شينجياڭ جىڭ اۋدانىنداعى جەر سىلكىنگەن جەرلەردە قىزمەت ءتۇيىنى ىزدەۋ – قۇتقارۋ كەزەڭىنەن قامتاماسىزداندىرۋ – قايتا قۇرۋ كەزەڭىنە ءوتتى
2017.08.11 15:35 كەلۋ قاينارى : حالىق تورابى
شينحۋا اگەنتتىگى، 10 – تامىز، ءۇرىمجى (فۋ شياۋبو، ليۋ بيڭ) ءتىلشىنىڭ شينجياڭ جىڭ اۋدانىنان ۇعىسۋىنشا، 10 – تامىز كۇنى ساعات 18گە دەيىن، جىڭ اۋدانىندا تۋىلعان 6.6 بال جەر سىلكىنىسىندە 32 ادام جارالانعان (3 ادام اۋىر جارالانعان)، 307 اۋىز ءۇي قۇلاپ، 5469 اۋىز ۇيگە سىزات تۇسكەن نەمەسە بۇلىنگەن، 213 ورىنداعى اۋلا داۋالى مەن 153 مال قوراسى قۇلاعان، 6 ورىندا جول بۇلىنگەن.
قازىر ءبىرىنشى شەپتەگى ىزدەۋ – قۇتقارۋ قىزمەتى اياقتادى، قاتىستى تاراۋلار اپاتتان كەيىنگى قايتا قۇرۋ جانە قامتاماسىزداندىرۋ قىزمەتىنە بەل شەشە كىرىستى.
ءتىلشىنىڭ اپات تۋىلعان جەردەن ۇعىسۋىنشا، وسى رەتكى قاتەردەن اراشالاۋ، ىزدەۋ – قۇتقارۋ قىزمەتى بارىسىندا ءورت ءوشىرۋشى كوماندير – جاۋىنگەرلەر جاندى دەنەنى ىزدەۋ اسپابى، ىزدەۋ اۆشوركاسى، بۇزۋ قۇرالدارىنان پايدالانىپ، 6 قىستاقتى ءۇي باسى سايىن تەكسەرىپ شىقتى، قۇلاعان 307 ءۇيدىڭ بارلىعىن بىردەن تەكسەرىپ، 300دەن استام بۇقارانى كوشىردى، ءبىر بۇرىشتى، ءبىر ادامدى دا قالتىرماۋعا كەپىلدىك ەتتى.
قازىر اپات تۋىلعان جەردە شاتىر تىگۋ؛ بالالار باقشاسىن، مەكتەپتەردى، قىستاقتاعى مادەنيەت ۇيلەرىن بوساتۋ؛ سول ماڭداعى تۋىس – تۋعانىنىڭ ۇيىنە ورنالاستىرۋ سىندى تاسىلدەرمەن 10500 بۇقارانى كوشىرىپ ورنالاستىردى.
اپاتقا ۇشىراعان جەردە حابارلاسۋ، سۋمەن، ەلەكترمەن، گازبەن قامداۋ ءىسى قالىپتى جۇرگىزىلۋدە، اپات تۋىلعان جەردەگى تاس جولداردا قاتىناس قالپىنا كەلتىرىلدى. اپاتقا ۇشىراعان بۇقارانى ۋاقىتتىق ورنالاستىرۋ ورنىندا سۋ، كۇرىش، ۇن، ماي، شاتىر، ءدارى – دارمەك سىندى قاجەتتى بۇيىمدار جەتكىلىكتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
