2017 – جىلعى شينجياڭداعى ون ۇلكەن اۋا رايى وزگەرىسى جاريالاندى
2018.01.05 13:52 كەلۋ قاينارى : حالىق تورابى
حالىق تورابى، 5 – قاڭتار، بەيجيڭ. جوعارى تەمپەراتۋرا، نوسەر، قۇمدى بوران... جاڭا عانا وتكەن 2017 – جىلدا ادامدارعا ەرەكشە ىقپال ەتكەن اۋا رايى از ەمەس ەكەن. 2017 – جىلدىڭ سوڭىندا شينجياڭ ۇيعۇر اۆتونوميالى رايوندىق اۋا رايى مەكەمەسى ۋنيۆەرسال باعالاۋ ارقىلى، ەڭ الدىڭعى 10 اۋا رايى جاعدايىن تاڭداپ شىقتى.
تۇرپان ەلىمىزدەگى ەڭ جوعارى اۋا تەمپەراتۋراسى رەكوردىن تاعى جاڭالادى
2017 – جىلى 10 – شىلدە، تۇرپان قالاسى تۇيۇيگۋ قىساڭى كورىنىس رايونىنىڭ ەڭ جوعارى اۋا تەمپەراتۋراسى 50.5 سەلتسي گرادۋسقا جەتىپ، بۇرىنعى تۇرپان قالاسىنداعى جارىققا شىققان ەلىمىزدەگى ەڭ جوعارى اۋا تەمپەرتۋراسى (49.6 سەلتسي گرادۋس) رەكوردىن جاڭالادى.
سولتۇستىك شينجياڭداعى قاسات قاردىڭ جۇقالىعى ەڭ جوعارى شەككە جەتتى
2017-جىلى 1-جەلتوقساننان 25-جەلتوقسانعا دەيىن، تۇتاس شينجياڭداعى 76 پايىز اۋداننىڭ (قالانىڭ) قاسات قارىنىڭ قالىڭدىعى وتكەن جىلعى ۇقساس مەزگىلدەگىدەن جۇقا بولىپ، سولتۇستىك شينجياڭداعى كۇنەس، كوكتوعاي قاتارلى 7 اۋداننىڭ (قالانىڭ) قاسات قارىنىڭ جۇقالىعى تاريحتاعى ۇقساس مەزگىلدەردىڭ ەڭ الدىنا شىقتى.
وڭتۇستىك شينجياڭنىڭ باتىس بولەگىندە جاۋىن-شاشىن مول بولدى
2017 -جىلى وڭتۇستىك شينجياڭنىڭ باتىس بولەگىنىڭ ورتاشا جاۋىن - شاشىن مولشەرى 288.5 ميلليمەتر بولىپ، وتكەن جىلداعىدان 9 ەسە كوبەيگەن، مۇنىڭ ىشىندە اقشيدىڭ جىلدىق جاۋىن - شاشىن مولشەرى 443.9 ميلليمەترگە جەتىپ، 9 ەسە مول بولىپ، مولايۋ مولشەرى تاريحتاعى ءبىرىنشى ورىندى يەلەگەن.
تامىز ايىنداعى اۋا تەمپەراتۋراسىنىڭ سالىستىرمالى تومەن بولۋى اۋىل شارۋاشىلىق وندىرىسىنە ىقپال ەتتى
2017 – جىلى شينجياڭدا 10 جىلدان بەرگى تۇڭعىش رەتكى تامىز ايىندا اۋا تەمپەراتۋراسىنىڭ سالىستىرمالى تومەن بولۋ جاعدايى تۋىلىپ، 61 پايىز اۋداننىڭ (قالانىڭ) اۋا تەمپەراتۋراسى سالىستىرمالى تومەن بولدى، مۇندا تامىز ايىنىڭ سوڭىندا وڭتۇستىك شينجياڭدا اۋا تەمپەراتۋراسى 2.3 سەلتسي گرادۋس تومەن بولىپ، ماقتا جانە جەمىس اعاشتارىنا ەرەكشە ىقپال جاسادى.
2016 – جىل مەن 2017 – جىلدىڭ ارالىعىنداعى قىس تاريحتاعى ەكىنشى جىلى قىس بولدى
2016 – جىل مەن 2017 – جىلدىڭ ارالىعىنداعى قىستا شينجياڭنىڭ ورتاشا اۋا تەمپەراتۋراسى بۇرىنعى جىلدارعا قاراعاندا، 1.9 سەلتسي گرادۋس مولشەرىندە جوعارى بولدى، 1989 – جىلعى ەڭ جىلى بولعان قىستان (2.1 سەلتسي گرادۋس جوعارى بولعان) كەيىنگى ەكىنشى ورىندى يەلەدى.
جازعاسالىم كەڭ كولەمدە نوسەر جاۋدى
2017 – جىلى 6 – ماۋسىمنان 9 – ماۋسىمعا دەيىن شينجياڭنىڭ كوپتەگەن جەرلەرىندە جاۋىن – شاشىن بولدى، مۇندا 34 سۋ پۋنكتىنىڭ جينالعان جاۋىن – شاشىن مولشەرى 48 ميلليمەتردەن استى. قۇتىبي قوس ايىرىعىنىڭ 24 ساعاتتاعى جاۋىن – شاشىن مولشەرى 133.8 ميلليمەترگە جەتىپ، شينجياڭنىڭ جاۋىن – شاشىن مولشەرىن باقىلاۋداعى ەڭ جوعارى ساندى مالىمەتتى كورسەتتى.
كۇشار اۋدانى، شايار اۋدانى، شينحى اۋدانى قاتارلى جەرلەردە ەرەكشە ۇلكەن بۇرشاق جاۋدى
2017 – جىلى 12 – تامىزدا اقسۋ ايماعىنىڭ شايار اۋدانى، شينحى اۋدانى، كۇشار اۋدانىندا جانە بايىنعولىن وبلىسىنىڭ بۇگۇر اۋدانىندا ىركەس – تىركەس بۇرشاق جاۋدى. مۇندا شايار اۋدانىندا جاۋعان ەڭ ۇلكەن بۇرشاقتىڭ ديامەترى 2.5 – 3 سانتيمەترگە جەتىپ، 157 مىڭ مۋ اۋىل شارۋاشىلىق ونىمدەرى زيانعا ۇشىرادى.
وڭتۇستىك شينجياڭنىڭ شىعىس بولەگىندە ەرەكشە كۇشتى قۇمدى بوران سوقتى
2017 – جىلى 28 – ساۋىردەن 3 – مامىرعا دەيىن، وڭتۇستىك شينجياڭنىڭ كوپ جەرىندە قۇمدى بوران سوقتى، ۇلىقشات اۋدانىندا لەزدىك كۇشتىلىگى 12 بال بوران سوقتى، چارقىلىق اۋدانى، چەرشەن اۋدانىندا كورۋ ارالىعى 100 مەترگە جەتپەيتىن ەرەكشە كۇشتى قۇمدى بوران سوقتى.
ءۇرىمجى قالاسىندا بۇرشاق ارالاس ناجاعايلى نوسەر جاۋعان اۋا رايى ءبىرشاما ەرتەرەك بولدى
2017 – جىلى 14 – ءساۋىر 18 ساعات 20 مينۋت مولشەرىندە، ءۇرىمجى قالاسىندا بۇرشاق ارالاس ناجاعايلى نوسەر جاۋدى. ناجاعايلى بۇرشاق اۋا رايى ءبىرشاما ەرتە بولدى، مۇندا ناجاعايلى نوسەردىڭ ەرتە بولۋى تاريحتا ەكىنشى ورىنعا، بۇرشاقتىڭ ەرتە جاۋۋى تاريحتا ءۇشىنشى ورىنعا شىقتى.
ۇلىقشات اۋدانىندا ناۋرىز ايىندا ارت – ارتىنان قالىڭ قار جاۋدى
2017 – جىلى 4 – ناۋرىزدان 6 – ناۋرىزعا دەيىن، 12- ناۋرىزدان 14 – ناۋرىزعا دەيىن ۇلىقشات اۋدانىندا ارت – ارتىنان قالىڭ قار جاۋىپ، قاردىڭ قالىڭدىعى 42 سانتيمەترگە جەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
