شي جينپيڭ مەن حانىمى پىڭ لييۋان قوناعاسى بەرىپ، ا ق ش - تىڭ زۇڭتۇڭى ترامپ پەن حانىمى مەلانيانى قارسى الدى
لي كىچياڭ، جاڭ دىجياڭ، يۇي جىڭشىڭ، جاڭ گاۋلي، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ليۋ يۇنشان، ۋاڭ چيشان قاتارلىلار قوناعاسىعا قاتىناستى
2017.11.10 14:17 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - قاراشادا بەيجيڭنەن بەرگەن حابارى. مەملەكەت ءتوراعاسى شي جينپيڭ مەن حانىمى پىڭ لييۋان 9 - قاراشا كەشتە حالىق سارايىندا قوناعاسى بەرىپ، ا ق ش - تىڭ زۇڭتۇڭى ترامپ پەن حانىمى مەلانيانى قارسى الدى. لي كىچياڭ، جاڭ دىجياڭ، يۇي جىڭشىڭ، جاڭ گاۋلي، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ليۋ يۇنشان، ۋاڭ چيشان قاتارلىلار قوناعاسىعا قاتىناستى.
حالىق سارايىنىڭ جينالىس زالى الۋان تۇسكە بولەنىپ، سيلى قوناقتارعا تولدى، ەكى ەلدىڭ باسشىلارى قوناعاسىدا ىقىلاسقا تولى ءسوز سويلەدى.
شي جينپيڭ مىنالاردى اتاپ كورسەتتى: جۇڭگو مەن ا ق ش ەلدەرىنىڭ اراسىن تەڭىز - مۇحيت ءبولىپ جاتسا دا، الايدا جاعراپيالىق ارالىق ەكى ۇلى ەلدىڭ ءبىر - بىرىنە جاقىنداسۋىنا بوگەت بولا العان ەمەس. تاراپتاردىڭ دوستىق بارىس - كەلىسى مەن ءوزارا پايدا جەتكىزۋ ىنتىماقتاستىعىن قاراستىرۋ قۇلشىنىسى توقتاپ كورگەن ەمەس. 45 جىلدىڭ الدىندا نيكسون زۇڭتۇڭنىڭ جۇڭگوعا ساپارلاي كەلۋىنە وراي، جۇڭگو مەن ا ق ش - تىڭ بارىس - كەلىس جاساۋ قاقپاسى قايتا اشىلعاننان بەرى، جۇڭگو مەن ا ق ش - تىڭ نەشە ۇرپاق باسشىلارىنىڭ جانە ەكى ەل حالىقتارىنىڭ ورتاق قۇلشىنىسىندا، جۇڭگو مەن ا ق ش - تىڭ قاتىناسى تاريحي دامۋدى جۇزەگە اسىردى، ەكى ەل حالقىنا باقىت جاراتتى، دۇنيە ءجۇزىنىڭ جاعدايىن وزگەرتتى. بيىل جۇڭگو مەن ا ق ش قاتىناسى ءبىر - بىرىنەن ايرىلا المايتىن مۇددە ورتاق تۇلعاسىنا اينالدى. قازىر ەكى ەل دۇنيە ءجۇزىنىڭ بەيبىتشىلىگىن قورعاۋ، ورتاق دامۋدى جەبەۋ جاقتارىندا اناعۇرلىم كوپ، اناعۇرلىم كەڭ ورتاق مۇددەگە يە، اناعۇرلىم زور، اناعۇرلىم اۋىر ورتاق جاۋاپكەرلىك ارقالاۋدا، جۇڭگو - ا ق ش قاتىناسىنىڭ ستراتەگيالىق ماڭىزى مەن الەمدىك ىقپالى بارعان سايىن كۇشەيۋدە.
شي جينپيڭ مىنالاردى باسا دارىپتەدى: ترامپ زۇڭتۇڭنىڭ وسى رەتكى جۇڭگوعا ساپارى ماڭىزدى تاريحي ءمان الادى. 2 كۇننەن بەرى، ترامپ زۇڭتۇڭ ەكەۋىمىز جۇڭگو - ا ق ش قاتىناسىنىڭ الداعى ءبىر مەزگىلدەگى دامۋ ۇلى جوباسىن جاسادىق. ءبىز ءبىر اۋىزدان بىلاي دەپ قارادىق: جۇڭگو مەن ا ق ش قارسىلاستارعا ەمەس، قايتا سەرىكتەستەرگە اينالۋى ءتيىس، ەكى ەل سەلبەسسە، ەكى ەلگە جانە دۇنيە جۇزىنە پايدالى ءىرى ىستەردى تىندىرا الادى. جۇڭگونىڭ ەرتەدەگى ادامدارى: «ارمانعا ۇمتىلعان ماقساتىنا جەتپەي قويمايدى، ءارقانداي قيىنشىلىق، بوگەت اتاۋلى ونى توسا المايدى» دەگەن ەكەن. مەن جۇڭگو - ا ق ش قاتىناسىنىڭ ءدوپ كەلىپ وتىرعان سىن - سايىستارى شەكتى، دامۋ كومەسكى كۇشى شەكسىز ەكەندىگىنە كامىل سەنەمىن. تەك قاجىرلى، تاباندى رۋح بولعاندا عانا، ءبىز، ءسوز جوق، جۇڭگو - ا ق ش قاتىناسىنىڭ تاريحي تاراۋىن جازا الامىز، جۇڭگو مەن ا ق ش ەلدەرى، ءسوز جوق، ادامزاتتىڭ جارقىن بولاشاعى ءۇشىن تىڭ ۇلەس قوسا الادى.
ترامپ بىلاي دەدى: ءتوراعا شي جينپيڭنىڭ جۇڭگو سىندى ۇلى ەلگە ساپارلاي كەلگەنىمدە ىستىق ىقىلاسپەن كۇتىپ العاندىعىنا العىس ايتامىن. ا ق ش حالقى جۇڭگونىڭ ۇزاقتان باستاۋ العان وركەنيەتتى جالعاستىرعاندىعىنا ەرەكشە سۇيىنەدى. وسى تاريحي ساتتە، مەن جۇڭگو - ا ق ش ىنتىماقتاستىعىنىڭ جۇڭگو مەن ا ق ش ەلدەرى حالقىن باقىتقا كەنەلتەتىندىگىنە ءارى دۇنيە جۇزىنە بەيبىتشىلىك، حاۋىپسىزدىك پەن گۇلدەنىپ - كوركەيۋ الا كەلەتىندىگىنە كامىل سەنەمىن.
قوناعاسى باستالاردىڭ الدىندا، جينالىس زالىنىڭ ىشىندە ءتوراعا شي جينپيڭنىڭ ترامپ زۇڭتۇڭمەن ما - ا - لاگوداعى كەزدەسۋىندەگى، گانبۋرگتەگى كەزدەسۋىندەگى جانە ترامپ زۇڭتۇڭنىڭ وسى رەتكى جۇڭگوعا ساپارىنداعى تاماشا ساتتەر ەكراننان كورسەتىلدى. ترامپ زۇڭتۇڭ سول كەزدە جيەن نەمەرە قىزىنىڭ جۇڭگونىڭ ءانىن حانزۋشا ورىنداعان، «3 ءتاپسىر» مەن جۇڭگونىڭ بايىرعى جىرىن وقىعان كەسكىنىن قويۋ ۇسىنىسىن بەردى. قوناعاسى زالىندا قىزۋ شاپالاق ءۇنى كوتەرىلدى.
قوناعاسىعا تاعى ديڭ شۋەشياڭ، ۋاڭ چىن، ليۋ حى، ليۋ ياندۇڭ، ياڭ جيەچى، گو شىڭكۇن، ساي چي، حان چيدى، دۇڭ جيانحۋا، ۋان گاڭ، جوۋ شياۋچۋان جانە ا ق ش - تىڭ مەملەكەتتىك ىستەر حاتشىسى تيللەرسون قاتارلى بيلىك كەڭسەسىنىڭ كوپتەگەن مۇشەلەرى، اق سارايدىڭ جوعارى دارەجەلى ءمانساپتىلارى قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
