شينجياڭ ءىسورىن مەكەمەلەرى بۇدان كەيىن «ەمتيحانسىز» قىزمەتكەر قابىلداۋىنا بولادى
2017.12.22 14:56 كەلۋ قاينارى : حالىق تورابى
حالىق تورابى، 22 – جەلتوقسان، بەيجيڭ. شينجياڭ ۇيعۇر اۆتونوميالى رايونى جاقىندا جاڭا بەلگىلەمە شىعارىپ، بۇدان كەيىن، شينجياڭداعى ءىسورىن مەكەمەلەردىڭ قىزمەتكەر قابىلداۋ ۇقىعىن ىشكەرىلەي كەڭەيتىپ، شارت – جاعدايى تۋرا كەلگەن قىزمەتكەردى «ەمتيحانسىز» قابىلداۋىنا بولاتىنىن، جوعارى دارەجەلى، جوعارى تەحنيكالى دارىندىلاردى قىزمەتكە قابىلداۋ ارناسىن كەڭەيتەتىنىن جاريالاعان.
ءتىلشىنىڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، شينجياڭنىڭ جاڭادان شىعارعان «شينجياڭ ۇيعۇر اۆتونوميالى رايونىنىڭ ءىسورىن مەكەمەلەرى قوعامنان اشىق قىزمەتكەر قابىلداۋ ساياساتى ماسەلەسىنە قاتىستى ۇقتىرۋىنا» ساي، بۇدان كەيىن، شينجياڭداعى رايون، ايماق، اۋدان، اۋىل 4 دارەجەلى ءىسورىن مەكەمەلەرى قىزمەتكەر قابىلداعان كەزدە، ناقتى جاعدايعا قاراي، قىزمەتكەر قابىلداۋ ءتارتىبىن قاراپايىمداستىرىپ، ەمتيحانسىز، بەت – بەت سويلەسۋ، باقىلاۋ ءادىسى بويىنشا شارت – جاعدايى تولاتىن قىزمەتكەردى قىزمەتكە قابىلداۋىنا بولاتىن بولىپ، ءىسورىن مەكەمەلەردىڭ ادام ىستەتۋ ۇقىعىن كەڭەيتىپ، قىزمەت ورنىنا ساي كەلەتىن جوعارى دارەجەلى دارىندىلاردى قىزمەتكە قابىلداۋىن بەكىتكەن.
ۇقتىرۋداعى بەلگىلەمە بويىنشا، «ەمتيحانسىز» قىزمەتكە قابىلداناتىندار مىناداي تالاپتارعا ساي بولۋى كەرەك: اۆتونوميالى رايون دارەجەلى جانە ءۇرىمجى قالاسىنداعى ءىسورىن مەكەمەلەر قىزمەتكەر قابىلداۋدا، ءسوزسىز ماگيستر اسپيرانت جانە ودان جوعارى ماعلۇماتقا يە بولۋى كەرەك، اۋىل – قالاشىق (ءمالى) ءىسورىن مەكەمەلەر قىزمەتكەر قابىلداۋدا، ءسوزسىز مەملەكەتتىك ادەتتەگى جوعارى مەكتەپ تولىق كۋرس جانە ودان جوعارى ماعلۇماتقا يە بولۋى كەرەك؛ قىزمەت ورنىنا قاراي، شۇعىل قاجەت بولىپ وتىرعان تاپشى ماماندىقتار، كەدەيلىكتەن ارىلتۋدان قامال الۋ قاتارلى قىزمەت ورنىنا «ەمتيحانسىز» قىزمەتكەر قابىلداۋدا، اۆتونوميالى رايون دارەجەلى جانە ءۇرىمجى قالاسىنداعى ءىسورىن مەكەمەلەر «ەمتيحانسىز» قابىلداعان قىزمەتكەر ءسوزسىز مەملەكەتتىك ءتۇيىندى جوعارى دارەجەلى مەكتەپتەردىڭ تولىق كۋرسى جانە ودان جوعارى دارەجەلى وقۋ ماعلۇماتىنا يە بولۋى كەرەك. بۇدان سىرت، ايماق (وبلىس، قالا)، اۋدان (قالا، رايون) «ەمتيحانسىز» قابىلداعان قىزمەتكەر ءسوزسىز مەملەكەتتىك ادەتتەگى جوعارى مەكتەپ تولىق كۋرس جانە ودان جوعارى ماعلۇماتىنا يە بولۋى كەرەك؛ دالاداعى جاپالى قىزمەت ورنىنا قىزمەتكەر قابىلداۋدا، ماسەلەن، كومىر، گەولوگيا، ولشەپ – سىزۋ، ارحەولوگيا قاتارلى قىزمەت ورنىنا قابىلداناتىندار ءسوزسىز مەملەكەتتىك ادەتتەگى جوعارى مەكتەپ تولىق كۋرس جانە ودان جوعارى ماعلۇماتىنا يە دارىندىلار بولۋى كەرەك.
ۇقتىرۋدا تاعى مىنالار تالاپ ەتىلدى، ءارقايسى دارەجەلى ءىسورىن مەكەمەلەر قىزمەتكەر قابىلداۋ بارىسىندا، ءسوزسىز ينفورماتسياسى جاريا، قىزمەتكەر قابىلداۋ بارىسى انىق جانە ناتيجەسى اشىق جاريالانۋىن، اشىق قىزمەتكە قابىلداۋدا قىزمەت ءتارتىبى مەن تالاپتارىنا ساي قاتاڭ ۇيىمداستىرىپ اتقارۋىن، ارتقى ەسىكپەن قىزمەتكە قابىلداۋ قاتارلى جاعدايدان ساقتانۋىن تالاپ ەتتى. سونىمەن قاتار، ءىسورىن مەكەمەلەرى قىزمەتكە قابىلداۋ بارىسىندا، قىزمەت ورنى ەرەكشەلىگىنە قاراي، كاسىپتىك سىناق، ساباق سويلەۋ ادىستەرىن قولدانىپ، قىزمەتكە قابىلداۋ وبيەكتىسىن جان – جاقتى باقىلاۋىنا بولادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
