حالىق تورابى، 21 – قىركۇيەك، بەيجيڭ. ءتاڭىرتاۋ تورابىنىڭ حابارلاۋىنشا، شينجياڭ ەلەكتر ەنەرگياسىن تاراتۋ جانە جەتكىزۋ شەكتى سەرىكتەستىگى ديرەكتورىنىڭ ورىنباسارى لي جيۋىن 20 – قىركۇيەك تۇستەن بۇرىن اۆتونوميالى رايون ءتوراعاسىنىڭ ورىنباسارى، ساياسي كەڭەس ءتوراعاسىنىڭ ورىنباسارى ماعاۋ سەيىتقامزا ۇلى تابىستاعان «12 كۋالىك بىرىكتىرىلگەن، ءبىر كۋالىككە ءبىر ءنومىر سايكەس كەلەتىن» تيجارات كۋالىگىن تاپسىرىپ الىپ: قازىر تيجارات كۋالىگىن تەك ءبىر عانا بولىمنەن بىتىرەتىن بولدىق، بۇل كاسىپورىننىڭ ەڭبەككۇش جانە ۋاقىت جاعىنداعى شىعىمىن بارىنشا ۇنەمدەيدى، ــ دەيدى كوڭىلدى بەينەدە.
سول كۇنى 6 كاسىپورىن «12 كۋالىك بىرىكتىرىلگەن، ءبىر كۋالىككە ءبىر ءنومىر سايكەس كەلەتىن» تيجارات كۋالىگىنە يە بولدى. ۇعىسۋعا قاراعاندا، بۇرىن 12 كۋالىكتى ءبىتىرۋ ءۇشىن كەمىندە 3 ايدان استام ۋاقىت كەتەتىن، قازىر تەك ونەركاسىپ – ساۋدا تاراۋلارىنا ماتەريالداردى تاپسىرعاننان كەيىن، ەڭ تەز بولعاندا سول كۇنى، ەڭ كەشىككەندە 5 كۇن ىشىندە ءبىتىرىپ الۋعا بولادى.
كەلۋ قاينارى: حالىق تورابى