«تاكلاماكانداعى بارابان ءۇنى» اتتى فيلىم «بەس تۇردەن بىردەن تۋىندى قابىلداۋ ينجەنەرياسى» سيلىعىنا يە بولدى

2017.09.29 13:23   كەلۋ قاينارى : حالىق تورابى

　　حالىق تورابى، 29 – قىركۇيەك، بەيجيڭ. ءتاڭىرتاۋ تورابىنىڭ حابارلاۋىنشا، 14 – كەزەكتى رۋحاني وركەنيەت قۇرىلىسى «بەس تۇردەن بىردەن تۋىندى قابىلداۋ ينجەنەرياسىنىڭ» ماراپاتتاۋ اڭگىمە ءماجىلىسى 27 – قىركۇيەكتە بەيجيڭدە اشىلدى. ۇيىمداستىرۋ قىزمەتىندە ۇلگىلى بولعان 16 ورىن مەن 67 تۋىندى ماراپاتتالدى. شينجياڭ ۇيعۇر اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق اقپارات – باسپا ءسوز، راديو – تەلەۆيزيا مەكەمەسى، تيانشان كينو ستۋدياسى بىرگە تۇسىرگەن «تاكلاماكانداعى بارابان ءۇنى» اتتى فيلىم 14 – كەزەكتى رۋحاني وركەنيەت قۇرىلىسى «بەس تۇردەن بىردەن تۋىندى قابىلداۋ ينجەنەرياسى» سيلىعىنا يە بولدى.

　　«تاكلاماكانداعى بارابان ءۇنى» اتتى فيلىمنىڭ وقيعاسى تاكلاماكان قۇمدىعىنىڭ جيەگىندەگى تاۋلى قىستاقتاعى ۇيعۇر قىزى ايگۇلدىڭ ءبيشى بولۋ ارمانى توڭىرەگىندە ورىستەيدى، فيلىمدە شينجياڭ حالقىنىڭ تاماشا تۇرمىسقا تالپىنعانىن بەينەلەيتىن تارتىمدى وقيعالار باياندالىپ، اۆتونوميالى رايوننىڭ «حالىقتىڭ جاعدايىن ۇعىسۋ، حالىققا تيىمدىلىك جاساۋ، حالىق تىلەگىن توعىستىرۋ» قىزمەتى ورىستەتىلگەننەن بەرى، شينجياڭدا حالىق تۇرمىسى جاقسارعان، ۇلتتار ىنتىماقتى، ىستەرى العا باسقان شىت جاڭا جاعداي جارىققا شىققاندىعى كوركەمونەرلىك فورمامەن كورسەتىلىپ، شينجياڭداعى ءار ۇلت بۇقاراسىنىڭ قوعامنىڭ ورنىقتىلىعى مەن باياندى تىنىشتىعى سىندى باستى نىسانانى ىسكە اسىرۋ جولىندا قول ۇستاسا العا باسقان تاماشا رۋحاني بەينەلەرى مەن تاسقىنداعان ەرىك – جىگەرى كورسەتىلگەن.

　　كەلۋ قاينارى: حالىق تورابى