقارىپ، «ۇلتتار ىنتىماعىنىڭ بەرەكەلى شاڭىراعى» قيمىلىنىڭ مازمۇنىن بايىتتى.
شوكىرات زاكىر لۇڭ جيجۇندى كورگەن جەردەن ىقىلاستى قول الىسىپ، ودان: بۇل جەردىڭ تۇرمىسىنا ۇيرەندىڭ بە؟ قىزمەتىڭ تابىستى ما؟ - دەپ سۇرادى. لۇڭ جيجۇن شوكىرات زاكىرگە: قاشقاردا ايتارلىقتاي جاقسى كۇن كورىپ جاتىرمىز. جىل سوڭىندا توي جاسايمىن با دەپ وتىرمىن، ءتوراعا الاڭسىز بولىڭىز، - دەدى.
شوكىرات زاكىر لۇڭ جيجۇنگە: بۇدان بىلاي ءبىر وتباسىنىڭ ادامدارى بولدىق، كەلىپ - كەتىپ حابارلاسىپ تۇرايىق. سەن شالعايداعى شىنجىننان قاشقارعا كەلىپ وتىرسىڭ. مۇنداعى كۇندەرىڭنىڭ كوڭىلدى بولۋىن ءۇمىت ەتەمىن. شينجياڭدا ءتىل، تۇرمىس، ادەت - عۇرىپ، سالت - سانا ىشكى وڭىرلەردەن پارىقتى، مۇندا از ۇلت كادر - جۇرتشىلىعى ءبىر - بىرىنە قارايلاسىپ، ءبىر - بىرىنە قۇرمەت ەتىپ، ءبىر - بىرىنە باۋىرمال بولۋى، ۇلتتار ىنتىماعىن ءىس جۇزىندىك ارەكەتتەرىمەن قورعاۋى، اۋىلداستاردى باستاپ دوڭگەلەك داۋلەتتى تۇرمىسقا تالپىنۋى كەرەك، - دەدى.
لۇڭ جيجۇن شوكىرات زاكىرگە: توراعامەن تۋىس بولعانىمدى ماقتانىش ەتەمىن ءارى سونداي تەبىرەنىپ تۇرمىن. مەن، ءسوز جوق، ءتوراعانىڭ ءسوزىن ەسىمدە بەرىك ساقتاپ، ءار ۇلت جۇرتشىلىعىنا قۇلشىنا قىزمەت وتەپ، از ۇلت جۇرتشىلىعىمەن تاتۋ - ءتاتتى، جاراسىمدى بولىپ، ۇلتتار ىنتىماعىن ءىس جۇزىندىك ارەكەتىممەن جەبەپ، شينجياڭدى بارىنشا كوركەيتۋگە ۇلەس قوسامىن، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
