بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

چىن چۋانگو قارۋلى ساقشى اسكەري ءبولىمىنىڭ سىلىڭيۋانى ۋاڭ نيڭمەن كەزدەستى

شوكىرات زاكىر كەزدەسۋدە بىرگە بولدى

2016.11.21 16:01     كەلۋ قاينارى : شينجياڭ گازەتى

  ءتىلشىمىز ياۋ تۇڭ 19 - قاراشادا ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى چىن چۋانگو 18 - قاراشا تۇستەن كەيىن ۇرىمجىدە قارۋلى ساقشى اسكەري ءبولىمىنىڭ سىليڭيۋانى ۋاڭ نيڭمەن جانە ونىڭ ساپارلاستارىمەن كەزدەستى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، شينجياڭ ءوندىرىس - قۇرىلىس بيڭتۋانىنىڭ ساياسي كوميسسيارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى جۋ حايلۇن، اۆتونوميالى رايوننىڭ ورىنباسار ءتوراعاسى جۋ چاڭجيە جانە قارۋلى ساقشى شينجياڭ باس اترەتىنىڭ سىليڭيۋانى گۋان يانمي، ساياسي كوميسسيارى ۋاڭ ايگو كەزدەسۋدە بىرگە بولدى.

  چىن چۋانگو اۆتونوميالى رايوندىق پارتكوم، حالىق ۇكىمەتى جانە رايونىمىزداعى ءار ۇلت حالقى اتىنان ۋاڭ نيڭنىڭ جانە ونىڭ ساپارلاستارىنىڭ شينجياڭعا تەكسەرۋ - زەرتتەۋ بابىمەن ساپارلاي كەلگەنىن قىزۋ قارسى الاتىنىن ءبىلدىرىپ، قارۋلى ساقشى اسكەري ءبولىمىنىڭ كوپ جىلداردان بەرى شينجياڭ قىزمەتىنە كوڭىل ءبولىپ، قولداۋ كورسەتىپ كەلگەنىنە العىس ايتتى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىندا، ج ك پ اۆتونوميالى رايوندىق 9 - قۇرىلتايى تابىسپەن اشىلىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتى تياناقتاندىرۋ، قوعام ورنىقتىلىعى مەن باياندى تىنىشتىق باس نىساناسى توڭىرەگىندە شينجياڭنىڭ ءتۇرلى قىزمەتىن ىلگەرىلەتۋ جونىندە جاپپاي ورنالاستىرۋ جاسادى. قۇرىلتايدىڭ رايونىمىزداعى پارتيالى كادرلار مەن ءار ۇلت كادرلارىن، بۇقاراسىن قوعام ورنىقتىلىعى مەن باياندى تىنىشتىقتى جۇزەگە اسىرۋ، جاپپاي دوڭگەلەك داۋلەتتى قوعام قۇرۋ جولىندا قۇلشىنا كۇرەس جۇرگىزۋگە جۇمىلدىراتىنى جانە ىنتالاندىراتىنى داۋسىز. پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتى تياناقتاندىرىپ، باس شۋجي شي جينپيڭنىڭ ماڭىزدى سوزدەرىنىڭ، اسىرەسە، شينجياڭ قىزمەتى جونىندەگى ماڭىزدى نۇسقاۋىنىڭ رۋحىن دايەكتى تياناقتاندىرىپ، شينجياڭدى زاڭ بويىنشا جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، ءبىر نيەتپەن جۇمىلىپ، ىنتىماقتاسا كۇرەس جۇرگىزىپ، ج ك پ اۆتونوميالى رايوندىق 9 - قۇرىلتايىنىڭ ايبىندى جوباسىن تاماشا رەالدىققا اينالدىرىپ، ىنتىماقتى، جاراسىمدى، گۇلدەنىپ − كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋعا قۇلشىنامىز.

  چىن چۋانگو بىلاي دەدى: قارۋلى ساقشى شينجياڭ باس اترەتى مەن شينجياڭدا تۇراتىن قارۋلى ساقشى اسكەري بولىمدەرىندەگى وفيتسەر - جاۋىنگەرلەر پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ پارمەندى باسشىلىعىندا قارۋلى ساقشى اسكەري ءبولىمىنىڭ ورنالاستىرۋلارىن، تالاپتارىن باتىل تياناقتاندىرىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتىپ، ارميانىڭ ساياسي قۇرىلىسىن كۇشەيتۋدى، رەفورما جۇرگىزىپ، ارميانى قۇدىرەتتەندىرۋدى، ارميانى زاڭ بويىنشا جونگە سالۋدى تىڭعىلىقتى ىلگەرىلەتىپ، قىزمەت مىندەتىن، بورىشىن اتقارۋ قابىلەتىن شىن مانىندە ءوسىرىپ، جەرگىلىكتى ورىننىڭ ەكونوميكالىق، قوعامدىق قۇرىلىسىنا بەلسەنە ات سالىسىپ، ساقشى مەن حالىقتىڭ ىنتىماعىن، ۇلتتار ىنتىماعىن ۇزبەي نىعايتتى، اسىرەسە، ورنىقتىلىقتى قورعاۋ، قاتەردەن اراشالاۋ، اپاتتان قۇتقارۋ سياقتى ماڭىزدى مىندەتتەردە تىرەكتى قوسىندىق، اتويشى قوسىندىق رولىن تولىق ساۋلەلەندىرىپ، ايبىندى قوسىندىق، وركەنيەتتى قوسىندىق تاماشا وبرازىن سومدادى. قارۋلى ساقشى اسكەري ءبولىمىنىڭ شينجياڭنىڭ ورنىقتىلىق، دامۋ قىزمەتتەرىنە بۇرىنعىداي قولداۋ كورسەتىپ، شينجياڭنىڭ قوعام ورنىقتىلىعى مەن باياندى تىنىشتىعىنا پارمەندى دەم بەرىپ، قامتاماسىز ەتۋىن شىن جۇرەكتەن ءۇمىت ەتەمىز. شينجياڭداعى ءار دارەجەلى پارتكومدار، ۇكىمەتتەر شينجياڭدا تۇراتىن اسكەري بولىمدەر قۇرىلىسىن بەلسەنە قولداپ، قىزمەت كورسەتىپ، قامتاماسىز ەتىپ، تاماشا شارت - جاعداي ازىرلەيدى.

  ۋاڭ نيڭ اۆتونوميالى رايوندىق پارتكومنىڭ، حالىق ۇكىمەتىنىڭ قارۋلى ساقشى اسكەري ءبولىمى قۇرىلىسىنا كوڭىل ءبولىپ، قولداۋ كورسەتكەنىنە العىس ايتتى. ول مىنالاردى اتاپ كورسەتتى: اۆتونوميالى رايوندىق پارتكوم مەن حالىق ۇكىمەتى تۇتاس رايونداعى ءار ۇلت حالقىن ىنتىماقتاستىرىپ، باستاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭنىڭ ورنىقتىلىق، دامۋ ىستەرىن ىلگەرىلەتىپ، ەكونوميكالىق دامۋدا كورنەكتى ناتيجەلەرگە قول جەتكىزدى، نەگىزگى ساتىنىڭ نەگىزى بەكەمدەلىپ، نىعايىپ، ورنىقتىلىقتى قورعاۋ قىزمەتى مەحانيزمى ءتىپتى دە كەمەلدەنىپ، قالىڭ پارتيالى كادرلاردىڭ ستيلى اناعۇرلىم جاقسارىپ، ءار ۇلت كادرلارى مەن بۇقاراسىنىڭ رۋحاني كۇيى كوتەرىڭكى بولىپ، شينجياڭنىڭ ءتۇرلى ىستەرى جاڭا تاريحي باستاماعا قادام قويدى. كەلەسى قادامدا قارۋلى ساقشى اسكەري بولىمدەرى شي جينپيڭ جولداستى ۇيتقى ەتكەن پارتيا ورتالىق كوميتەتى بەلگىلەگەن شينجياڭ قىزمەتىنىڭ باس نىساناسىن دەن قويا دايەكتىلەندىرىپ، وزەكتى ارقاۋ ەتىپ، جالپى جاعدايعا قىزمەت ەتىپ، شينجياڭدا تۇراتىن قارۋلى ساقشى اسكەري بولىمدەرى قۇرىلىسىن كۇشەيتىپ، جاپپاي وڭاۋعا، تەگىس يگەرىپ، ءبىرىڭعاي باسقارۋعا تاباندى بولىپ، ورنىقتىلىقتى قورعاۋ قىزمەتىنىڭ ۇزاق ۋاقىتتىق ءونىمدى، ورنىقتى، بەكەم، باياندى، جۇيەلى مەحانيزمىن ورناتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەلسەندى ۇلەستەر قوسادى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.