بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شوكىرات زاكىر چيۋ يۋانپيڭمەن جانە ونىڭ ساپارلاستارىمەن كەزدەستى

شينجياڭنىڭ مۇھاجىرلار قىزمەتىندە ۇزدىكسىز جاڭا جاعداي اشايىق

2017.07.18 13:18     كەلۋ قاينارى : ءتاڭىرتاۋ تورابى

  16 - شىلدەدە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مەملەكەتتىك كەڭەستىڭ مۇھاجىرلار قىزمەتى كەڭسەسىنىڭ مەڭگەرۋشىسى چيۋ يۋانپيڭمەن جانە ونىڭ ساپارلاستارىمەن كەزدەستى.

  مەملەكەتتىك كەڭەس پەن اۆتونوميالى رايوندىق حالىق ۇكىمەتى ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ جانە شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسىنىڭ رۋحىن ىشكەرىلەي تياناقتاندىرۋ ءۇشىن، مۇھاجىرلار قىزمەتى جونىندە شينجياڭعا باعىتتامالى كومەكتەسۋدىڭ مەملەكەتتىك ءماجىلىسىن اشادى. چيۋ يۋانپيڭ مەن ونىڭ ساپارلاستارى بۇل جولى وسى ماجىلىسكە قاتىناسۋ ءۇشىن شينجياڭعا ارنايى ات باسىن بۇرىپ وتىر.

  شوكىرات زاكىر مەملەكەتتىك كەڭەستىڭ مۇھاجىرلار قىزمەتى كەڭسەسىنىڭ جانە تۋىسقان ولكە، قالالارداعى مۇھاجىرلار قىزمەت جۇيەسىنىڭ شينجياڭدى ۇزاقتان بەرى قولداپ - قۋاتتاعانىنا جانە كومەكتەسكەنىنە العىس ايتتى، سونداي - اق شينجياڭنىڭ مۇھاجىرلار قىزمەتىنىڭ دامۋ احۋالىن تانىستىردى. ول بىلاي دەدى: جاقىنعى جىلداردان بەرى، ورتالىقتىڭ قاتىستى مينيسترلىكتەرىنىڭ، كوميتەتتەرىنىڭ جوعارى دەڭگەيدە ىلگەرىلەتىپ، جان - جاقتان قيمىلداپ، شينجياڭعا قاتىستى مۇھاجىرلار قىزمەتىن مەملەكەتتىك دەڭگەيدە كۇش سالا ىلگەرىلەتۋىنىڭ ارقاسىندا، شينجياڭنىڭ مۇھاجىرلار قىزمەتى ايتارلىقتاي دامىدى. اۆتونوميالى رايوندىق پارتكوم مەن ۇكىمەت قوعام ورنىقتىلىعى مەن باياندى تىنىشتىق باس نىساناسىن كوزدە ۇستاي وتىرىپ، شينجياڭعا قاتىستى شەتەلدەگى مۇھاجىرلار قىزمەتىنە ايرىقشا كوڭىل ءبولىپ، ارناۋلى باسشىلىق ەتۋ گرۋپپاسىن قۇرىپ، ءبىر تۇتاس باسشىلىق ەتەتىن، سايكەسە قيمىلدايتىن، بىرلەسىپ ىلگەرىلەتەتىن ءونىمدى مەحانيزمدى قالىپتاستىردى. مەملەكەتتىك كەڭەستىڭ مۇھاجىرلار قىزمەتى كەڭسەسىنىڭ شينجياڭنىڭ مۇھاجىرلار قىزمەتىنە ۇزدىكسىز قولداۋ كورسەتۋىن، شينجياڭنىڭ مۇھاجىرلار قىزمەتىندە ۇزدىكسىز جاڭا جاعداي اشىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا ءتىپتى دە ويداعىداي قىزمەت كورسەتۋىن ءۇمىت ەتەمىن.

  چيۋ يۋانپيڭ بىلاي دەدى: شينجياڭ جىبەك جولى ەكونوميكالىق بەلدەۋى وزەكتى رايونىن قۇرۋدا. شەتەلدەردەگى مۇھاجىرلار بايلىعى ابزالدىلىعىن ساۋلەلەندىرۋ جاڭا جاعدايدا شينجياڭعا قاتىستى شەتەلدەگى مۇھاجىرلار قىزمەتىن جانە مۇھاجىرلار قىزمەتى جونىندە شينجياڭعا باعىتتامالى كومەكتەسۋ قىزمەتىن ويداعىداي ىستەۋ جونىنەن توتەنشە ماڭىزدى رول اتقارادى. الداعى جەردە اۆتونوميالى رايونمەن تىلدەسۋدى، قارىم - قاتىناستى جانە سەلبەستىكتى ونان ارى نىعايتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋعا دەم بەرۋدى ءۇمىت ەتەمىز.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوننىڭ ورىنباسار ءتوراعاسى جاروللا يسامدين، مەملەكەتتىك كەڭەستىڭ مۇھاجىرلار قىزمەتى كەڭسەسىنىڭ ورىنباسار مەڭگەرۋشىسى تان تيانشيڭ كەزدەسۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار