بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جۋ حايلۇن ياركەن اۋدانىنداعى تۋىسىنا امانداسا باردى

2016.11.17 14:24     كەلۋ قاينارى : شينجياڭ گازەتى

  «كەدەيلىكتەن قۇتىلىپ اۋقاتتانۋعا باستاماشى بولىپ، پارتياعا مۇشە بولۋعا ەرتە باستان قۇلشىنىڭىز»

  16 - قاراشادا اۆتونوميالى رايوندىق پارتكومنىڭ ورىنباسار شۋجيى جۋ حايلۇن قاشقار ايماعى ياركەن اۋدانى باشكەنت قالاشىعى جاڭا ءمالى قىستاعىنا كەلىپ، تۋىسى ماحات داۋىتتىڭ وتباسىنا بارىپ، ماحاتتىڭ وتباسىنداعىلارمەن ىستىق ىقىلاسپەن اڭگىمەلەستى.

  46 جاستاعى ماحات داۋىت جاڭا ءمالى قىستاعىنداعى كەدەي وتباسى. ساعات 13 شاماسىندا ماحات داۋىتتىڭ وتباسىنداعىلار جۋ حايلۇندى قاقپانىڭ سىرتىندا قارسى الدى، جۋ حايلۇن ءجىتي باسىپ كەلىپ: ماحات ءىنىم، بۇگىن وت جاققان جەرىڭدى كورەيىن دەپ ارناۋلى امانداسا كەلدىم، جاسىڭ كىشى بولعاننان كەيىن، مەنى اعا دەۋىڭ كەرەك، ەكەۋىمىز ەندى اعالى - ءىنىلى بولدىق، - دەدى.

  ماحات داۋىت ءۇيىن تاپ - تۇيناقتاي ەتىپ تازالاپ جيىپ، قوناق ۇيدەگى سۇپىنىڭ ۇستىنە جەمىس - جيدەك سياقتى نارسەلەردى ءتىزىپ قويىپتى. تورگە مالداس قۇرىپ جايعاسقان جۋ حايلۇن ماحات داۋىتتان: تۇرمىس، وتباسىنىڭ كىرىس جاعدايىن ۇعىسىپ، تۇرمىستا قانداي قيىنشىلىقتارىڭ بار؟ - دەپ سۇرادى. بۇل سۇراققا ماحات داۋىتقا قاراعاندا ونىڭ سوزگە شەشەندەۋ جۇبايى زورىگۇل قۇربان: بىرنەشە جىلدان بەرى 6 مۋ جەرگە ءبيداي مەن بادام اعاشىن ارالاستىرىپ ەگىپ كەلدىك، ەگىس جۇمىسى سايابىر كەزدە وزگەلەرگە كومەكتەسىپ ماقتا تەرىپ ازىن - اۋلاق كىرىس كىرگىزەمىز. بيىل سىرتقا بارىپ ماقتا تەرىپ 2 ايعا جەتپەيتىن ۋاقىتتىڭ ىشىندە 6000 يۋان كىرىس كىرگىزدىك. قازىرگى وتىرعان جاڭا باسپانامىزعا بيىل جازدا كىردىك. ۇكىمەت تە كومەك قاراجات بەردى. ۇلىم اۋداندىق كاسىپتىك ورتا مەكتەپتە وقيدى، قىزىم بالا باقشاسىندا، 2 بالام بىردەي ۇكىمەتتىڭ كومەك قاراجاتىمەن وقىپ جاتىر، تۇرمىسىمىز دا جاقسارىپ كەلەدى، پارتيانىڭ ابزال ساياساتىنا شىن جۇرەكتەن العىس ايتامىن، - دەپ جاۋاپ بەردى.

  جۋ حايلۇن مۇنى ەستىپ كوڭىلى جاي تاپتى. ول: شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭداعى ءار ۇلت حالقىمەن قاي - قاشان دا تىلەكتەس بولىپ، شينجياڭداعى ءار ۇلت حالقىنىڭ تۇرمىسىنا قاتىستى ىستەرگە باسا ءمان بەرىپ وتىر، ءبىز اۆتونوميالى رايوندىق پارتكومنىڭ ورنالاستىرۋلارى مەن تالاپتارىن جاقسى تياناقتاندىرىپ، «ۇلتتار ىنتىماعىنىڭ بەرەكەلى شاڭىراعى» قيمىلىن ويداعىداي ورىستەتۋىمىز، ءبىر - بىرىمىزبەن شىنايى دوستاسىپ، سىرلاسىپ، ءبىر - بىرىمىزگە كومەكتەسىپ، قارايلاسىپ، ءوندىرىستى مىقتى يگەرىپ، تۇرمىسىمىزدى بارعان سايىن جاقسارتا ءتۇسۋىمىز كەرەك، - دەدى.

  اڭگىمەلەسىپ وتىرعان مەرەيلى ساتتە، دامدەپ باسىلعان پالاۋ دا دايىن بولعان ەكەن. سونىمەن، ءبىر ءۇيلى جان پالاۋ جەي وتىرىپ اڭگىمەلەسىپ، 2 ساعات ۋاقىتتىڭ قالاي ءوتىپ كەتكەنىن سەزبەي قالدى. زورىگۇل قۇربان ءوزىنىڭ ۇيرەك، قاز باعىپ، اۋلا شارۋاشىلىعىن دامىتىپ، كەدەيلىكتەن قۇتىلىپ اۋقاتتانۋ ويىنىڭ بارلىعىن ايتقاندا، جۋ حايلۇن ونىڭ بۇل ويىن ورىنداۋىنا، ءسوز جوق، كومەكتەسەتىندىگىن ايتتى، سونداي - اق: ەڭبەكشىل بولساڭ، جۇمىسىڭنان ناتيجە شىعادى، باعىمشىلىق تەحنيكاسىن جاقسى ۇيرەنىپ، كەدەيلىكتەن قۇتىلىپ، اۋقاتتانۋعا باستاماشى بولىپ، پارتياعا كىرۋگە ەرتە باستان قۇلشىنىڭدار. بالالارىڭدى دا جاقسى تاربيەلەپ، ولارعا «قوس ءتىلدى» جەتىك يگەرتىڭدەر، - دەپ قاداعالاي تاپسىردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.