جۇڭگو ءۇرىمجى – ۋكراينا پولتاۆا ارالىعىنا قاتىنايتىن پويەز تۇڭعىش رەت جولعا شىقتى

2017.10.30 13:13   كەلۋ قاينارى : حالىق تورابى

　　حالىق تورابى، 30 – قازان، بەيجيڭ. ءتاڭىرتاۋ تورابىنىڭ حابارلاۋىنشا، ءىرى تۇرپاتتى ماشينالار مەن جابدىقتاردى تيەگەن جۇك پويەزى 29 – قازان كۇنى ساعات 11دەن 30 مينۋت وتكەندە جۇڭگو – ەۆروپا ارالىعىنا قاتىنايتىن پويەز ءۇرىمجى ورتالىعىنان ۋكرايناعا جولعا شىقتى، بۇل ءۇرىمجى ورتالىعىنان تۇڭعىش رەت جولعا شىققان جۇڭگو ءۇرىمجى – ۋكراينا پولتاۆا پويەزى بولىپ تابىلادى.

　　بۇل پويەز الاتاۋ ساعاسى وتكەلى ارقىلى شەكارادان شىعىپ، قازاقستان مەن رەسەيدى باسىپ ءوتىپ، 15 كۇندە ۋكراينانىڭ پولتاۆا قالاسىنا جەتەدى.

　　بۇل پويەزعا شينجياڭ بەيكىن ەنەرگەتيكالىق ينجەنەريا شەكتى سەرىكتەستىگىنىڭ ۋكراينانىڭ پولتاۆا قالاسىنا اپاراتىن مۇناي بۇرعىلاۋ جابدىقتارى تيەلگەن. بۇل جابدىقتار شينجياڭ بەيكىن ەنەرگەتيكالىق ينجەنەريا سەرىكتەستىگىنىڭ ۋكرايناداعى مۇناي بۇرعىلاۋ نىسانىنا پايدالانىلادى، اتالعان نىسان قارامايلى قالاسىنداعى كاسىپورىنداردىڭ مەملەكەتتىڭ «ءبىر بەلدەۋ، ءبىر جول» دارىپتەمەسىنە بەلسەندى اتسالىسۋىنىڭ ناتيجەسى ەسەپتەلەدى، سونىمەن بىرگە، جۇڭگو – ۋكراينا حالىقارالىق پويەزى دە وسى ورايدا ىسكە قوسىلدى، بۇل دا تاريحي ماڭىزعا يە ءىس بولىپ تابىلادى.

　　كەلۋ قاينارى: حالىق تورابى