بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شي جينپيڭ ليۋكسەمبۋرگتىڭ باس ءۋازىرى بەتتەلمەن جانە حالىقارالىق فۋتبول بىرلەستىگىنىڭ ءتوراعاسى ينفانتينومەن جەكە - جەكە كەزدەستى

2017.06.15 16:19     كەلۋ قاينارى : حالىق تورابى

  شينحۋا اگەنتتىگىنىڭ 14 - ماۋسىمدا بەيجيڭنەن بەرگەن حابارى. مەملەكەت ءتوراعاسى شي جينپيڭ 14 - ماۋسىمدا حالىق سارايىندا ليۋكسەمبۋرگتىڭ باس ءۋازىرى بەتتەلمەن كەزدەستى.

  شي جينپيڭ مىنالاردى اتاپ كورسەتتى: جۇڭگو مەن ليۋكسەمبۋرگتىڭ دوستىق قارىم - قاتىناس تاريحى ۇزاق. ەكى ەل ديپلوماتيالىق قارىم - قاتىناس ورناتقان 45 جىلدان بەرى شىنايى دوستىقتان جازباي، ءبىر - بىرىنە پايدا جەتكىزىپ، تەڭ ۇتۋعا تاباندى بولدى. ەكى ەل قارىم - قاتىناسى اقاۋسىز، تۇراقتى دامىدى. جۇڭگو ليۋكسەمبۋرگتى ەۆروپا وداعىنداعى ماڭىزدى سەلبەستىك سەرىكتەسى دەپ بىلەدى، ليۋكسەمبۋرگپەن بىرگە قۇلشىنىپ، ۇزاق ۋاقىت تۇراقتى، ومىرشەڭدىككە تولى سەرىكتەستىك قارىم - قاتىناس ورناتۋدى، جۇڭگو مەن ليۋكسەمبۋرگ قارىم - قاتىناسىن ۇزدىكسىز تىڭ ساتىعا كوتەرۋدى قالايدى.

  شي جينپيڭ مىنالاردى اتاپ كورسەتتى: تاراپتار تاڭداۋلى ءداستۇردى جالعاستىرىپ، ءوزارا تەڭ مامىلە جاساۋعا، ءبىرىن - ءبىرى قۇرمەتتەۋگە تاباندى بولىپ، ءبىر - ءبىرىنىڭ وزەكتى مۇددەسىنە ساياتىن جانە ايرىقشا نازار اۋداراتىن ماسەلەلەرىندە ءوزارا ءتۇسىنىسىپ، ءبىرىن - ءبىرى قولداۋ، ەكى ەل قارىم - قاتىناسىنىڭ دۇرىس دامۋ باعىتىن يگەرۋ كەرەك. ەكى ەلدىڭ سىندارلى سەلبەستىگىنىڭ ساپاسىن جوعارىلاتىپ، باسىمدىقتاردى كەڭەيتىپ، مۇمكىندىكتەردى اشىپ، فينانس سياقتى ءداستۇرلى سالالارداعى سەلبەستىكتى كەڭەيتىپ جانە كۇشەيتىپ، اۆياتسيا تاسىمالى، جوعارى، جاڭا تەحنيكالار، جاسىل ەكونوميكا سياقتى سەلبەستىكتىڭ تىڭ ارتۋ تۇيىندەرىن جەدەل جەتىلدىرىپ، ءتىپتى دە جوعارى دەڭگەيدەگى ءوزارا پايدا جەتكىزۋ مەن تەڭ ۇتۋدى جۇزەگە اسىرۋ كەرەك. تاراپتاردىڭ «ءبىر بەلدەۋ، ءبىر جول» قۇرىلىسى اياسىنداعى فينانس جانە وندىرىستىك قۋات سياقتى سەلبەستىكتەرىن تەرەڭدەتۋ كەرەك، جۇڭگو جىڭجوۋ - ليۋكسەمبۋرگ «اۋە جىبەك جولىن» اشۋدى قولدايدى. مادەنيەت، ءبىلىم بەرۋ، سپورت سياقتى گۋمانتيارلىق اۋىس - كۇيىستەردى كۇشەيتىپ، ادامداردىڭ بارىس - كەلىسىنىڭ ىركىلىسسىزدىگىن جوعارىلاتۋ كەرەك. جۇڭگو ليۋكسەمبۋرگتىڭ جۇڭگو - ەۆروپا قارىم - قاتىناسىندا بەلسەندى رول اتقارا بەرۋىن، ەۆروپا وداعىنىڭ جۇڭگو مەن ەۆروپا وداعىنىڭ سەلبەستىگىنىڭ تەرەڭدەي دامۋىنا ءتىپتى دە كوپ ءتيىمدى جاعداي جاساۋىن ىلگەرىلەتۋىن ءۇمىت ەتەدى.

  بەتتەل بىلاي دەدى: ليۋكسەمبۋرگ پەن جۇڭگو ديپلوماتيالىق قارىم - قاتىناس ورناتقاننان بەرى، ەكى ەلدىڭ ساۋدا - ەكونوميكا، فينانس، قاتىناس، مادەنيەت سياقتى سالالارداعى اۋىس - كۇيىسى مەن سەلبەستىگى مول جەمىس بەردى. بۇل رەت جۇڭگوعا ساپارلاي كەلۋىمنىڭ ماقساتى ەكى ەلدىڭ سەلبەستىك قارىم - قاتىناسىن ىشكەرىلەي دامىتۋ. ليۋكسەمبۋرگ پەن جۇڭگو ەكونوميكاسىنىڭ ءبىرىن - ءبىرى تولىقتاۋ سيپاتى كۇشتى، ليۋكسەمبۋرگ جۇڭگومەن بىرگە ءوزارا قۇرمەت، ءوزارا سەنىمدىلىك نەگىزىندە، ءبىر - بىرىنەن ۇيرەنىپ، ءبىر - بىرىنەن ۇلگى الىپ، تاراپتاردىڭ فينانس، قارجى سالۋ، عىلىم - تەحنيكا، ساياحات، گۋمانيتارلىق سياقتى ءار سالاداعى اۋىس - كۇيىسى مەن سەلبەستىگىن ونان ارى كەڭەيتۋدى، «ءبىر بەلدەۋ، ءبىر جول» اياسىنداعى سەلبەستىكتى نىعايتۋدى قالايدى. ليۋكسەمبۋرگ ەۆروپا وداعى مەن جۇڭگونىڭ ناتيجەلى ديالوگىن، اۋىس - كۇيىسىن، سەلبەستىگىن تەرەڭدەتۋدى دارىپتەيدى، سونداي - اق بۇل ءۇشىن بەلسەندى رول اتقارۋدى قالايدى.

  ياڭ جيەچى قاتارلىلار كەزدەسۋدە بىرگە بولدى.

  شينحۋا اگەنتتىگىنىڭ 14 - ماۋسىمدا بەيجيڭنەن بەرگەن حابارى. مەملەكەت ءتوراعاسى شي جينپيڭ 14 - ماۋسىمدا حالىق سارايىندا حالىقارالىق فۋتبول بىرلەستىگىنىڭ ءتوراعاسى ينفانتينومەن كەزدەستى.

  شي جينپيڭ مىنالاردى اتاپ كورسەتتى: سپورتتا ءىرى ەل جانە سپورتتا قۋاتتى ەل قۇرۋ − جۇڭگو حالقىنىڭ «قوس 100 جىلدىق» كۇرەس نىساناسىن جۇزەگە اسىرۋىنىڭ ماڭىزدى قۇرامداس بولىگى. جۇڭگو ۇكىمەتى فۋتبول سپورتىن دامىتۋعا ايرىقشا ءمان بەرىپ، پارمەندى، ۇزدىكسىز قولداۋ كورسەتەدى. جۇڭگودا وسى زامانعى فۋتبولدىڭ جالپىلاسۋ دەڭگەيى مەن باسەكەلىك دەڭگەيى فۋتبولدا مىقتى ەلدەردەن الدەقايدا ارتتا. فۋتبول سپورتىنىڭ ناعىز ءمانى باسەكەدە عانا ەمەس، ول حالىقتىڭ دەنە ساپاسىن كۇشەيتىپ، ادامداردى وتانشىلدىققا، كوللەكتيۆيزمگە، قايتپاس كۇرەسكەرلىك رۋحقا باۋليدى. سوڭعى جىلدارى ءبىز كۇشتەردى شوعىرلاندىرىپ، فۋتبولعا رەفورما جاساۋ جانە ونى دامىتۋدىڭ جالپىلىق جوباسىن جاساپ شىعىپ، رەفورمانى تاباندىلىقپەن ىلگەرىلەتتىك. ءبىز قازىر تۇتاس قوعامدىق فۋتبول مادەنيەتىن قالىپتاستىرىپ، فۋتبول ىستەرىن باسقارۋ ءتۇزىلىسى رەفورماسىن تەرەڭدەتىپ، دۇنيە جۇزىلىك فۋتبولدىڭ دامۋ زاڭدىلىعى مەن جۇڭگونىڭ مەملەكەت جاعدايىنا ۇيلەسەتىن، مامانداندىرىلعان، ۇتىمدى ۇيىمدىق باسقارۋ جۇيەسىن ورناتىپ، جاستار مەن ورەندەر فۋتبولىن بار كۇشپەن دامىتىپ، فۋتبول الاڭدارى سياقتى نەگىزدىك قۇرىلعى قۇرىلىستاردى كەمەلدەندىرىپ، حالىقارالىق اۋىس - كۇيىس پەن ونەگە الۋدى كۇشەيتىپ، تاباندى قۇلشىنىس، باياندى ەڭبەك ارقىلى جۇڭگو فۋتبولىنىڭ دەڭگەيىن بىرتىندەپ جوعارىلاتىپ، بەلسەندى، ءورشىل فۋتبول مادەنيەتىنىڭ جۇڭگو حالقىنىڭ جۇڭگو ارمانىن جۇزەگە اسىرۋىنداعى وڭ ەنەرگياعا اينالۋىنا مۇمكىندىك جاساۋدامىز.

  شي جينپيڭ ينفانتينونىڭ حالىقارالىق فۋتبول بىرلەستىگىنىڭ ءتوراعاسى بولعاننان كەيىن فۋتبول ىستەرىن دامىتۋعا كۇش سالعانىن، جۇڭگونىڭ فۋتبول ىستەرىنە نازار اۋدارعانىن القاپ، جۇڭگونىڭ حالىقارالىق فۋتبول بىرلەستىگى قىزمەتىنە بەلسەنە قولداۋ كورسەتەتىنىن، الەمدىك فۋتبول سپورتىنىڭ دامۋى ءۇشىن ءتيىستى ۇلەس قوسۋدى قالايتىنىن دارىپتەدى. جۇڭگو مەن حالىقارالىق فۋتبول بىرلەستىگى سەلبەستىگىنىڭ بولاشاعى كەڭ.

  ينفانتينو بىلاي دەدى: جۇڭگو فۋتبولىنىڭ دامۋى الەم فۋتبولى ءۇشىن ايرىقشا ماڭىزدى مانگە يە. ءتوراعا شي جينپيڭنىڭ جۇڭگونىڭ فۋتبول رەفورماسى جانە ونى دامىتۋ جونىندەگى ۇستانىمدارى ستراتەگيالىق كورەگەندىككە باي. حالىقارالىق فۋتبول بىرلەستىگى جۇڭگو ۇكىمەتىنىڭ فۋتبول ىستەرىنە ءمان بەرگەنىن، فۋتبول رەفورماسىن ىلگەرىلەتكەنىن، جالپى حالىقتىق فۋتبول سپورتىن بەلسەنە جالپىلاستىرعانىن جوعارى باعالايدى. حالىقارالىق فۋتبول بىرلەستىگىنىڭ فۋتبولدى دامىتۋ ستراتەگياسىندا جۇڭگو ماڭىزدى، الدىڭعى ورىندا تۇرادى. حالىقارالىق فۋتبول بىرلەستىگى جۇڭگومەن سەلبەستىكتى نىعايتۋدى، جۇڭگو فۋتبولى مەن الەمدىك فۋتبول ىستەرىنىڭ دامۋىن جەبەۋدى قالايدى.

  مەملەكەتتىك كەڭەستىڭ ورىنباسار زۇڭليى ليۋ ياندۇڭ قاتارلىلار كەزدەسۋدە بىرگە بولدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار