جۇڭگو – قازاقستان قورعاس بىرلەسپە قارجى قوسۋدى تانىستىرۋ جينالىسى سالتاناتپەن وتكىزىلدى

2018.01.30 16:47   كەلۋ قاينارى : حالىق تورابى

　　حالىق تورابى، 30 – قاڭتار، بەيجيڭ. 29 – قاڭتار، جۇڭگو – قازاقستان قورعاس حالىقارالىق شەكارا سەلبەستىك ورتالىعىنداعى جۇڭگو مادەنيەت سارايىندا، جۇڭگو – قازاقستان قورعاس بىرلەسپە قارجى قوسۋدى تانىستىرۋ جينالىسى جانە نىساندارعا قول قويۋ سالتى سالتاناتپەن وتكىزىلدى. جۇڭگو مەن قازاقستاننان، شينجياڭنىڭ ءىشى – سىرتىنان جۇزگە تاراتا كاسىپورىن ۋاكىلدەرى ءبىر اراعا باس قوسىپ، دوستىقتى تىلگە تيەك ەتىپ، ورتاق دامۋدى اقىلداستى. قيمىلدا جيىنى 35 نىسانعا قول قويىلدى، جيىنى 20 ميلليارد 100 ميلليون يۋان قارجى قوسىلاتىن بولدى.

　　كەزەكتى مەردىگەر شاقىرۋدى تانىستىرۋ جينالىسىن قورعاس ەكونوميكالىق اشۋ رايونىنىڭ باسقارۋ كوميتەتى مەن قازاقستان قورعاس حالىقارالىق شەكارا ورتالىعى مەملەكەتتىك جارنا سەرىكتەستىگى بىرلىكتە ۇيىمداستىرعان، مۇندا جياڭسۋ، انحۇي، شانشي قاتارلى ىشكى ولكەلەردەگى كاسىپورىنداردى دا قاتىناسۋعا ۇسىنىس ەتكەن، قازاقستان مەملەكەتتىك تەمىر جول باس مەكەمەسى سەرىكتەستىگى، قازاقستاننىڭ قاتىستى بانكە ورىندارى مەن كاسىپورىندارى دا قاتىناستى.

　　ۇعىسۋعا قاراعاندا، كەزەكتى توقتامعا قول قويۋ سەگىز گرۋپپاعا ءبولىنىپ جۇرگىزىلىپ، دارىندىلار، فينانس، ساياحات، ساۋدا، زات اينالىمى، ەمدەۋ – كۇتىمدەۋ، مانەرلەپ جاساۋ قاتارلى سالالاردى قامتىعان 35 نىسان توقتامىنا قول قويىلعان. جالپى توقتام سوماسى 20 ميلليارد 100 ميلليون يۋان بولىپ، مۇندا جۇڭگو قورعاس باقشا رايونى 30 نىسانعا قول قويعان، جالپى توقتام سوماسى 16 ميلليارد يۋان؛ ىلە باقشا رايونى 2 نىسانعا قول قويعان، چيڭ شۇيحى باقشا رايونى 2 نىسانعا قول قويعان، بيڭتۋان باقشا رايونى 2 نىسانعا قول قويعان.

　　كەلۋ قاينارى: حالىق تورابى