- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇگىت - لەكسيا گرۋپپاسى ىشكى وڭىرلەردە «ۇلتتار ىنتىماعىنىڭ بەرەكەلى شاڭىراعى» جونىندە تاقىرىپتىق ۇگىت - لەكسياسىن جاسادى
2016.11.17 14:22 كەلۋ قاينارى : شينجياڭ گازەتى
ءتىلشىنىڭ اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىنشا، جۋىردا وقۋشىلاردىڭ يدەيا - ساياسي ءتالىم - تاربيە قىزمەتىن ونان ارى كۇشەيتۋ ءۇشىن وقۋ - اعارتۋ مينيسترلىگىنىڭ ۇلتتىق وقۋ - اعارتۋ مەكەمەسى، ج ك پ اۆتونوميالى رايوندىق وقۋ - اعارتۋ قىزمەت كوميتەتى مەن وقۋ - اعارتۋ مەڭگەرمەسى بىرگە ۇيىمداستىرعان ىشكى وڭىرلەردە ۇگىت - لەكسيا جاساۋ، تەكسەرۋ - زەرتتەۋ گرۋپپاسى حىنانعا اتتانعان، بۇل گرۋپپا شينجياڭنىڭ ىشكى ولكەلەردەگى تولىق ورتا كلاستارىندا، ورتا تەحنيكۋم كلاستارى مەن قاتىستى جوعارى مەكتەپتەردە ۇگىت - لەكسيا جاساپ، تەكسەرۋ - زەرتتەۋ قيمىلىن ورىستەتەدى.
ۇگىت - لەكسيا، تەكسەرۋ - زەرتتەۋ گرۋپپاسى جىڭجوۋ قالالىق 11 - ورتا مەكتەپتە، جىڭجوۋ قالالىق 7 - ورتا مەكتەپتە، حىنان ۋنيۆەرسيتەتى مەن حۋاڭحى عىلىم - تەحنيكا ينستيتۋتىندا «ۇلتتار ىنتىماعىنىڭ بەرەكەلى شاڭىراعى» تاقىرىپتىق ۇگىت - لەكسياسىن جاسادى، ۇگىت - لەكسيانى 1600دەن استام وقىتۋشى - وقۋشى تىڭدادى.
ۇگىت - لەكسيا جينالىسىندا لياۋنيڭ اتتى اۋياماتكانىڭ بۇرىنعى جاۋىنگەرى، شينجياڭ ۋنيۆەرسيتەتىنىڭ ستۋدەنتى تۇرسىنگۇل «مەنىڭ اۋياماتكام، مەنىڭ ۋنيۆەرسيتەتىم» تاقىرىبىندا ءوزىنىڭ كەشىرمەسى مەن العان اسەرىن ۇشتاستىرىپ، وقۋشىلاردى العا قويعان ارماننان تايماي، جارامدى ادام بولۋعا بەل بۋىپ، وتان ءۇمىتىن اقتاۋعا ىنتالاندىردى. ول: ءبىر جۇڭگولىق بولۋ سالاۋاتىممەن ەلىمىزدىڭ لياۋنيڭ اتتى تۇڭعىش اۋياماتكاسىندا كۇرەس جۇرگىزگەنىمدى جانە ەسەيىپ - ەرجەتكەنىمدى ايرىقشا ماقتانىش سانايمىن، مەن جاستىق ورالىم مەن كۇش - قۋاتىمدى وتانىما ارنايمىن، - دەدى.
گۋاڭجوۋ قالاسىنداعى يۇييان ورتا مەكتەبىنىڭ وقىتۋشىسى ابدىقايىم روزى ءوزىنىڭ حيكاياسىن كوپشىلىكپەن ورتاقتاستى. ول: ورتا مەكتەپتى شاڭحاي قالاسىنداعى چۇڭميڭ ورتا مەكتەبىندە، جوعارى مەكتەپتى استانا ەكونوميكا - ساۋدا ۋنيۆەرسيتەتىندە وقىدىم، ال قازىر گۋاڭجوۋ قالاسىنداعى يۇييان ورتا مەكتەبىندە قىزمەت ىستەپ جاتىرمىن. پارتيا مەن ۇكىمەتتىڭ ءتيىمدى ساياساتى مەنىڭ ءومىر جولىمدى وزگەرتتى، كۇنى كەشەگى كەدەي شارۋانىڭ بالاسىنان بۇگىنگىدەي حالىق وقىتۋشىسىنا اينالدىم، - دەدى. ول وقۋشىلاردى: قيىنشىلىق الدىندا شەگىنشەكتەمەڭدەر، باز كەشۋلەرىڭە ءتىپتى دە بولمايدى، بورىش پەن مىندەتتى ارقالاۋلارىڭ كەرەك، - دەپ جىگەرلەندىردى.
2 - ۇگىت - لەكسيا، تەكسەرۋ - زەرتتەۋ گرۋپپاسىنىڭ جەتەكشىسى، اۆتونوميالى رايوندىق وقۋ - اعارتۋ مەڭگەرمەسىنىڭ ورىنباسار باستىعى سۇن چي بىلاي دەدى: حىناندا وقىپ جاتقان شينجياڭدىق وقۋشىلار اراسىندا جۋىق جىلداردان بەرى، پارتيا ورتالىعى العا قويعان حالىققا تيىمدىلىك جاساۋ ساياساتتارى، وتە - موتە، دارىندىلاردى تاربيەلەۋ، باۋلۋ ساياساتى ايتارلىقتاي ونىمدىلىككە قول جەتكىزدى. كوپشىلىكتىڭ شينجياڭدىق وقۋشىلاردىڭ تاماشا وبرازىن ورناتىپ جانە قورعاپ، ۇلتتار ىنتىماعىنىڭ ەلشىسى بولۋىن ءۇمىت ەتەمىن.
ۇعىسۋعا قاراعاندا، ۇگىت - لەكسيا، تەكسەرۋ - زەرتتەۋ گرۋپپاسى حۋبەي، انحۇي، حۋنان سياقتى ولكە، قالالاردا ۇگىت - لەكسيا جاسايدى ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
