شينجياڭ حالىقارالىق ەمدەۋ ورتالىقتارىن سالىپ، ەل اتتاعان قىزمەت وتەۋ تەكشەسىن قۇردى («ءبىر بەلدەۋ، ءبىر جول» - سەلبەسە وتىرىپ، تەڭ يگىلىكتەنۋ)
2017.04.27 13:35 كەلۋ قاينارى : حالىق تورابى
شينجياڭعا كەلىپ كورمەگەندەر ءۇرىمجى قالاسىندا كورشىلەس ەلدەردە اتى بەلگىلى بولا باستاعان ەمدەۋ ورتالىعىنىڭ بار ەكەنىنە سەنبەسە كەرەك. قازىر شينجياڭعا كەلىپ اۋرۋ كورسەتەتىن شەتەلدىك ناۋقاستاردىڭ سانى 14 مىڭ ادام – رەتتەن استى.
بۇلاردىڭ اراسىندا ميحايل حانىمنىڭ وتباسى دا بار. ءوز جەرىندە ەمدەۋ شارت – جاعدايى شەكتى بولعاندىقتان، قازاقستاننىڭ پاۆلودار وبلىسىنان كەلگەن ميحايل مەن ونىڭ كۇيەۋى الەكساندر، ۇلى ديما شينجياڭ ۇيعۇر اۆتونوميالى رايونىنداعى جۇڭگوشا ەمحاناعا ەمدەلۋگە كەلگەن. ــ «سىناپ كورەيىك دەگەن ويمەن كەلىپ ەدىك، وسىنداي تەز ساۋىعىپ كەتەمىز دەپ ويلاماپپىز» ــ دەيدى ول. ءبىر ۇيدەگى ءۇش جان ءبىر ەمحانا بولمەسىندە جۇرگىنە تىرەۋىش قويۋ وپەراتسياسى قاتارلى ەمدەۋلەردى قابىلداعان.
17 – ءساۋىر كۇنى تۇستەن كەيىن ميحايل حانىم: 9 كۇندە بۇكىل وتباسىمىز ساۋىقتىق، ەرتەڭ ەلىمىزگە قايتامىز، - دەيدى. ول ءوزىنىڭ وسى رەتكى ەمدەلۋ بارىسىن ەسىنە الىپ، تەبىرەنگەن كوڭىل – كۇيمەن.
اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتى پارتگرۋپپاسى شۋجيىنىڭ ورىنباسارى پىڭ يۇڭ: جىبەك جولى ەكونوميكالىق بەلدەۋىندەگى وزەكتى رايوننىڭ ەمدەۋ ورتالىعىنىڭ قۇرىلىسىن ىلگەرىلەتۋ ءۇشىن، اۆتونوميالى رايوندىق حالىق ەمحاناسى، شينجياڭ مەديتسينا ۋنيۆەرسيتەتىنىڭ ءبىرىنشى ەمحاناسى قاتارلى اۆتونوميالى رايوندىق 3A دارەجەلى 5 ەمحانادا حالىقارالىق ەمدەۋ بولىمدەرى قۇرىلىپ، حالىقارالىق ەمدەۋ قىزمەتى ىسكە قوسىلدى ءارى ەمدەلۋگە كومەكتەسەتىن ورىسشا، قازاقشا بىلەتىن ارناۋلى قىزمەتكەرلەر مەن سەسترالار دايىندالدى، - دەيدى. قازىر بۇل 5 ەمحانادا شەتەلدىك ناۋقاستارعا 500 توسەك دايىندالعان.
شينجياڭ مەديتسينا ۋنيۆەرسيتەتى 1 – ەمحاناسىنىڭ باستىعى ۋىن حاۋ: ولار ءبىزدىڭ ەمدەۋىمىزگە ريزا، - دەيدى، - وتكەندە ءبىر ناۋقاس كەلدى، ءوز ەلىندە شيپاگەرلەر ونى ساقايتۋدان كۇردەر ۇزگەن كەزدە، ول ەمحانامىزعا كەلدى، اتپال ازامات ارىقتاعاندا 38 كيلوگرامعا ءتۇسىپ قالىپتى، حال ۇستىندە جاتىر ەكەن. ءبىز ونى دەن قويا ەمدەدىك، قازىر بۇل ناۋقاس ساۋىعىپ، ەلىنە قايتتى. بۇل ءىس كەيىن شينجياڭ مەديتسينا تەحنيكاسىنىڭ شىنايى جارناماسىنا اينالدى.
تەك قانا ەمدەۋ - ەمدەلۋ ەمەس، ەمدەۋ سالاسىنداعى اۋىس – كۇيىس تە جيىلەپ كەلەدى. ءۇرىمجى قالاسى مەن قارامايلى قالاسى دوس قالالاردىڭ سەلبەستىگى قاتارلى جولدارمەن، پاكيستاننىڭ پەشاۋار قالاسى مەن گۋادار قالاسىندا كاسىپتىك ەمدەۋ قىزمەتكەرلەرىن جىل سايىن تاربيەلەۋدە. دۇنيە ءجۇزى بويىنشا ءۇشىنشى رەت اشىلعان جىلاۋىق اۋرۋىنان ساقتانۋ جانە باسقارۋ سەلبەستىك ورتالىعى شينجياڭ مەديتسينا ۋنيۆەرسيتەتىنىڭ 1 – ەمحاناسىنا ورنالاستىرىلدى. اۆتونوميالى رايوندىق كوكىرەك اۋرۋلارى بولىمىندە «جۇڭگو تۇبەركۋلەزدەن ساقتانۋ بىرلەستىگىنىڭ جۇڭگو – ورتا ازيا تۇبەركۋلەز اۋرۋىن تەجەۋدى زەرتتەۋ بازاسى» قۇرىلىپ، ورتا ازيا ەلدەرىندەگى تۇبەركۋلەزدەن ساقتانۋ – ەمدەۋ قىزمەتكەرلەرى جانە كلينيكالىق كاسىپتىك قىزمەتكەرلەرىمەن تاجىريبە اۋىستىردى.
شينجياڭنىڭ ەل اتتاعان الىس ارالىقتى ەمدەۋ تەكشەسىنىڭ تابىستى ناتيجەلەرى اۋىز تولتىرىپ ايتۋعا تاتيدى. قازىر بۇل تەكشەگە ەلىمىزدەن 3A دارەجەلى 11 ەمحانا قوسىلعان، شەتەلدەن: قىرعىزستاننىڭ 7 وبلىسى مەن 2 قالاسىنداعى 17 ەمحانا، گرۋزيادان 2 ءىرى ەمحانا جانە قازاقستاننان 5 ءىرى ەمحانا قوسىلدى. مۇنان سىرت، تاجىكىستانداعى 15 ەمحانا قازىر بۇل تەكشەنى قۇرۋ ۋاقىتىن تۇراقتاندىرۋ الدىندا تۇر.
ۋىن حاۋ: ءبىز ساپالى ەمدەۋ شارت - جاعدايىن جاراتامىز، ءارى وزگە ەلدەردىڭ دەنساۋلىق ساقتاۋ – جۇقپالى اۋرۋلاردان ساقتانۋ جۇيەسى دە ءبىزدىڭ ۇيرەنۋىمىزگە تاتيدى، سەلبەستىك ەكى جاقتىلى، ءتىپتى كوپ جاقتىلى يگىلىككە جەتەلەيدى، - دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
