بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

تابىستىڭ كىلتى ءوزىڭدى وزگەرتۋدە

2016.11.21 08:53     كەلۋ قاينارى : شينجياڭ گازەتى

  اعىسىن سوناۋ ءبىر اسقار تاۋلاردان باستاعان ءبىر كىشكەنە وزەن تىنباي اعىپ، تالاي - تالاي اۋىل - ايماقتار مەن ورمان - توعايلاردان ءوتىپ، اقىرى ءبىر قۇمداۋىت شولگە كەلىپ تىرەلەدى، سول كەزدە وزەن وزىنە «مەن نە ءبىر كەدەرگىلەردەن توقتاۋسىز اعىپ ءوتتىم، ال مىنا قۇمدى شولدەن وتۋگە دە ونشا قيىندىق جوق» دەپ بەكىمگە كەلگەن كەزدە، ءوزىنىڭ تەڭ جارىمى ءسىڭىپ جوق بولعاندىعىن بايقايدى، سويتسە دە تاۋەكەلگە ءمىنىپ شولدەن ءوتىپ كەتۋگە قام جاسايدى. ءبىراق قالجىراعاننان سالىندىسى سۋعا كەتىپ، ۇمىتسىزدەنىپ وتىرعاندا كەنەتتەن ءبىر داۋىستى ەستيدى، سوندا عانا الگى قۇمدى ءشولدىڭ: «جەل مەنەن ءوتىپ كەتە الادى، سەن دە ءوتىپ كەتە الاسىڭ»، - دەپ قايرات بەرىپ تۇرعاندىعىن بىلەدى، ءبىراق بۇعان وزەن ونشا مويىنسال بولماي: «جەل كەڭىستىكتە، ال مەن وعان ۇقسامايمىن عوي»، - دەيدى. قۇمدىق وعان: «سەن ءوزىڭدى وزگەرتۋدى ويلامادىڭ، بۋلانىپ پارعا اينالساڭ، وندا جەل سەنى وزىمەن بىرگە الىپ وتەدى. سەن تەك ءوزىڭدى وزگەرتە الامىن، ءوزىمدى پارعا اينالدىرىپ كەڭىستىككە كوتەرىلە الامىن» دەگەن سەنىمدە بولساڭ مۇراتىڭا جەتەسىڭ، مىنا قۇمدى شولدەن وتە الاسىڭ، - دەگەن ەكەن.

  ءبىزدىڭ ءومىر جولىمىز دا وسى كىشكەنە وزەنگە ۇقساپ كەتەدى، ءومىر ساپارىڭدا جولىققان كەدەرگىلەردەن توقتالماي ءوتىپ، تابىسقا جەتۋ ءۇشىن ءوزىمدى وزگەرتە الامىن دەگەن اسقاق جىگەر مەن سەنىم بولعاندا عانا، تابىسقا، ءوز مۇراتىڭا جەتە الاسىڭ، ەگەر ءوزىڭدى وزگەرتە الماساڭ، وندا كىشكەنە وزەن سياقتى قۇمدى شولگە ءسىڭىپ عايىپ بولاسىڭ.

  امەريكاندىق ايگىلى فيلوسوف جيون جين: «تابىس تەككە كەلە سالمايدى، تابىستىڭ كىلتى ۇزدىكسىز قۇلشىنۋدا»، - دەگەن ەدى. رەال ومىردە تابىسقا قول جەتكىزە الماۋدىڭ تۇپكىلىكتى سەبەبى، وزىمىزدەگى كەمشىلىكتى دۇرىس تاۋىپ، ونى تۇزەتە الماۋدا. ومىرلىك جوبا - نىسانا ايقىن بولماۋ، وزىنە سەنىم ارتپاۋ، تاباندىلىق پەن توزىمدىلىك بولماۋ سياقتى كەمشىلىكتەر دە ءبىزدىڭ تولىسىپ ەرجەتۋىمىزگە اۋىر دارەجەدە ىقپال ەتىپ، تابىستىڭ تالعارىنا شىعۋىمىزعا كەدەرگى بولىپ كەلەدى.

  اۋدارعان: قۇنانباي تولەن ۇلى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.