بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايون ورتا، باستاۋىش مەكتەپ وقىتۋشىلارىنىڭ اعا وقىتۋشى قىزمەت اتاعىن باعالاي باستادى

2016.11.17 14:23     كەلۋ قاينارى : شينجياڭ گازەتى

  باعالاۋ نەگىزگى ساتىنىڭ ءبىرىنشى شەبىنە، وڭتۇستىك شينجياڭداعى 3 ايماق، ءبىر وبلىسقا بەيىمدەلەدى

  ءتىلشىنىڭ اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىنشا، بيىلدان باستاپ شينجياڭنىڭ ورتا، باستاۋىش مەكتەپتەرىندەگى وقىتۋشىلاردىڭ اعا وقىتۋشىلىق قىزمەت اتاعىن باعالاۋعا جاپپاي قاتىناسۋىنا مۇمكىندىك جاسالعان، بۇل اعا وقىتۋشى قىزمەت اتاعىنىڭ بۇكىل شينجياڭدا تۇڭعىش رەت باعالانۋى ەكەن. قازىر اۆتونوميالى رايونىمىزدىڭ جەر - جەرىندەگى ورتا، باستاۋىش مەكتەپتەردىڭ اعا وقىتۋشى باعالاۋىنا كورسەتەتىن كانديداتتارى اشىق جاريالانۋدا.

  بيىل اۆتونوميالى رايونىمىزدىڭ باعالاۋىنا 387 سان كورسەتىلگەن، مۇنىڭ ىشىندە وڭتۇستىك شينجياڭداعى 3 ايماق، ءبىر وبلىس 186 ساندى، ءۇرىمجى قالاسى 31 ساندى يەلەگەن. ەڭ سوڭىندا قاتاڭ ساراپتاۋدان كەيىن ورتا، باستاۋىش مەكتەپتەردىڭ 73 اعا وقىتۋشى باعالانىپ شىعادى. بۇل 1986 - جىلدان بەرى اۆتونوميالى رايون 30 جىل اتقارعان ورتا، باستاۋىش مەكتەپ وقىتۋشىلارىنىڭ قىزمەت اتاعىنىڭ «تەتە اعا قىزمەت اتاعىمەن شەكتەلۋ» تاريحىنىڭ اقىرلاسقاندىعىنان دەرەك بەرەدى. بيىلدان كەيىن بۇكىل شينجياڭداعى ورتا، باستاۋىش مەكتەپتەردىڭ، بالا باقشاسىنىڭ وقىتۋشىلارى جوعارى مەكتەپتەردىڭ وقىتۋشىلارىمەن بىردەي كاسىپتىك دامۋ ورايىنا قول جەتكىزىپ، «پروفەسسورعا» بارابار اعا وقىتۋشى قىزمەت اتاعىن الۋ مۇمكىندىگىنە يە بولادى.

  بۇل جولعى رەفورمادا اعا وقىتۋشىلىق قىزمەت اتاعى بەلگىلەنگەننەن كەيىن وقىتۋشىلاردىڭ قىزمەت اتاعى قىزمەتكەر دارەجەلى قىزمەت اتاعى (3 - دارەجەلى وقىتۋشى)، كومەكشى دارەجەلى قىزمەت اتاعى (2 - دارەجەلى وقىتۋشى)، ورتا دارەجەلى قىزمەت اتاعى (1 - دارەجەلى وقىتۋشى)، تەتە اعا دارەجەلى قىزمەت اتاعى (جوعارى دارەجەلى وقىتۋشى) جانە اعا وقىتۋشى دارەجەلى قىزمەت اتاعى (اعا وقىتۋشى) دەپ 5 دارەجەگە بولىنەدى.

  بيىل قىركۇيەكتە اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، اۆتونوميالى رايوندىق وقۋ - اعارتۋ مەڭگەرمەسى «اۆتونوميالى رايوننىڭ 2016 - جىلعى ورتا، باستاۋىش مەكتەپتەردەگى اعا وقىتۋشىلاردى باعالاۋ، كورسەتۋ قىزمەتىن تىڭعىلىقتى جاقسى ىستەۋ جونىندەگى ۇقتىرۋدى» بىرلەسىپ شىعارىپ، اۆتونوميالى رايوننىڭ اعا وقىتۋشى قىزمەت اتاعىن باعالاۋ قىزمەتىن جاپپاي باستادى. وسىنىڭ الدىندا 2012 - جىلى اۆتونوميالى رايون اقسۋ، ىلە، سانجى سياقتى 3 ورىندا ورتا، باستاۋىش مەكتەپتىڭ اعا وقىتۋشى قىزمەت اتاعىن سىناق رەتىندە باعالاعان بولاتىن.

  بەلگىلەمەگە ساي، اۆتونوميالى رايونداعى ادەتتەگى ورتا، باستاۋىش مەكتەپتەردىڭ، كاسىپتىك ورتا مەكتەپتەردىڭ، بالا باقشاسىنىڭ، ەرەكشە وقۋ - اعارتۋ مەكتەپتەرىنىڭ، ءتالىم - تاربيە بەرۋ، ەمدەۋ مەكتەپتەرىنىڭ وقىتۋشىلارى، سونداي - اق وقىتۋدى زەرتتەۋ تاراۋلارى مەن مەكتەپتەن سىرت، وقۋ - اعارتۋ قۇرىلىمىنداعى ورتا، باستاۋىش مەكتەپ وقىتۋشىلارىنىڭ قىزمەت اتاعى (قىزمەت مىندەتى) ءتۇزىمىن اتقاراتىن قىزمەت ىستەپ جاتقان ادامداردىڭ تەگىس ءوتىنىش بەرۋىنە بولادى. حالىق باسقارۋىنداعى ورتا، باستاۋىش مەكتەپتەر جوباعا ساي، ورتا، باستاۋىش مەكتەپ وقىتۋشىلارىنىڭ قىزمەت اتاعىن باعالاۋعا قاتىناسادى. مۇنان سىرت، باعالاۋ بارىسىندا اۆتونوميالى رايون جەر - جەردەگى وقىتۋشىلاردىڭ جالپى سانى مەن وقۋ - اعارتۋ، وقىتۋ تۇلعالىق جاعدايىنا سايكەس كورسەتىلەتىن ساندى بولىسكە سالادى، جەر - جەردىڭ وقۋ - اعارتۋ ورەسى، وقىتۋشىلاردىڭ جالپى سانى سياقتى فاكتورلاردى جان - جاقتى ەسكەرىپ، باعالاۋعا كورسەتۋدە نەگىزگى ساتىنىڭ ءبىرىنشى شەبىنە، جاپالى وڭىرلەرگە، وڭتۇستىك شينجياڭداعى 3 ايماق، ءبىر وبلىسقا بەيىمدەلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.