شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىنداعى بەلگىلەمەگە قايشى 12 تيپتىك ماسەلەنى حابارلاندىردى
2017.07.24 13:44 كەلۋ قاينارى : ءتاڭىرتاۋ تورابى
تاياۋدا، اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىنداعى بەلگىلەمەگە قايشى 12 تيپتىك ماسەلەنى حابارلاندىردى، بەلگىلەمەگە قايشى بۇل 12 ماسەلە مىنالار:
1. قارا ءشار حۇيزۋ اۆتونوميالى اۋدانى چيگىشيڭ قالاشىق پارتكومىنىڭ بۇرىنعى شۋجيى گى جيانفىڭنىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسىنا بەرىلگەن كومەك قاراجاتتى يەمدەنىپ الۋ ماسەلەسى. 2015 - جىلى ءىشىنارا شارۋا ۇيلەرىنىڭ ءىس جۇزىندىك قۇرىلىس كولەمى كومەك قاراجات ولشەمىنەن تومەن بولعان جاعدايدا، گى جيانفىڭ ءار شارۋا وتباسىنان 18 مىڭ 500 يۋاندىق قۇرىلىس باعاسى بويىنشا كوتەرمەگە الۋشى جاقپەن جالعان قۇرىلىس توقتامىنا قول قويۋدى تالاپ ەتەدى. قالاشىقتىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا ۇيلەردى جاڭالاپ سالۋى، كەڭەيتىپ سالۋى بارىسىندا گى جيانفىڭنىڭ جول كورسەتۋىمەن شيە XX قۇرىلىس كولەمىن جالعان مالىمدەۋ، قۇرىلىس قاراجاتىن ارتتىرۋ تاسىلدەرى ارقىلى بەيقۇت ءۇي سالىپ، حالىقتى اۋقاتتاندىرۋ بويىنشا بەرىلگەن 132 مىڭ 500 يۋاندىق كومەك قاراجاتتى قىمقىرىپ الادى، شيە XX وسى اقشانى ساقتاپ قويادى، گى جيانفىڭ ونى ءبولىپ پايدالانادى. تەكسەرۋ بارىسىندا تاعى باسقا دا تارتىپكە قايشىلىق جاساۋ ارەكەتى بايقالدى. 2017 - جىلى ءساۋىر ايىندا، گى جيانفىڭعا پارتيادان شىعارۋ، قىزمەتتەن ايداۋ جازاسى بەرىلدى، قىلمىسقا ساياتىن ماسەلەسىنىڭ دەرەكتەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
2. ءپىشان اۋدانى ءپىچان اۋىلى عولارىق قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ بۇرىنعى مەڭگەرۋشىسى عۇپۇر حابيبولدىڭ بەيقۇت ءۇي سالىپ، حالىقتى اۋقاتتاندىرۋ كومەك قاراجاتىن زاڭسىز جولمەن الۋ سياقتى ماسەلەسى. 2012 - جىلدان 2013 - جىلعا دەيىن، عۇپۇر حابيبول بەيقۇت ءۇي سالىپ، حالىقتى اۋقاتتاندىرۋ قىزمەتىنە جاۋاپتى بولۋداي قولايلىلىقتان پايدالانىپ، بەيقۇت ءۇي سالىپ، حالىقتى اۋقاتتاندىرۋ كومەك قاراجاتىنان 114 مىڭ يۋاندى زاڭسىز جولمەن الادى. 2017 - جىلى ءساۋىر ايىندا، عۇپۇر حابيبولعا پارتيادان شىعارۋ جازاسى بەرىلدى، قىلمىسقا ساياتىن ماسەلەسىنىڭ دەرەكتەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
3. گۇما اۋدانى گۇما قالاشىعى پارتكومىنىڭ بۇرىنعى ورىنباسار شۋجيى، بۇرىنعى قالاشىق باستىعى ابلىمەت ابدۇقادىردىڭ كەدەيلەردى سۇيەمەلدەۋ قارجىسىن زاڭسىز جولمەن الۋ سياقتى ماسەلەسى. ابلىمەت ابدۇقادىر كەدەيلەردى سۇيەمەلدەۋ بويىنشا مال، قۇس ساتىپ الۋ نىسانىندا قول استىنداعىلاردىڭ قامداۋشى ساۋداگەرلەردەن 467 مىڭ 500 يۋان پارا الۋىنا جول بەرەدى جانە ونى ىشتەي قۇپتايدى؛ حالىققا تيىمدىلىك جاساۋ قارجىسىنان 826 مىڭ 500 يۋاندى زاڭسىز جولمەن الادى ءارى 376 مىڭ 500 يۋاندى ءوزى يەمدەنىپ الادى. 2017 - جىلى ءساۋىر ايىندا ابلىمەت ابدۇقادىرعا پارتيادان شىعارۋ، قىزمەتتەن ايداۋ جازاسى بەرىلدى، قىلمىسقا ساياتىن ماسەلەسىنىڭ دەرەكتەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
4. نيە اۋدانى سالعويزەك اۋىلدىق پارتكومنىڭ بۇرىنعى مۇشەسى، قارۋلى ءبولىمنىڭ باستىعى بارات ءماتسىلامنىڭ بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىن قىمقىرۋ ماسەلەسى. 2012 - جىلى مامىر ايىندا، بارات ءماتسىلام بەيقۇت ءۇي سالىپ حالىقتى اۋقاتتاندىرۋ ينجەنەرياسى بويىنشا ءۇي سالۋعا جوسپارلانىپ وتىرعان ءبىر توننا بولات شىبىقتى 10 مىڭ يۋانعا باسقالارعا ساتىپ بەرەدى. 2013 - جىلى تامىزدان 2016 - جىلى اقپانعا دەيىن، وسى اۋىلدىق پارتكومنىڭ ورىنباسار شۋجيى، اۋىل باستىعى ا XXپەن بىرگە بەيقۇت ءۇيدى سىرلاۋ، بولات شىبىق مانەرلەۋ، اسحانا، تازالىق ءۇيىنىڭ جابدىقتارىن ساتىپ الۋ باعاسىن ءوز بىلگەنىنشە جوعارىلاتىپ، ارادان 66 مىڭ يۋان پارا جەيدى. 2017 - جىلى مامىردا، بارات ءماتسىلامعا پارتيادان شىعارۋ، قىزمەتتەن ايداۋ جازاسى بەرىلدى. قىلمىسقا ساياتىن ماسەلەسىنىڭ دەرەكتەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى.
5. قاشقار قالاسى مال شارۋاشىلىق، مال دارىگەرلىك مەكەمەسى پارتيا ياچەيكاسىنىڭ بۇرىنعى شۋجيى، مەكەمەنىڭ بۇرىنعى ورىنباسار باستىعى وسمانجان ياسىننىڭ كەدەيلەردى سۇيەمەلدەۋ نىسانىن ءوز بىلگەنىنشە وزگەرتۋ ماسەلەسى. 2016 - جىلى، وسى مەكەمە كەدەيلەردى دالمە - ءدال سۇيەمەلدەۋ بويىنشا ساپالى مال تۇقىمىن جالپىلاستىرۋعا قاجەتتى قوسىمشا قاراجات نىسانىن اتقارۋ بارىسىندا، نىساندى اتقاراتىن ورىن ءار وتباسىنا بەرەتىن 3300 يۋان اقشانى ءوز بىلگەنىنشە شارۋالار وزدەرى تاپسىراتىن ەتىپ وزگەرتەدى، ناتيجەدە 180 كەدەي وتباسى وزدەرى تاپسىرۋعا شامالارى كەلمەي، كەدەيلەردى سۇيەمەلدەۋ قارجىسىنان يگىلىكتەنە الماي قالادى. 2017 - جىلى ساۋىردە، وسمانجان ياسىنعا پارتيادان شىعارۋ، اكىمشىلىك مىندەتىنەن الىپ تاستاۋ جازاسى بەرىلدى.
6. تەكەس اۋدانى كوكتەرەك قىرعىز ۇلتتىق اۋىلى كوكتەرەك قىستاعى تۇرعىندار كوميتەتىنىڭ بۇرىنعى ورىنباسار مەڭگەرۋشىسى باعدات ءالىمجاننىڭ بەلگىلەمەگە قايشىلىق جاساپ، قوسىمشا قاراجاتتان يگىلىكتەنۋ ماسەلەسى. 2010 - جىلى باعدات ءالىمجان ەرەجەگە قايشىلىق جاساپ، ءوز اتىندا مالشىلاردى وتىرىقتاندىرۋ قوسىمشا قاراجاتىنان 40 مىڭ 290 يۋان يگىلىكتەنەدى. 2017 - جىلى ساۋىردە باعدات ءالىمجانعا پارتيادان شىعارۋ جازاسى بەرىلدى.
7. اقسۋ قالاسى توپلۇق اۋىلى قارايانتاق قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ بۇرىنعى مەڭگەرۋشىسى اكپار وشۇردىڭ كەدەيلەردى سۇيەمەلدەۋ قارجىسى مەن زاتتارىن يەمدەنۋ ماسەلەسى. 2012 - جىلى اكپار وشۇر قىستاق تۇرعىندارىنا سالىنعان بەيقۇت ءۇيدى ءوز بىلگەنىنشە ساتىپ، ءۇي ساتۋدان تۇسكەن 15 مىڭ يۋاندى يەمدەنىپ العان؛ 2013 - جىلى اقپاندا وسى قىستاقتىڭ وپپاسىزداندىرىلعان توعاندى جاڭالاۋ ينجەنەرياسىندا ديقانداردىڭ جەمىس باقتارىنا (ەگىستىك جەر) تولەم رەتىندە بەرىلگەن قۇنى 16 مىڭ 300 يۋاندىق 99 داعار حيميالىق تىڭايتقىشتى يەمدەنگەن؛ 2014 - جىلى مامىردا مەملەكەت كەدەيلەردى سۇيەمەلدەۋ ءۇشىن تەگىن تاراتقان 30 داعار حيميالىق تىڭايتقىشتى وسى قىستاقتاعى بەلگىلى تۇرعىنعا 3000 يۋانعا ساتىپ بەرگەن. 2017 - جىلى اكپار وشۇرعا پارتيادان شىعارۋ جازاسى بەرىلدى.
8. يوپۇرعا اۋدانى اشمە قالاشىعى جاعدا قىستاعى قىستاق تۇرعىندار كوميتەتىنىڭ بۇرىنعى ورىنباسار مەڭگەرۋشىسى ابدىرەيىم توحتىنىڭ جانە تۋىس - تۋعاندارىنىڭ بەلگىلەمەگە قايشىلىق جاساپ، ەڭ تومەنگى تۇرمىستى قامتاماسىزداندىرۋ قاراجاتىن الۋ ماسەلەسى. 2016 - جىلى شىلدەدەن باستاپ ابدىرەيىم توحتى وتباسىنداعى 8 ادام جانە تۋىس - تۋعانىنان 21 ادام بەلگىلەمەگە قايشىلىق جاساپ، 58 مىڭ 700 يۋان ەڭ تومەنگى تۇرمىستى قامتاماسىزداندىرۋ قاراجاتىن العان. 2017 - جىلى ساۋىردە ابدىرەيىم توحتىعا پارتيادان شىعارۋ جازاسى بەرىلدى.
9. باعراش اۋدانى شەكىننۇر اۋىلى سايعانودۇن قىستاعى پارتيا ياچەيكاسىنىڭ بۇرىنعى ورىنباسار شۋجيى، قىستاق تۇرعىندار كوميتەتىنىڭ بۇرىنعى ورىنباسار مەڭگەرۋشىسى دارماننىڭ بەلگىلەمە قايشىلىق جاساپ، ەڭ تومەنگى تۇرمىستى قامتاماسىزداندىرۋ قاراجاتىن تاراتۋ ماسەلەسى. 2014 - جىلى دارمان قىزمەت قولايلىلىعىنان پايدالانىپ، شارتقا تولمايتىن بالدىزىنىڭ قىزىن ەڭ تومەنگى تۇرمىستى قامتاماسىزداندىرۋعا ەنگىزىپ، 6200 يۋان اۋىل - قىستاق ەڭ تومەنگى تۇرمىستى قامتاماسىزداندىرۋ كومەك قاراجاتىن بەلگىلەمەگە قايشىلىق جاساپ تاراتقان. 2017 - جىلى ماۋسىمدا دارمانعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
10. كۇشار اۋدانى قانىقاتام اۋىلى سايارىق قىستاعىنىڭ كاسسىرى سۇلتان كەبىردىڭ كومەك قاراجاتىن يەمدەنۋ ماسەلەسى. 2016 - جىلى ماۋسىمدا سۇلتان كەبىر كومەك قاراجاتىن تاراتۋ بارىسىندا ا XX قاتارلى 5 ديقانعا بەرىلەتىن 22 مىڭ 500 يۋان كومەك قاراجاتىن ءوز بەلگەنىنشە تارتىپ قالىپ، ونى ءوزىنىڭ جەكە تۇرمىستىق شىعىسىنا پايدالانعان. 2017 - جىلى مامىردا سۇلتان كەبىرگە پارتيا ىشىندە قاتاڭ ەسكەرتۋ بەرۋ جازاسى بەرىلدى.
11. جىڭ اۋداندىق مۇگەدەكتەر بىرلەستىگىنىڭ القا باستىعى ابدۇرۇسۇل ءالىپتىڭ مۇگەدەكتەردى سۇيەمەلدەۋ نىسان قارجىسىن ءوز بەتىمەن وزگەرتۋ ماسەلەسى. 2015 - جىلى، 2016 - جىلى ابدۇرۇسۇل ءالىپ «اۋىل - قىستاق بازار ينجەنەرياسىنىڭ» مۇگەدەكتەردى سۇيەمەلدەۋ نىسانىنداعى ارناۋلى قارجىنىڭ پايدالانىلاتىن ورنى مەن كومەك ولشەمىن ءوز بەتىنشە وزگەرتكەن، دەلوعا ساياتىن سوما 85 مىڭ يۋان بولعان. 2017 - جىلى ماۋسىمدا ابدۇرۇسۇل ءالىپقا پارتيا ىشىندە ەسكەرتۋ بەرۋ جازاسى، اكىمشىلىك ەسكەرتۋ جازاسى بەرىلدى.
12. اقشي اۋدانى اقشي قالاشىعى پارتكومىنىڭ مۇشەسى، ورىنباسار قالاشىق باستىعى ۋاڭ مينجيەنىڭ كەدەيلەردى سۇيەمەلدەۋ قارجىسىن باسقاعا پايدالانۋ ماسەلەسى. 2015 - جىلى قازاندا ۋاڭ مينجيە وسى قالاشىقتىڭ 88 مىڭ 200 يۋان كەلەتىن مال تابىنى نىسان قارجىسىن باسقاعا بەتالدى پايدالانىپ، كومپيۋتەر سياقتىلاردى ساتىپ الۋعا جۇمساعان. 2017 - جىلى ناۋرىزدا ۋاڭ مينجيەگە پارتيا ىشىندە ەسكەرتۋ بەرۋ جازاسى بەرىلدى.
اۆتونوميالى رايوندىق ءتارتىپ تەكسەرۋ كوميتەتى مىنالاردى باسا دارىپتەدى: كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل ەل حالقىنا بەرگەن ايبىندى ۋادەسى، ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى، ءسوز جوق، ارقالاۋعا ءتيىستى تاريحي بورىش جانە ساياسي جاۋاپكەرشىلىك. رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى جانە ءتارتىپ تەكسەرۋ، باقىلاۋ - تەكسەرۋ كادرلارى باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ قىزمەتى جونىندە، اسىرەسە، تۇبەگەيلى كەدەي وڭىرلەردىڭ كەدەيلىكتەن قۇتىلدىرۋدان قامال الۋ جونىندەگى اڭگىمە ماجىلىسىندە سويلەگەن ماڭىزدى سوزدەرىنىڭ رۋحىن، ۋاڭ چيشان شۋجيدىڭ كەدەيلەردى سۇيەمەلدەۋ سالاسىنداعى باقىلاۋ، ءتارتىپ اتقارۋ، جاۋاپقا تارتۋ قىزمەتى جونىندەگى تەلەۆيزور - تەلەفون ماجىلىسىندە سويلەگەن ءسوزىنىڭ رۋحىن جانە اۆتونوميالى رايوندىق پارتكومنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى تالاپتارىن ىشكەرىلەي ۇيرەنىپ، دايەكتىلەندىرىپ، ساياسي دەڭگەي مەن ساياسي سانانى اناعۇرلىم ءوسىرىپ، ساياسي تاباندىلىقتى كۇشەيتىپ، ءتارتىپ پەن قاعيدانى الدىعا قويىپ، باقىلاۋدى، ءتارتىپتى اتقارۋدى، جاۋاپقا تارتۋدى كۇشەيتىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋدى ءتارتىپ جاعىنان پارمەندى قامتاماسىز ەتۋى كەرەك. ساتىلار بويىنشا قىسىم جەتكىزىپ، ايماقتىق، وبلىستىق، قالالىق، اۋداندىق، قالالىق، رايوندىق، اۋىل، قالاشىق پارتكومدارىنىڭ (پارتيا باسشىلىق گرۋپپاسى) تۇلعالىق جاۋاپكەرشىلىگى مەن ءتارتىپ تەكسەرۋ كوميتەتتەرىنىڭ (ءتارتىپ تەكسەرۋ گرۋپپاسى) باقىلاۋ جاۋاپكەرشىلىگىن دارەجە بويىنشا قاتايتۋ قاجەت. ماسەلەنى نىشان ەتۋگە تاباندى بولىپ، كەدەيلەردى سۇيەمەلدەۋ سالاسىنداعى ماسەلە دەرەكتەرىنىڭ كەلۋ ارنالارىن كەڭەيتىپ، كەدەيلەردى سۇيەمەلدەۋ سالاسىنداعى «4 ءتۇرلى بۇرىس ستيل» مەن جەمقورلىق ماسەلەسىن شارلاۋدىڭ، تەكسەرۋدىڭ، اشىق تەكسەرۋ مەن جاسىرىن تەكسەرۋدىڭ ءتۇيىندى مازمۇنى ەتىپ، ماسەلەنى بايقاۋ، ماسەلەنى شەشۋ قابىلەتىن كۇش سالا ءوسىرىپ، ماسەلە دەرەگىن ءدال بايقاپ، ءتارتىپتىڭ اتقارىلۋىن ءدال باقىلاپ، كەدەيلەردى سۇيەمەلدەۋ قارجىسىن يەمدەنۋ ويىندا بولىپ، وعان ارام قولىن سوزعان ماسەلەلەردى قاتاڭ تەكسەرىپ ءبىر جاقتى ەتۋ ءتيىس. جاۋاپكەرشىلىگىن قۋزاستىرۋدى، جاۋاپقا تارتۋدى قاتايتىپ، جاۋاپكەرشىلىگىن قۋزاستىرۋ ارقىلى كەدەيلەردى سۇيەمەلدەۋ سالاسىنداعى «2 جاۋاپكەرشىلىكتى» تياناقتاندىرۋعا قۋزاۋ كەرەك. حابارلاندىرۋ، اشكەرەلەۋ جيىلىگى مەن سانىن ارتتىرىپ، كەدەيلەردى سۇيەمەلدەۋ سالاسىنداعى ەرەجەگە قايشىلىق جاساعان تيپتىك ماسەلەلەردى حابارلاندىرۋدى، اشكەرەلەۋدى ۇدايىلاندىرىپ، ءتارتىپتى قاتاڭ اتقارۋ، ەرەجەگە قايشىلىق جاساعانداردى قۋزاستىرۋ، جاۋاپكەرشىلىگىن اتقارماعانداردى جاۋاپقا تارتۋ، قاتاڭ جاۋاپقا تارتۋ سىندى كۇشتى سيگنالدى ۇزبەي تاراتىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋگە تاماشا جاعداي جاساۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
