جۇڭگو شينجياڭ مادەنيەت الماستىرۋ ۇيىرمەسى نيۋيوركتە ساپاردا بولدى

2017.10.30 13:27   كەلۋ قاينارى : حالىق تورابى

　　حالىق تورابى، 30 – قازان، بەيجيڭ. ا ق ش – تا ساپاردا جۇرگەن شينجياڭ مادەنيەت الماستىرۋ ۇيىرمەسى 28 – قازان نيۋيوركتە ساپاردا بولدى، جارىم كۇن ۋاقىتتىڭ ىشىندە كوپ رەت اڭگىمە ءماجىلىسىن وتكىزىپ، جەرگىلىكتى مۇقاجىرلار جانە پاراسات قويماسى ماماندارىمەن اڭگىمەدە بولدى.

　　مەملەكەتتىك كەڭەستىڭ اقپارات كەڭسەسى ادامدىق ۇقىق ىستەر مەكەمەسى باستىعىنىڭ ورىنباسارى زو فىڭ اڭگىمە ماجىلىسىندە شينجياڭنىڭ جاعراپيالىق ورنىن، تاريحىن، ساياحات رايونىن، مادەنيەتىن، سونىمەن قاتار، شينجياڭداعى بولىپ جاتقان وزگەرىستەردى تانىستىردى ءارى «ءبىر بەلدەۋ ءبىر جول» دارىپتەمەسىنىڭ شينجياڭنىڭ دامۋىنا كوركەم بولاشاق جاراتاتىنىن ەرەكشە اتاپ كورسەتتى.

　　جەرگىلىكتى مۇقاجىرلار شينجياڭنىڭ زور تابىسقا جەتكەنىن ماداقتادى ءارى ماقتانىش ەتتى، شينجياڭنىڭ ا ق ش - ىنداعى جانە حالىقاراداعى بەدەلىنىڭ ارتۋى ءۇشىن ءٴوز ۇلەستەرىن قوسۋعا رازى ەكەنىن ءبىلدىردى.

　　جۇڭگو – ا ق ش سەلبەستىگىن كۇشەيتۋ قوعامىنىڭ باستىعى جانە ءتوراعاسى حايموۆيز جۇڭگونىڭ از ۇلت رايونىنداعى حابارلاردى باتىس ەلدەرى مەديالارىنىڭ حابارلاۋىنىڭ جان - جاقتى ەمەس ەكەنىن، «سول سەبەپتى ا ق ش بۇقاراسىنىڭ شينجياڭدى تولىق تۇسىنبەيتىنىن، ولار تەك جاعدايدىڭ ءبىر بولىگىنەن عانا حاباردا ەكەنىن، تولىق حاباردار ەمەس ەكەنىن» ايتتى. ول جۇڭگو – ا ق ش سەلبەستىگىن كۇشەيتۋ قوعامى تەكشەسىنەن تولىق پايدالانىپ، ا ق ش پەن جۇڭگو جەرگىلىكتى رايوندارىنىڭ سەلبەستىگىن كۇشەيتەتىنىن ءبىلدىردى.

　　كەلۋ قاينارى: حالىق تورابى