جۇڭگو شينجياڭ 5 – كەزەكتى حالىقارالىق ءداستۇرلى ءبي مەرەكەسىنىڭ ءتورت ءتۇرلى ەرەكشەلىگى بار
2017.05.26 15:12 كەلۋ قاينارى : حالىق تورابى
حالىق تورابى، 26 – مامىر، بەيجيڭ. ءتاڭىرتاۋ تورابىنىڭ حابارلاۋىنشا، مادەنيەت مينيسترلىگى مەن مەملەكەتتىك كەڭەستىڭ اقپارات كەڭسەسى، شينجياڭ ۇيعۇر اۆتونوميالى رايوندىق حالىق ۇكىمەتى بىرگە ۇيىمداستىراتىن جۇڭگو شينجياڭ 5 – كەزەكتى حالىقارالىق ءداستۇرلى ءبي مەرەكەسى 20 – شىلدەدەن 5 – تامىزعا دەيىن شينجياڭدا وتكىزىلەدى. ءتاڭىرتاۋ تورابى ءتىلشىسىنىڭ 24 – مامىردا اقپار جاريالاۋ جيىنىنان ۇعىسۋىنشا، بۇل رەتكى ءبي مەرەكەسىندە كوپتەگەن ەرەكشەلىكتەر بار.
5 ءتۇرلى جاڭاشا قيمىل سالتاناتتى مەرەكەنىڭ مەرەيىن اسىرادى
بۇل رەتكى ءبي مەرەكەسى كونسەرت پەن قوعامدىق قيمىلداردى قامتيدى. كوركەمونەر ۇيىرمەلەرى كونسەرت قويۋدان سىرت، بۇل رەتكى ءبي مەرەكەسىندە «كورىكتى شينجياڭدى كوركەيتىپ، وتان ارمانىن بىرگە ىسكە اسىرۋ» جانە «ءبىر بەلدەۋ، ءبىر جول» دارىپتەمەسى، سونداي – اق، جۇڭحۋا ۇلتىنىڭ ۇزدىك ءداستۇرلى مادەنيەتىنە مۇراگەرلىك ەتۋ مەن ساۋلەلەندىرۋ سىندى تاقىرىپتاردى توڭىرەكتەي وتىرىپ، عالامتورداعى ءبي تۋرالى اۋىس – كۇيىس، جۇڭحۋا تەاتر اپتالىعى، جاڭعىرۋ اتىنداعى شينجياڭ جاستارىنىڭ ماي بوياۋلى سۋرەت كورمەسى، شينجياڭ مادەني مۇرالاردى جوندەۋدەن وتكىزۋ جەتىستىكتەرى كورمەسى، جۇڭگو جاستارىنىڭ ويما سۋرەت كورمەسى سىندى 5 ءتۇرلى قوعامدىق قيمىل وتكىزىلەدى. بۇل قيمىلدار كونسەرت قويىلىمدارىنىڭ مازمۇنىن تولىقتاپ، وسى رەتكى ءبي مەرەكەسىنىڭ زاماناعا ساي مودا، وسىزامانعى، اشىقتىق، كەڭدىك تانىمدارىنان تانباۋ نەگىزىندە، «جىبەك جولى تاقىرىبىنا نازار اۋدارىپ، مادەنيەت جاعىندا حالىققا تيىمدىلىك جاراتۋدى كورنەكتىلەندىرۋ، جۇڭگونىڭ سالاۋاتىن ايگىلەپ، شينجياڭنىڭ بەت – بەينەسىن كورسەتۋ، حالىقارالىق كوز ايانى كەڭەيتۋ» سىندى ەرەكشەلىكتەرىن اناعۇرلىم ايگىلەيدى.
ساحناداعى ۇزدىك تۋىندىلار بۇقارانىڭ تۇرمىسىمەن ەتەنە قابىستىرىلادى
بۇل رەتكى ءبي مەرەكەسىندە «كوركەمونەر سالتاناتى، حالىقتىڭ مەرەكەسى» بولۋ سىندى جولدان تانباي، كوركەمونەرلىك ورەسى جوعارى قويىلىمدار تاڭدالىپ، ەل ءىشى – سىرتىنداعى ۇزدىك بيلەر جيناقتالعان، ۋكراينانىڭ بالەت تەاترى دە، وزبەكستاننىڭ مەملەكەتتىك ءان – ءبي ۇيىرمەسى دە بار؛ پولشانىڭ دجاز مۋزيكاسى مەن وسىزامانعى ءبي كەشى دە، تاجىكستاننىڭ ۇلتتىق مۋزيكا ۇيىرمەسىنىڭ ءان – ءبي ساۋىق كەشى دە قامتىلادى. سونىمەن بىرگە، بۇل رەتكى ءبي مەرەكەسىندە كورەرمەندەرگە جۇڭگونىڭ ۇزدىك ءداستۇرلى مادەنيەتى مەن جەرگىلىكتى ەرەكشەلىككە يە كوركەمونەر قويىلىمدارى دا كورسەتىلىپ، ءبي مەرەكەسىنىڭ حالىقارالىق كوز اياسى مەن ۇلتتىق ەرەكشەلىگى بىردەي ساۋلەلەندىرىلىپ، ءبىر تۇلعالانعان، الۋان سالالى جۇڭحۋا مادەنيەتىنىڭ باي مازمۇنى كورسەتىلەدى.
جەرگىلىكتى تۋىندىلار شينجياڭنىڭ دامۋىنداعى جاڭا جەتىستىكتەردى ايگىلەيدى
بۇل رەتكى ءبي مەرەكەسىنىڭ اشىلۋ سالتى شينجياڭ كوركەمونەر تەاترى جاساعان «شۇعىلاعا شومعان ءبيشى» اتتى بيمەن باستالادى. «شۇعىلاعا شومعان ءبيشى» اتتى بيدە شينجياڭنىڭ قوعامى ورنىقتى، ۇلتتارى ىنتىماقتى بولا وتىرىپ دامۋ بارىسىندا قول جەتكىزگەن جاڭا تابىستارى تولىق سۋرەتتەلەدى. ءبي مەرەكەسىندە شينجياڭنىڭ رەفورما جاساۋ، دامۋ، ورنىقتىلىق جاقتارىن بەينەلەيتىن تۋىندىلار كورەرمەنگە جول تارتادى.
بەلەت باعاسى ارزان، الەۋمەتتىك يگىلىك سيپاتىنداعى ارناۋلى تيىمدىلىك كونسەرتتەرى ءتىپتى دە كوپ ادامدارعا تيىمدىلىك جاراتادى
اناعۇرلىم كوپ كورەرمەندەردىڭ جۇڭگولىق جانە شەتەلدىك ءبي ۇيىرمەلەرىنىڭ قويىلىمدارىن تاماشالاۋىنا وراي جاراتۋ ءۇشىن، وسى رەتكى ءبي مەرەكەسىندە 80 يۋاننان 120 يۋانعا جانە 200 يۋاننان 260 يۋانعا دەيىنگى ەكى ءتۇرلى بەلەتتەر ساتىلادى. سونىمەن بىرگە، قوعامدىق بايلىقتار مەن تەلەۆيزور، عالامتور قاتارلى اقپارات قۇرالدارىنان بەلسەندى پايدالانىپ، عالامتوردا ءبي تۋرالى اۋىس – كۇيىس قيمىلدارى جانە تەگىن بەلەت تاراتۋ، تالەيىنە قاراي بەلەتكە يە بولۋ قيمىلدارى وتكىزىلەدى. ءبي مەرەكەسىندە الەۋمەتتىك يگىلىك سالاسىنا ارنالعان كونسەرت وتكىزىلىپ، ەرەكشە كاسىپتەردەگىلەر مەن شينجياڭنىڭ قوعام ورنىقتىلىعىنا ۇلەس قوسقان ۇزدىكتەرگە، شينجياڭنىڭ مادەنيەتى مەن كوركەمونەرىنىڭ گۇلدەنۋىنە ۇلەس قوسقان قايراتكەرلەرگە تەگىن بەلەت تاراتىلىپ، اناعۇرلىم كوپ بۇقارانىڭ ءبي مەرەكەسىنىڭ جەلىلەس قيمىلدارىنا قاتىناسۋىنا وراي جاراتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
