- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بۇقارا وزدەرى وندىرگەن ازىق–تۇلىكتەردى كورمەگە قويىپ ساتتى
2016.11.18 14:28
ساعانكول اۋىلى قوبىقسارى اۋدانىنىڭ شىعىسىندا 18 كيلومەتر قاشىقتىققا ورنالاسقان، ءار ۇلت حالقى ءبىر ءۇيلى جانداي تاتۋ–ءتاتتى ءوتىپ كەلە جاتقان بەرەكەنىڭ قايماعى بۇزىلماعان اۋىل. نەگىزىنەن مال شارۋاشىلىقتى نەگىز ەتەدى. جاز ماۋسىمدارىندا قولىنداعى مالىن جايلاۋعا شىعارىپ، ىركىت ءپىسىپ، قۇرت قايناتىپ، قارىنداپ سارى ماي العان شارۋالار قولىنداعى جاسىل ونىمدەرىن ساتۋدى ويلاسا دا اۋدان قالاشىعىنا اپارىپ ساتۋ جاعىندا ءتۇرلى قيىنشىلىقتارعا ءدوپ كەلەتىن ەدى. وسى جاعدايدى كوزدە ۇستاعان قوبىقسارى اۋداندىق اۋىل شارۋاشىلىق مەكەمەسىنەن ساعانكول اۋىلى ساعانكول قىستاعى مەن مادەني قىستاعىنا تۇسكەن قىزمەت اترەتى، ەل جايلاۋدان كوشىپ كەلە سالىسىمەن ولارعا ۇگىت جۇرگىزىپ، ءوز قولدارىنداعى ونىمدەرىن بازارعا سالۋعا ءناسيحات ايتىپ، بۇقارانى اتسالىسۋعا ۇندەگەن بولاتىن. جۋىقتا ەڭبەكتىڭ سايابىرلاعان ۋاقىتىنان پايدالانىپ، قىزمەت اترەتىنىڭ ۇيىمداستىرۋىمەن شارۋالاردىڭ قولىنداعى ازىق–تۇلىك ونىمدەرىن كورمەگە قويىپ ساتۋ قيمىلى دابىرالى وتكىزىلدى.
قيمىلدا بارماعىنان بال تامعان قازاق ايەلدەرى ءتۇرلى ازىق–تۇلىكتەردى پىسىرىپ اكەلسە، الا جازداي جار قۇلاعى جاستىققا تيمەي تاڭ بوزىنان تۇرىپ العان اپپاق قۇرتىن، ءيىسى اڭقىعان سارى مايىن، ىرىمشىك، سۇزبە، قايماقتارىن كورمەگە قويىپ ساتقان ايەلدەردىڭ سانى ءبىرشاما مول بولدى. كورمەگە مۇنان باسقا تاعى تارى–تالقان، ءبيداي كوجە، جەنت، تاپا نان قويىلۋمەن بىرگە، ون ساۋساعىنان ونەر تامعان ىسىمەر اپايلاردىڭ ءتۇرلى قولونەر بۇيىمدارى، سىرماقتارى، كەستەلەرى، ءتۇرلى ءتۇستى اشەكەيلەپ توقىعان توقىمالارى دا قويىلدى. قيمىل كەزىندە پىسىق جەڭگەلەرىمىز ناۋرىز كوجەسىن جاساپ، بۋى بۇرقىراعان ىستىق كوجەنى كورمەگە كەلگەندەرگە ساتىپ تا ۇلگىردى.
كورمەگە قوبىقسارى اۋدان قالاشىعىنان كوپتەگەن قاريدارلار كەلىپ قاتىناستىءارى ونىمدەردى ساتىپ الدى. بۇل قيمىلدا اۋىل ايەلدەرىنىڭ الدى نەشە ءجۇز يۋانعا دەيىن ساۋدا جاسادى، جالپى 2 مىڭ يۋاننان استام ساۋدا جاسالدى. قيمىلدان كەيىن دە تەلەفون سوعىپ قۇرت، سارى ماي، سۇزبە، قايماق الماقشى بولعان قاريدارلار كوپ بولدى.
جارىم كۇندىك ۋاقىتپەن وتكىزىلگەن بۇل قيمىلدىڭ كولەمى شاعىن، ۋاقىتى قىسقا بولعانىمەن بۇقارالاردىڭ قاتىناسۋ بەلسەندىلىگى وتە جوعارى بولدى، ولار ات تەرلەتىپ الىسقا بارماي–اق ءوز ءۇيىنىڭ ماڭايىندا تۇرىپ ونىمدەرىن ساتتى ءارى بۇل قيمىل وتە جاقسى بولدى، بۇدان كەيىن دە كوپتەپ وتكىزىلىپ تۇرۋىن ءۇمىت ەتەمىز،–دەدى.
الدا قوبىقسارى اۋداندىق اۋىل شارۋاشىلىق مەكەمەسىنەن تومەنگە تۇسكەن قىزمەت اترەتى، پروكۋراتۋرا مەكەمەسى، موڭعۇل شيپاحاناسى، تەلەگراف سەرىكتەستىگىنەن تومەنگە تۇسكەن بىرلەسپە قىزمەت اترەتىمەن اقىلداسىپ، بۇل قيمىلدى قوبىقسارى اۋدان قالاشىعىنا اپارىپ وتكىزۋدى جوسپارلاپ وتىر ەكەن. ءمارپۋحان ومىربەك قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
