- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
چىن چۋانگو بۇكىل رايونىمىزداعى ءىسلام ءدىنى وتانشىل ءدىني قايراتكەرلەرىنىڭ اڭگىمە ماجىلىسىندە
پارتيانىڭ ءدىن ساياساتىن جاپپاي دايەكتىلەندىرىپ، وتانشىل ءدىني قايراتكەرلەردىڭ بەلسەندى رولىن ساۋلەلەندىرىپ، وتاندى، حالىقتى ءسۇيىپ، جاراسىمدىلىقتى قورعاپ، ءدىندى سوتسياليستىك قوعامعا سايكەستىرۋدى ىلگەرىلەتۋ كەرەك دەپ باسا دارىپتەدى
شوكىرات زاكىر، جۋ حايلۇن، لي پىڭشين قاتارلىلار اڭگىمە ماجىلىسىنە قاتىناستى جانە توپتىق سۋرەتكە ءتۇستى
2016.12.01 11:01 كەلۋ قاينارى : شينجياڭ گازەتى
ءتىلشىمىز ياۋ تۇڭ 30 - قاراشادا ۇرىمجىدەن حابارلايدى. 30 - قاراشا كۇنى تۇستەن بۇرىن اۆتونوميالى رايوندىق پارتكوم بۇكىل رايونىمىزداعى ءىسلام ءدىنى وتانشىل ءدىني قايراتكەرلەرىنىڭ اڭگىمە ءماجىلىسىن وتكىزدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. ول مىنانى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتى تياناقتاندىرىپ، پارتيانىڭ ءدىن قىزمەتى جونىندەگى نەگىزگى باعىتى مەن پارتيانىڭ ءدىن ساياساتىن جاپپاي دايەكتىلەندىرىپ، وتانشىل ءدىني قايراتكەرلەردىڭ بەلسەندى رولىن تولىق ساۋلەلەندىرىپ، ءدىندى سوتسياليستىك قوعامعا سايكەستىرۋدى بەلسەنە ىلگەرىلەتىپ، ءدىني قايراتكەرلەر مەن دىنگە سەنەتىن جالپى بۇقارانى شينجياڭنىڭ قوعام ورنىقتىلىعى مەن باياندى تىنىشتىعىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا قۇلشىنا كۇرەسۋگە ۇيىمداستىرۋ جانە ۇيىستىرۋ كەرەك.
اۆتونوميالى رايون باسشىلارىنان شوكىرات زاكىر، جۋ حايلۇن، لي پىڭشين، شاۋكەت يمىن، شۇي حايرۇڭ، ما شۋەجۇن قاتارلىلار اڭگىمە ماجىلىسكە قاتىناستى جانە توپتىق سۋرەتكە ءتۇستى.
قىزۋ قول شاپالاق ءۇنى ىشىندە چىن چۋانگو 90 نەشە ءىسلام ءدىنى وتانشىل ءدىني قايراتكەرلەرىمەن ءبىر - بىردەن قول الىسىپ، امانداستى. وسى رەتكى اڭگىمە ماجىلىسكە بۇكىل رايونىمىزدىڭ 14 ايماق، وبلىس، قالاسىنان، ۇيعۇر، قازاق، حۇيزۋ، قىرعىز، دۇڭشياڭ، تاجىك، تاتار، وزبەك سياقتى 8 ۇلتتىڭ وتانشىل ءدىني قايراتكەرلەرى قاتىناستى. ابدۇراقىپ تۇمىنياز، ابدۇشۇكىر راحمەتتوللا، داۋكەش دۇزباي ۇلى، كوۋ جينفا، ابىلەميت احىمەتتوقتى، وبىلقاسىم ءيۇسىپ، احمەت ءماتنياز، وبىل اسەن تۇرسىننياز قاتارلىلار ىلگەرىندى - كەيىندى ءسوز سويلەدى. كوپشىلىك ءدىني ءتالىم - تاربيە قىزمەتىنىڭ ءىس جۇزىندىك جاعدايىمەن ۇشتاستىرىپ، اسەرلەرىن سويلەپ، ۇسىنىس قويىپ، ءبىر اۋىزدان بىلاي دەستى: اۆتونوميالى رايوندىق پارتكوم، ۇكىمەتتىڭ پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ءدىني قايراتكەرلەر مەن دىنگە سەنەتىن بۇقارانى تۋىسىنداي، دوسىنداي كورىپ، ءدىني ىستەردى زاڭ بويىنشا باسقارىپ، مەشىتتەر مەن ءدىني قيمىلدارعا باعىتتالعان الەۋمەتتىك قىزمەت وتەۋدى كۇشەيتىپ، وتانشىل ءدىني قايراتكەرلەرگە كوڭىل ءبولىپ، قامقورلىق جاسادى، ءبىز قاتتى اسەرلەندىك. ءسوز جوق، تاماشا ءداستۇردى ساۋلەلەندىرىپ، پارتيا مەن ۇكىمەتتىڭ توڭىرەگىنە تىعىز ىنتىماقتاسىپ، ءدىندى سوتسياليستىك قوعامعا سايكەستىرۋ جولىنان اۋىتقىماي، وتاننىڭ تۇتاستىعىنا، ۇلتتار ىنتىماعىنا جانە قوعامدىق وركەنيەتتىڭ دامۋىنا ءتىپتى زور ۇلەس قوسامىز. كوپشىلىكتىڭ ءسوزىن مۇقيات تىڭداعاننان كەيىن، چىن چۋانگو بىلاي دەدى: ءدىن قىزمەتى جۇڭگوشا سوتسياليزم ىستەرىنىڭ دامۋىنا، پارتيا مەن حالىق بۇقاراسىنىڭ ەتەنە بايلانىسىنا، قوعام جاراسىمدىلىعى مەن ۇلتتار ىنتىماعىنا، مەملەكەتتىڭ حاۋىپسىزدىگى مەن وتاننىڭ تۇتاستىعىنا سايادى. شينجياڭدا دىنگە سەنەتىن بۇقارا كوپ، ءدىني قيمىلدار ورنى دا كوپ، ءدىن قىزمەتىن تىڭعىلىقتى ىستەۋ بارىنەن ماڭىزدى. پارتيانىڭ ءدىن قىزمەتىنىڭ نەگىزگى باعىتىنان جازباي، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، دەربەس، ءوز - وزىنە قوجا بولۋ، ءوزى باسقارۋ پرينسيبىنەن جازباي، زاڭدىلارىن قورعاپ، زاڭسىزدارىن تەجەپ، ۇشقارىلىقتى شەكتەپ، كەۋلەپ كىرۋگە قارسى تۇرىپ، قىلمىسقا سوققى بەرىپ، ءدىندى سوتسياليستىك قوعامعا سايكەستىرۋگە بەلسەنە باستاۋ كەرەك. دىنگە سەنەتىن بۇقارانىڭ ءدىني سەنىم ەركىندىگىنە قۇرمەت ەتىپ، دىنگە سەنەتىن بۇقارانىڭ قالىپتى ءدىن سۇرانىسىن زاڭ بويىنشا قامتاماسىز ەتىپ، ولاردىڭ زاڭدى ۇقىق - مۇددەسىن قورعاپ، ءدىني قىمىلدار ورنىن قورعاۋ كەرەك. ءدىني ىستەردى زاڭ بويىنشا باسقارىپ، ۇكىمەتتىڭ ءدىني ىستەردى باسقارۋ ارەكەتىن زاڭمەن ارناعا ءتۇسىرىپ، دىنگە ساياتىن ءارقانداي قوعامدىق قاتىناستى زاڭمەن رەتكە سالۋ كەرەك. مەشىتتەر مەن ءدىني قيمىلدار ورنىنىڭ شارت - جاعدايىن جاقسارتۋدى كۇشەيتىپ، سۋ، ەلەكتر، جول، تابيعي گاز، حابارلاسۋ، راديو - تەلەۆيزور، گازەت - جۋرنال، مادەنيەت كىتاپ ءۇيى، ساياسات، بەلگىلەمەلەردى مەشىتتەرگە جەتكىزۋدى ىلگەرىلەتىپ، شارت - جاعدايدى جاقسارتىپ، قىزمەت وتەۋدى كەمەلدەندىرۋ كەرەك. وتانشىل ءدىني قايراتكەرلەردى باۋلىپ، قورعاپ، ولارعا قامقورلىق جاساپ، ءدىن قىزمەتىن ماڭىزدى بۇقارالىق قىزمەت ساناپ، وتانشىل ءدىني قايراتكەرلەرگە كوڭىل ءبولىپ، قامقورلىق جاساپ، ولاردى شىنايى ىنتىماقتاستىرىپ، ولاردى تۋىسىنداي، دوسىنداي كورىپ، باۋلۋ، تاربيەلەۋ سەرپىنىن ارتتىرىپ، ءونىمدى، كادەگە جارايتىن قورعاۋ، قامقورلىق جاساۋ مەحانيزمىن ورناتىپ، ولاردىڭ بەلسەندى رولىن تولىق ساۋلەلەندىرۋ كەرەك. زاڭسىز ءدىني قيمىلداردى زاڭ بويىنشا جونگە سالىپ، «ۇشقارىلىقتى الاستاۋ» قىزمەتىن ۇزبەي ىشكەرىلەي ىلگەرىلەتىپ، ءدىندى جەلەۋ ەتىپ، بولشەكتەۋشىلىكپەن جانە زورلىقتى كۇش لاڭكەستىك قيمىلدارىمەن شۇعىلدانعان قىلمىستىلارعا، زاڭسىز ۇيىمدارعا باتىل سوققى بەرۋ كەرەك.
چىن چۋانگو بۇكىل رايونىمىزداعى جالپى وتانشىل ءدىني قايراتكەرلەردىڭ باس شۋجي شي جينپيڭنىڭ قامقورلىعى مەن ءتالىمىن ەستە بەرىك ساقتاپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، وزىندىك باسىمدىعىن ساۋلەلەندىرىپ، داڭقتى ءداستۇردى اسقاقتاتىپ، ءدىندى سوتسياليستىك قوعامعا سايكەستىرۋدى ىلگەرىلەتۋگە ويداعىداي باستاماشىلدىق ەتۋىن، ۇلەس قوسۋىن ءۇمىت ەتتى. وتاندى، حالىقتى ءسۇيۋ جاعىندا جاقسى باستاماشىلدىق ەتىپ، جۇڭگو كوممۋنيستىك پارتياسىنىڭ باسشىلىعىن قورعاپ، سوتسياليستىك ءتۇزىمدى قورعاپ، جۇڭگوشا سوتسياليزم جولىمەن جۇرۋگە تاباندى بولىپ، وتانشىلدىق تۋىن بيىك ۇستاپ، وتاندى، حالىقتى ءسۇيىپ، وتاننىڭ تۇتاستىعىن قورعاپ، جۇڭحۋا ۇلتىنىڭ ۇلى ىنتىماعىن قورعاپ، مەملەكەتتىڭ ەڭ جوعارى مۇددەسى مەن جۇڭحۋا ۇلتىنىڭ جالپى مۇددەسىنە باعىنۋ، قىزمەت وتەۋ كەرەك. قابىلەتىن جوعارىلاتۋ جاعىندا جاقسى باستاماشىلدىق ەتىپ، پارتيا مەن مەملەكەتتىڭ ءدىن ساياساتىن مۇقيات ۇيرەنىپ، باس شۋجي شي جينپيڭنىڭ ءدىن قىزمەتى جونىندەگى ماڭىزدى بايىمداۋلارىن مۇقيات ۇيرەنىپ، ءدىني بىلىمدەردى مۇقيات ۇيرەنىپ، ءوزىن كەمەلدەندىرىپ، ءمورالدى بولۋ، دەڭگەيىن جوعارىلاتۋ، ءوز ماعلۇماتىن ۇزبەي ارتتىرىپ، ءدىني بىلىمدەرىن مولايتىپ، مادەنيەت ساۋياسىن جوعارىلاتۋ كەرەك. جاراسىمدىلىقتى جەبەۋ جاعىندا جاقسى باستاماشىلدىق ەتىپ، ءىسلام ءدىنى ۇستانعان وتاندى ءسۇيۋ، بەيبىت بولۋ، ىنتىماقتاسۋ، ورتا جول ۇستانۋ، كەشىرىمشىل بولۋ، ىزگىلىكتى ءىس ىستەۋ سىندى ءدىني اقيدالاردى ۋاعىز ايتۋ، تاپسىرلەۋ بارىسىمەن توعىستىرىپ، دىنگە سەنەتىن بۇقارانى جاراسىمدىلىقتى قادىرلەۋگە، زورلىقتى كۇشكە قارسى تۇرۋعا تاربيەلەپ، جەتەكتەپ، مەملەكەتتىڭ حاۋىپسىزدىگىن، وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ جاراسىمدىلىعىن باتىلدىقپەن قورعاۋ كەرەك. زاڭ - بەلگىلەمەگە بويسۇنۋ جاعىندا جاقسى باستاماشىلدىق ەتىپ، زاڭمەن باسقارۋ كوزقاراسىن كۇشەيتىپ، زاڭ الدىندا بارلىق ادام تەڭ دەگەننەن جازباي، مەملەكەتتىڭ زاڭ - بەلگىلەمەسىنە بويسۇنىپ، مەملەكەتتىڭ زاڭ بويىنشا باسقارۋىن سانالىلىقپەن قابىلداپ، دىنگە سەنەتىن جالپى بۇقارانى مەملەكەت زاڭى مەن ءدىني قاعيدا اراسىنداعى بايلانىستى دۇرىس تانۋعا جانە دۇرىس ءبىر جايلى ەتۋگە تاربيەلەپ، جەتەكشىلىك ەتىپ، قالىپتى ءدىني ءتارتىپتى سانالىلىقپەن قورعاۋ كەرەك. دىنگە سەنەتىن بۇقاراعا جەتەكشىلىك ەتۋدە جاقسى باستاماشىلدىق ەتىپ، ءدىني قاعيدا، اقيدالارداعى قوعامنىڭ العا باسۋىنا، حالىقتىڭ باقىتتى تۇرمىس كەشىرۋىنە ءتيىمدى بەلسەندى فاكتورلاردى تولىق اشىپ، دىنگە سەنەتىن بۇقارانى اقىل - پاراساتى مەن كۇش - قۋاتىن ءوندىرىستى دامىتۋعا، قاجىرلىلىقپەن اۋقاتتانۋعا، تۇرمىس شارت - جاعدايىن جاقسارتۋعا، تۇرمىس دەڭگەيىن جوعارىلاتۋعا جۇمساۋعا جەتەلەپ، ءدىننىڭ مەملەكەتتىڭ دامۋىنا، گۇلدەنۋىنە، دىنگە سەنەتىن بۇقارانىڭ زاتتىق جانە رۋحاني تۇرمىسىن جاقسارتۋىنا ءتىپتى دە ءتيىمدى ەتۋ كەرەك. ۇشقارىلىقتى الاستاۋ جاعىندا جاقسى باستاماشىلدىق ەتىپ، ءدىني ۇشقارى يدەيالاردىڭ كەۋلەپ كىرۋىنە قاسقايا قارسىلىق كورسەتىپ، ۋاعىز ايتۋ، تاپسىرلەۋ ىستەرىن جاسقانباي ارناعا ءتۇسىرىپ، دىنگە سەنەتىن بۇقارانى دۇرىس سەنىمگە، تۋراشىلدىققا تاباندى بولۋعا، ورتا جولدان بۇلجىماۋعا، ۇشقارىلىقتى تەجەۋگە تاربيەلەۋ، جەتەكشىلىك ەتۋ كەرەك. ۇلتتار ىنتىماعى جاعىندا جاقسى باستاماشىلدىق ەتىپ، «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتىپ، كوپىر، دانەكەر بولىپ، «ۇلتتار ىنتىماعىنىڭ بەرەكەلى شاڭىراعى» قيمىلىنا بەلسەنە ات سالىسىپ، ۇلتتاردىڭ ارالاسۋىن، توعىسۋىن، ىشتەسۋىن ىلگەرىلەتىپ، اناردىڭ دانىندەي تىعىز ۇيىسۋى كەرەك.
اڭگىمە ماجىلىسىنەن كەيىن چىن چۋانگو، شوكىرات زاكىر، جۋ حايلۇن، لي پىڭشين، شاۋكەت يمىن، شۇي حايرۇڭ، ما شۋەجۇن قاتارلى اۆتونوميالى رايوننىڭ باسشىلارى اڭگىمە ماجىلىسىنە قاتىناسقان ءىسلام ءدىنى وتانشىل ءدىني قايراتكەرلەرىمەن سۋرەتكە ءتۇسىپ، ەستەلىك قالدىردى.
30 - قاراشادا اۆتونوميالى رايوندىق پارتكوم بۇكىل رايونىمىزداعى ءىسلام ءدىنى وتانشىل ءدىني قايراتكەرلەرىنىڭ اڭگىمە ءماجىلىسىن وتكىزدى. ماجىلىستەن بۇرىن اۆتونوميالى رايوندىق پارتكومنىڭ شۋجيى چىن چۋانگو اڭگىمە ماجىلىسىنە قاتىناسقان وتانشىل ءدىني قايراتكەرلەرىمەن ءبىر - بىرلەپ قول الىسىپ امانداستى. سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
