- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كاسىپ سالاسى بويىنشا شينجياڭعا كومەكتەسۋ ارقىلى 90 مىڭ ادام كاسىپتەندى
شينجياڭعا كومەككە بەرىلگەن قارجىنىڭ %80ى حالىق تۇرمىسى قۇرىلىسىنا جۇمسالدى
2016.12.13 10:35 كەلۋ قاينارى : شينجياڭ گازەتى
ءتىلشىمىز شى شين 12 - جەلتوقساندا ۇرىمجىدەن حابارلايدى. بيىل شينجياڭعا باعىتتامالى كومەكتەسۋ قىزمەتى كاسىپ سالاسى، وقۋ - اعارتۋ، حالىق تۇرمىسى، دارىندىلار، قارىم - قاتىناس، ورنىقتىلىقتى قورعاۋ سياقتى 6 ءتۇرلى مىندەت توڭىرەگىندە ورىستەتىلىپ، ايتارلىقتاي ناتيجەگە قول جەتتى.
11 - جەلتوقساندا اۆتونوميالى رايوندىق دامۋ - رەفورما كوميتەتىنەن ۇعىسۋىمىزشا، شينجياڭعا كومەكتەسۋ قىزمەتى اۆتونوميالى رايوننىڭ 7 - رەتكى «حالىق تۇرمىسى قۇرىلىسى جىلى» قيمىلىمەن ۇشتاستىرىلىپ، حالىق تۇرمىسى بويىنشا شينجياڭعا كومەكتەسۋ نىسان قۇرىلىستارى جوعارى ونىمدىلىكپەن ىلگەرىلەتىلگەن.
قازان ايىنىڭ سوڭىنا دەيىن، شينجياڭعا بەرىلگەن كومەك قارجى 14 ميلليارد 30 ميلليون يۋانعا جەتىپ، جوسپارعا الىنعان كومەك قارجىنىڭ %97.2ى ورىندالعان؛ 1809 نىسان جۇمىسى باستالىپ، تىڭنان سالۋ جوسپارعا الىنعان نىسانداردىڭ ورىندالۋى %97.4جەتكەن.
شينجياڭعا كومەكتەسۋ قىزمەتىندە كاسىپتەنۋگە جەتەكشىلىك ەتۋ كورنەكتىلەندىرىلدى. شينجياڭعا كومەكتەسەتىن ولكەلەر مەن قالالار كاسىپ سالاسى باقشاسىن قۇرۋ، كاسىپورىنداردى قارجى قوسىپ، كاسىپ سالاسىن جانداندىرۋعا باۋراۋ، توقىماشىلىق، كيىم - كەشەك كاسىبىن سۇيەمەلدەۋ، مانەرلەۋ، ءوندىرۋ سياقتى ەڭبەككۇش شوعىرلانعان كاسىپ سالالارىن دامىتۋ ارقىلى، رايونىمىزدان 90 مىڭ ادامنىڭ جاقىن ماڭدا، وزدەرى تۇرعان جەردە كاسىپتەنۋىنە جەتەكشىلىك ەتتى.
بيىل قىركۇيەكتىڭ سوڭىنا دەيىن، اۆتونوميالى رايونىمىزداعى جەرگىلىكتى ورىندار شينجياڭعا كومەكتەسەتىن ولكەلەر مەن قالالاردىڭ ەكونوميكالىق سەلبەستىك نىساندارىنان 2218ىن، 218 ميلليارد 943 ميلليون يۋان ناقتى قارجى تياناقتاندىردى.
وقۋ - اعارتۋ، ەمدەۋ، دارىندى سياقتى جۇمساق كۇش جاعىنان شينجياڭعا كومەكتەسۋ نىساندارىنىڭ تەبىنى ارتىپ، شينجياڭعا كومەكتەسەتىن 19 ولكە، قالا كادرلاردى، دارىندىلاردى باۋلۋعا قاتىستى 277 ءتۇرلى نىسان اتقارىپ، 558 ميلليون يۋان كومەك قارجى بەرىپ، شينجياڭعا كومەكتەسەتىن ولكەلەر مەن قالالاردىڭ ابزال بايلىعى جاعىنداعى جەتەكشىلىك رولىن ساۋلەلەندىردى. دارىندىلاردان «ۇيىرمە ۇيىمداستىرىپ» شينجياڭعا كومەكتەسۋ ۇلگىسىن بەلسەنە اتقارىپ، نەگىزگى ساتىلاردىڭ وقۋ - اعارتۋ، ەمدەۋ جاعىنان قىزمەت وتەۋ قابىلەتى مەن دەڭگەيىنىڭ تۇلعالىق جاقتان جوعارىلاۋىن جەبەدى.
«13 - بەسجىلدىق» جوبا كەزىندە، شينجياڭعا كومەك قارجى بەرۋ جانە نىسان جاعىندا تاعى دا حالىق تۇرمىسى نەگىز ەتىلەدى. 19 ولكە، قالا شينجياڭعا 81 ميلليارد يۋان كومەك قارجى بەرۋدى (بيڭتۋاندى قامتىمايدى) جوسپارعا الدى. شينجياڭعا بەرىلگەن كومەك قارجىنىڭ اۋداندارعا، سونداي - اق اۋداننان تومەنگى نەگىزگى ساتىلارعا ورنالاستىرىلۋ سالىستىرماسى %80تەن، حالىق تۇرمىسىنا قاتىستى سالالارعا ورنالاستىرىلۋ سالىستىرماسى %80تەن تومەن بولمايدى
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
