- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋدى دايەكتى تياناقتاندىرۋدىڭ قىزۋ ورلەۋىن جەدەل كوتەرەيىك
باس نىسانانى بەرىك ارقاۋ ەتىپ، حالىق تۇرمىسىن بار كۇشپەن قامتاماسىز ەتەيىك جانە جاقسارتايىق
2016.11.14 13:51 كەلۋ قاينارى : شينجياڭ گازەتى
گازەتىمىزدىڭ جيناق حابارى. ج ك پ اۆتونوميالى رايوندىق 9 - قۇرىلتايىندا ءار ۇلت بۇقاراسىنىڭ مۇڭ - مۇقتاجىن باستان - اياق كوڭىلىمىزدىڭ ەڭ بيىك ورنىنا قويىپ، حالىق تۇرمىسىن الدىمەن ەسكەرۋگە، حالىق تۇرمىسىنا الدىمەن كىرىسۋگە تاباندى بولىپ، دارەجەلەس قازىنالىق شىعىستىڭ جانە شينجياڭعا باعىتتامالى كومەكتەسۋ قارجىسىنىڭ ％70تەن استامىن حالىق تۇرمىسىن قامتاماسىز ەتۋ مەن جاقسارتۋعا جۇمساۋدان جازباي، حالىققا تيىمدىلىك جاساۋ ينجەنەرياسىن ۇزدىكسىز ىلگەرىلەتۋ العا قويىلدى. اۆتونوميالى رايونىمىزداعى ايماق، وبلىس، قالالاردىڭ، تاراۋلار مەن ورىنداردىڭ جاۋاپتىلارى باس نىسانانى تىعىز ارقاۋ ەتىپ، حالىققا تيىمدىلىك جاساۋ ينجەنەريالارىن تىڭعىلىقتى ىلگەرىلەتىپ، ءار ۇلت حالقىنىڭ تابىستىلىق، باقىتتىلىق سەزىمىن نىعايتىپ، ءار ۇلت جۇرتشىلىعىنىڭ پارتياعا، پارتيا ورتالىق كوميتەتىنە شىن جۇرەكتەن العىس ايتۋىنا قول جەتكىزەمىز دەستى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ شۋجيى ياڭ يۇڭ بىلاي دەدى: ادام كۇشى بايلىعى جانە قوعامدىق قامتاماسىزداندىرۋ تاراۋلارى قوعام ورنىقتىلىعى مەن باياندى تىنىشتىق باس نىساناسىن بەرىك ارقاۋ ەتىپ، ج ك پ اۆتونوميالى رايوندىق 9 - قۇرىلتايىندا العا قويىلعان ادام كۇشى بايلىعى جانە قوعامدىق قامتاماسىزداندىرۋ تاراۋىنا قاتىستى قىزمەت مىندەتتەرىن ءبىر باستان تالداپ، كاسىپتەندىرۋ، قوعامدىق قامتاماسىزداندىرۋ، كادرلار، دارىندىلار سياقتى جاقتارداعى ارناۋلى ارەكەتتەر مەن قىزمەت جاۋاپكەرشىلىگىن اشالاۋ جوباسىن جەدەل جاساپ، اتقارىپ، ناقتى شارالاردى ورتاعا قويىپ، شارانى، نىسانانى، ۋاقىت شەگىن، جاۋاپتى ادامدى، مەجەلى ناتيجەنى انىقتاپ، اۆتونوميالى رايوندىق پارتكومنىڭ شەشىم - ورنالاستىرۋلارىنىڭ تياناقتانۋىنا كەپىلدىك ەتۋى كەرەك.
اۆتونوميالى رايوندىق وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ شۋجيى لياڭ چاۋ بىلاي دەدى: وقۋ - اعارتۋ مەڭگەرمەسى ج ك پ اۆتونوميالى رايوندىق 9 - قۇرىلتايىندا بەلگىلەنگەن وقۋ - اعارتۋ قىزمەتىنىڭ مىندەتتەرىنە مۇقيات سالىستىرىپ، «قوس ءتىل» اعارتۋى، كاسىپتىك اعارتۋ، جوعارى اعارتۋ جانە وڭتۇستىك شينجياڭدا 14 جىلدىق تەگىن ءبىلىم بەرۋدى اتقارۋ سياقتى ءتۇيىندى قىزمەتتەردى تىعىز ارقاۋ ەتىپ، ەرەكشە قاتاڭ ءارى ناقتىلى بولۋداي شەگە قاعۋ رۋحىمەن ءتۇرلى قىزمەتتى تىڭعىلىقتى تياناقتاندىرىپ، قوعام ورنىقتىلىعى مەن باياندى تىنىشتىقتى ىسكە اسىرۋعا پارمەندى كەپىلدىك ازىرلەيدى.
اۆتونوميالى رايوندىق حالىق ىستەرى مەڭگەرمەسى پارتيا باسشىلىق گرۋپپاسىنىڭ شۋجيى لي نيڭپيڭ مىنالاردى ءبىلدىردى: حالىق ىستەرى جۇيەسى نەگىزگى حالىق تۇرمىسى مەن نەگىزگى ۇقىق - مۇددەلەردى قامتاماسىز ەتۋ فۋنكتسياسىن ۇزدىكسىز كۇشەيتىپ، ەڭ تومەنگى تۇرمىس دەڭگەيىنە قامتاماسىز ەتۋ ءتۇزىمىن ونان سايىن جەتىلدىرىپ، دالمە - ءدال انىقتاۋ، دالمە - ءدال قامتاماسىز ەتۋگە كۇش سالىپ، ءتيىستى وبيەكتىلەردى تولىق قامتاماسىز ەتۋگە كۇش سالادى. قالا - اۋىلداردا ەڭ تومەنگى تۇرمىس دەڭگەيىن قامتاماسىز ەتۋ، قىستاقتارداعى «بەستە قامتاماسىز ەتۋ»، ەمدەلۋ بويىنشا جاردەم بەرۋ جانە جەتىمدەردى قورعاۋ سياقتى حالىق تۇرمىسىن قامتاماسىز ەتۋ دەڭگەيىنىڭ كوتەرىلۋىن بار كۇشپەن ىلگەرىلەتىپ، مۇقتاج جانداردىڭ نەگىزگى تۇرمىسىن شىنايى جاقسارتادى.
قىزىلسۋ قىرعىز اۆتونوميالى وبلىستىق پارتكومنىڭ شۋجيى ليۋ حۇيجۇن بىلاي دەدى: قىزىلسۋ وبلىسى باس نىسانانى تىعىز ارقاۋ ەتىپ، قازىنالىق شىعىس پەن شينجياڭعا باعىتتامالى كومەكتەسۋ قاراجاتىنىڭ %70تەن استامىن حالىق تۇرمىسىن قامتاماسىز ەتۋگە پايدالانۋدان جازباي، كەدەيلىكتەن قۇتىلدىرۋدىڭ قيىندىقتارىن بار كۇشپەن جەڭىپ، 2020 - جىلعا دەيىن بۇكىل وبلىستاعى 156 مىڭ 600دەي كەدەي حالىقتىڭ كەدەيلىكتەن قۇتىلۋىنا، 99 كەدەي قىستاقتىڭ تولىقتاي تىزىمنەن شەگەرىلۋىنە، 4 كەدەي اۋداننىڭ كەدەيلىك قالپاعىن تاستاۋىنا، ءسويتىپ، بۇكىل شينجياڭمەن، بۇكىل ەلىمىزبەن تەڭ قادامدا دوڭگەلەك داۋلەتتى قوعام قۇرۋعا كەپىلدىك ەتەمىز.
بۇراتالا قالالىق پارتكومنىڭ ورىنباسار شۋجيى، بۇراتالا قالاسىنىڭ باستىعى اشيحتا بىلاي دەدى: بۇراتالا قالاسى بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ، قالا - اۋىلدارداعى قولجەتىمدى ۇيلەر، تۇرعىن ۇيلەرگە تابيعي گاز قۇبىرىن جەتكىزۋ، اۋىل - قىستاق جولدارى، اۋىز سۋ جانە سۋات حاۋىپسىزدىگى سياقتى ەلەۋلى حالىق تۇرمىسى ينجەنەريالارىن ۇزدىكسىز اتقارادى. ەڭبەككۇشتى كوپ قاجەتسىنەتىن كاسىپتەردى دامىتۋ، شارۋاشىلىق قۇرۋعا باۋلۋ مەن سۇيەمەلدەۋ تەبىنىن ارتتىرۋ، كاسىپتەندىرۋ ساياساتىن بەلسەندى اتقارۋ، كاسىپتەنۋ بويىنشا جاردەم بەرۋدى كەمەلدەندىرۋ ارقىلى ءار ۇلت جۇرتشىلىعىنىڭ كاسىپتەنۋ ماسەلەسىن مۇمكىندىكتىڭ بارىنشا شەشىپ، «13 - بەسجىلدىق» جوبا مەزگىلىندە قالا بويىنشا جىل سايىن 8700 ادامدى (رەت) كاسىپتەندىرىپ وتىرۋعا كەپىلدىك ەتەدى.اۆتونوميالى رايوندىق ساناق مەكەمەسى مىنالاردى تالاپ ەتتى: ءتۇرلى ءتۇيىندى قىزمەت پەن شەشۋگە مۇقتاج ماسەلەلەردى كوزبەن كورىپ، قولمەن ۇستاۋعا بولاتىن، اسا يكەمدى، ناقتى ءىس - قيمىل جوبالارىنا اينالدىرىپ، مىندەتتەردى ناقتى اشالاپ، جاۋاپكەرشىلىكتى تىڭعىلىقتى تياناقتاندىرۋ كەرەك. مەملەكەت بويىنشا 3 - رەتكى اۋىل شارۋاشىلىعىن جاپپاي تەكسەرۋدىڭ دايىندىق قىزمەتتەرىن، ارناۋلى ساناقتار بويىنشا جىلدىق مالىمەت قىزمەتىن جانە «5 كۋالىكتى بىرىكتىرۋ، ءبىر كۋالىككە ءبىر كود بەلگىلەۋ» بويىنشا تىركەۋ ءتۇزىمىن رەفورمالاۋ قىزمەتىن تىڭعىلىقتى ىستەۋ كەرەك.
اۆتونوميالى رايوندىق سۋ ىستەرى مەڭگەرمەسى اۋىل - قىستاقتارداعى اۋىز سۋ حاۋىپسىزدىگىن بەكەمدەۋ، جوعارىلاتۋ ينجەنەرياسىنىڭ اتقارىلۋىن جەدەلدەتەدى. اتىز - ارىق سۋ قۇرىلىستارىن كۇشەيتىپ، ءىرى، ورتاشا سۋارمالى وڭىرلەردىڭ قوسالقى قۇرىلىستارى مەن سۋ ۇنەمدەۋ بويىنشا جاڭالاۋ نىسانىن جەدەل اتقارىپ، ياركەن وزەنىندە تاسقىننان ساقتانۋ، وڭاۋ جانە جوباعا ەنگىزىلگەن ءتۇيىندى ىشكى قۇرلىقتىق وزەندەر مەن ورتا، شاعىن سۋ الاپتارىندا تاسقىننان ساقتانۋ، وڭاۋ مىندەتتەرىن شاپشاڭ ورىنداپ، تاسقىننان ساقتانۋ، قۋاڭشىلىقتان قورعانۋدىڭ جانە اپاتتان ساقتانۋ، اپاتتى جەڭىلدەتۋدىڭ ءتىپتى كەمەلدى جۇيەسىن ورناتادى.
اۆتونوميالى رايوندىق قاتىناس - تاسىمال مەڭگەرمەسى پارتكومى جۇرەكتەرگە جىلۋ بەرۋ مەن حالىققا تيىمدىلىك جاساۋعا تاباندى بولىپ، قاتىناس سالاسى بويىنشا كەدەيلىكتەن قۇتىلدىرۋدان قامال الۋ قىزمەتتەرىن بار كۇشپەن ىلگەرىلەتەدى. 2020 - جىلعا دەيىن اۆتونوميالى رايونداعى اۋىل - قالاشىق جولدارىن اسفالتتاندىرۋ، اكىمشىلىك قىستاقتاردىڭ جولىن قاتايتۋ، شارت - جاعدايى بار اۋىل - قالاشىقتار مەن اكىمشىلىك قىستاقتارعا جولاۋشى اۆتوبۋزىنىڭ قاتىناۋ مولشەرىن %100كە جەتكىزىپ، «سوڭعى ءبىر شاقىرىم جولدى» ىركىلىسسىزدەندىرىپ، «سىرتپەن بايلانىسىپ، ىشپەن تۇتاسۋ، قىستاقتارعا جول سالىپ، اۋىل جولدارىن ىركىلىسسىزدەندىرۋ، قىستاقتارعا اۆتوبۋز قاتىناۋ، حاۋىپسىز دە قولايلى بولۋ» قامال الۋ نىساناسىن ىسكە اسىرادى.
ءۇرىمجى قالالىق لاشىقتى رايوندى جاڭالاۋ قىزمەتىنە باسشىلىق ەتۋ گرۋپپاسى كەڭسەسىنىڭ ورىنباسار مەڭگەرۋشىسى شيە مين مىنالاردى ءبىلدىردى: لاشىقتى رايوندى وزگەرتۋ قىزمەتىنىڭ ءتاسىلىن جاڭالاپ، قالاداعى لاشىقتى رايونداردى جاڭالاۋ نەگىزىندە، قالا ورتاسىنداعى قىستاقتار، كونە قالا رايونى جانە حاۋىپتى تۇرعىن ۇيلەر سياقتىلاردى جاڭالاۋ قىزمەتىن قالاداعى لاشىقتار رايونىن وزگەرتۋ اياسىنا ءبىر تۇتاس كىرگىزىپ، تۇرعىنداردىڭ تۇرمىس جانە تۇرعىن ءۇي قاجەتىنە قاراي سىلكىنىسكە شىدامدىلىق بويىنشا بەرىكتەۋ، جوندەۋ، ءىشىنارا وڭاۋ، قۇبىر جەلىلەرىن كەمەلدەندىرۋ، ەنەرگيا ۇنەمدەۋ بويىنشا كەشەندى وزگەرتۋ سياقتى تاسىلدەرمەن جاقسارتامىز.
حوتان ايماقتىق بەيقۇت ءۇي سالىپ، حالىقتى اۋقاتتاندىرۋ كەڭسەسىنىڭ ورىنباسار مەڭگەرۋشىسى لي شيۋكۋان بىلاي دەدى: ءىس جۇزىندەگى جاعدايعا ۇشتاستىرىپ، بەيقۇت ءۇي سالىپ، حالىقتى اۋقاتتاندىرۋ ينجەنەرياسىن اتقارۋ جوباسىن كەمەلدەندىرىپ، حاۋىپسىز، قولايلى، قولجەتىمدى جانە ەكولوگيالىق تۇرعىن ۇيلەر سالىپ، بۇقارانىڭ تۇرعىن ءۇي جاعدايىن شىنايى جاقسارتامىز، اسىرەسە، ارحيۆكە الىنعان كەدەي تۇرعىندار مەن ءالسىز قاۋىمنىڭ تۇرعىن ءۇي ماسەلەسىن الدىمەن شەشىپ، بۇقارا ەڭ كوڭىل بولەتىن، ەڭ ناقتى، ەڭ ءتيىمدى بەيقۇت ءۇي ينجەنەرياسىن تىڭعىلىقتى تۇردە جاقسى ىستەيمىز.
بيڭتۋان 6 - ديۆيزياسى كومسومول ەگىس فەرماسى پارتكومىنىڭ شۋجيى، ساياسي كوميسسارى حۋ شياۋجياڭ بىلاي دەدى: كومسومول ەگىس الاڭى مەملەكەت دارەجەلى وسى زامانعى اۋىل شارۋاشىلىعىنان ۇلگى كورسەتۋ رايونىنىڭ، مەملەكەتتىك اگروتەحنيكالار باقشا رايونىنىڭ جانە قونىسقا، كاسىپكە، ساياحاتقا ىڭعايلى «ەرەكشە شاعىن قالاشىقتىڭ» دامۋ اياق الىسىن بار كۇشپەن ىلگەرىلەتىپ، تۇتاس فەرمانى قامتىعان قوعامدىق قامتاماسىزداندىرۋ جۇيەسى مەن قوعامدىق جاردەم جۇيەسىن ورناتىپ، وقۋ - اعارتۋ، ەمدەۋ - دەنساۋلىق ساقتاۋ سياقتى قوعامدىق ىستەردىڭ جاپپاي قامتۋىن ىسكە اسىرىپ، ءار جىلعى كەدەيلىكتەن قۇتىلدىرۋ مولشەرىنىڭ %35تەن كەم بولماۋىنا كەپىلدىك ەتىپ، 2018 - جىلعا دەيىن كەدەي حالىقتى تولىقتاي كەدەيلىكتەن قۇتىلدىرۋدى ورىنداپ بولادى.
جەمسارى اۋداندىق تۇرعىن ءۇي جانە قالا - اۋىل قۇرىلىسى مەكەمەسىنىڭ باستىعى يۋە شي مىنالاردى ءبىلدىردى: ءبىز «13 - بەسجىلدىق» جوبا باعدارلاماسىنا قاتاڭ نەگىزدەلىپ، قولجەتىمدى تۇرعىن ءۇي قۇرىلىسى مەن لاشىقتار رايونىن جاڭالاۋ ينجەنەرياسىن ىلگەرىلەتىپ، ساپا مەن ادىلەتتى بولىسكە كەپىلدىك ەتىپ، لاشىقتار رايونىن جاڭالاۋ نىساندارىنىڭ ماڭىنداعى جول، ساياباق، وقۋ - اعارتۋ، ساۋدا، ت.ب نەگىزدىك قۇرىلعىلاردى كۇشەيتىپ جانە كەمەلدەندىرىپ، تۇرعىنداردىڭ باقىت كورسەتكىشىن جوعارىلاتىپ، حالىق قالاۋى ينجەنەرياسى ارقىلى تۇرعىن ءۇي قيىنشىلىعى بار ورتا، تومەن كىرىستى وتباسىلارىنا باقىت اكەلەمىز.
(تىلشىلەرىمىز لي چۇنشيا، ياڭ يىڭچۇن، جاۋ شييا، گاۋۋا، ۋاڭ دۇڭ، لي ياڭ، لي شيڭ، يۋان لەي، جۇڭ شيۋليڭ، چىن چياڭۋي، جاڭ يانلي، لي لي، چىن چىن حابارلايدى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
