بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

العىسقا تولى كوڭىلى، باقىت قۇشتى ءومىرى

شاپشال سىبە اۆتونوميالى اۋدانى جاعىستاي اۋىلى اقجار قىستاعىنىڭ تۇرعىنى تۇرعانباي تۋرالى (2)

2016.11.21 15:43     كەلۋ قاينارى : حالىق تورابى

  تۇرعانباي ۇعىسباي ۇلى قاراپايىم شارۋا، اسقاق جىگەرلى ازامات.

  شاپشال سىبە اۆتونوميالى اۋدانىندا تۇرعانبايدىڭ اتى اۋىزعا الىنسا بولعانى ونى بىلەتىندەردىڭ بارلىعى «ول مۇگەدەكپىن دەپ جاسىماي، ەڭبەكشىل قوس قولىنا سۇيەنىپ، كەدەي تۇرمىستى وزگەرتىپ، كەدەيلىك قالپاعىن الىپ تاستاعان ازامات!» دەپ باعا بەرەدى.

  ول قاجىرلى ەڭبەگىمەن وتباسىن جاقسى كۇنگە كەنەلتتى

  «كورۋ قۋاتىم ءالسىز، 2 دە 3 مەتر ارالىقتى عانا كورەمىن. تۇرعانباي وتباسىمىزدىڭ تىرەگى!»، - دەيدى تۇرعانبايدىڭ ايەلى چىمانگۇل.

  سۇيگەن جارىن جاقسى تۇرمىسقا كەنەلتۋ ءۇشىن، ەڭبەكشىل تۇرعانباي سيىرعا، جىلقىعا، قويعا جەم بەرۋ، سيىر ساۋۋ، قورا - قوپسىنى، اۋلانى تازالاۋ، سيىر ساۋۋ جۇمىستارىمەن تىنىم تاپپادى. ەگىس قاربالاستىعى كەزىندە دە ەكەۋى ءۇي شارۋاسىن تىندىرىپ بولعاننان كەيىن جۇمىس تاۋىپ ىستەدى، ءتىپتى، بۇراتالا وبلىسىنا دا بارىپ ماقتا تەردى.

  2 بالاسى ىلگەرىندى - كەيىندى دۇنيەگە كەلگەننەن كەيىن تۇرعانبايدىڭ جۇگى اۋىرلاي ءتۇستى. تۇرمىسىن جاقسارتا ءتۇسۋ ءۇشىن، ايەلى تاۋىق باعىپ، جۇمىرتقا ساتتى. قىستا تاس جولعا ءتۇسىپ قالعان كومىردى جيناپ ساتتى.

  «كومىردىڭ ءبىر دورباسى 5 يۋان. ءبىر قىستا كومىر جيناۋدان 700 نەشە يۋان كىرىس تابا الامىن»، دەيدى تۇرعانباي كۇلىمسىرەپ. ونىڭ جەرگە جۇرەلەي دەنەسىن قوزعاپ، كومىردى قينالا سالىپ جاتقانىن كورگەن ىزگى نيەتتى جاندار ۇنەمى وعان كومەك قولىن سوزادى. «ۇيىڭدە ساعان قارايلاساتىن جان جوق پا؟ سىرتقا شىعىپ جۇمىس ىستەگەنىڭ نە؟» دەپ سۇراعاندار دا بولدى. ءدال وسىنداي ساتتە تۇرعانباي: ەر جىگىتپىن، ايەلىم، بالا - شاعام بار. ءوز قۇلشىنىسىم ارقىلى تۇرمىس كەشىرۋىم كەرەك، - دەيدى.

  «ەس بىلگەننەن اكەمنىڭ ءبىر ۋاق تىنىم تاپقانىن كورمەدىم». 16 جاستاعى جانبايدىڭ نازارىندا اكەسى تۇرعانباي اسقاق جىگەرلى ازامات.

  «اكەمىزدىڭ وتباسىمىزداعىلارعا دەگەن شەكسىز سۇيىسپەنشىلىگىن تەرەڭ سەزىنەمىز»، دەيدى قارىنداسى گۇلنار اعاسىنىڭ ءسوزىن قوستاپ.

  «جاقسى تۇرمىسقا كەنەلۋدى ابزال ساياساتتان بولە قاراۋعا بولمايدى. ءوزىڭ دە ەڭبەكشىل بولۋىڭ كەرەك. دۇنيەدە وڭاي ءىس جوق. جاقسىلىقتى بىلمەيتىن ادام ءوز تۇبىنە ءوزى جەتەدى»، دەيدى تۇرعانباي قالجىڭداپ.

  ول وتاندى سۇيەدى، ءار دۇيسەنبى كۇنگى تۋ شىعارۋ سالتىنا قالماي قاتىناسىپ كەلدى

  تۇرعانبايدى بالا كەزىنەن بىلەتىن بەكسولتان اقساقال: ول قىستاق تۇرعىندار كوميتەتىنىڭ ءار دۇيسەنبى كۇنگى تۋ شىعارۋ سالتىنا ءبىر رەتتە قالماي قاتىناسىپ كەلدى، - دەيدى.

  تۇرعانبايدىڭ ءۇيى قىستاق تۇرعىندار كوميتەتىنەن 4 كيلومەتر قاشىقتىقتا. ەكى اياعى سالدانعان، ەكى قولىمەن جەر تىرەپ قوزعالاتىن بولسا دا، ءار دۇيسەنبى كۇنى وتكىزىلەتىن تۋ شىعارۋ سالتىنا ول ۇنەمى ەسەگىنە ءمىنىپ، ايەلىمەن بىرگە بارادى.

  «وتان گۇلدەنىپ - كوركەيمەسە، بۇگىنگىدەي جاقسى تۇرمىسىمىز بولماس ەدى. مەملەكەت تۋى جەلبىرەگەن سول ءبىر ءساتتى كورگەندە، وتاندى شەكسىز ماقتانىش ەتەمىز»، − دەيدى تۇرعانباي.

  حالىققا تيىمدىلىك جاساۋ ساياساتتارى پارتيا مەن ۇكىمەتتىڭ شۇلەن شۇعىلاسىن ءتىپتى كوپ كەدەي بۇقاراعا شاشىپ، تۇرعانباي سياقتى ادامداردىڭ ويلاۋعا دا باتىلى بارمايتىن ارمانىن جۇزەگە اسىردى.

  40 نەشە جىلدىق ءومىر جولىنا كوز تاستاعاندا تۇرعانباي باقىتتى شىنايى سەزىندى. باسپاناسى، ايەلى، بالا - شاعاسى، مالى بار، تۇرمىسى قامتاماسىز ەتىلگەن. تۇرعانباي تەبىرەنە: مۇگەدەك بولا تۇرا وسىنشاما كوپ نارسەگە قول جەتكىزدىم. بۇعان توتەنشە رازىمىن. پارتيا مەن ۇكىمەت ماعان كومەكتەستى. شەكسىز العىس ايتامىن، − دەيدى.

  اۋىلداستارىن قىزۋ سۇيەتىن ول قىستاق تۇرعىندارىنىڭ ۇلگىسىنە اينالدىتۇرعانباي: بۇگىنگىدەي جاقسى تۇرمىسقا كەنەلۋىمدى ۇكىمەت پەن قوعامنىڭ كومەگىنەن بولە قاراۋعا بولمايدى. ادام جاقسىلىقتىڭ قارىمجىسىن قايتارا ءبىلۋى كەرەك، − دەيدى ۇنەمى.

  «تۇرعانباي بولماسا ءبىر ءۇيلى جان سول ءبىر قاقاعان قىستان قالاي شىعار ەدىك!»، − دەيدى حاسيەت ءادىل. 2009 - جىلى قىستا نەكەدەن اجىراسىپ، بالالارى وزىنە قالعان حاسيەت جاعارعا كومىرى جوق، قايتەرىن بىلمەي داعدارىپ تۇرعاندا، تۇرعانباي جول بويىنان ءتۇن بويى جيعان كومىرىن وعان جەتكىزىپ بەرەدى. كورشىسى بەكتاي بەيسەن ۇلى دا مۇگەدەك جىگىت بولاتىن. بيىل جىل باسىندا اپەكەسى مەن شەشەسى ءبىر اپتانىڭ ىشىندە ىركەس - تىركەس قايتىس بولىپ، ءولىمدى جونەلتە الماعان كەزدە تۇرعانباي وعان 2 قوي بەرەدى. قاتتى اسەرلەنگەن بەكتاي كوزىنە ىستىق جاس الادى.

  بيىل جىل باسىندا اقجار قىستاعى كەدەيلىكتەن قۇتىلدىرۋدان قامال الۋ قىزمەتى جونىندە ءماجىلىس اشقاندا، قىستاق تۇرعىندار كوميتەتى تۇرعانبايدىڭ ۇگىت - لەكسيا جاساۋىن ارنايى ورنالاستىرادى. تۇرعانباي ءوزىنىڭ ءومىر كەشىرمەلەرىن اسەرلى سەزىممەن اڭگىمەلەپ، پارتيا مەن ۇكىمەتتىڭ قامقورلىعىندا قالاي تالىقپاي قۇلشىنۋ ارقىلى كەدەيلىك قالپاعىن الىپ تاستاعانىن باياندايدى.

  ىلە قازاق اۆتونوميالى وبلىستىق مۇھاجىرلار بىرلەستىگىنىڭ ورىنباسار ءتوراعاسى، اقجار قىستاعىندا تۇراتىن قىزمەت اترەتىنىڭ باستىعى امانتاي حالىق ۇلى تەبىرەنە: ول ۇگىت - لەكسيا جاساعاننان كەيىن، قىستاق تۇرعىندارى تۇس - تۇستان ساحناعا شىعىپ لەبىز ءبىلدىردى. كوپشىلىك تۇرعانبايدان ۇيرەنىپ، وزدەرىنىڭ قوس قولدارىنا سۇيەنىپ، كەدەيلىك قالپاعىن الىپ تاستاپ، باقىتتى تۇرمىس كەشىرەتىنىن ايتتى، − دەيدى.

  «ابزال ساياسات، ءار دارەجەلى پارتكومداردىڭ، ۇكىمەتتەردىڭ قامقورلىعى، قوعامداعى ءار سالانىڭ ىقىلاستى كومەگى بولماسا، بۇگىنگى كۇنىمىز بولماس ەدى. ماڭدايداعى كورشىلەردىڭ بارلىعى مەنىڭ اعا - باۋىر، اپەكە - قارىنداستارىم ىسپەتتى. ولاردىڭ مۇڭ - مۇقتاجىن شەشۋىنە كومەكتەسكەنىمدى، شابىتتاندىرۋىمنىڭ ولاردىڭ قۇلشىنا العا باسۋىنىڭ قوزعاۋشى كۇشىنە اينالعانىن توتەنشە ماقتانىش سەزىنەمىن»، − دەيدى تۇرعانباي.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.